I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
159/2007 EBAZPENA, urriaren 26koa, Osasunbidea-Nafarroako Osasun Zerbitzuko Oinarrizko Osasun Laguntzako zuzendariak emana, zenbait kontratu sinatzeko eskumena eskuordetzen duena.
Osasunbidea-Nafarroako Osasun Zerbitzuaren Estatutuak onetsi zituen uztailaren 3ko 45/2006 Foru Dekretuaren 16. artikuluko 2. idatz-zatiko d) letrak eskumena ematen dio Oinarrizko Osasun Laguntzako zuzendariari mota guztietako kontratu administratiboak sinatzeko, betiere kontratazio administratiboari buruzko araudian ezarritako diru-kopurua ez gainditzeagatik haien tramitazioan faktura baizik eskatzen ez bada.
Aipatu foru dekretuaren 16 artikuluaren 3. idatz-zatiak ezartzen du banatzen diren eskumenak maila bereko edo beheragoko organoei esleituko zaizkiela.
Uztailaren 3ko 45/2006 Foru Dekretuaren bidez eskuratu ditudan ahalmenak erabiliz,
EBATZI DUT:
1. Oinarrizko Osasun Laguntzako Administrazio eta Zerbitzu Orokorren Zerbitzuko buruaren esku uztea ebazpen honetan aipatzen diren kontratu administratiboak sinatzeko eskumena, Oinarrizko Osasun Laguntzako Zuzendaritzarako onetsitako aurrekontuen barrenean.
2. Ebazpen hau Nafarroako ALDIZKARI OFIZIALean argitaratzea.
3. Ebazpen honen berri ematea Osasunbidea-Nafarroako Osasun Zerbitzuko Administrazio eta Antolaketa zuzendariari, Oinarrizko Osasun Laguntzako Administrazio eta Zerbitzu Orokorren Zerbitzuko buruari, Oinarrizko Osasun Laguntzako Aurrekontu eta Kontabilitate Ataleko buruari eta Ogasun Departamentuak Osasunekoan duen Kontu-hartzailetza delegatuari, behar diren ondorioak izan ditzan.
Iruñean, 2007ko urriaren 26an.-Oinarrizko Osasun Laguntzako zuzendaria, Isabel Martín Montaner.
Iragarkiaren kodea: F0717185
