74. ALDIZKARIA - 2006ko ekainaren 21a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak maiatzaren 22an emandako 1307/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko turismo arloko jardueretako ofizial izateko 5 lanpostu oposizio bidez betetzekoa.

Funtzio Publikoaren zuzendari nagusiak maiatzaren 22an emandako 1307/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko turismo arloko jardueretako ofizial izateko 5 lanpostu oposizio bidez betetzeko deialdia onetsi zen.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako oinarriak.

1._Deialdiaren xedea.

1.1. Deialdi honen xedea da turismo arloko jardueretako ofizial izateko 5 lanpostu oposizio bidez betetzea, funtzionarioen araubidekoak eta C mailakoak, Turismo Zuzendaritza Nagusiari atxikiak, txanda hauetan banatuak:

_2 lanpostu txanda irekian.

_3 lanpostu igoera txandan.

1.2. Hauek dira eskaintzen diren lanpostu hutsak:

_3 Iruñean aritzeko; 7037, 7038 eta 7170 plantilla-zenbakiak.

_1 Zangozan aritzeko; 5800 plantilla-zenbakia.

_1 Orreagan aritzeko; 5801 plantilla-zenbakia.

1.3. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu huts bat eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, 7.2. arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.4. Lanpostuek C mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 10. arauan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia), eta lanpostuaren jabetza hartu arte, baldintza hauek bete beharko dituzte:

2.1.1. Txanda irekiko izangaiek bete beharreko baldintzak.

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira edo, gorakoak izanik, haien kontura biziz gero.

b) Adin nagusikoa izatea eta erretiroko adina ez izatea.

c) Eskaerak aurkezteko epea amaitzen den egunean Goi-mailako Batxilergoko titulua, Bigarren Graduko Lanbide Heziketakoa edo baliokidea izatea edo eskuratzeko baldintzetan egotea.

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren Estatuko Funtzio Publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintzak.

Txanda honetako izangaiek baldintza hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Azministrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Goi-mailako Batxilergoko titulua, Bigarren Graduko Lanbide Heziketakoa edo horien baliokidea izatea, edo eskaerak aurkezteko epea amaitzen denean eskuratzeko moduan egotea, eta administrazio publikoetan gutxienez bost urteko antzinatasuna duela frogatzea, Nafarroako Polizia Kidegoetako kideen kasuan izan ezik, kidego horietan benetako zerbitzuetan zortzi urteko antzinatasuna dutela frogatu beharko baitute, edo bestela, administrazio publikoetan zortzi urteko antzinatasuna frogatzea.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3. oinarriko bigarren eta hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasuna dutela frogatzeko organo eskudunak ematen duen agiriaren fotokopia konpultsatua ere aurkeztu beharko dute.

3.3. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 12 euro ordaindu izanaren ziurtagiria. Azterketa eskubideen tasa ordaindu izanaren agiria aurkezten ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutuna eredua ageri da.

_Sarrera esku-dirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordain-agirian datu hauek jarri beharko dira:

.Izangaiaren izen-deiturak.

.NAN/IFZ.

.Ordainketa zein kontutan egiten den, haren zenbakia.

.Kontzeptua: Oposizioak.

.Deialdiaren xede den lanpostua.

Frogagirian datu horietako bat falta baldin bada, izangaia baztertu eginen da.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko soldatatik gorako errentarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

Hiru._Deialdian igoera txandan parte hartu nahi duten eta Nafarroako Foru Komunitateko Administrazioan langile finkoak diren izangaiek, deialdia argitaratzen den egunean zortzi urteko antzinatasun onartua ez badute, deialdi honetako 2.1.2.c) aipatzen den tituluaren kopia konpultsatua gehitu beharko diote eskabideari.

3.4. Eskabideak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahai kalifikatzailea.

5.1. Epaimahaiak kide hauek izanen ditu:

_Mahaiburua: Miren Ausín Lecuna andrea, Vianako Printzea Erakundea-Kultura eta Turismo Departamentuko Turismoaren Sustapenerako eta Irudi Turistikorako Zerbitzuko zuzendaria.

_Ordezkoa: Nazareth Yábar Martínez andrea, Vianako Printzea Erakundea-Kultura eta Turismo Departamentuko Turismoaren Sektorea Sustatu eta Antolatzeko Zerbitzuko zuzendaria.

_Mahaikidea: Carmen Oroz Iribarren andrea, Vianako Printzea Erakundea-Kultura eta Turismo Departamentuko Turismoa Sustatzeko Euskarrien Bulegoko burua.

_Ordezkoa: María Antonia Bariáin Maestrojuán andrea, Vianako Printzea Erakundea-Kultura eta Turismo Departamentuko turismo arloko jardueretako ofiziala.

_Mahaikidea: Beatriz Sola Sainz andrea, Vianako Printzea Erakundea-Kultura eta Turismo Departamentuko turismo arloko jardueretako ofiziala.

_Ordezkoa: María Jesús Mozaz Vicario andrea, Vianako Printzea Erakundea-Kultura eta Turismo Departamentuko turismo arloko jardueretako ofiziala.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Amaya Alcelay Llano andrea, Vianako Printzea Erakundea-Kultura eta Turismo Departamentuko turismo arloko jardueretako ofiziala.

_Ordezkoa: José Miguel Gamboa Baztán jauna, Vianako Printzea Erakundea-Kultura eta Turismo Departamentuko Turismoaren Antolamendu Ataleko burua.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek parte hartzeari uko egin beharko diote eta deialdia egin duen organoari hala jakinarazi, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legean horretarako aurreikusiak dauden egoerak gertatzen direnean.

Izangaiek, halaber, zilegi izanen dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko urtarrilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak jakinaraziko ditu gainerako probak egiteko iragarkiak, erregelamenduz.

6.2. Oposizioak ariketa hauek izanen ditu:

Lehenbizikoa: teorikoa. Gehienez ere bost orduz gai zerrendako hiru zatietako gai bana idatziz erantzun beharko da, hiru gai guztira, alegia, zozketaz aukeratuak.

Bigarrena: teoriko-praktikoa. Idatziz erantzun beharko dira epaimahaiak gai zerrendaren lehenbiziko eta bigarren zatietako edukiei buruz eta hirugarren zatiko turismoaren arloko legeei buruz prestatuko dituen galderak. Epaimahaiak ariketa hori egiteko izangaiek zenbat denbora duten adieraziko du hura hasi baino lehenago.

Hirugarrena: ahozko proba bat eta proba idatzi bat egin beharko dira frantsesaren eta ingelesaren ezagupenei buruz.

Lehenbiziko eta bigarren ariketak plika sistemaren bidez eginen dira.

Epaimahaiak hirugarren ariketa egitean oposizioko partaideen anonimatua babesteko beharrezko neurriak hartuko ditu.

6.3. Oposizioko ariketen balorazio osoa, gehienez, 100 puntukoa izanen da, ondoko era honetan banatuta:

Lehenbizikoa: gehienez 36 puntu. Gaiek, gehienez ere, puntu hauek izanen dituzte: lehenbiziko zatiko gaiak 12 puntu, bigarren zatikoak 15 puntu eta hirugarren zatikoak 9 puntu.

Bigarrena: gehienez 30 puntu.

Hirugarrena: gehienez 34 puntu. Hizkuntzen ahozko probek 10na puntu izanen dituzte, gehienez ere, eta proba idatziek 7na.

6.4. Oposizioko ariketak kanporagarriak izanen dira. Bazterturik geldituko dira lehenbiziko eta bigarren ariketetan gehieneko puntuazioaren erdira iristen ez diren izangaiak. Halaber, lehenbiziko ariketaren gai bakoitzari emandako gehieneko puntuazioaren %30era iristen ez direnak ere bazterturik geldituko dira. Era berean, hizkuntza bakoitzari emandako puntuazioaren %50era iristen ez direnak ere.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gida-baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hauta-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketarik izanez gero, bigarren ariketan puntu gehien erdietsi dituztenen alde jokatuko da. Hori eginda, berdinketak oraindik badirau, kontuan hartuko dira lehenbiziko ariketan lorturiko puntuazioak, haien hurrenkerari jarraizkiz.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizi ez izanaren zinpeko aitorpena.

Izangaiek Espainiako herritartasuna ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin eta karguari dagozkion eginkizunak zuzen beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, turismo arloko jardueretako ofizialen lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein bahituretxetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian izan beharko dute bizilekua, bertan helbidea egiazki kokatuz. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda.

_Hautapen prozesuaren ariketa guztiak gainditu ez dituzten izangaien zerrenda.

10.2. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

10.3. Sartzeko prozeduraren eskabideak aurkezteko epea bukatzen den egunerako bete beharko dira baldintzak, eta hauta-probek dirauteino eta kontratazioaldiak iraun bitarte bete beharko dira.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiaren azkenaurreko ariketa gainditu bai baina lanposturik gabeko gaindituen zerrendan ez daudenen zerrenda.

10.5. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

11._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen kontra, oinarrien kontra eta haien aplikazio egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatzen hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko maiatzaren 22an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: ........................ adinez nagusia. Nortasun Agiri Nazionala (edo balio bereko beste agiriren bat): .................... Jaioteguna: ..................... Sorterria: ..................... (....................). Nazionalitatea: ............... Helbidea: kalea: .............., herria: ............., probintzia: ......., posta kodea: ........, eta ........ telefonoa (........... laneko telefonoa)

AZALTZEN DU:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ............ lanpostu ................. bidez betetzeko deialdian parte hartzeko onartu izatea eskatzen dudala, ondoko txandan (deialdia ........... zenbakiko Nafarroako ALDIZKARI OFIZIALean argitaratu zen, .........(e)an):

f Txanda irekia

f Igoera txanda*

f Minusbaliatuendako txanda*

Hauta-probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio-erroa*

f Nafarroako Osasun Zerbitzua-Osasunbidea*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez dudala karguan aritzea galarazten didan eritasun edo akats fisiko edo psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar ditudan egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila neurtzeko proba egitea eskatzen dudala*

f Frantseseko eta ingeleseko nahikotasun frogak egitea eskatzen dudala (*)

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren ............(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

Lehen zatia

1. gaia._Turismoa, ataria. Sorrera eta bilakaera historikoa.

Kontzeptuak eta definizioak. Turismoaren korronteak eta guneak. Turismoaren fenomenoa oporrez haratago. Turismoaren eragileak. Turismoa sorreratik XX. mendearen hasmenta arte: hastapena. Erdi Aroa. Pizkundea. XVII. mendetik XIX. mendearen hasiera arte. XIX. mendetik bigarren mundu-gerra arte: 1950etik gaur eguneko masa-turismoraino:

2. gaia._Garraio motak.

Merkataritzako abiazioa. Lurreko garraioa. Itsas eta ibai garraioa.

3. gaia._Ostatu hartzea.

Hotelen industriaren ezaugarriak. Sailkapena, kategoriak, prezioak, tarifak, arau bereziak. Haren arauketa. Turismorako ostatu motak eta eta modalitate bereziak. Bestelako ostatuak.

4. gaia._Bidaia agentzia eta bidaia profesionalak.

Turismoa eta bidaia agentziak. bidaia agentziaren kontzeptua. Eginkizunak. Bidaia agentzien motak. Bidaia agentziek ematen dituzten zerbitzuak. Bidaia programatua edo paketea. Forfait-a edo eskatutakoaren araberako bidaia. Bidaia profesionalak: turismoaren industriaren xede bat. Bidai agentziak eta merkatu profesionalak.

5. gaia._Argibide eta jarduera turistikoak.

Turismo bulegoak: kontzeptua, eginkizunak, sailkapena eta jarduerak. Erakunde ofizialak: OMTa eta nazioarteko mailako, maila nazionaleko, autonomikoko, probintziako eta tokian tokiko beste erakunde batzuk. Turismoaren arloko legeria.

6. gaia._Turismorako argibide zentroen antolamenduen eta eginkizunen egitura. Herritarrendako laguntza.

Sarrera. Bideragarritasunaren azterlana. Merkatu turistikoaren azterketa. Azterketa ekonomikoa eta zerbitzuen azterketa. Kokapenaren azterketa. Antolaketaren egitura. Herritarrendako laguntza.

7. gaia._Agirien kudeaketa eta tratamendua.

Sarrera. Barneko eta kanpoko agiriak. Agirien eskualdaketa. Estatistikak eta txostenak. Kexak eta erreklamazioak. Ofimatika turismo bulegoetan aplikatua. Argibideetarako teknologia berriak.

8. gaia._Herritarrendako laguntza.

Sarrera. Hitzezko eta hitzik gabeko komunikazioa. Irudia eta protokoloa. Turismoaren arloko argibideen emailearen profesionaltasuna.

9. gaia._Turismo eskaintza.

Turismoaren arloko produktu orokorrak eta espezializatuak. Parke tematikoak. Turismo paketeak. Hainbat zerbitzu. Informazio eta turismo jarduera pribatuak. Bidaia aseguruak. Bidaia aldizkariak eta gidaliburuak.

10. gaia._Turismoko eskaera eta kontsumoaren psikosoziologia.

Giza motibazioak. Bidaiaren eta turistaren motibazioa. OMT eta turismoko motibazioak eta premiak. Eskaera turistikoaren tipologia kontzeptua. Turismo kontsumoaren psikosoziologia. Kontzeptua eta ezaugarriak. Moda turismo kontsumoan. Turismo jardueren kontzeptua eta motak kontsumitzailearen psikosoziologiari buruz.

11. gaia._Teknologia berriak turismoaren sektorean.

Turismoa jarduera ekonomiko gisa. Turismoa eta teknologia berriak. Turismo elektronikoa. Turismoaren eta haren sektorearen kontrako mehatxuak eta haien aldeko aukerak. Turismo enpresa motak Interneten. Kanal anitzeko estrategiak turismoaren arloko banaketak egiteko.

12. gaia._Landa turismoa eta naturaren ingurukoa.

Landa turismoa: esanahaia eta Espainiako turismoaren berrikuntzak. Landa garapena landa turismoaren jatorrian. Europar Batasunaren zeregina, turismoaren garapenaren gakoa. Herrialdeetako administrazioen zeregina. Landa turismoaren bilakaera turismoari buruzko araudiei esker. Espainiako turismoan aipatu beharreko erreferentzia batzuk. Asoziazionismoa. Oraina eta geroa. Guztion kezka: kalitatea.

13. gaia._Turismo kulturala.

Turismoa eta kultur ondarea. Donejakue bidea. Gizon-emakume guztien ondare diren ondasunak. Turismoko bestelako kultur ibilbideak. Parke kultural eta arkeologikoak. Industria ondarea. Ondare etnografikoa. Musika. Bestak. Arkeologia.

14. gaia._Bilkura-turismoa.

Feria, workshop, kongresu eta pizgarriak. Jardueraren deskripzioa eta jarduera horien bilakaera.

15. gaia._Turismo planak, haien garapena eta marketina.

Garapena, eraldaketa prozesua. Marketina, merkatuarendako eskaintza. Planen edukia.

16. gaia._Turismoaren arloko baliabideen eta produktuen azterketa.

Azterketa. Merkatuak, alorrak, tipologiak eta merkatuko nitxoak. Jarrera hartzea, merkatua eta sormena. Ondorioak.

17. gaia._Turismoaren arloko marketin planaren estrategia.

Estrategiak. Formulazioa. Markak eta identitate turistikoa.

18. gaia._Eragiteko plana turismoaren arloko marketin planaren barrenean.

Produktuaren sorrera: merkaturatzea eta komunikazioa.

Bigarren zatia

1. gaia._Nafarroako geografia.

Kokapen geografikoa. Erliebea eta landaretza. Klima. Hidrologia. Fauna.

2. gaia._Biztanleria eta hiriguneak. Baliabideak eta produkzio jarduerak.

Biztanleriaren kokapena eta haren eboluzioa. Hiri sarea. Iruñerria.

Landaguneak. Industriaguneak. Hirugarren sektorea.

3. gaia._Eskualde geografikoak Nafarroan.

Mendialdea. Erdialdeko eskualdeak. Erribera. Iruñerria.

4. gaia._Natura Nafarroan.

Naturgune babestuak. Urbasa-Andimendiko, Bardeako eta Bertizko natur parkeak.

5. gaia._Artea Nafarroan.

Paleolitotik Neolitora, erromanikoa eta gotikoa. Garai horietako adierazpen artistiko nagusiak.

6. gaia._Artea Nafarroan.

Pizkundetik Aro Garaikidera. Garai horietako adierazpen artistiko nagusiak.

7. gaia._Orreagako kolegiata. Iruñeko eta Tuterako katedralak. Elizak: Zangozako Santa Maria, Eunateko Santa Maria, Torres del Rioko Hilobi Santua eta Lizarrako Ruako San Pedro.

8. gaia._Monasterioak: Leire, La Oliba, Iratxe, Irantzu, Tulebras eta Fitero. Gazteluak: Erriberri eta Xabier.

9. gaia._Nafarroako historia.

Baskoien eta erromanizazioaren gairaitik Europako gatazkak sortu eta Erdi Aroko erresuma desagertu arte.

10. gaia._Nafarroako historia.

Nafarroa Espainiako monarkian sartzen denetik Nafarroaren XX. mendeko bizitza politikora arte.

11. gaia._Donejakue bidea. Nafarroako Donejakue bidearen aipamen berezia.

12. gaia._Pirinioak. Nafarroako Pirinioen aipamen berezia.

13. gaia._Gastronomia Nafarroan. Kirol eta kultur jarduerak. Folklorea eta bestak.

14. gaia._Nafarroako museoak. Nafarroako Museoaren aipamen berezia.

Hirugarren zatia

1. gaia._Espainiako 1978ko Konstituzioa (I): ezaugarriak. Zuzenbide estatu sozial eta demokratikoa: Konstituzioaren printzipioak eta balore gorenak. Funtsezko eskubide eta askatasunak eta haien bermea. Politika sozial eta ekonomikoaren printzipio gidariak.

2. gaia._Espainiako 1978ko Konstituzioa (II): Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

3. gaia._Estatuaren lurralde antolaketa: Estatu autonomikoa. Auzitegi Konstituzionala.

4. gaia._Legea: kontzeptua eta motak. Erregelamendua: kontzeptua eta motak. Legearen eta Erregelameduaren arteko loturak. Erregelamenduak emateko ahalmena eta horren mugak. Erregelamenduen kontrola.

5. gaia._Administrazio egintza: Kontzeptua, motak eta osagaiak. Baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea: kontzeptua eta izaera. Faseak: hasiera, antolamendua, instrukzioa eta bukaera. Administrazio errekurtsoak: printzipio orokorrak eta motak.

7. gaia._Europar Batasuna: Batasuna sortzeko prozesua. Europar Batasunaren erakundeak. Europar Batasunaren Zuzenbidearen iturriak. Jatorrizko zuzenbidea eta zuzenbide eratorria.

8. gaia._Nafarroako Foru Eraentza: bilakaera historikoa (1512-1982). 1841eko abuztuaren 16ko Nafarroako Lege Itundua. Foru Eraentza Berrezarri eta Hobetzeko Lege Organikoa: egitura eta edukia. Hitzarmen Ekonomikoa.

9. gaia._Nafarroako Parlamentua edo Gorteak: eraketa, antolakuntza eta eginkizunak. Nafarroako Foru Komunitateko Arartekoa. Comptos Ganbera. Nafarroako Kontseilua.

10. gaia._Botere exekutiboa Nafarroan: Nafarroako Gobernuko lehendakaria. Nafarroako Gobernua. Nafarroako Foru Komunitateko Administrazioa.

11. gaia._Nafarroako Administrazio Publikoen zerbitzuko langileak: langile motak. Funtzionario publikoen hautapena. Funtzionario izaera eskuratzea eta galtzea. Administrazio karrera. Administrazio egoerak. Lanpostuak betetzea. Ordainsariak.

12. gaia._Nafarroako Toki Administrazioa: Nafarroako toki entitateak: motak eta eskumen orokorrak. Udalerrietako organoak. Toki entitateen ondasunak. Nafarroako Toki Entitateen jarduketen inpugnazioa eta kontrola.

13. gaia._Kontratazio administratiboa: Administrazio Publikoen kontratu motak. Administrazioaren prerrogatibak. Kontratuen esleipena: epeak eta moduak. Kontratuak sinatzea. Kontratu hartzailearen betebeharrak.

14. gaia._Turismoari buruzko legea.

Turismoari buruzko otsailaren 7/2003 Foru Legea, 2003/02/21eko Nafarroako ALDIZKARI OFIZIALa.

15. gaia._Ostatu establezimenduak. Jatetxeak. Kafetegiak.

146/2005 Foru Dekretua, abenduaren 5ekoa, Nafarroako Turismoko Aterpetxeak Antolatzeko Erregelamendua onesten duena.

1965eko martxoaren 17ko Agindua, jatetxeen antolamendu turistikoa onesten duena.

1965eko martxoaren 18ko Agindua, kafetegien antolamendu turistikoa onesten duena.

16. gaia._Landa-etxeak. Apartamentuak.

Ekainaren 28ko 243/1999 Foru Dekretua, landa-etxeetan ostatatzea arautzen duena.

1967ko urtarrilaren 17ko Agindua, turismorakoapartamentuak, "bungalow-ak" eta antzeko ostatuen antolaketa onesten duena.

17. gaia._Kanpinak. Aterpetxeak.

Martxoaren 27ko 76/1995 Foru Dekretua, Turismoko kanpalekuak arautzen dituena.

140/2005 Foru Dekretua, abenduaren 5ekoa, Nafarroako Turismoko Aterpetxeak Antolatzeko Erregelamendua onesten duena.

18. gaia._Bidaia agentziak. Turismo aktibo eta kulturaleko enpresak. Erregistroa.

Oharra:

Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0609761