II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
ARTZIBAR
2007. urterako karga-tasak, zabor-tasak eta epaitzen kanona
Artzibarko Udalak, 2006ko abenduaren 28ko osoko bilkuran eta Nafarroako Toki Ogasunei buruzko 2/1995 Foru Legean ezarritakoa betetzearren, ondokoa erabaki du:
1._Hirilurraren gaineko kontribuzioa ordainarazteko karga-tasa %0,282 izanen da.
2._Eraikuntza, instalazio eta obren gaineko zerga ordainarazteko karga-tasa %2koa izanen da.
3._Jarduera ekonomikoen gaineko zergarako 1 indizea ezarriko da zergaren kuota txikienen gainean.
4._Hirilurren balio igoeraren gaineko zergaren kuotak zehazteko karga-tasa bakarra ezarriko da: %8. Zerga-oinarriari aplikatuko zaio, urteko portzentaje hauen arabera:
1._1etik 5 urte bitarte._2,2.
2._10 urte bitarte._2,1.
3._15 urte bitarte._2,0.
4._20 urte bitarte._2,0.
5._Zaborra biltzeko tarifak %2,1 igotzea.
6._Etxerako epaitza bakoitzeko, urtean 7,95 euroko kanona ezartzea.
7._Gorraitz-Artzibarren eta Imizkotzen, ur horniduragatik 53,38 euroko tarifa finkoa ezartzea, urteko eta etxebizitza bakoitzeko.
8._Gorraitz-Artzibarren, Imizkotzen eta Usotzen, estolderia eta ur-arazketa zerbitzuengatik 10,68 euroko tarifa finkoa ezartzea, urteko eta etxebizitza bakoitzeko.
Erabaki honek 2007ko urtarrilaren 1ean hartuko du indarra.
Erabakiaren aurka, errekurtso hauetariko bat aurkez daiteke, hautara:
1. Administrazioarekiko auzi-errekurtsoa, Nafarroako Auzitegi Nagusiko arlo bereko Salari zuzendua edo Administrazioarekiko Auzien Epaitegiari zuzendua, administrazioarekiko auzietako jurisdikzioa arautzen duen uztailaren 13ko 29/1998 Legearen 8.1. artikuluak aurreikusitako kasuetan, bi hilabeteko epean, erabaki hau Nafarroako ALDIZKARI OFIZIALean argitaratu eta biharamunetik hasita; hala eta guztiz ere, aldez aurretik eta nahi izanez gero, berraztertzeko errekurtsoa aurkezten ahalko da, erabakia hartu duen organoari zuzendua, hilabeteko epean, erabaki hau Nafarroako ALDIZKARI OFIZIALean argitaratu eta biharamunetik hasita, edo bestela,
2. Gora jotzeko errekurtsoa, Nafarroako Administrazio Auzitegiari zuzendua, hilabeteko epean, erabaki hau Nafarroako ALDIZKARI OFIZIALean argitaratu eta biharamunetik hasita.
Artzibarren, 2007ko apirilaren 24an._Alkatea, Jose Ignacio Videgain Ibarra.
Iragarkiaren kodea: L0706728
