Iragarkia

95. ALDIZKARIA - 2007ko abuztuaren 3a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

487/2007 EBAZPENA, ekainaren 15ekoa, Lan zuzendari nagusiak emana, Tafallako "Cespa, S.A." enpresaren lan hitzarmen kolektiboaren testua erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 58/2007).

Departamentu honetan 2007ko ekainaren 1ean sartu da "Cespa, S.A." enpresaren lan hitzarmen kolektiboaren testua, 52 artikuluz, xedapen gehigarri batez eta 2 eranskinez (2006ko eta 2007ko lansarien taulak) osatua. Enpresaren ordezkariek eta langileen delegatuak (CC.OO.) 2007ko maiatzaren 17an izenpetu eta onetsi dute.

Industria eta Teknologia, Merkataritza eta Lan Departamentua da lan hitzarmen kolektiboaren testua erregistratzeko, gordetzeko eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta Hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz.

EBATZI DUT:

1. Tafallako "Cespa, S.A." enpresaren lan hitzarmen kolektiboa erregistratzea (kodea: 3108121) Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako ALDIZKARI OFIZIALean argitaratzea, orok jakin dezan.

Iruñean, 2007ko ekainaren 15ean._Lan zuzendari nagusia, José María Roig Aldasoro.

CESPA S.A. ENPRESAREN ETA TAFALLAKO GARBIKETA PUBLIKOAREN ZERBITZUARI ATXIKITAKO LANGILEEN ARTEKO HITZARMENA

I. KAPITULUA

Arau orokorrak

1. artikulua. Aplikazio eremua.

Hitzarmen kolektibo honen helburua da Cespa S.A. enpresaren eta Tafallako Udalak kontrataturiko garbiketa publikoaren zerbitzuari atxikitako langileen arteko lan harremanak arautzea.

2. artikulua. Indarraldia eta luzamendua.

Hitzarmen honek lau urteko indarraldia izanen du: 2006, 2007, 2008 eta 2009.

Hitzarmenak sinatzen den egunean hartuko du indarra. Edonola ere, 2.006. urterako itundutako ondorio ekonomikoek urte horretako urtarrilaren 1etik hasita izanen dute indarra, hitzarmena Nafarroako ALDIZKARI OFIZIALean noiz argitaratzen den kontuan hartu gabe.

Hitzarmenaren amaiera besterik gabe iragarriko da indarraldia bukatzen denean. Hitzarmen honetako arauak baldintza beretan luzatuko dira, besterik izenpetzen ez den artean.

3. artikulua. Hitzarmenaren batasuna.

Itundutako baldintzek multzo organiko eta zatiezina osatzen dute eta aplikazio praktikoaren ondorioetarako denak batean eta osorik hartuko dira, betiere langile bakoitza bere kategorian aipatuz. Hitzarmen hau guztiz baliogabe geldituko litzateke eta inolako eraginik gabe, erakunde eskudunek klausularen bat aplikaezina dela deklaratu edo inpugnatuko balute.

Hitzarmena onetsi eta sinatu da prestazioak eta kontraprestazioak beren osotasunean hartuta, bai eta bere testu artikulatuan ezarritako baldintza guztiak kontuan hartuta ere.

4. artikulua. Irenspena eta konpentsazioa.

Itundutako baldintzak osorik konpentsatzen ahal dira lehendik ezarritako baldintzekin, ondokoek aginduta: legeak, jurisprudentziak, administrazioarekiko auzien arloak, era guztietako hitzarmen kolektiboek, banakako kontratuek, tokiko, eskualdeko, autonomia erkidegoetako usadio eta ohiturek edo bestelako aginduek.

Geroan ordainsari guztietan edo batzuetan aldaketak dakartzaten xedapenek eraginkortasun praktikoa izanen dute baldin eta, osorik hartuz eta hitzarmenaren aurretik izandako loturekin batuz, honen mailatik goitikoak badira; horrela izan ezean irentsitzat joko dira.

5. artikulua. Berme pertsonalak.

Kobrantzaren ikuspegitik eta osotasunean hartuta, urteko konputuan hitzarmen kolektibo honetan finkatutakoak baino hobeak diren egoera pertsonalak "ad personam" berme gisa errespetatuko dira.

6. artikulua. Interpretazio eta jarraipenerako batzorde paritarioa.

Hitzarmenaren batzorde paritarioa hitzarmenaren aplikazioan interpretazio, adiskidetze, arbitraje eta zaintzarako organoa izanen da.

Batzordea enpresako ordezkariek eta langileen ordezkariek osatuko dute, erdi eta erdi. Langileriaren ordezkarien aldetik enpresa batzordean ordezkaritza duten sindikatuek kide bana izanen dute. Alde bakoitzak, gehienez ere, hiru ordezkari izanen ditu. Denek hitzarmen kolektibo honen negoziazio batzordeko kide eta sinatzaile izan beharko dute.

Aldeek erabaki dute batzorde horrek aztertuko dituela hitzarmen kolektibo hau interpretatu edo aplikatzean sor daitezkeen zalantzak edo desadostasunak, administrazioarekiko auzietako salan edo administrazioan erreklamazioa aurkeztu aurretik eta gatazka kolektibora edo grebara jo baino lehen.

Batzordeak eginkizun hauek ditu:

a) Hitzarmen kolektiboaren klausula guztien aplikazioa interpretatzea.

b) Itundutakoa betetzen den zaintzea.

c) Hitzarmen honek indarra hartu ondoren emandako legezko xedapen berriak aztertu eta baloratzea, hitzarmenaren edukian eraginik izan badezakete.

d) Hitzarmen kolektiboaren eraginkortasun praktikoa hobetzen duten beste jarduera guztiak, testuan horrela ezarria badago.

e) Erabakiak hartzeko batzorde paritarioaren ordezkaritza bakoitzeko kideen gehiengoaren aldeko botoa beharko da.

f) Batzorde paritarioa alderdietako edozeinek eskatuta bilduko da, ados jarrita non, zein egunetan eta zer ordutan eginen den, edonola ere eskaera egin eta hamar eguneko epean.

7. artikulua. Arau subsidiarioak.

Hitzarmen kolektibo honetan xedatu ez den orotan Langileen Estatutuan xedatutakoari jarraituko zaio, bai eta Garbiketa Publikoa, Kaleen Garbiketa, Ureztaketa, Hondakinen Bilketa, Tratamendua eta Ezabaketa eta Estolderiaren Garbiketa eta Kontserbazioa biltzen dituen Sektorerako Hitzarmen Orokorrean eta gainerako legezko xedapenetan xedatutakoari ere.

8. artikulua. Lanaren antolaketa.

Lanaren antolaketa praktikoa enpresako zuzendaritzari dagokio, ez beste inori. Hori dela eta, enpresak zerbitzuaren jardun onerako metodo eta prozedura egokienak ezartzeko ahalmena du, baina hala ere, langileek ez dute horregatik beren lanbide prestakuntzan kalterik jasanen, ez eta beren zeregina utziaraziko liekeen eginbeharrik izanen ere.

Enpresa batzordeari entzutea emanen zaio Langileen Estatutuaren 64. artikuluari eta harekin bat heldu diren arauei jarraikiz.

9. artikulua. Titulartasun aldaketa.

Hitzarmen honi loturiko kontrataren titulartasun aldaketak berarekin dakar esleipen-hartzaile berriaren aldetiko subrogazioa, Garbiketa Publikoa, Kaleen Garbiketa, Ureztaketa, Hondakinen Bilketa, Tratamendua eta Ezabaketa eta Estolderiaren Garbiketa eta Kontserbazioa biltzen dituen Sektorerako Hitzarmen Orokorraren "Langileriaren subrogazioa" izenburuko XI. kapituluan espresuki adierazi bezala ("Estatuko Aldizkari Ofiziala", 1996ko martxoaren 7koa).

II. KAPITULUA

Lan baldintzak

10. artikulua. Lanaldia.

Hitzarmen kolektibo honen eraginpeko langileek astean 37 orduko lanaldia izanen dute, astelehenetik larunbatera, artikulu honetan zehaztu bezala. Eguneko lanaldian 20 minutuko atsedenaldia izanen dute ogitarterako, lan egindakotzat hartuko dena ondorio guztietarako.

Hitzarmen kolektibo honen indarraldian egutegia ezarriko da eta langile guztiek bost larunbatetik batean atseden hartuko dute. Lanaldia honela banatuko da:

.Lanaldia.

_1. astean = 38 ordu eta 10 minutu.

_2. astean = 38 ordu eta 10 minutu.

_3. astean = 38 ordu eta 10 minutu.

_4. astean = 38 ordu eta 10 minutu.

_5. astean = 32 ordu eta 20 minutu.

.Ordutegia:

_Astelehenetik ostiralera = 6 ordu eta 20 minutu.

_Larunbatetan = 6 ordu eta 30 minutu.

_Astelehenetik ostiralera = 7:00etatik 13:20ra.

_Larunbatetan = 7:00etatik 13:30era.

_Orduak guztira, 5 astetan = 185 ordu / 5 aste = 37 ordu astean.

Larunbata bakoitzean lanean aritzen diren langileek konpromisoa hartzen dute jaia hartu duen edo duten langileen gunea zerbitzuko lehenbiziko orduan guztien artean egiteko eta bigarren ordutik eta lanaldia bukatu bitartean bakoitzak esleitua duen gunean aritzeko.

Lanaldia nola banatu enpresak erabakiko du, agindutako zerbitzu publikoa hobeki emate aldera.

Lana igandeetan ere egitea eskatzen duten kontratazio berrietan, lanaldia astelehenetik igandera izanen dute horretarako propio kontratatutako langile berriek.

11. artikulua. Oporrak.

Urtean 31 laneguneko opor egun ordainduak izanen dituzte urtebeteko zerbitzualdia eman duten langile guztiek eta proportziozko partea, baldintza hori betetzen ez dutenek. Larunbatak lanegun osoak bezala kontatuko dira.

"Oporrak" izeneko I. eranskineko lansarien taularen arabera ordainduko dira, gehi kasu bakoitzari dagokion antzinatasuna.

Langilea ospitaleratzen badute oporraldia eten eginen da, harik eta medikuaren alta hartzen duen arte.

Langileak enpresan duen antzinatasuneko hirurteko bakoitzeko opor egun bat gehiago emanen da urtean.

Hirurtekoengatiko egun horiek langileek beren nahierara hartuko dituzte hitzarmen honen indarraldian, betiere egun berean langile batek baino gehiagok hartzen ez badu eta eskabidea hartu nahi den eguna baino 7 lanegun lehenago gutxienez aurkezten bada, eta "zubien" kasuetan 15 egun lehenago. Gehieneko langile kopurura iristen ez badira, "zubiak" hartzeko eskabidea 4 lanegun lehenago egin daiteke.

Eskabide gehiegi izateagatik zozketa egin behar izanez gero, zazpi lanegun lehenago eginen da eta "zubien" kasuan 15 egun lehenago.

Urteko oporraldia apiriletik urrira bitartean hartuko da. Horretarako egutegi bat eginen da plantilla osoak txandak egin ditzan hurrengo urteetan.

Oporren egutegiak enpresaren eta enpresa batzordearen artean prestatuko dituzte eta oporraldia baino bi hilabete lehenago jarriko dira ikusgai.

12. artikulua. Ordutegiak.

Lantokiko ordutegiak enpresak finkatuko ditu, zerbitzu beharrak kontuan hartuta, zerbitzua adjudikatu duen entitateak xedatutakoari erantzunez.

Lan txanda bakoitzaren ordutegiak urtero urtarrilean jarriko dira ikusgai lantokian.

Abenduan ahal izanez gero, jaiegunen egutegi ofiziala argitaratu ondotik, enpresak eta enpresa batzordeak batera prestatuko dute hurrengo urteko lan egutegia eta ondoren ikusgai jarriko lantoki guztietan.

13. artikulua. Baimenak.

Enpresak, hitzarmen honek indarrean dirauen artean, ordaindu gabeko baimenak emanen dizkie hala eskatzen duten langileei, urtean 20 egun bitarte, baina 7 lanegun lehenago gutxienez eskatuta eta 15 lanegun lehenago "zubien" kasuan, baldin eta ez badute egun berean pertsona batek baino gehiagok eskatzen. Gehieneko langile kopurura iristen ez badira, "zubiak" hartzeko eskabidea 4 lanegun lehenago egin daiteke.

Eskaera gehiegi izateagatik zozketa egin beharra izanez gero, hirurtekoari dagozkion egunetarako erabiltzen den prozesu berari segituko zaio.

14. artikulua. Lizentzia ordainduak.

Hitzarmen honen eraginpeko langile guztiek lizentzia hauek izan ditzakete, justifikatu ondoren:

a) Ezkontza: hogei egun natural.

b) Emaztearen edo bikotekidearen erditzea: hiru egun natural; zazpi egun naturalera luza daiteke eritasun larriagatik edo zesarea egin diotelako; egun horiek erditze egunetik hasita edo ospitalean alta eman ondoren hartuko dira.

c) Emaztearen edo bikotekidearen, gurasoen, aita-amaginarreben, seme-alaben, suhi-errainen eta langilearen anai-arreben eta koinata-koinatuen operazio kirurgikoa: lau egun natural Nafarroan egiten bada eta bost beste probintzia batean eginez gero.

d) Langilearen edo haren emaztearen nahiz bikotekidearen aiton-amonen edo biloben operazio kirurgikoa: bi egun natural Nafarroan izaten bada eta hiru Nafarroatik kanpoko probintzia batean gertatuz gero.

e) Langilearen edo haren emaztearen nahiz bikotekidearen aita, ama, seme-alaba eta anai-arreben ezkontza: egun natural bat.

f) Emaztearen edo bikotekidearen, gurasoen, aita-amaginarreben, eta langilearen edo haren emaztearen nahiz bikotekidearen seme-alaben ospitalizazioa: lau egun natural Nafarroan izaten bada eta 5 Nafarroatik kanpoko probintzia batean gertatuz gero, baldin eta ospitalizazioa lau egunekoa edo gehiagokoa bada; ospitalizazioa laburragoa izanez gero, hark dirauena.

g) Emaztearen edo bikotekidearen heriotza, bai eta seme-alabena ere: zazpi egun natural.

h) Langilearen edo emaztearen nahiz bikotekidearen gurasoen, aita-amaginarreben, suhi-errainen eta anai-arreben eta koinata-koinatuen heriotza: lau egun natural, Nafarroan izaten bada eta bost egun natural Nafarroatik kanpora gertatuz gero.

i) Langilearen osaba-izeba propioen heriotza: egun natural bat Nafarroan izaten bada, eta bi egun natural Nafarroatik kanpora izanez gero.

j) Enpresan lan egiteko beharrezkoa duten langile guztiei B, C eta E motako gidabaimena berritzeko probak egiteko behar duten denborarako baimena emanen zaie.

k) Ohiko bizilekua aldatzeagatik: egun natural bat.

Artikulu honetan bildu ez den orotan, Langileen Estatutuan xedatutakoari jarraituko zaio.

Lizentziak kategoria bakoitzaren egiazko soldataren arabera ordainduko dira.

III. KAPITULUA

Baldintza ekonomikoak

15. artikulua. Ordainsariak.

Langile bakoitzaren ordainsaria honela osatuko da: hitzarmen kolektiboaren oinarrizko soldata gehi soldaten tauletan ezartzen diren jarduera, maila eta kategoria bakoitzerako osagarriak, ondorengo artikuluetan adierazten direnekin lotuta. Kontzeptu horien zenbatekoak artikulu hauetan eta lansarien taulen eranskinean ageri dira, eta esleitutako balioa ulertu behar da kontzeptu bakoitzaren gaineko itun gisa, hitzarmen kolektibo honen negoziazio ekonomiko oso eta bateratuaren barnean.

16. artikulua. Oinarrizko soldata.

Hitzarmen honen eraginpeko langileen oinarrizko soldata maila eta kategoria bakoitzarentzat 1. eranskinean ezarritakoa da. Egun natural bakoitzeko sorraraziko da, oporraldia salbuetsita.

17. artikulua. Antzinatasun saria.

Antzinatasunaren osagarriak bi hirurtekoren balioa izanen du, kategoria bakoitzeko oinarrizko soldataren ehuneko 7koak, eta ondoren bosturtekoak izanen dira, kategoria bakoitzeko oinarrizko soldataren ehuneko 10ekoak. Horietako bakoitza kontatzen hasiko da aurrekoa betetzen denetik aurrera.

18. artikulua. Neke, arrisku eta toxikotasunaren plusa.

Hitzarmen kolektibo honen eraginpeko langileek, lanpostuen ezaugarrien arabera, zeinak plus honen bidez konpentsatzen baitira, I. eranskineko tauletan ageri den diru kopurua kobratuko dute.

Plus hori funtzionala da eta benetan lan egindako egun bakoitzeko sorraraziko da, baina ez da kontatuko igandeak kalkulatzeko ez eta aparteko eskersarietan ere, horrela itundu baita berariaz.

Benetan lan eginiko egun bakoitzari dagokion diru kopurua, tauletan ageri dena, ez da finkatuko, diru kopuru hori lanpostuekin eta hitzarmen kolektiboaren baldintza ekonomikoak orokorrak eta bakarrak izatearekin loturik baitago.

19. artikulua. Gaueko lanaren plusa.

22:00etatik 6:00etara lan egiten duten langileek osagarri bat kobratuko dute, I. eranskinean ageri dena, gauez eta ordutegi horren barnean benetan lan egindako egun bakoitzeko.

Plus hori funtzionala da eta ez da finkagarria izanen, zeina ez baita kobratuko ordutegi edo txanda aldaketarik izanez gero. Benetan lan egindako egun bakoitzeko espresuki itundutako diru kopurua, tauletan ageri dena, ez da finkagarria izanen, diru kopuru hori lanpostuen ordutegiarekin eta hitzarmen kolektiboaren baldintza ekonomikoak orokorrak eta bakarrak izatearekin loturik baitago.

Osagarri hori aipatu aldian lan egindako denboraren proportzioan kobratuko da.

Izaera funtzionala eta ez finkagarria duelako, gaueko txandako langileek ordu aldaketak egin beharra dutenean, epe laburragatik noizbehinkakoak kalifika daitezkeenak, enpresa saiatuko da ordu aldaketok beren borondatez eskatu duten enplegatuek egin ditzaten.

20. artikulua. Hitzarmen plusa.

Hitzarmen honen eraginpeko langileek osagarri honengatik plus bana kobratuko dute, eranskineko tauletan kategoria bakoitzerako ezarritakoa.

Plus hori benetan lan egindako egun bakoitzeko sorraraziko da, baina ez da kontatuko igandeak kalkulatzeko ez eta aparteko eskersarietan ere, horrela itundu baita berariaz.

21. artikulua. Jaiegunetako lana.

Hitzarmen hau sinatzen denetik aurrera zerbitzua honela eginen da, ahal dela:

a) Horretarako kontrataturiko langileak.

b) Langile boluntarioak.

c) Behar diren lanpostuak betetzen ez badira, enpresaren eta batzordearen artean gainerako langileez itundutako koadrantera joko da.

Jaiegun izanen dira indarra duen legerian orokorrean adostutako festak, lan egutegiaren arabera, bai eta herriko festa, autonomikoa eta San Martín de Porresen eguna, jardueraren zaindaria baita.

Egun horietan lanean aritzegatiko ordainsaria honakoa izanen da:

1. Jaiegunetako lana horretarako kontrataturiko langileek (lanaldi partzialeko lan-kontratudunek) egiten dutenean, ordainsaria honakoa izanen da:

Egun horietan jarduteko kontrataturiko langileak izanen direnez, hori izanen da beren lanaldi arrunta, eta ez dute konpentsazio atsedenaldirik izanen.

2. Zerbitzuaren beharrengatik jaiegunetako lana artikulu honetako b) edo c) puntuetan ezarritako langileek (lanaldi osoko plantillako kontratudunek) egiten dutenean egiazki lan egindako lanaldi bakoitzagatik I. eranskineko lansarien tauletan Jaiegunetako eta konpentsazio atsedenaldirik gabeko ordainsaria izenburupean ezarritako kopurua jasoko dute.

Jaiegunez lan egiten denean, langilearekin egun horretarako itundutako prezioa osatzeko, soldaten taulan ezarritako zenbatekoari oinarrizko soldata eta dagozkion plusak gehituko zaizkio, denak egun bakar bati buruzkoak. Zerbitzua ematen ez den jaiegunetan oinarrizko soldata, antzinatasuna (baldin bada) eta aipatu plusak ordainduko dira.

_2006. urtea: 104,56 euro/jaieguneko.

_2007. urtea: 107,02 euro/jaieguneko.

Hitzarmen hau sinatzen denetik 2007/12/31 bitartean: 110,00 euro/igandeko.

2008. eta 2009. urteetarako plus hori ordainsarien taulako gainerako kontzeptu ekonomikoen portzentaje berean gehituko da.

22. artikulua. Igandeko lana.

Hitzarmen hau sinatzen denetik aurrera zerbitzua honela eginen da, ahal dela:

a) Horretarako kontrataturiko langileak.

b) Astelehenetik larunbatera aritzen diren langile boluntarioak.

c) Behar diren lanpostuak betetzen ez badira, enpresaren eta batzordearen artean astelehenetik larunbatera bitartean aritzeko gainerako langileez itundutako koadrantera joko da.

Egun horietan lanean aritzegatiko ordainsaria honakoa izanen da:

1. Igandetako lana horretarako kontrataturiko langileek (lanaldi partzialeko lan-kontratudunek) egiten dutenean, ordainsaria honakoa izanen da:

Egun horietan jarduteko kontrataturiko langileak izanen direnez, hori izanen da beren lanaldi arrunta, eta ez dute konpentsazio atsedenaldirik izanen.

2. Zerbitzuaren beharrak direla-eta igandetako lana artikulu honetako b) edo c) puntuetan ezarritako langileek (lanaldi osorako kontrataturiko plantillako langileak) egiten dutenerako, enpresaren eta langileen ordezkarien artean adosturiko koadroak finkatuko dira eta ondoko moduetako batean ordainduko da:

1. Egiazki lan egindako lanaldi bakoitzean "Igandeetako ordainsaria, 1" izeneko plus bat kobratuko da, konpentsazio atsedenaldirik gabe:

Igandeetako ordainsaria, 1.

_2006. urtea: 104,56 euro/igandeko.

_2007. urtea: 107,02 euro/igandeko.

Hitzarmen hau sinatzen denetik 2007ko abenduaren 31 bitartean: 110,00 euro/igandeko.

2. Egiazki lan egindako lanaldi bakoitzean "Igandeetako ordainsaria, 2" izeneko plus bat kobratuko da eta konpentsazio atsedenaldirako larunbata bat hartuko da, arau orokor gisa zerbitzua egin den egunaren hurrengo larunbata. Lanaldi osorako kontrataturiko langileetako bat baino gehiago aritzen bada igande berean, enpresaren eta langileen ordezkarien artean adosturiko egutegi bat ezarriko da konpentsazio atsedenaldia zerbitzuaren beharrekin bat hartu ahal izateko.

Igandeetako ordainsaria, 2.

_2006. urtea: 56,09 euro/igandeko.

_2007. urtea: 57,41 euro/igandeko.

Hitzarmen hau sinatzen denetik 2007ko abenduaren 31 bitartean: 75,00 euro/igandeko.

3. Egiazki lan egindako lanaldi bakoitzean "Igandeetako ordainsaria, 3" izeneko plus bat kobratuko da eta konpentsazio atsedenaldirako larunbata ez den beste bi lanegun hartuko dira igandez egiazki lan egindako lanaldi bakoitzagatik, eta enpresaren eta langileen ordezkarien artean adosturiko egutegi bat ezarriko da konpentsazio atsedenaldia zerbitzuaren beharrekin bat hartu ahal izateko.

Igandeetako ordainsaria, 3.

_2006. urtea: 56,09 euro/igandeko.

_2007. urtea: 57,41 euro/igandeko.

Igandez lan egiten denean, langilearekin egun horretarako itundutako prezioa osatzeko, artikulu honetan ezarritako zenbatekoari oinarrizko soldata eta dagokion antzinatasuna gehituko zaizkio.

2008. eta 2009. urteetarako plus hori ordainsarien taulako gainerako kontzeptu ekonomikoen portzentaje berean gehituko da.

Zerbitzuak igandean emateko, txandak jarriko dira garbiketa zerbitzuko langile guztientzat.

23. artikulua. Pizgarriak lan bereziengatik.

Zerbitzuaren beharrak direla-eta, eta enpresak espresuki eskatuta, jarraian xedatzen diren lanetako edozein egin behar denean, enpresak ondokoa ordainduko du:

a) Peoi kategoriako langileak, bere lanaldian honelako ibilgailuren bat gidatzen badu: motogurdia, kutxa edo "Applied" motako xurgagailu mekanikoa maneiatzen badu, 2,29 euro kobratuko ditu egiazki lan egindako lanaldi bakoitzeko.

b) Bigarren mailako mekanikariak 2,73 euro kobratuko ditu egiazki lan egindako egun bakoitzeko.

c) Peoi kategoriako langileak, lanaldia makinista lanetan ematen duenak, 4,58 euro kobratuko ditu egiazki lan egindako egun bakoitzeko.

Plus horiek benetan lan egindako egun bakoitzeko sorraraziko dira, baina ez dira kontatuko igandeak eta jaiegunak kalkulatzeko ez eta aparteko eskersarietan ere, horrela itundu baita berariaz.

2007, 2008 eta 2009. urteetarako, soldaten tauletako gainerako kontzeptuen portzentajeen neurri berean haziko da lan bereziengatiko pizgarria.

24. artikulua. Tafallako jaietako lanaldiak.

Hitzarmen honen indarraldiak dirauen artean enpresako ohiko langileen lan baldintzak eta atsedenaldiak negoziatuko dira. Egun horietako lana ordaintzeko, hitzarmen honetako 21. eta 22. artikuluetan ezarritakoa hartuko da erreferentziatzat, betiere langileen aukeran utzita.

25. artikulua. Eguberri eta Urte Zahar.

Plantillako langileek jai izanen dute urtarrilaren 1ean eta abenduaren 25ean.

Egun horietan kobratuko dituzte kategoria bakoitzari dagozkion oinarrizko soldata, antzinatasuna eta plusak, I. eranskineko soldaten tauletan ageri direnak.

Egun horietako bakoitzaren biharamunean beren zerbitzua ematen duten langileek jaieguneko plus bat gehiago kobratuko dute, arestian aipatutakoez gainera.

26. artikulua. Aparteko eskersariak.

Udako, eguberriko eta mozkinengatiko aparteko eskersariak lanbide kategoria bakoitzarentzat soldaten tauletan espresuki itundutakoaren arabera ordainduko dira. Zenbateko horiei antzinatasunarena erantsi behar zaie.

Ordainsari horiek sei hilean behin sorraraziko dira, lan egindako denboraren proportzioan, eta salbuespen bakartzat joko dira Langileen Estatutuaren 37.3 artikuluan ezarritako lanera ez agertzeak, ez ordea, justifikatu gabeko lanera ez agertzeak eta ordaindu gabeko baimenak. Ez dira zehatuko aldi baterako ezintasunarengatiko lanera ez agertzeak.

Udako eskersariak ekainaren 30a baino lehen ordainduko dira eta eguberrietakoak abenduaren 20a baino lehen.

Urtero sorraraziko da mozkinetan parte izatearen eskersaria eta urte bakoitzari dagokiona hurrengo martxoko lehenengo egun baliodunean ordainduko da.

Eguberrietako eta udako ordainsarietan oinarrizko soldatari antzinatasunaren hogeita hamar eguneko zenbatekoa erantsiko zaio. Mozkinen pagan, oinarrizko soldatari antzinatasunaren hamabost egun erantsiko zaizkio.

27. artikulua. San Martín de Porres eguneko paga.

Enpresak hitzarmen honen eraginpeko peoi, gidari, makinista eta peoi koipeztatzaile guztiei eranskineko tauletan ageri den zenbatekoa ordainduko die.

Azaroaren lehenengo egun baliodunean ordainduko da.

Urtero sorraraziko da eta ez da murrizketarik eginen aldi baterako ezintasunagatik ezta lanera ez agertze justifikatuengatik ere.

28. artikulua. Garraiorako soldataz kanpoko osagarria.

Garraioa eta distantzia direla eta, sortutako gastuak konpentsatzeko, soldataz kanpoko plusa ezarri da benetan lan egindako egun bakoitzeko. Horren zenbatekoa ere eranskineko tauletan ageri da.

29. artikulua. Dietak.

Bidaian barna etxetik kanpora lo egitea eta bazkaltzea eta afaltzea beharrezkoa denean, honako dieta osoa kobratuko da:

_2006. urtea: 47,44 euro.

_2007. urtea: 48,56 euro.

Bidaiarengatik beharrezkoa ez bada etxetik kanpo lo egitea, bazkaltzeko nahiz afaltzeko dieta honakoa izanen da:

_2006. urtea: 18,24 euro.

_2007. urtea: 18,67 euro.

2008 eta 2009. urteetarako, soldaten tauletako portzentajeen neurri berean haziko da dieta hori nahiz dieta erdia.

30. artikulua. Aparteko orduak.

Hitzarmen kolektibo honen eraginpeko jarduera herritarrentzat behar-beharrezko zerbitzu publikoa izanik, urte osoko egun guztietan nahitaez egin eta bukatu beharrekoa, sinatzaileek espresuki aitortzen dute "egiturazkoak" direla ustekabeko lanera ez agertzeen edo txanda aldaketen ondorioz egin beharreko aparteko orduak, eta orobat, produkzio beharren, ustekabeko lanen, mantentze lanen eta lanaren izaeraren ondoriozko egiturazko ordu horiek. Hori guztia abuztuaren 20ko 1858/81 Errege Dekretuan eta harekin bat datozen xedapenetan xedatutakoaren arabera.

Aparteko orduen zenbatekoa tauletan ageri da eta itun berariazkoa osatzen dute, horien ordainketa kalkulatzeko beste edozein formula baztertuz.

Aparteko orduak egin nahi dituzten langile boluntarioen zerrenda prestatuko da.

31. artikulua. Ordaintzeko modua eta ordainsarien ordainketa.

Hartzekoak, horiek sorrarazi eta hurrengo hileko lehen bost egun naturalen barnean ordainduko ditu enpresak, hurrengo hileko 15ean egiaz erregularizatzea galarazi gabe.

Enpresak aukeratuko du ordaintzeko modua, bankuko taloiaren edo transferentziaren bidez, eta ez da eskubiderik izanen hura kobratzeko denbora librea hartzeko edo horri dagokiona kobratzeko.

Hitzarmen hau sinatzen denetik aurrera enpresak 488,85 euroko aurrerakinak ordainduko dizkie hilero hala eskatzen duten langile guztiei.

IV. KAPITULUA

Hobekuntza sozialak

32. artikulua. Ospitaleratzea eta ABE (aldi baterako ezintasuna).

Ospitaleratzerik izanez gero, ospitalean sartzen denetik harik eta ospitalean alta hartzen duen arte, langileak ospitalizazioaren aurretik kobratzen zituen soldata kontzeptuen %100 kobratuko du.

Ospitaleratzearekin batean operazio kirurgikorik egin behar bazaio, langileak baja hartu aurretik kobratzen zituen ordainsarien %100 kobratuko du ospitalean dirauen bitartean eta gehienez ere ospitalizazioaren ondoko 30 egunetan, aldi baterako ezintasun egoeran segitzen badu, betiere.

33. artikulua. Gidabaimena kentzeko zehapena.

Gidariaren erruz izan gabe, zerbitzuko ibilbidearen beharrengatik edo akats mekaniko batengatik, langileari gidabaimena kendu bazaio, enpresak lansaria eta lanpostua errespetatuko dizkio, bitarte horretan enpresak beste lanposturen batean egokitzea galarazi gabe.

Gidabaimena kendu bazaio ibilgailu partikularra gidatzean, eta ausarkeriazko zuhurtziagabetasunik edo asmo txarrik izan ez bada behintzat, enpresak beste lanpostu batean egokitzeko konpromisoa hartzen du, lanpostu berriko ordainsariekin.

Enpresak aseguru bat hartuko du gidabaimena kentzen den kasuetarako, aseguru horren eguneko kostuaren herena segurtatzeko, langileak hala eskatzen badu.

34. artikulua. Istripu aseguruaren poliza.

Enpresak bere langileen alde aseguru poliza bat kontratatuko du langileei kalte-ordain hauek bermatzeko:

a) Lan istripuagatik heriotza, erabateko ezintasun iraunkorra edo eritasun profesionala gertatzen bada: heriotza, eritasun profesionalaren ondoriozkoa.

_2003. urtea: 30.651,52 euro.

_2004. urtea: 31.252,53 euro.

_2005. urtea: 31.853,54 euro.

b) Ezintasun iraunkor osoa bere lanposturako, lan istripuaren edo eritasun profesionalaren ondoriozkoa:

2007. urtea: 21.000,00 euro (hitzarmen hau sinatzen denetik aurrera).

2008. urtea: 22.000,00 euro.

2009. urtea: 23.000,00 euro.

c) Lan hitzarmen honek indarra duen artean, berezko heriotzagatik: 3.906,58 euro.

35. artikulua. Osagarria, laneko istripuaren edo eritasunaren kasuan.

Laneko istripu baten ondorioz aldi baterako ezintasuna izaten bada, enpresak Gizarte Segurantzaren prestazioa osatuko du likidatutako hileko egiazko soldataren %100 egin arte. Aldi baterako ezintasuna eritasunaren ondoriozkoa bada, enpresak Gizarte Segurantzaren prestazioa osatuko du likidatutako hileko egiazko soldataren %90 bitarte, eta 1. egunetik 16.era. %100.

Aldi baterako ezintasunagatik lanera ez agertutako urteko ordu kopurua %3 edo hortik beherakoa bada, eritasunagatiko (arrunta zein lanekoa) kontzeptua %100era arte gehituko da bajan den lehenbiziko egunetik, murriztapen hori egin dela egiaztatu eta gero. Hurrengo urteko lehen hiruhilekoan ordainduko da.

Gizarte Segurantzak hitzarmen kolektibo hau sinatzen denean kontzeptu horrengatik ezarriak dituen prestazioak hobetuko balitu, osagarri honek bermatzen dituen zenbatekoen arabera irentsi eta konpentsatuko lirateke.

36. artikulua. Medikura joateko baimenak.

Langileak lan orduetan gizarte segurantzako medikuarengana joan behar badu, ez zaio soldata murriztuko, baldin eta kontsultara joan dela egiaztatzen badu.

Era berean, urtean bi egun edo horren baliokidea ordutan izanen ditu mediku partikularrera joateko edo ezkontideari/bikotekideari nahiz seme-alabei laguntzeko, aurrez arrazoituta.

Salbuespenez, enpresak aldez aurretik aztertu ondoren, baimena luzatzen ahal da.

37. artikulua. Sustapenak eta maila igoerak.

Lanpostu finko edo behin-behinekoetan lanpostu hutsak izanez gero 1. mailako gidari ofizialaren edo makinistaren kategorian, barne igoeraren bidez beteko dira plantillako langileen artean, eta langile berriak kontratatuko dira baldin eta eskatzaileak gai ez badira lanpostu horiek betetzeko.

Sustapenerako prozesu honi jarraituko zaio:

1._Enpresak jendaurrean paratuko du tokian tokiko lanpostu hutsen zerrenda eta epe bat jarriko da eskabideak aurkezteko.

2._Eskatzen den gaitasuna edo titulazioa egiaztatu ondoren, izangaien behin betiko zerrenda paratuko da jendaurrean. Enpresak gidari bat eta ibilgailu bat jarriko ditu, lan ordutik kanpora, 15 egunez eta egunean 4 orduz.

3._Azterketa teorikoa eta praktikoa eginen da. Enpresak eta batzordeak izendatuko dituzte aztertzaileak.

4._Probak eginik, langile bakoitzari "gai" edo "ez gai" kalifikazioa emanen zaio eta lehenbiziko kasuan haren prestakuntzaren neurriko puntuazioa.

Azterketaren gai diren lanpostu hutsak, puntuazio hoberena lortu duten langileek beteko dituzte eta berdinketarik izanez gero, enpresan denbora gehien daramanak lortuko du lanpostua.

Lehen mailako gidari ofizialaren edo makinistaren kategoria ez da irmo bihurtuko harik eta lanpostua finkoa izan arte; hala ere, kategoria horretan diharduten denboran ordainsarien diferentzia kobratuko dute. Lanpostua aldi baterakoa denean, langilea lehen zuen lanpostura itzuliko da eta orduan lanpostu horretako ordainsariak kobratuko ditu.

Hitzarmen hau sinatzen denean gidari kategorian jarriko dira J. Miguel Baztan González eta Pedro Hevia Estrada langileak. Gainerako langileek gaur egungo kategoria profesionala izaten jarraituko dute.

38. artikulua. Eszedentziak.

Enpresan urtebeteko antzinatasuna duen langile orok eskubidea du eszedentzia hartzeko, gehienez bost urtekoa eta gutxienez hiru hilabetekoa.

Borondatezko beste eszedentzia bat hartu ahal izateko, langileak beste urtebetez bederen lan egin beharko du enpresan.

Eskatzen den eszedentzia ez bada bost urte baino gehiagorako edo enpresan lan egindako denboratik goitikoa, enpresak langilea lehengo lanpostuan jarriko du, betiere langileak bere itzulera 15 egun lehenago jakinarazten badu enpresan.

Eszedentziaren ondorioz kontratatzen den langileak, eszedentzian egondakoa itzultzen denean, lehentasunezko eskubidea izanen du suerta daitekeen lehenbiziko lanpostu hutsa betetzeko.

39. artikulua. Laneko arropa.

Langileen jantziak nahitaez erabiliko dira eta enpresak banatuko ditu:

_Udako arropa multzoa:

2 galtza pare.

2 atorra edo polo, mahuka motzekoak.

Olanezko bota pare bat.

Txano edo bisera bat.

_Neguko arropa multzoa:

2 Panazko galtza pare.

2 atorra mauka luzekoak.

Jertse bat.

Olanezko bota pare bat.

Hiru urtean behin, neguko arropa multzoarekin batera, anoraka, uretako jantzia eta uretako botak emanen dira.

Behar bezalako eskularru egokiak eta nahikoak emanen dira hondaturikoak ordezkatzeko.

Arroparen bat edo oinetakoren bat lanean ibiltzeagatik hondatzen denean, enpresak ordezkoa emanen du ahalik eta lasterren, hondaturiko arropa edo oinetakoa itzuli ondoren.

Enpresak, nahi duenean, aurreko urtean emandako arropak itzultzeko eska dezake arropa multzo berria ematen duenean.

40. artikulua. Maileguak langileentzat.

Enpresak lan hitzarmen honek indarra duen artean 6.000,00 euro jarriko ditu urtean langileei maileguak emateko. Diru hori plantillako langileen artean banatzeaz enpresa batzordea arduratuko da, batzordeak berak ezarritako jarraibideen arabera. Ildo horretatik erabaki da langile batek ezin izanen duela 2.000,00 euro baino gehiago eskuratu.

Langileek ez dute zilegi beste mailegu bat eskatzea, harik eta aurrekoa likidatu arte. Langileak enpresa uzten badu, enpresak amortizatzeko dagoen diru kopurua zati proportzionalen likidaziotik deskontatzen ahalko du.

Mailegua eskatzeko, langileak urtebeteko antzinatasuna izan behar du gutxienez enpresan.

Mailegua urtebeteko epean amortizatuko da.

41. artikulua. Betaurrekoen haustura.

Hitzarmen kolektibo honek indarra duen artean edozein eginbeharretan ustekabean eta inolako eta inoren errurik izan gabe, hitzarmen kolektibo honen eraginpeko langileren bati bere betaurreko graduatuak hausten bazaizkio, enpresak, afera egiaztatuta, 118,72 euroko laguntza emanen dio, arrazoi horregatik.

42. artikulua. Familia-laguntzak.

Laguntza soziala ezarri da, hitzarmen honen eraginpeko langileentzat, seme edo alaba urritu fisiko edo psikikorik badute, haien tutore eta bizikide badira, eta Gizarte Segurantzak kontzeptu horregatik ematen dituen prestazioen onuradun badira.

Familia-laguntzak:

_2006. urtea: 124,44 euro.

_2007. urtea: 127,36 euro.

Egoera hori minusbaliotasun kalifikazioaren bidez frogatu beharko da.

2008. eta 2009. urteetan zenbateko horiek I. eranskineko soldaten tauletako portzentajeen neurri berean igoko dira.

43. artikulua. Erretiro saria.

Langile bat bere borondatez erretiratzen denean, ondoren adierazten diren adinetan, erretiro laguntza gisa enpresak diru kopuru hauek emanen dizkio, enpresan emandako zerbitzu urte bakoitzeko.

.2007. urtea:

_Erretiroa 60 urterekin eskatzen bada: 312,19 euro.

_Erretiroa 61 urterekin eskatzen bada: 255,15 euro.

_Erretiroa 62 urterekin eskatzen bada: 210,42 euro.

_Erretiroa 63 urterekin eskatzen bada: 175,36 euro.

_Erretiroa 64 urterekin eskatzen bada: 153,40 euro.

_Erretiroa 65 urterekin eskatzen bada: 135,66 euro.

2008. eta 2009. urteetan zenbateko horiek I. eranskineko soldaten tauletako portzentajeen neurri berean igoko dira.

44. artikulua. Erroldak.

Enpresak urtero prestatuko ditu langileen bi errolda:

a) Orokorra: ordena alfabetikoz, deiturak, enpresan sartu zireneko data eta kategoria.

b) Berezia: langileek lantokian duten antzinatasunaren hurrenkeran.

45. artikulua. Osasun azterketak.

Hitzarmen honen barnean dauden langile guztiek aldizkako azterketa medikoak egiteko eskubidea izanen dute enpresaren kontu, urtero eta urte naturalaren barnean eginen direla.

Aipatu azterketak berariazkoak izanen dira lanpostu bakoitzerako; enpresako zerbitzu medikoen aholkularitzari jarraiki Segurtasun eta Osasun Batzordearen barnean lanpostu bakoitzerako hautatutako proba medikoak eginen dira, ezarririko aldizkakotasuna eta baldintzak errespetatuta. Azterketak Mutuaren aretoetan edo hark itundutako laguntza zentroetan eginen dira. Langileek azterketa egiteko behar duten denbora izanen dute lanorduetan.

46. artikulua. Segurtasun eta osasun batzordea.

Segurtasun eta Osasun Batzordea osatzean eta haren eskumenak eta ahalmenak zehaztean, Laneko Arriskuen Prebentzioari buruzko azaroaren 8ko 31/1995 Legeak xedatutakoari jarraituko zaio (Estatuko Aldizkari Ofiziala, 269. zk., 1995eko azaroaren 10ekoa).

Segurtasun eta Osasun Batzordeak hilean egun bateko baimena izanen du enpresarekin biltzeko. Bilera egiten ez bada ere, baimena berdin-berdin hartuko da.

47. artikulua. Ekintza sindikala: eskubide eta berme sindikalak.

Sindikatuek eskubide osoa izanen dute iragarki ohola erabiltzeko, intereseko gaietarako (lanekoak eta sindikalak). Eskubidea izanen dute, halaber, propaganda banatzeko eta kuotak biltzeko, baina eskubide horiek erabiltzean enpresaren lana edo ohiko martxa oztopatu gabe.

Eskubide sindikalak erabiltzeko, langileek ondoren adierazten diren bermeak dituzte eta baliogabe joko dira helburutzat bereizkeria sindikala duten egintzak edo itun guztiak; honako hauek, zehazki:

a) Langile bat hartzeko edo ez hartzeko, kontuan izatea sindikatu batera afiliatua dagoen ala ez.

b) Enpresaburuak berak sindikatu bat eratzea edo sindikatu baten aldeko jarrera izatea, edozein motatako laguntzen bidez.

c) Langile bat kaleratzea, zehatzea, diskriminatzea edo nola edo hala kalte egitea sindikatu batean afiliatua egoteagatik edo bere ekintza sindikalarengatik, betiere sindikatu hori indarra duen legeriaren araberakoa bada.

Enpresa batzordea langileen ordezkaritza organoa da. Honako bermeak izanen ditu:

a) Delegatu bakoitzak 34 ordu sindikaleko kreditua izanen du hilean, hitzarmen hau indarrean dagoen bitartean. Ordu horiek egiazko soldataren arabera ordainduko dira.

Ordu horiek kide baten esku jartzen ahal dira, baina ekintza sindikalerako erabiltzen diren orduak ez dira inola ere enpresa batzordeari dagozkion ordu guztiak baino gehiago izanen.

b) Hileko ordu kopuruan ez dira kontatuko enpresaren ekimenez deitutakoak.

c) Lanaren antolaketa arloan edo hobekuntza teknikoetan egoki juzgatzen diren neurriak proposatzea enpresari.

d) Langileengan zuzeneko eragina izanen duten neurrien gaineko informazioa jasotzea, eta bereziki gai hauei buruzkoak:

_Enplegu erregulazioko espedienteak.

_Langileak beste leku batera aldatzea.

_Lan sistema berriak ezartzea.

_Lanaren antolaketan eragina izan dezaketen erabakiak.

e) Indarra duten laneko arauak beteko direla segurtatzea eta enpresa arau-hausteez ohartaraztea eta, kasua bada, behar diren erreklamazioak jartzea arauok bete daitezen.

f) Enpresak baimena emanen du, batzordeak 48 ordu lehenago jakinarazi ondotik, batzar ordainduak egiteko. Gehienez ere 3 ordu izanen dituzte urtean.

48. artikulua. Diziplina neurriak.

Hartzen diren diziplina neurrien berri emanen zaio enpresa batzordeko idazkariari, edo haren ordezkoari, egoki iruditzen zaizkion alegazioak egin ditzan haiek jaso eta 5 eguneko epean.

49. artikulua. Barne araubidea.

a) Egindako zerbitzuen kopia bana emanen zaie hitzarmenari atxikitako gidariei.

b) Langile kontratudun berriak gaueko edo arratsaldeko txandan hasiko dira lanean, baldin eta txanda horietan inork interesik badu eguneko txandara pasatzeko (horretan lanpostu hutsik bada).

50. artikulua. Plantilla.

Joera izanen da kontratudunen lanpostuetarako obra edo zerbitzuko lan kontratu finkoak egitea.

Enpresak hitzeman du ezen, aldi bateko kontratu bidez enpresari loturik hemezortzi hilabetez jarraian eta etenik gabe ematen duten langileei zerbitzu jakin baterako kontratua eginen zaiela eta kontratu horrek adjudikatutako kontratak beste iraunen duela.

51. artikulua. Makinistak.

Makinistaren kategoria honela definitzen da: gutxienez B motako gidabaimena daukan langile bat, behar diren ezagupenak dituena tailerreko elementurik eskatzen ez duten edozein motatako konponketak egiteko. Haren ardura izanen da, bereziki, berak gidatzen duen makina parketik ateratzen denean behar bezala funtziona dezala.

Kale garbigailuak eta ura botatzen duten espaloi garbigailuak, "B" kategoriako gidabaimena eskatzen dutenak, gidatu eta manejatuko ditu. Esleitzen zaion makinaren mantentze-lanez eta zainketa egokiaz arduratuko da eta makinaren jarraipen teknikoak eta funtzionamendukoak beteko ditu.

Eguraldi gorabeherak, matxura teknikoak edo zerbitzuaren antolaketako gorabeherak izaten direnean makinistak lanaldia ez badu esleitu zaion makinarekin betetzen, peoi edo gidariaren kategoriako lanetan aritzen ahalko da, azken horretan behar den gidabaimena baldin badu, betiere, eta bere ordainsaria galarazi gabe.

Kobratuko beharreko soldatak I. eranskinean dagokion kategoriarako ezarritakoak izanen dira.

52. artikulua. Txanda aldaketak.

Zerbitzu beharrengatik goizeko txandako langile bat arratsaldeko edo gaueko txandara pasatu beharra izanez gero, lanpostuan eta txandan denbora gehien daramana lehenetsiko da.

Boluntariorik ez izatera, lanpostuan eta txandan denbora gutxien daramanari tokatuko zaio txanda aldatzea.

Goizeko txandara itzultzeko, lehentasuna izanen dute txanda aldatzera derrigortuek, eta azkenik aldatutakoa lehenengoa izanen da hurrengo txanda aldaketarako, eta horrela hurrenez hurren.

V. KAPITULUA

Xedapen gehigarriak

Lehen xedapen gehigarria.

2006. urtean = Nafarroako KPIren gehikuntza + San Martín de Porres eguneko pagaren eta Mozkinen pagaren arteko aldearen 1/2.

2007. urtean = Nafarroako KPIren gehikuntza + 0,25 puntu berdintzea San Martín de Porres eguneko paga eta Mozkinen paga.

2008. urtean = Nafarroako KPIren gehikuntza + 0,50 puntu + udako pagaren eta eguberrietako pagaren arteko aldearen 1/2.

2009. urtean = Nafarroako KPIren gehikuntza + 0,75 puntu berdintzea udako paga eta eguberrietako paga.

KPIren gehikuntza tauletan azaltzen diren ordainsarietako kontzeptu guztiei aplikatuko zaie.

I. ERANSKINA

TAFALLAKO 2006. URTEKO SOLDATEN TAULA

Peoia, egunez 25,59 10,05 5,71 2,67 - 1.342,77 1.515,32 1.284,51 660,81 576,47 12,46 18,68 19.342,90

Peoia, gauez 25,59 10,05 5,71 2,67 9,52 1.492,13 1.634,11 1.403,49 718,36 601,71 15,12 22,70 22.354,66

Makinista, egunez 28,68 9,93 5,97 2,67 - 1.601,13 1.527,56 1.297,78 648,84 564,95 13,47 20,21 20.649,83

Makinista, gauez 28,68 9,93 5,97 2,67 9,52 1.860,45 1.625,09 1.395,73 660,02 561,36 16,14 24,22 23.654,06

Gidaria, egunez 28,68 9,93 5,97 2,67 - 1.601,13 1.527,56 1.297,78 648,84 564,95 13,47 20,21 20.649,83

Gidaria, gauez 28,68 9,93 5,97 2,67 9,52 1.860,45 1.625,09 1.395,73 660,02 561,36 16,14 24,22 23.654,06

Administrari laguntzailea 23,82 10,86 4,74 2,67 - 1.394,28 1.393,44 1.393,44 1.393,44 - 11,90 17,86 18.962,79

1. mailako administrari-ofiziala. 34,15 13,92 5,68 2,67 - 1.808,21 1.765,89 1.765,89 1.765,89 - 16,42 24,61 25.150,36

2. mailako administrari-ofiziala. 25,63 11,15 5,51 2,67 - 1.552,37 1.546,92 1.546,92 1.546,92 - 12,81 19,21 20.477,81

Peoi koipeztatzailea 25,57 10,18 5,77 2,67 - 1.431,11 1.544,05 1.313,55 680,89 582,86 12,54 18,81 19.567,69

1. mailako mekanikaria 28,62 12,23 7,21 2,67 - 1.717,12 1.731,61 1.731,61 1.731,61 - 14,72 22,08 22.989,56

2. mailako mekanikaria 25,59 10,20 5,73 2,67 - 1.620,31 1.677,33 1.677,33 1.675,09 - 12,90 19,39 20.667,77

3. mailako mekanikaria 25,68 10,30 5,77 2,67 - 1.477,49 1.635,34 1.405,01 738,80 609,12 12,60 18,89 19.956,66

Langilezaina 27,45 12,35 5,40 2,67 9,52 1.490,67 1.523,31 1.523,31 1.523,31 - 14,93 22,40 23.851,33

Langilezain egiaztatzailea 30,85 14,61 6,05 2,67 9,52 1.760,27 1.798,34 1.798,34 1.798,34 - 15,31 22,96 26.981,71

Arduraduna 36,19 24,42 6,92 2,67 9,52 1.982,78 1.982,41 1.982,41 1.982,41 - 16,07 24,10 32.973,07

TAFALLAKO 2007. URTEKO SOLDATEN TAULA

Peoia, egunez 26,19 10,29 5,84 2,73 - 1.374,33 1.550,93 1.314,70 676,34 676,34 12,75 19,12 19.882,75

Peoia, gauez 26,19 10,29 5,84 2,73 9,74 1.527,20 1.672,51 1.436,47 735,24 735,24 15,48 23,23 22.997,35

Makinista, egunez 29,35 10,16 6,11 2,73 - 1.638,76 1.563,46 1.328,28 664,09 664,09 13,79 20,68 21.217,75

Makinista, gauez 29,35 10,16 6,11 2,73 9,74 1.904,17 1.663,28 1.428,53 675,53 675,53 16,52 24,79 24.306,69

Gidaria, egunez 29,35 10,16 6,11 2,73 - 1.638,76 1.563,46 1.328,28 664,09 664,09 13,79 20,68 21.217,75

Gidaria, gauez 29,35 10,16 6,11 2,73 9,74 1.904,17 1.663,28 1.428,53 675,53 675,53 16,52 24,79 24.306,69

Administrari laguntzailea 24,38 11,12 4,85 2,73 - 1.427,05 1.426,19 1.426,19 1.426,19 - 12,18 18,28 19.408,98

1. mailako administrari-ofiziala. 34,95 14,25 5,81 2,73 - 1.850,70 1.807,39 1.807,39 1.807,39 - 16,81 25,19 25.739,85

2. mailako administrari-ofiziala. 26,23 11,41 5,64 2,73 - 1.588,85 1.583,27 1.583,27 1.583,27 - 13,11 19,66 20.957,01

Peoi koipeztatzailea 26,17 10,42 5,91 2,73 - 1.464,74 1.580,34 1.344,42 696,89 696,89 12,83 19,25 20.128,27

1. mailako mekanikaria 29,29 12,52 7,38 2,73 - 1.757,47 1.772,30 1.772,30 1.772,30 - 15,07 22,60 23.529,23

2. mailako mekanikaria 26,19 10,44 5,86 2,73 - 1.658,39 1.716,75 1.716,75 1.714,45 - 13,20 19,85 21.151,14

3. mailako mekanikaria 26,28 10,54 5,91 2,73 - 1.512,21 1.673,77 1.438,03 756,16 756,16 12,90 19,33 20.556,99

Kapataza 28,10 12,64 5,53 2,73 9,74 1.525,70 1.559,11 1.559,11 1.559,11 - 15,28 22,93 24.412,49

Langilezain egiaztatzailea 31,57 14,95 6,19 2,73 9,74 1.801,64 1.840,60 1.840,60 1.840,60 - 15,67 23,50 27.610,74

Arduraduna 37,04 24,99 7,08 2,73 9,74 2.029,38 2.029,00 2.029,00 2.029,00 - 16,45 24,67 33.744,10

Iragarkiaren kodea: F0710032