I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
52/2007 FORU AGINDUA, maiatzaren 23koa, Hezkuntza kontseilariak emana, Hezkuntzari buruzko maiatzaren 3ko 2/2006 Lege Organikoan ezarritako Derrigorrezko Bigarren Hezkuntzako ikasketen ezarpena arautzen duena, eta Foru Komunitateko ikastetxe publikoetan eta ikastetexe pribatu itunduetan ikasketa horiek izanen duten ordutegia finkatzen duena.
Eskola Antolamendu eta Berriztapenerako Zerbitzuko zuzendariak adostasun txostena aurkeztu du, Hezkuntzari buruzko maiatzaren 3ko 2/2006 Lege Organikoan ezarritako Derrigorrezko Bigarren Hezkuntzako ikasketen ezarpena arau dadin, eta Nafarroako Foru Komunitateko ikastetxeetan ikasketa horiek izanen duten ordutegia ezar dadin.
LOEn ezarritakoa betez, foru agindu honen bidez 2007-2008 ikasturterako arautzen da Derrigorrezko Bigarren Hezkuntzako lehen eta hirugarren kurtsoetako ikasketen ezarpena, eta 2008-2009 ikasturterako bigarren eta laugarren kurtsoetako ikasketena, Hezkuntza sistemaren antolamendu berria aplikatzeko egutegia ezarri duen ekainaren 30eko 806/2006 Errege Dekretuan xedatutakoari jarraikiz.
Era berean, ordutegiaren antolaketa arautu eta Derrigorrezko Bigarren Hezkuntzako irakasgai batzuen gaineko argibideak ematen dira.
Foru agindu hau prestatzerakoan ondokoak hartu dira kontuan: abuztuaren 31ko 1070/1990 Errege Dekretua, irakaskuntza ez-uniber- tsitarioko eginkizun eta zerbitzuak Estatuak Nafarroako Foru Komunitatearen esku uztea onesten duena; abenduaren 29ko 1631/2006 Errege Dekretua, Derrigorrezko Bigarren Hezkuntzako gutxieneko ikasketak ezartzen dituena; eta martxoaren 19ko 25/2007 Foru Dekretua, Nafarroako Foru Komunitatean Derrigorrezko Bigarren Hezkuntzako ikasketen curriculuma ezartzen duena.
Horrenbestez, eta Nafarroako Gobernuari eta lehendakariari buruzko abenduaren 3ko 14/2004 Foru Legeko 41. artikuluko 1. idatz-zatiko g) letran ematen zaizkidan ahalmenak erabiliz,
AGINDU DUT:
1. artikulua. Helburua eta aplikazio eremua.
Hezkuntzari buruzko maiatzaren 3ko 2/2006 Lege Organikoan ezarritako Derrigorrezko Bigarren Hezkuntzako ikasketak ezartzeko arauak onestea, bai eta ordutegia ere, Foru Komunitateko ikastetxe publikoetan eta ikastetexe pribatu itunduetan aplikatzeko.
2. artikulua. Derrigorrezko Bigarren Hezkuntzako ordutegia antolatzea.
1. Derrigorrezko Bigarren Hezkuntzako kurtso bakoitzean eskola jarduerak 175 egun izanen ditu gutxienez.
2. Ikastetxeek, hala publikoek nola pribatu itunduek, eskola ordutegia astean 5 eskola saio bitarte luzatzea eska dezakete. Luzapen horrek ez du behin ere ituna handituko ikastetxe pribatu itunduetan, ez eta plantilla ikastetxe publikoetan. Hezkuntza Departamentuak, egutegiari eta ordutegi orokorrari buruz urtero argitaratzen duen araudiaren barnean, ordutegia luzatzeko eskaerarako prozedura zehaztuko du.
3. DBHko kurtso bakoitzean ikasleek 29 eskola saio izanen dituzten astean. Gainera, tarte bat izanen dute astero tutorearekin egoteko.
4. G eta A hizkuntza ereduak dituzten ikastetxeetan, aukerako irakasgaien ordutegietan emanen da Euskal hizkuntza eta literatura, nahiz eta horrek ez duen galaraziko ikastetxe horietan A erduan ari diren ikasleentzat hizkuntza hori nahitaezkoa izatea.
5. Matematika irakasgaiak bi aukera izanen ditu laugarren kurtsoan, irakasgai hori ikasle bakoitzarentzat nolakoa den kontuan hartuz: hor bukatzekoa den edo propedeutikoa den.
6. Hirugarren kurtsoan Natur Zientziak banatu eginen dira: alde batetik, Biologia eta Geologia izanen dira eta, bestetik, Fisika eta Kimika. Lauhilabeteko gisa programatzen ahalko dira; hala eginez gero, eta lehentasunez, irakasgai bakoitzeko irakasle espezialistei esleituko zaizkie. Dena dela, irakasgai horrek batasuna izanen du kurtsoz igarotzeari dagokionez.
3. artikulua. Ordutegia hizkuntza ereduen arabera banatzea.
1. Foru agindu honen I. eranskinean ageri da G ereduan irakasgai bakoitzak zenbat saio dituen astean.
2. Foru agindu honen II. eranskinean ageri da D ereduan irakasgai bakoitzak zenbat saio dituen astean.
4. artikulua. Derrigorrezko Bigarren Hezkuntzaren ezarpena.
1. LOEk arautzen dituen Derrigorrezko Bigarren Hezkuntzako 1. eta 3. kurtsoetako ikasketak 2007-2008 ikasturtean ezarriko dira orokorrean, eta alde batera utziko dira urriaren 3ko 1/1990 Lege Organikoak arautzen duen Derrigorrezko Bigarren Hezkuntzako 1. eta 3. kurtsoetakoak.
2. LOEk arautzen dituen Derrigorrezko Bigarren Hezkuntzako 2. eta 4. kurtsoetako ikasketak 2008-2009 ikasturtean ezarriko dira orokorrean, eta alde batera utziko dira urriaren 3ko 2/1990 Lege Organikoak arautzen duen Derrigorrezko Bigarren Hezkuntzako 2. eta 4. kurtsoetakoak.
XEDAPEN GEHIGARRIAK
Lehenbiziko xedapen gehigarria._Erlijioa.
Erlijioko irakaskuntza martxoaren 19ko 25/2007 Foru Dekretuko bigarren xedapen gehigarrian ezarritakoaren arabera sartuko da Derrigorrezko Bigarren Hezkuntzan. Dekretu horren bidez Derrigorrezko Bigarren Hezkuntzako ikasketen curriculuma ezarri da Nafarroako Foru Komunitatean.
Bigarren xedapen gehigarria._Hezkuntza-arreta.
Era berean, foru dekretuko bigarren xedapen gehigarriak ezartzen duenez, erlijioko irakaskuntza jaso nahi ez dutenek hezkuntza-arreta izan dezaten, antolamendu neurriak hartuko dituzte ikastetxeek. Neurri horiek, zeinen ildo orokorrak Hezkuntza Proiektuan bildu beharko baitira, printzipio hauek bete beharko dituzte beti:
a) Ikastetxeko zuzendariak esanen du zein irakasle arduratuko den hezkuntza-arretaz, baina irakasleek beren espezialitateko betebeharrak bukatu eta gero hartuko dute ardura hori.
b) Arreta hori irakastordutzat joko da irakaslearen ordutegia eratzean.
c) Ez da inolaz ere aldatuko ikasleak ikastetxean bertan egin beharreko ordu kopurua, ez eta jantokiaren edo garraioaren ordutegia ere.
Ikastetxeak hezkuntza-arretarako hartzen dituen neurriak, autonomia printzipioari lotuta betiere, Urteko Programazio Orokorrean aldez aurretik onetsitako jardueretan zehaztu beharko dira, eta ez dute ekarriko erlijioaren gertakariari edo etapako arloren bati lotutako curriculum edukiak ikasi beharra.
Hirugarren xedapen gehigarria._Erlijioko irakasleak.
Ikastetxe publikoetako erlijio irakasleen eskola orduak _beren ordutegikoak izan arren ikasleekin zuzeneko irakaskuntzan aritzeko ez direnak_ ikastetxean nahitaez egin beharrekoak izanen dira eta erlijioko ikasleei eskainiko zaizkien jarduerak prestatzeko erabiliko. Halaber, zuzendariak ordu horiek zaintzarako erabiltzeko eska dezake, behar izanez gero. Jarduerak erlijioko curriculumeko helburuen osagarri izanen dira, ez dira nahitaezkoak izanen ikasleentzat eta eskola ordutegitik kanpo eginen dira, irakasle horiek bertan direla.
Laugarren xedapen gehigarria._Aukerako irakasgaien curriculuma eta curriculum aukerena.
Laugarren kurtsoko aukeren eskaintza eta erregulazioa, bai eta aukerako irakasgaiena ere, etapa honetan horien curriculuma onetsiko duen araudiari jarraikiz eginen da.
Bosgarren xedapen gehigarria._Eskolan geroago sartzea.
Curriculum gaitasunen mailan bi urteko desfasea edo handiagoa dutenak, adinagatik dagokien kurtsoan baino bat edo bi beherago eskolatzen ahalko dira, betiere oro har ezarrita dauden adin mugen barnean bukatzen ahal badute etapa, eskolatze horren bidez.
Seigarren xedapen gehigarria._Hezkuntza Proiektua prestatzea.
Hezkuntza Departamentuak, LOEko 121. artikuluak aipatzen duen hezkuntza proiektua prestatzearen garrantziaz oharturik, proiektu hori prestatzeko orientabideak emanen ditu ikasturte hasierako jarraibideen esparruan.
XEDAPEN IRAGANKORRAK
Xedapen iragankor bakarra._Araudiaren indarraldia.
Derrigorrezko Bigarren Hezkuntzaren antolamendu berria ezarri arte, foru agindu honen 4. artikuluan ezarritakoaren arabera, urriaren 3ko 1/1990 Lege Organikoak Derrigorrezko Bigarren Hezkuntzarako ezartzen duen araudiak izanen du indarra ikasketa horietan.
XEDAPEN INDARGABETZAILEAK
Xedapen indargabetzaile bakarra._Arau indargabetuak.
Indarrik gabe utzi da Hezkuntza eta Kultura kontseilariaren abenduaren 26ko 514/1994 Foru Agindua, eta foru agindu honetan ezarritakoaren kontrakoak diren maila bereko edo apalagoko arau guztiak.
AZKEN XEDAPENAK
Azken xedapen bakarra._Indarra hartzea.
Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, 2007ko maiatzaren 23an._Hezkuntza kontseilaria, Luis Campoy Zueco.
I. ERANSKINA
Astean zenbat saio irakasgai bakoitzeko, G hizkuntza ereduan
Natur zientziak
3
3
4
-
10
Gizarte zientziak, geografia eta historia
3
3
3
3
12
Matematika
4
4
4
4
16
Gaztelania eta literatura
4
4
4
4
16
Atzerriko hizkuntza
3
3
3
3
12
Gorputz hezkuntza
2
2
2
1
7
Teknologiak
2
3
-
-
5
Musika
3
-
2
-
5
Plastika eta ikus-hezkuntza
-
2
2
-
4
Erlijioa / Hezkuntza-arreta
2
2
1
1
6
Hezkuntza etiko-zibikoa
-
-
-
1
1
Herritartasunerako eta giza eskubideetarako hezkuntza
-
-
1
-
1
Aukerakoa
3
3
3
3
12
Curriculum aukerak (3 irakasgai)
-
-
-
9
9
Tutoretza
1
1
1
1
4
II. ERANSKINA
Astean zenbat saio irakasgai bakoitzeko, D hizkuntza ereduan
Natur zientziak
3
3
3
-
9
Gizarte zientziak, geografia eta historia
3
3
3
3
12
Matematika
4
4
4
3
15
Gaztelania eta literatura
3
3
3
4
13
Euskara eta literatura
3
3
3
4
13
Atzerriko hizkuntza
3
3
3
3
12
Gorputz hezkuntza
2
2
2
2
8
Teknologiak
2
2
-
-
4
Musika
2
-
2
-
4
Plastika eta ikus-hezkuntza
-
2
2
-
4
Erlijioa / Hezkuntza-arreta
2
2
1
1
6
Hezkuntza etiko-zibikoa
-
-
-
1
1
Herritartasunerako eta giza eskubideetarako hezkuntza
-
-
1
-
1
Aukerakoa
2
2
2
-
6
Curriculum aukerak (3 irakasgai)
-
-
-
8
8
Tutoretza
1
1
1
1
4
Iragarkiaren kodea: F0708789
