142. ALDIZKARIA - 2008ko azaroaren 21a

II. NAFARROAKO TOKI ADMINISTRAZIOA

2.2. AGINTARIAK ETA LANGILEAK

2.2.2. Plantilla Organikoa, Lan Publikoaren Eskaintza, oposizioak eta lehiaketak

BERRIOZAR

Deialdia, lorategietarako zerbitzu anitzetako enplegatu izateko bi lanpostu, oposizio-lehiaketa bidez eta barne igoera murriztuan betetzeko, Berriozarko (Nafarroa) Udaleko D mailako langileen artean

09/2008 ebazpena, urriaren 6koa, Berriozarko alkateak emana, deialdia onesten duena lorategietarako zerbitzu anitzetako enplegatu izateko bi lanpostu, oposizio-lehiaketa bidez eta barne igoera murriztuan betetzeko, Berriozarko (Nafarroa) Udaleko D mailako langileen artean.

OINARRIAK

1. oinarria.-Arau orokorrak.

1.1. Deialdi honen xedea da zerbitzu anitzetako enplegatu izateko bi lanpostu, C mailakoak, betetzea, horretarako erabiliz oposizio-lehiaketa, Nafarroako Administrazio Publikoen Zerbitzuko Langileen Estatutuaren 15.6 artikuluan aurreikusia dagoen bezala. Lanpostuak Berriozarko Udaleko Obra, Lorategi eta Garbiketa Zerbitzuari atxikirik daude eta zenbaki hauek dituzte plantilla organikoan: 059 eta 076.

1.2. Parte hartzen ahalko dute deialdi honetan Berriozarko Udaleko plantilla organikoko langile guztiek, D mailakoak badira.

1.3. Hautapen probak gainditu ondoan, Lorezaintza Zerbitzuari atxikitako zerbitzu anitzetako enplegatu izateko lanposturako izendatzen den izangaia C maila edo taldean sailkatuko da, nahiz eta posible izanen den Udaleko bertze zerbitzu batean berriz ere kokatzea, horretarako premia bada.

Lanpostuan aritzean atxikia dauden zerbitzuaz bertze baterako lanak egiten badituzte, zerbitzu horretako nagusi edo arduradunaren agindupean ariko dira.

Puntu gehien eskuratzen dituen izangaiak Udaleko Lorategietako buruari dagozkion eginkizunetan ariko da, karguaren titularra kanpoan dagoenean, eta Obren, Lorategien eta Garbiketaren Alorreko arduradunaren mendean.

1.4. Lanpostuak C mailako lansariak izanen ditu, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta hura garatu eta aldatzen duten xedapenetan eta Berriozarko Udaleko plantilla organikoan xedatuaren arabera, 2008an onetsi baitzen (Osagarriak: Maila: 15. C. Lanpostua: 16,09 eta euskararen ezagutza maila: M2).

Hemendik aitzina, deialdi honetako lanpostuak eskuratzen dituztenek ezin izanen dute kobratzen segitu lanpostuko osagarria, "mailen parekatzea" eta "arrisku berezia" kontzeptuengatik.

1.5. Maila igotzeko proba hauetan parte hartzeak ez du deusetan aldatuko langileak igoeraldi honen aitzin zuen lanpostuaren adskripzioa, ezta araubide juridikoa ere. Gizarte Segurantzaren eta osasun laguntzaren araubide berari ere kontuko dio.

1.6. Lanaldia zerbitzuaren beharretara egokituko da, eta administrazio organo eskudunek noiznahi aldatzen ahalko dute.

1.7. Hautapen probak 9. oinarrian azaltzen dira.

2. oinarria.-Eginkizunak.

2.1. Lanpostua eskuratzen duenak egin beharreko egitekoak, bere mailari eta kategoriari dagozkienak izanen dira. Haien artean sartzen dira karrikei eta udal eraikin eta ondasunei dagozkien garbiketa eta mantentze lanak eta zerbitzu anitzetan aritzea, eta manatzen zaizkion guztiak, betiere bere maila administratiboari badagozkio. Haiei loturiko eginkizun berariazkoak:

-Arbolak, landareak eta soropila mantentzeko lanak egitea, arbolak eta zuhaixkak kimatzea, arbolak, heskaiak eta denboraldiko landareak landatzea eta lorategiak zaintzea.

-Sastrakaz garbitzea, lurra prestatzea, jorratzea, berrereitea eta behar diren gainerako lanak.

-Ongarria ematea eta tratamendu fitosanitarioak egitea.

-Ureztatzeko instalazioak mantentzea eta muntatzea.

-Makineria eta tresnak ikuskatzea.

-Berriozarko Udaleko makineria eta erremintak erabiltzea eta mantentze lanak.

-Laneko segurtasun eta higienearen arloan indarra duten legezko arauak betetzea.

-Bere lan taldearekin bateraegin beharreko lanak: garbiketa eta hainbat motatako obrak, bestetako lanetan laguntzea. Horma dagoenean, karrikan eta ikastetxeetan gatza botatzea. Udalaren gainerako zerbitzuekin elkarlanean aritzea, eta Obren, Lorategien eta Garbiketaren Alorraren barnean eta zerbitzuaren premien arabera noizbehinka egin behar diren lanak egitea.

-Bere mende jarritako langileak zuzendu eta antolatzea.

3. oinarria.-Izangaiek bete beharreko baldintzak.

3.1. Oposizio honetan onartua izateko, eskabideak aurkezteko epea bukatzen den egunean, honako baldintza hauek bete beharko ditu izangaiak:

a) Berriozarko Udalaren zerbitzuko D mailako funtzionarioa edo lan-kontratudun finkoa izatea.

b) Berriozarko Udalean barne igoeran jartzen den lanposturako izendapena jabetzan izatea.

c) Borondatezko edo nahitaezko eszedentzian ez egotea, barne igoera honetara aurkeztu baino lehenagoko lanpostuan.

d) Nafarroako Administrazio Publikoetan bortz urteko antzinatasun onartua duela frogatzea.

e) Eskaerak aurkezteko epea bukatzen den egunean Batxilergoko titulua, Bigarren Graduko Lanbide Heziketakoa edo baliokidea izatea edo hura eskuratzeko maneran egotea.

f) Eskabideak aurkezteko epea bukatzen den egunean, gutxienez ere, B mailako gidabaimenaren jabe izatea.

d) eta e) letretako baldintzak betetzen ez badira horren ordain izan daiteke zortzi urtzeko antzinatasuna frogatzea Nafarroako administrazio publikoetan zerbitzu egiten.

Eskabideak aurkezteko epea bukatzen den egunerako bete beharko dira aipatutako baldintzak, eta hautaketa bide osoan beharko dira bete, izendatzeko unera arte.

4. oinarria.-Eskabideak.

4.1. Deialdian parte hartzeko eskabideak Berriozarko Herriko Etxeko Erregistroan aurkeztu beharko dira, deialdi hau Nafarroako ALDIZKARI OFIZIALean argitaratu eta biharamunetik hasita hogeita hamar egun naturaleko epean eta azken eguneko 14:00ak arte, balioduna bada, edo bertzenaz hurrengo egun baliodunean. Herri Administrazioen Araubide Juridikoari eta Administrazio Prozedura Erkideari buruzko Legean adierazitako gainerako bideak ere erabil daitezke eskabideak aurkezteko.

Eskabideak deialdi honetako I. eranskinean argitaratutako ereduari jarraikiz aurkeztuko dira eta haietan izangaiek adierazi beharko dute eskatutako baldintza guztiak betetzen dituztela eskabideak aurkezteko epea bururatzen den egunerako.

Eskabideak Berriozarko Udaleko bulego orokorrean eskuratuko dira, edo Interneten bidez ere, helbide hauetan: www.berriozar.es edo www.cfnavarra.es.

4.2. Deialdiaren 3.1. oinarrian eskatzen diren baldintzak betetzen direla erakusten duen dokumentazioa erantsiko zaio eskabideari.

4.3. Behar bezala betetako eskabideari, jarraian adierazten diren agiri hauek erantsiko zaizkio.

4.3.1. Nortasun Agiri Nazionalaren fotokopia egiaztatua.

4.4. Eskabideak aurkezteko epea luzaezina da.

4.5. Eskabidean atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

5. oinarria.-Izangaien onarpena eta erreklamazioak.

5.1. Eskabideak aurkezteko epea bukatutakoan, alkate udalburuak izangai onartu eta baztertuen behin-behineko zerrenda onesteko ebazpena emanen du. Zerrenda hori Berriozarko Udalaren iragarki oholean eta Nafarroako ALDIZKARI OFIZIALean emanen da argitara.

5.2. Izangai baztertuek hamar egun balioduneko epea izanen dute, Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, haiek zuzentzeko.

Izangai bazterturik ez bada, izangaien zerrenda behin betikoa bilakatuko da eta Nafarroako ALDIZKARI OFIZIALean argitaratuko.

5.3. Erreklamazioetarako epea bukatutakoan eta erreklamazioei erantzun ondotik, alkateak ebazpena emanen du onartu eta baztertuen behin betiko zerrenda onesteko, eta Nafarroako ALDIZKARI OFIZIALean argitaratzeko aginduko du. Ebazpen horretan berean zehaztuko da probak non, noiz eta zer ordutan hasiko diren.

6. oinarria.-Epaimahaia.

6.1. Epaimahaiak kide hauek izanen ditu:

Mahaiburua: Don Xabier Lasa Gorraiz. Berriozarko Udaleko alkatea edo berak izendatzen duena.

Ordezkoa: Txomin Garmendia Garmendia. Berriozarko Udaleko Langileriako zinegotzi delegatua.

Mahaikidea: Julio Martínez Fernández, Iruñeko Udaleko Lorategien ikuskatzailea.

Ordezkoa: Andoni Guillén Aoiz, Iruñeko Udaleko Lorategien ikuskatzailea.

Mahaikidea: Mikel Baztán Carrera, Noaingo Udaleko Lorezaintza arduraduna

Ordezkoa: Ricardo Pascual Ustarroz, udal arkitektoa.

Mahaikidea: langileen ordezkari sindikala. Izendatzekoa.

Ordezkoa: langileen ordezkari sindikala. Izendatzekoa.

Mahaikide idazkaria: Berriozarko Udalekoa edo berak izendatzen duena.

Ordezko mahaikide idazkaria: titularrak izendatzen duena.

6.2. Mahaiburuak deituta, probak hasi baino lehenago eratuko da epaimahaia.

6.3. Epaimahaia ezin izanen da eratu, ezta aritu ere, kideen gehiengo osoa bertan izan gabe.

6.4. Epaimahaiak gehiengoz ebatziko ditu dei honetako oinarrien interpretazio eta aplikazioaren inguruko arazo guztiak.

Halaber, oposizio-lehiaketaren azterketa saio guztiak edo horietako bat zuzen egin daitezen, beharrezkotzat jotzen diren barneko funtzionamendu arauak ebazteko ahalmena izanen du, betiere deialdian azaltzen diren oinarriei egokituz.

6.5. Epaimahaiko kideek ez dute parte hartuko, eta organo dei egileari jakinaraziko diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Halaber, izangaiek mahaikideak errefusa ditzakete, arrazoi horietako bat gertatzen denean.

6.6. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko, eta haietan bakarrik emanen diote laguntza epaimahaikoei.

7. oinarria.-Oposizio-lehiaketaren nondik norakoak.

7.1. Oposizio-lehiaketa bi fasetan eginen da, lehiaketaldia lehenbizi eta oposizioaldia gero, oinarri hauetan zehazten den gisara.

7.2. Onartu eta baztertuen behin betiko zerrenda onesten duen ebazpenean berean xedatuko da non, zer egunetan eta zer ordutan hasiko den oposizioaldia. Gero, epaimahaiak jendaurrean paratuko ditu, egoki denean paratu ere, gainerako proben iragarkiak, betiere erregelamenduaren arabera.

8. oinarria.-Lehiaketaldia.

8.1. Lehiaketaldiak gehienez ere 30 puntuko balorazioa izanen du, modu honetan banaturik:

a) Lan esperientzia: Gehienez: 15 puntu.

-Toki erakundeen aministrazio publikoan eta D mailan, zerbitzu anitzetako eginkizunetan, egiazko zerbitzuan egindako urte bakoitzeko: puntu 1

-Toki erakundeen aministrazio publikoan eta D mailan, zerbitzu anitzetako eginkizunetan, egiazko zerbitzuan egindako hilabete edo horren zatiki bakoitzeko: 0,083 puntu.

b) Egindako prestakuntza ikastaroak, behar bezala frogatuak, ikusteko badute zerbitzu anitzetako enplegatuaren lanarekin, lorezaintza espezialitatean, eta orobat laneko segurtasun eta higieneari buruzko eta lan arriskuei aitzintzeko ikastaroak, Berriozarko Udalarekin kontratua sinatu ondoan eginak, irizpide honi jarraikiz baloratuko dira: gehienez: 10 puntu.

-100 ordutik goitiko ikastaroak: 8 puntu ikasturte bakoitzeko.

-20 ordutik goitiko ikastaroak: 1,6 puntu ikasturte bakoitzeko.

-10 ordutik goitiko ikastaroak: 0,8 puntu ikasturte bakoitzeko.

c) Euskara: euskaraz jakiteagatik, gehienez ere 5 puntu. Hizkuntza eskola ofizial batek luzaturiko gaitasun agiriarekin edo ofizialki haren baliokidetzat jotzen den titulazioarekin frogatzen ahalko da, edo, bestela, epaimahaiak zehaztuko duen proba gaindituz. Euskararen proba egin nahi duten izangaiek hala adierazi beharko dute eskabide orokorrean. Proba hori oposizioaldirako ezarritako proben aitzin eginen da. Euskaraz jakitea honela balaoratuko da:

PUNTUAK AHOZKO MAILA IDATZIZKO MAILA

5 Hizkuntza Eskola Ofizialeko 5.a Hizkuntza Eskola Ofizialeko 4.a

4 Hizkuntza Eskola Ofizialeko 4.a Hizkuntza Eskola Ofizialeko 3.a

3 Hizkuntza Eskola Ofizialeko 3.a

2 Hizkuntza Eskola Ofizialeko 2.a

1 Hizkuntza Eskola Ofizialeko 1.a

8.2. Lehiaketaldia burututakoan, epaimahaiak argitara emanen ditu Berriozarko Udalaren iragarki oholean izangaiek fase horretan lortutako puntuazioak.

9. oinarria.-Oposizioaldia.

9.1. Oposizioaldiak 70 puntu izanen ditu. Onartu eta baztertuen behin betiko zerrenda onesten duen ebazpenean, probak hasteko tokia, data eta ordua zehaztuko dira. Ondoren, epaimahaiak argitara emanen ditu hurrengo probak egiteko iragarkiak, araudiaren arabera.

9.2. Oposizioak ariketa hauek izanen ditu:

a) Lehen ariketa: idatzizko proba honetan galdetegi bat erantzun beharko da, aukera anitzekoa, erantzunen artean zuzen bakar bat izanen duena, zerbitzu anitzetako lanarekin eta bereziki lorezaintzarekin ikusteko duena. Erantzun okerrak ez dira zehatuko. Proba hau egiteko 60 minutu izanen dira, gehienez ere.

b) Bigarren ariketa: bi proba praktiko egin beharko dira, lorezaintzakoa eta ureztaketakoa, epaimahaiak zehaztuta, deialdiko lanpostuaren gaineko eginkizunez izangaiek dituzten ezagutza praktikoak neurtzeko. Epaimahaiak erabakiko proba hauek egiteko zer denbora egonen den.

9.3. Probak dei bakarrean eginen dira, eta izangaiek nortasun agiri nazionala eraman beharko dute edo, bertzenaz, epaimahaiaren iritziz onargarria den bertze nortasun agiriren bat. Oposiziotik kanpo geldituko dira agertzen ez direnak.

10. oinarria.-Oposizioko proben balorazioa.

10.1. Lehen ariketak 25 puntu izanen ditu gehienez ere.

10.2. Bigarren ariketako proba bakoitza honela puntuatuko da:

a) Lorezaintzako proba praktikoa, 0tik 30 puntu bitarte

b) Ureztaketako proba praktikoa, 0tik 15 puntu bitarte

10.3. Guztira, 35 puntu eskuratu beharko dira gutienez, hiru ariketak baturik, oposizioaldia gainditzeko.

10.4. Ariketa bakoitza buruturik, epaimahaiak ariketa gainditu duten izangaien zerrenda eta bakoitzak lortutako kalifikazioak jendaurrean jarriko ditu Udaleko iragarki oholean eta ariketa egiteko erabilitako lokaletan. Halaber, oposizioko hurrengo ariketa egiteko lekua, eguna eta ordua ezarriko ditu, gutienez ere 48 ordu lehenagotik.

11. oinarria.-Probak gainditzen dituztenen zerrenda eta agirien aurkezpena.

11.1. Oposizioko ariketen kalifikazioa burututakoan, epaimahaiak aditzera emanen du Udalaren iragarki oholean eta ariketak egin diren tokian, azterketa gainditu duten izangaien puntuazioa, oposizioko bi ariketetan lortutako kalifikazioak batu ondotik.

11.2. Epaimahaiak oposizioa gainditurik puntu gehien erdietsi duten bi izangaiak izendatzeko edo haiei lanpostua esleitzeko proposamena igorriko dio organo eskudunari. Proposamen hori Nafarroako ALDIZKARI OFIZIALean argitaratuko da.

12. oinarria.-Izendapena eta jabetza hartzea.

12.1. Deialdi honetan aipatu hautapen prozesua burututakoan, Berriozarko alkateak, ebazpen baten bidez, epaimahaiak proposatutako izangaiak izendatuko ditu Berriozarko Udalean barne igoeran atera diren bi lanpostuetan ari daitezen.

12.2. Izendapena Nafarroako ALDIZKARI OFIZIALean emanen da argitara eta ondorio ekonomiko eta administratiboak sortuko ditu ebazpenean zehazten den egunetik aitzina.

12.3. Egun horretarako jabetza hartzen ez dutenek hartan aritzeko eskubide guztiak galduko dituzte.

13. oinarria.-Errekurtsoak.

Deialdi honen aurka, nahiz bere oinarrien eta aplikazio egintzen aurka, errekurtso hauetakoren bat aurkez daiteke, aukeran:

a) Administrazioarekiko auzi-errekurtsoa, Nafarroako Justizia Auzitegi Nagusiko arlo bereko salari zuzendua, erabaki hau edo errekurritzen den egintza argitaratu edo jakinarazi eta biharamunetik bi hilabeteko epean, organo egileari errekurritzeko asmoaren berri emanik; edo bertzenaz,

b) Gora jotzeko errekurtsoa, zuzenean Nafarroako Administrazio Auzitegiari zuzendua, hilabeteko epean, erabaki hau argitaratu edo errekurritzen den aplikazio egintza argitaratu edo jakinarazi eta biharamunetik hasita, edo bertzenaz,

c) Berraztertzeko errekurtsoa, egintza eman duen erakundean berean, jakinarazpen egunaren biharamunetik aitzina.

Epaimahaiaren egintzen aurka gora jotzeko errekurtsoa aurkezten ahal da, hilabeteko epean, Berriozarko Udaleko alkateari zuzendua.

Berriozarren, 2008ko urriaren 6an.-Alkatea, Xabier Lasa Gorráiz.

I. ERANSKINA

Eskabide eredua

1.-Norberaren datuak:

Izena: ....................., adinez nagusia, NAN zenbakia: .............., sorteguna:........................., sorterria: ............ (...........), bizilekua: ......................... (.......................), karrika: ..........................., zenbakia: ................, solairua: ..............., posta kodea: ..........., telefonoa: ............

2.-Datu administratiboak:

a) Zer lanpostutarako izendatu zuten:

b) Egoera administratiboa:

f Jardunean (egoera horren baliokidea bada, adierazi zein den):

c) Egungo destinoa:

d) Zein maila edo taldetakoa den:

f D maila.

3.-Sinatzen dudan honek neure ardurapean azaltzen du baldintza guzti-guztiak betetzen ditudala, eskabideak aurkezteko epea bukatzen den egunean bete ere, honako deialdian parte hartzeko: Berriozarko Udalean D mailatik C mailara igotzeko deialdian parte hartzeko, oposizio-lehiaketa bidez eta barne igoera murriztua eginez.

Karguan aritzea galarazten didan eritasun edo akats fisiko edo psikikorik ez dudala.

Indarra duten xedapenetan ezarritako ezintasunik ez dudala.

4.-Deialdi honetan parte hartzeko, 3,1 oinarriak eskatzen dituen agiriak, titulua barne, aurkezten ditudala.

(Igoeran parte hartzeko erabilitako sarbidea X batez adierazi):

f Titulazioa eta bortz urteko antzinatasuna.

f Zortzi urteko antzinatasun onartua.

5.-Euskara maila frogatzeko proba egin nahi dudala.

f Euskara maila frogatzeko proba egin nahi dudala.

Horrenbertzez,

Eskabidea behar bezala eta bere garaian aurkeztu dela onartzeko eskatzen dut eta, hortaz, honako honen sinatzailea onartzeko D mailatik C mailarako barne igoera murriztuko deialdian, oposizio-lehiaketa bidez Berriozarko Udalaren zerbitzuko zerbitzu anitzetako enplegatu izateko.

Berriozarren, 200...(e)ko ..........aren .......(e)an.

(Sinadura)

BERRIOZARKO UDALEKO ALKATE UDALBURUA.

II. ERANSKINA

Gai zerrenda

1. gaia.-Lorezaintzako kontzeptu orokorrak eta/edo lorezaintzari aplikatzen ahal zaizkionak.

-Izendegia, espezieak identifikatzea, ezaugarri botanikoak eta landare espezieen aplikazioak lorezaintzan eta berdeguneetan.

-Lorezaintzako planoen interpretazioa eta lorategiko markaketa.

-Plano motak.

-Markatzeko lanabesak.

-Zuinketarako teknikak.

-Zuinketa zer arotan egin behar den.

-Ibilgailuak, erremintak, makineria eta baliabide osagarriak. Motak eta erabilerak.

-Izurriak eta eritasunak lorezaintzan, eta haien tratamendua.

-Lan-arriskuen prebentzioa eta segurtasuna eta osasuna lorezaintzako lanetan.

-Hiriko instalazio nagusiak. Oinarrizko ezagupenak.

-Sare elektrikoa eta telefonia sarea.

-Ur hotzaren sarea.

-Saneamendu sarea.

-Argien sarea.

-Gasaren sarea.

-Garbiketa.

2. gaia.-Lorezaintzako zaintze lanak.

2.1. Soropiletako eta zelaietako zaintze lanak

2.1.1. Ureztapena. Motak eta maiztasuna.

2.1.2. Soropila pikatzea.

2.1.3. Eskarifikatzea.

2.1.4. Ongarritzea.

2.1.5. Aireatzea.

2.1.6. Profilatzea.

2.1.7. Berrereintza. Zohien bidez berritzea.

2.1.8. Izurriak eta eritasunak. Tratamendu fitosanitarioak. Segurtasun neurriak.

2.2. Zuhaitzak eta zuhaixkak zaintzeko lanak.

2.2.1. Ureztapena. Motak eta maiztasuna.

2.2.2. Ongarritzea.

2.2.3. Aitzurtzea eta jorratzea.

2.2.4. Kimatzea (gai berariazkoan garatuko da, haren garrantzia dela-eta).

2.2.5. Landareei zurkaitzak paratzea. Oinarriak eta teknikak.

2.2.6. Izurriak eta eritasunak. Tratamendu fitosanitarioak. Segurtasun neurriak.

2.3. Landare loredunak eta landare erraboildunak zaintzeko lanak.

2.3.1. Ureztapena. Motak eta maiztasuna.

2.3.2. Substratua ematea. Ongarritzea.

2.3.3. Lurra prestatzea.

2.3.4. Izurriak eta eritasunak. Tratamendu fitosanitarioak. Segurtasun neurriak.

2.3.5. Garbitzea eta hondarrak eramatea.

2.4. Barreneko landareak zaintzeko lanak.

2.4.1. Ureztapena. Motak eta maiztasuna.

2.4.2. Ongarritzea.

2.4.3. Eguzkipean egotea, tenperatura eta hezetasuna.

2.4.4. Izurriak eta eritasunak. Tratamendu fitosanitarioak. Segurtasun neurriak.

2.5. Ordena eta garbitasuna zaintze lanetan.

3. gaia.-Sortze eta/edo lehengoratze lanak lorezaintzan.

3.1. Soropila berriztatzea eta ereitea.

3.1.1. Xedea.

3.1.2. Berrereiteko moduak.

3.1.3. Horiek egiteko aroa.

3.1.4. Drainatzeak. Drainatze motak.

3.2. Zuhaitzak, zuhaixkak eta landare loredunak berritzea.

3.2.1. Zuhaitzak.

3.2.2. Urteko landareak.

3.2.3. Biurteko landareak.

3.2.4. Landare erraboildunak.

3.2.5. Landare bizikorrak.

3.2.6. Lurra prestatzea. Drainatzeak. Drainatze motak.

3.2.7. Landaketa motak.

3.2.8. Landaketa esparrua eta espezieak hautatzea.

3.2.9. Geoehunak eta lur estalkiak erabiltzea eta jartzea.

3.3. Barreneko landareak berritzea.

3.3.1. Urteko landareak.

3.3.2. Biurteko landareak.

3.3.3. Landare erraboildunak.

3.3.4. Landare bizikorrak.

3.3.5. Landaketa motak.

3.3.6. Drainatzeak. Drainatze motak.

3.3.7. Espezieak hautatzea.

3.4. Ordena eta garbitasuna sortze eta berritze lanetan.

4. gaia.-Kimatze lanak.

4.1. Zuhaitzak kimatzea.

4.1.1. Kimatu beharra espezie bakoitzean.

4.1.2. Kimatzearen oinarriak.

4.1.3. Helburuak.

4.1.4. Kimatze motak.

4.1.5. Aroa eta maiztasuna.

4.1.6. Langileak eta tresnak.

4.1.7. Kimatzeko moduak.

4.2. Zuhaixkak, azpi-zuhaixkak eta heskaiak kimatzea.

4.2.1. Kimatze beharra espezie bakoitzean.

4.2.2. Kontuan hartu beharreko alderdiak.

4.2.3. Kimatze motak.

4.2.4. Kimatzea egitea.

4.2.5. Kimatzeko aroa.

4.2.6. Kimatzearen kasu partikularrak.

5. gaia.-Ureztaketa sarea zaintzeko lanak.

5.1. Iturgintzako oinarrizko ezagupenak.

5.1.1. Erremintak, lanabesak, makinak.

5.1.2. Gai nagusiak.

5.1.3. Gai osagarriak.

5.1.4. Hodiak eta giltzak konpontzea.

5.1.5. Arriskuei aurrea hartzea.

5.2. Ponpaketa ekipoa eta ureztatzeko muntadura prest mantentzea.

5.2.1. Aspertsoreak, difusoreak, tantakako sistema eta uholdeak.

5.2.2. Ukondoak, t-ak, pasoko giltza eta moztekoa.

5.2.3. Presioaren erregulatzaileak.

5.2.4. Balbula elektrikoak.

5.2.5. Irazkiak.

5.2.6. Euri sentsoreak.

5.2.7. Zentralak.

5.3. Zentralen programazioa. ETP (Ebapotranspirazioa).

6. gaia.-Ibilgailuen eta makinen eta bitarteko lagungarrien lehen mailako mantentzea eta erabilpena, lorezaintzan. Erremintak zorroztea eta prest jartzea.

6.1. Lehen mailako erabiltze eta mantentze lanak, honako hauekin:

6.1.1. Ibilgailuak:

6.1.1.1. Traktoreak.

6.1.1.2. Soropila mozteko traktorea.

6.1.1.3. Kamioia. (3.500 kilo bitarte).

6.1.1.4. Dumperra.

6.1.2. Inplementuak:

6.1.2.1. Zuloak egiteko makina.

6.1.2.2. Berrelikatzeko makinak.

6.1.2.3. Ongarritzeko makinak.

6.1.3. Motorezko makinak.

6.1.3.1. Soropila mozteko makina.

6.1.3.2. Sasiak garbitzeko makina.

6.1.3.3. Motozerra.

6.1.3.4. Landaresia mozteko makina.

6.1.3.5. Kimatzeko makina pneumatikoak.

6.1.4. Baliabide osagarriak:

6.1.4.1. Eskailerak.

6.1.4.2. Aldamioak.

6.1.4.3. Saskiak.

6.2. Segurtasun neurriak, ibilgailuen eta makinen erabiltze eta mantentze lanetan.

6.3. Lorezaintzan erabiltzen diren erremintak zorroztea eta prest jartzea. Segurtasun neurriak.

6.4. Ibilgailuak, makinak eta erremintak garbitzea.

7. gaia.-Bideak, pasealekuak, egoteko eremuak eta jostatzeko eta haurren jolasetarako eremuak zaintzeko lanak.

7.1. Zola jarraituak, zola ez jarraituak, kanpoko aldeetarako.

7.1.1. Motak.

7.1.2. Berrelikatzeak.

7.1.3. Jorraketa mekanikoak edo kimikoak.

8. gaia.-Berriozar eta bere berdeguneak.

8.1. Berriozarko karrikak.

8.2. Berriozarko lorategi eta parke nagusiak.

Iragarkiaren kodea: L0816093