II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
ORKOIEN
Orkoiengo Udaleko administrazio orokorreko lanaldia
Udalak, 2007ko urtarrilaren 31n egin osoko bilkuran, honako erabaki hau hartu zuen: 2007ko jaiegunak zehazturik (2006ko 155. Nafarroako ALDIZKARI OFIZIALa, abenduaren 27koa), bidezko da lanaldiaren urteko banaketa onestea Administrazio Zerbitzu Orokorretako langileentzat. 1.592 lanordu dira, honela banaturik:
Lehendabizikoa._Eguneroko lanaldia, astelehenetik ostiralera, Administrazio Zerbitzu Orokorretako langileentzat, 7 ordu eta 16 minutukoa izanen da. Nahitaez aritu beharko da 8:00etatik 15:00ak arte; gainerako 16 minutuak egiteko langileek malgutasuna izanen dute, 7:44tik 8:00ak arte eta 15:00etatik 15:16ra.
Bigarrena._Jendea egunero hartuko da 9:00etatik 14:00ak arte.
Hirugarrena._Aurreko ataletan aipatzen den lanaldiaren banaketa Udaleko Administrazio Zerbitzu Orokorretan aplikatuko da; gainerako departamentuek beren egutegia izanen dute.
Laugarrena._Urteko lanorduak kontatzeko, kontuan hartu dira ekainaren 20, 21 eta 22a _herriko festak_ Udaleko Administrazio Zerbitzu Orokorretako langileentzat. Hortaz, aurten, 219 lanegun dira.
Orkoienen, 2007ko otsailaren 1ean._Alkatea, Casimiro Larrea Ruiz.
Iragarkiaren kodea: L0701833