I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
277/2007 EBAZPENA, urtarrilaren 29koa, Funtzio Publikoaren zuzendari nagusiak emana. Honen bidez bukatutzat ematen da hein batean Nafarroako Foru Komunitateko Administrazioaren 94 atal, bulego eta unitate parekaturen burutza merezimendu lehiaketa bidez betetzeko deialdia eta izendatzen da Fernando Gorostizu López Hezkuntza Departamentuko Ikasketen Antolamenduko Ataleko buru.
Funtzio Publikoaren zuzendari nagusiak, urtarrilaren 29ko 277/2007 Ebazpenaren bidez, bukatutzat eman du hein batean Nafarroako Foru Komunitateko Administrazioaren eta haren erakunde autonomoen 94 atal, bulego eta unitate parekaturen burutza merezimendu lehiaketa bidez betetzeko deialdia, eta Fernando Gorostizu López Hezkuntza Departamentuko Ikasketen Antolamenduko Ataleko buru izendatu du, sei urte naturalerako, karguaz jabetzen den egunetik hasita.
Deialdi hori urriaren 24ko 2603/2005 Ebazpenaren bidez onetsi eta 2005eko 135. Nafarroako ALDIZKARI OFIZIALean argitaratu zen, azaroaren 11n.
Iruñean, 2007ko urtarrilaren 29an._Funtzio Publikoaren zuzendari nagusia, Alberto Andérez González.
Iragarkiaren kodea: F0702564
