II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.2. Plantilla Organikoa, Lan Publikoaren Eskaintza, oposizioak eta lehiaketak
BUÑUEL ALDEKO GIZARTE ZERBITZU OINARRIZKOEN MANKOMUNITATEA
Deialdia, familia langilea izateko lanpostu bat, oposizio-lehiaketa bidez, lan-kontratuarekin eta lanaldi partzialean betetzeko
Mankomunitateko buruak onetsia, 2008ko urriaren 13aren ebazpenaren bidez.
OINARRIAK
1.-Arau orokorrak.
1.1. Deialdia iragarri da familia langilea izateko lanpostu bat, oposizio lehiaketa bidez, lan-kontratu finkoarekin eta lanaldi partzialean betetzeko, Buñuel aldeko Gizarte Zerbitzu Oinarrizkoen Mankomunitatearen Etxez Etxeko Laguntza Zerbitzuan ari dadin. Lanpostua plantilla organikoan zenbaki honekin ageri da: 14.
1.2. Izendatuak 15 eguneko frogaldia bete beharko du, kontratua sinatzen denetik aitzina.
1.3. Nafarroako Administrazio Publikoen zerbitzuko Langileen Estatutua arautzen duen Foru Legean ezarritako D maila oinarri gisa harturik, kontratatutako lanaldiari proportzionalki dagokiona izanen da lanpostuaren lansaria.
1.4. Lanaldiaren %76,14 izanen da, eta ordutegia zerbitzuaren beharren arabera zehaztuko da.
1.5. Hautatutako pertsonek bete beharreko eginkizun nagusiak lanpostuarenak berarenak izanen dira:
-Etxez etxeko laguntza zerbitzuko erabiltzaileei arreta ematea. Horretarako, arreta pertsonala, higiene eta osasun arlokoa, etxekoa eta psikosoziala emanen zaie; betiere, bakoitzak bere buruaz baliatzeko duen gaitasunaren arabera. Halaber, agintzen zaizkien gainerako eginkizunak, betiere beren maila eta kategoriaren barrenean.
1.6. Probak gaindituta lanposturik gabe gelditzen diren izangaiei aldi baterako kontratua egiten ahalko die Mankomunitateak, puntuazio ordenari jarraituz, zerbitzu berean ordezkapenak egin ahal izateko. Zerrenda osagarri horrek lehentasuna izanen du bertze edozein zerrendaren aitzinetik, lanpostuak aldi baterako betetzeari dagokionez.
2.-Izangaiek bete beharreko baldintzak.
2.1. Oposizio-lehiaketa honetan onartuak izateko, ondoko baldintzak bete beharko dituzte izangaiek, eskabideak aurkezteko epea bukatzen den egunean:
a) Europako Batasuneko herritarra izatea.
b) 18 urte beterik izatea. Eskabideari nortasun agiri nazionalaren fotokopia egiaztatua erantsiko zaio.
c) Gutienez, eskola graduatuko edo lehen mailako lanbide heziketako titulua edukitzea, edo horien baliokideren bat.
d) Egin beharreko lanak egitea eragozten duen eritasun edo akats fisiko nahiz psikikorik ez izatea.
e) Eginkizun publikoak betetzeko desgaitua edo gabetua ez izatea, eta inongo administrazio publikoren zerbitzutik bereizia ez izana.
f) Zerbitzu honek sei udalerri hartzen dituenez, izendatuak ibilgailua izan beharko du, baita gidabaimena ere.
g) Lehiaketaldian alegatzen diren merezimenduak (eskarmentua eta titulazioak, ikastaroengatik).
2.2. Aurreko baldintzak deialdi honetan aurreikusitako epean eta eran egiaztatu beharko ditu lanpostua eskuratzen duen izangaiak. Baldintza horiek eskabideak aurkezteko epea amaitzen denean betetzen direla ulertuko da, hautaprobek dirauten bitartean eta izendatu arte.
3.-Eskabideak.
3.1. Deialdian parte hartzeko eskabideak Buñuel aldeko Mankomunitearen idazkaritzan aurkeztuko dira, Buñuelgo General Franco karrikako 5ean, 30 eguneko epean, deialdi hau Nafarroako ALDIZKARI OFIZIALean argitaratu eta biharamunetik aitzina. Aipatu eskabideak deialdi honetan argitaratutako ereduaren araberakoak izanen dira eta, bertzetik, baldintzak betetzen direla egiaztatzen duten beharrezko agiri guztiak gehituko zaizkie, halaber, lehiaketaldirako alegatutako merezimenduak egiaztatzen dituztenak.
3.2. Eskabidearekin batera ondoko agiriak aurkeztu beharko dira:
a) N.A.N.aren edo baliokidea den nortasun agiriaren fotokopia konpultsatua.
b) Izangaiak lehiaketaldian aurkezten dituen merezimenduak ziurtatzen dituzten agiriak, jatorrizkoak edo behar bezala beteak. Baloratzerakoan ez da kontuan hartuko behar bezala ziurtatu gabeko merezimendurik.
3.3. Eskabideak aurkezteko epea luzaezina da.
4.-Izangaien onarpena eta erreklamazioak.
4.1. Eskabideak aurkezteko epea bukatu ondoan, batzordeburuak izangai onartu eta baztertuen behin-behineko zerrenda onesteko ebazpena emanen du. Zerrenda hori Nafarroako ALDIZKARI OFIZIALean argitaratuko da.
4.2. Izangai baztertuek 10 egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzenketak egiteko.
4.3. Erreklamazioetarako epea bukatutakoan eta erreklamazioei erantzun ondoan, batzordeburuak ebazpena emanen du onartu eta baztertuen behin betiko zerrenda onesteko, eta Nafarroako ALDIZKARI OFIZIALean argitaratzeko aginduko du.
5.-Epaimahaia.
a) Mahaiburua: Buñuel aldeko Gizarte Zerbitzuen Mankomunitateko burua.
Ordezkoa: Buñuel aldeko Gizarte Zerbitzuen Mankomunitateko buruordea.
b) Olga Cornago Murillo, Mankomunitateko gizarte langilea.
Ordezkoa: Natalia López Huerta, Mankomunitateko gizarte langilea.
c) Nafarroako Mendekotasunerako Agentziako teknikari bat. Nafarroako Mendekotasunerako Agentziak izendatzekoa.
Ordezkoa: Nafarroako Mendekotasunerako Agentziako teknikari bat. Nafarroako Mendekotasunerako Agentziak izendatzekoa.
d) "Queiles Ibarra" Gizarte Zerbitzuen Mankomunitateko gizarte langile bat.
Ordezkoa: "Queiles Ibarra" Gizarte Zerbitzuen Mankomunitateko gizarte langile bat.
e) Mahaikide idazkaria: Jesús Litago Zardoya. Mankomunitateko idazkaria.
Ordezkoa: Carlos Díez Díaz jauna, Ribaforadako Udaleko idazkaria.
5.2. Epaimahaia hautapen probak baino lehen eratu beharko da eta eratu eta jardun ahal izateko kideen erabateko gehiengoak bederen agertu beharko du.
5.3. Epaimahaiak gehiengoz ebatziko ditu deialdi honetako oinarriak ulertu eta aplikatzerakoan sor daitezkeen afera guztiak.
5.4. Epaimahaiak aholkulari espezialisten laguntza izaten ahal du proba guztietan edo batzuetan. Aholkulari horiek beren espezialitate teknikoetan baizik ez dira arituko eta epaimahaiari lagunduko diote.
6.-Oposizio-lehiaketa nola eginen den.
6.1. Izangai onartuen eta baztertuen behin betiko zerrenda onetsiko duen ebazpenarekin batean probak non, noiz eta zer ordutan hasiko diren ere zehaztuko da.
6.2. Lehiaketaldia.
Merezimendu guztiak agiri bidez frogatu beharko dira eta gehienez ere 30 punturekin baloratuko dira ondoko baremoari jarraikiz:
a) Laneko eskarmentua (20 puntu gehienez). Baldintza hori frogatu beharko da lan bizitzaren ziurtagiria aurkeztuz.
Familia langile gisa toki entitateetako etxez etxeko laguntza zerbitzuetan lanean egindako urte oso bakoitzagatik: 3 puntu urte bakoitzeko, eta gehienez ere 20 puntu (zatikiak proportzioz hainbanatuko dira hilabete osoetan).
Familia langile edo antzeko gisa gainerako administrazio publikoetan egindako urte oso bakoitzagatik: 1,5 puntu urte oso bakoitzeko, eta gehienez ere 20 puntu (zatikiak proportzioz hainbanatuko dira hilabete osoetan).
b) Prestakuntza osagarriagatik (gehienez ere 10 puntu).
Lanpostuarekin ikusteko zuzena duen ikastaro bakoitzagatik:
-20 ordu baino gutiagoko ikastaroak: 0,25 puntu.
-20 ordu eta hortik goiti, 40 ordura gabe: 0,5 puntu.
-40 ordu eta hortik goiti, 100 ordura gabe: puntu 1
-100 ordu eta hortik goiti: 1,5 puntu.
Epaimahaiak lehiakideek alegatu merezimenduen gaineko azalpen eta datu osagarriak eskatzen ahalko ditu noiznahi. Izangaiak deialdia argitaratzen den egunean dituen merezimenduak eta espedientean agirien bidez frogatuak daudenak bakarrik hartuko dira kontuan.
Lehiaketaldia burutzen denean, izangai bakoitzak lortutako puntuazioa jendaurrera aterako da iragarki oholean.
6.3. Oposizioaldia.
a) Lehen ariketa: deialdi honen 2. eranskineko gaiekin ikusteko duten galdera laburrak erantzun beharko dira idatziz. Ariketa hau egiteko denbora, gehienez: ordu bat eta hogeita hamar minutu. Balorazioa, gehienez ere: 35 puntu
b) Bigarren ariketa: gehienez ere ordu bat eta hogeita hamar minutuan egin beharreko proba teoriko-praktikoa, etxez etxeko laguntzaren inguruan epaimahaiak prestatutako kasu bati buruzkoa. Balorazioa, gehienez ere: 35 puntu.
Oposizioaldiko ariketak ez dira baztergarriak. Hala ere, oposizioa gainditzeko nahitaezko baldintza izanen da gutienez ere 35 puntu erdiestea bi ariketak batuta.
Dei bakarra izanen da probak egiteko, eta izangaiek NANa aldean dutela agertu beharko dute. Agertzen ez diren izangaiak bazterturik geldituko dira.
Oposizio-lehiaketaren azkeneko kalifikazioa bi aldietan izangaiak lortutako puntuazioak batuta lortuko da.
7.-Gainditzen dutenen zerrenda.
Probak buruturik, epaimahaiak Mankomunitatearen iragarki oholean jarriko du izangaiek lortutako azken puntuazioa, hau da, proba bakoitzean eskuratu puntuazioen batura, baita puntuaziorik handiena lortu duen izangaia izendatzeko proposamena ere. Ebazpen hori Nafarroako ALDIZKARI OFIZIALean argitaratu beharko da.
8.-Agirien aurkezpena.
8.1. Proposatutako izangaiak, proposamena Nafarroako ALDIZKARI OFIZIALean argitara eman eta hogeita hamar egun naturaleko epean, Mankomunitatearen bulegoetan ondoko agiriok aurkeztu beharko ditu:
a) Zinpeko aitorpena, eginkizun publikoetan aritzeko ezgaitua edo gabetua ez dagoela eta inongo administrazio publikoren zerbitzutik baztertua izan ez dela dioena.
b) Osasun ziurtagiria, karguaren eginkizunetan aritzeko galarazten dion eritasunik edo akats fisikorik nahiz psikikorik ez duela erakusten duena.
c) Zin egite edo hitz ematea, Nafarroako Foru Eraentza begiratu, Konstituzioari eta legeei men egin eta karguaren eginkizunak zintzo beteko dituela.
d) B-1 motako gidabaimenaren fotokopia egiaztatua eta ibilgailua duela frogatzen duen agiria.
e) Deialdi honetan eskatzen den titulazioaren fotokopia egiaztatua.
f) Hala behar badu, Buñuel aldeko Gizarte Zerbitzuen Mankomunitateak eskatzen dituen agiri osagarriak.
8.2. Interesdunak aipatutako agiriak aurkezten ez baditu ezarritako epean, behar bezala arrazoitutako ezinbertzeko kasuetan salbu, ezin izanen dute izendatu eta bere jarduera guztiak baliogabetuta geldituko dira, hasierako eskabidea faltsuki betetzeagatik etor dakiokeen erantzukizuna kendu gabe.
8.3. Aitzineko atalean aurreikusten den kasuan, Mankomunitateak 7. oinarrian aipatutako zerrendan ondotik heldu diren izangaiekin beteko du lanpostua.
9.-Izendapena eta lanpostuaz jabetzea.
9.1. Hautaprobak burututa, Mankomunitateko buruak, ebazpen baten bidez, Buñuel aldeko Gizarte Zerbitzu Oinarrizkoen Mankomunitateko lan-kontratudun izendatuko du, familia langilearen lanpostua betetzeko, lanaldi partzialean. Izendapena Nafarroako ALDIZKARI OFIZIALean argitaratuko da.
9.2. Izangai izendatuak, izendapena jakinarazi eta ondoko hilabetean hartu beharko du lanpostuaren jabetza. Epe horretan jabetza hartzen ez badu, Buñuel aldeko Mankomunitateko lanaldi partzialeko lan kontratudun izateko eskubidea galduko du, ezinbertzeko kasuetan izan ezik. Horrelakorik gertatuz gero, 8.3 oinarrian ezarritakoari jarraituko zaio.
10.-Errekurtsoak.
Deialdi honen aurka, baita bere oinarri eta ekintzen aurka ere, errekurtso hauetako bat para daiteke:
Administrazioarekiko auzi-errekurtsoa, Nafarroako Justizia Auzitegi Nagusiko Sailari edo Administrazioarekiko Auzietako Epaitegiari zuzendua, bi hilabeteko epean erabakia jakinarazi eta biharamunetik hasita.
Berraztertzeko errekurtsoa, Buñuel aldeko Gizarte Zerbitzu Oinarrizkoen Mankomunitateko buruari zuzendua.
Gora jotzeko errekurtsoa, Nafarroako Administrazio Auzitegiari zuzendua, errekurritutako egintzak edo erabakiak jakinarazi edo argitaratu eta hilabeteko epean.
Buñuelen, 2008ko urriaren 6an.-Mankomunitateko burua, Miguel Angel Vela Osta.
I. ERANSKINA
Eskabide eredua
Izena: .........................., adinez nagusia; NAN zenbakia: ............., sorteguna: ............., sorlekua: ............, probintzia: ................, bizilekua: ......................., karrika: .............., zenbakia: ......, etxebizitza: ......., posta kodea: ............, telefonoa: ..........
Honako hau azaltzen dut: Buñuel aldeko Gizarte Zerbitzu Oinarrizkoen Mankomunitatearen Etxez Etxeko Laguntza Zerbitzuan familia langile izateko lanpostu bat, lanaldi partzialean, betetzeko deialdian, ........ eguneko Nafarroako ALDIZKARI OFIZIALean argitaratu zen hartan, eskaturiko baldintza guztiak betetzen ditudala, eskabideak aurkezteko epea ahitzen den egunean.
Horrenbertzez, eskatzen dut familia langile izateko lanpostua betetzeko hautaprobetan onartua izatea, plantilla organikoan 14 zenbakia baitu.
Buñuelen, 200..ko ................aren ..............(e)an.
Sinatua: ..........
II. ERANSKINA
Gai zerrenda
1.-15/2006 Foru Legea, abenduaren 14koa, Nafarroako Gizarte Zerbitzuei buruzkoa. Etxez etxeko laguntza zerbitzua Autonomia pertsonala sustatu eta menpekotasuna duten pertsonei laguntzeko programan eta gizarte zerbitzuen Nafarroako zorroan.
2.-Beren buruaz baliatzeko zailtasuna duten pertsonei laguntzeko programa, gizarte zerbitzu oinarrizkoen ingurumarian. Etxez etxeko laguntza zerbitzua. Definizioa. Hartzaileak. Laguntzaren helburu diren egoerak. Gizartean nahiz familian gertatzen diren aldaketen azterketa eta haien eragina etxez etxeko laguntza zerbitzuan.
3.-Familia langileak etxez etxeko laguntza zerbitzuan. Lanaren egitekoak eta ezaugarriak. Bertze profesionalekiko harremanak: talde lana gizarte zerbitzu oinarrizkoen barrenean eta bertze zerbitzu batzuekiko harremanak.
4.-Hirugarren adinaren ezaugarriak eta harekin agertzen diren arazo nagusiak: fisikoak, psikikoak eta gizarte arlokoak. Eritasun arruntenak. Etxez etxeko laguntza zerbitzuaren ardurapeko egoerak. Sindrome geriatriko handiak: depresioa eta dementziak. Hilurren dauden adineko pertsonak.
5.-Ohitura osasungarriak, nutrizioa eta elikadura, soinketa eta loa. Istripuei aitzintzea. Lehen sorospenak. Norberaren higienea eta etxebizitzaren garbitasuna. Laguntza teknikoak honako zeregin hauetarako: zainketa pertsonalak, mugikortasuna, elikadura eta etxearen moldatzea.
Iragarkiaren kodea: L0815811
