I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
252/2007 FORU AGINDUA, uztailaren 19koa, Vianako Printzea Erakundea-Kultura eta Turismo Departamentuko kontseilariak emana, dokumentu sailak identifikatzeko fitxaren eredua onesten duena, Dokumentuen Ebaluaziorako Batzordean aurkezteko.
Urriaren 30eko 75/2006 Foru Dekretuaren 8.3.a) artikuluan ezarritakoa betetzeko asmoz, Dokumentuen Ebaluaziorako Batzordeak, ekainaren 4an bildurik, eranskinean azaltzen den fitxa eredua prestatu zuen.
Dokumentu Ondarea Kudeatzeko Atalak egindako txostena ikusirik, Artxiboen eta Dokumentu Ondarearen Zerbitzuaren eta Kultura Zuzendaritza Nagusiaren ikus-onespena izanik.
Horrenbestez, Nafarroako Gobernuari eta lehendakariari buruzko abenduaren 3ko 15/2004 Foru Legearen 59.1 artikuluak ematen dizkidan eskumenak erabiliz,
AGINDU DUT:
1. Dokumentuen Ebaluaziorako Batzordeak proposatu duen dokumentu sailak identifikatzeko fitxaren eredua onestea.
2. Dokumentu sailak identifikatzeko fitxaren eredua Nafarroako ALDIZKARI OFIZIALean argitaratzea.
Iruñean, 2007ko uztailaren 19an._Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.
DOKUMENTAZIO SAILA IDENTIFIKATZEKO FITXA
Bertsioa: .................. Eguna: ....................
SAILAREN IDENTIFIKAZIO ESPARRUA
ARTXIBOAREN KODEA
Sailkapen taularen kodea
IZENA
Identifikazioaren xede den seriaren izen normalizatua/Beste izen batzuk
XEDEA
Prozeduran gauzatu den administrazio eginkizunaren helburua edo arrazoia
AURREKO SAILAK
Identifikazioaren xedeko sailaren aurrekoak diren dokumentu sailen izena, antzeko jarduera eta helburuak dituztenak.
LOTURIKO SAILAK
Edukiagatik edo tramitazioagatik, identifikazioaren xedeko sailaren informazio osagarria duten dokumentu sailen izena.
LABURPEN DOKUMENTUAK
Identifikazioaren xedeko saileko oinarrizko informazioaren bilduma osatzen duten dokumentu sail eta dokumentuen izena.
UNITATE ARDURADUNA/SORTZAILEA
Sailaren ekoizpenaren ardura duen erakundearen eta administrazio unitatearen izena.
LEGEDIA
Kasuko sailaren ekoizpenari buruzko araudi berariazkoa.
OINARRIZKO DOKUMENTUAK
Prozedura zein den, sailaren dokumentu-unitate bakoitzak dituen oinarrizko dokumentuen zerrenda ordenatua.
DOKUMENTU MOTA
Kudeaketakoak: erakundeko unitate guztien jarduera erkidean sortutako dokumentuak.
Arlokoak: erakunde bakoitzaren berariazko jardueran sortutako dokumentuak.
Funtsezkoak: erakunde sortzailearen interesak babesteko eta erakundearen oinarrizko jarduera eta eginkizunen jarraipena bermatzeko beharrezkoak diren dokumentuak.
EUSKARRIA
Papera; elektronikoa; argazkiak
BESTEREN BAT (adierazi zein)
URTEKO EKOIZPENAREN BOLUMENA
Urtean sortzen diren instalazio unitateen kopurua. Bitarteko artxibo batera eramandako serie bat ebaluatzen bada, ebaluazioa egiten den egunean, seriea osatzen duten instalazio-unitateen kopurua adierazi.
HASTEKO/BUKATZEKO DATAK
Seriearen hasierako eta bukaerako datak, itxita baldin bada; dokumentuak sortzen segituz gero, adierazi irekita dagoela oraindik.
ORDENA
Lehenengo maila: kronologikoa, zenbakizkoa, alfabetikoa.
Bigarren maila: kronologikoa, zenbakizkoa, alfabetikoa.
BALORAZIO ETA HAUTAPEN ARLOA
BALIOAK
Lehena: Seriaren balio administratiboa edo judiziala bukatu edo preskribitzeko epea ezarri (urtetan).
Bigarrena: Adierazi ikerkuntzarako baliorik duenetz, eta erabatekoa edo partziala den.
LEKUALDATZEA
Dokumentazioa artxiboko fase batetik bestera igarotzeko epea ezarri (urtetan).
KONTSERBAZIOA /DEUSEZTATZEA.
Kontserbatu edo deuseztatuko ote den adierazi, eta horretarako epeak:
Etengabe gordetzea.
Erabat deuseztatzea ......... pasata.
Parte bat deuseztatzea ...... urte pasata.
LAGINKETA MOTA
Parte bat deuseztatzea erabakiz gero, proposatzen den laginketa mota adierazi beharko da:
kronologikoa, hautatua, ausazkoa.
SARBIDEA
Kasuan-kasuan indarra duen legediaren arabera, adierazi dokumentuak jendearen eskura jartzeko baldintzak:
Publikoa
Murriztua: Erabat... Partez ..... Zenbat urtez .....
ERANSKINAK
LEGEDIA
Sailaren gaineko legediaren kopia.
ESPEDIENTEA/DOKUMENTUA
Espediente edo dokumentu baten kopia, eredu gisa.
TRAMITAZIOA
Administrazio prozeduraren azalpena eta espedientearen tramitazioaren epeak.
BESTE EBALUAZIO BATZUK
Sail honen gainean beste erakunde batzuek egin dituzten ebaluazio prozesuak erantsi.
EGIAZTAPEN TXOSTENA
Dokumentu saila artxiboetara eramateko, kontserbatu edo deuseztatzeko eta jendearen eskura jarzeko epeak proposatzen dituen txostena erantsi, proposamenerako erabilitako irizpideak justifikatuz.
OHARRAK
Argibideak erantsi
Iragarkiaren kodea: F0711841