I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
375/2007 EBAZPENA, maiatzaren 4koa, Lan zuzendari nagusiak emana, Nafarroako "Nekazaritza eta abeltzaintza" sektorearen lan hitzarmenaren 2006ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 50/2007).
Departamentu honetan 2007ko apirilaren 25ean sartu da "Nekazaritza eta abeltzaintza" sektoreko 2006ko soldaten berrikuspenari buruzko akordioa, negoziazio batzordeak hitzarmen hartan xedaturikoa betez izenpetu eta onetsia (hasierako espedientearen zenbakia: 60/2003).
Industria eta Teknologia, Merkataritza eta Lan Departamentuak bere esku du martxoaren 24ko 1/1995 Legegintzako Errege Dekretuaren 90. artikuluan aipatzen diren lan hitzarmen kolektiboak erregistratu, gorde eta argitaratzea, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuaren arabera, eta kontuan izanik Hitzarmen kolektiboak erregistratu eta gordetzeari buruzko maiatzaren 22ko 1040/1981 Errege Dekretuan xedatutakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz.
EBATZI DUT:
1. Nafarroako "Nekazaritza eta abeltzaintza" sektorearen (kodea: 3100155) lansarien berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2007ko maiatzaren 4an._Lan zuzendari nagusia, José María Roig Aldasoro.
SOLDATEN BERRIKUSPENARI BURUZKO AKORDIOA
NAFARROAKO 2006KO "NEKAZARITZA ETA ABELTZAINTZA" SEKTORERAKO LAN HITZARMENERAKO LANSARIEN BEHIN BETIKO TAULAK SINATZEKO AKTA
Iruñean, 2007ko apirilaren 24an, 16:00etan, ondoko hauek bildu ziren Unión de Agricultores y Ganaderos de Navarra sindikatuaren lokaletan Nafarroako "Nekazaritza eta abeltzaintza" sektorerako lan hitzarmeneko 2006ko soldaten taularen berrikuspena sinatzeko:
UAGNren izenean Angel Remírez.
CC OOren izenean Isabel Montiel López.
UGTren izenean Pilar Iráizoz Urdániz.
NAFARROAKO 2006KO "NEKAZARITZA ETA ABELTZAINTZA" SEKTORERAKO LAN HITZARMENERAKO LANSARIEN BEHIN BETIKO TAULAK
Teknikariak: 1.038,60 euro.
Administrari-ofiziala: 810,72 euro.
Administrari laguntzailea: 717,52 euro.
Arduradunak: 862,54 euro.
Traktorista makinistak: 815,69 euro.
Espezialistak: 737,32 euro.
Guardiak: 736,14 euro.
Etxezainak: 736,14 euro.
Lanbide klasikoetakoak: 883,21 euro.
Peoiak: 707,14 euro.
Iragarkiaren kodea: F0707707
