II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.2. Plantilla Organikoa, Lan Eskaintza Publikoa, oposizioak eta lehiaketak
VILLAFRANCAKO "VIRGEN DEL PORTAL" ZAHARREN EGOITZA
Deialdia, Villafrancako "Virgen del Portal" egoitza geriatrikoko zuzendaria izateko lanpostua oposizio-lehiaketa bidez betetzeko
ARAUAK
1._Arau orokorrak.
1.1. Deialdi honen xedea da Villafrancako (Nafarroa) "Virgen del Portal" zahar etxeko zuzendaria izateko lanpostua oposizio-lehiaketa bidez eta txanda irekian betetzea. Eskatzen den titulazioa da osasun laguntzaile teknikoa, Erizaintzako diplomaduna eta Geriatriako espezializazioa duena.
1.2. Izendapenak nomina eta plantillako funtzionario bilakatuko du izendatua, lan-kontratudunen arloan indarrean dauden xedapenetan ezarri diren eskubide eta betebehar guztiekin.
1.3. Hitzarmen kolektiboa lantokikoa bera izanen da.
1.4. Hautaprobak gainditu ondoan izendatutako izangaia Gizarte Segurantzaren Araubide Orokorrean bazkidetuko da eta hartan alta hartuko, delako sisteman ezarritako babespean.
1.5. Izendatutako izangaiak Villafrancan bizi beharko du eta, horretarako, udal mugape horretan finkatu beharko du bere bizitokia.
1.6. Lanaldia osoa izanen da. Lanaldi araubidea zerbitzuaren beharretara egokituko da, eta administrazio organo eskudunek edozein unetan aldatu dezakete. Beraz, langileak aurkitzeko moduan egon beharko du.
1.7. Villafrancako "Virgen del Portal" egoitza geriatrikoko zuzendariaren eginkizunak hauek dira:
A) Zahar etxeko zerbitzu guztiak antolatu, kontrolatu, koordinatu eta haien jarraipena egitea.
B) Egoiliarrei instalazio egokia eskaintzea.
C) Egoiliarrei informazioa ematea zahar etxeko zerbitzuen, atalen, bizikidetzarako arauen eta bizimoduaren gainean.
D) Egoiliarren senideekin komunikazioa izatea, egoiliar eta senideen arteko harreman pertsonalak ahalbidetzeko.
E) Egoiliar guztiei osasun artapen osoa ematea: aurreartapena, laguntza eta errehabilitazioa.
F) Egoiliar bakoitzaren historiala edukitzea eta haren osasunean gertatzen diren goiti-beheitiak oharretan hartzea.
G) Medikuak agintzen dituen tratamenduak ematea (botikak, dietak, tratamendu fisikoak eta abar).
H) Egoiliarren eguneroko garbitasun pertsonala (bainuak, zango eta eskuen txukunketa) eta itxura (ilea, jantziak, oinetakoak etab.) zaintzea, eta zahar etxeko antolamenduak hala behar duenean, zainketa lan horiek egitea edo egiten laguntzea.
I) Ohean dauden egoiliarra artatzea, bai garbitasun pertsonalean bai jarrera-aldaketetan; janariak nola ematen zaizkien kontrolatzea eta otorduetan laguntzea; elikadura zaintzea, dietei dagokienez, eta jakiak era egokian aurkez daitezen begiratzea.
J) Osasun arloko heziketa programak garatzea egoiliar eta langileentzat, Zuzendaritza Batzordearekin koordinaturik.
K) Egoiliarrak ahal den heinean beren kabuz moldatzeko gauza izan daitezen sustatzeko, gimnasia, errehabilitazioa, jokoak eta gisako jarduerak antolatzea.
L) Norbait zahar etxean sartzen denean haren osasun fitxa eta historial klinikoa egitea, eta zerbitzuak behar dituen idazki, txosten edo agiri guztiak prestatzea bere mailan.
M) Egoiliarren goiti-beheitien berri ematea senideei, eta horiek ematen duten informazioa jaso eta transmititzea.
N Bere eginkizunekin zerikusia duen informazioa ematea profesional eta senideei, eta bertzelako informazioa eskatzen diotenean, gainerako arduradunengana bidaltzea.
O) Egoiliarrei unean uneko beharretarako laguntza ematea, bere lanbide-eskumenaren mugen barnean; eta, behar izanez gero, egoiliarrei osasun zentroetara laguntzea.
P Zahar etxeko ordena eta segurtasuna zaintzea, barnean zein kanpoaldean, eta sarrerako ateak bereziki kontrolatzea.
Q) Egoiliar eta langileen sarrera-irteeren kontrola zaintzea, behar diren administrazio-oharrak egitea eta behar den baimena eskatzera derrigortzea. Gertatzen diren gorabeheren erantzukizuna izanen du.
R). Gutunak, enkarguak eta telefono bidezko edo idatzizko komunikazioak jasotzea eta ahalik eta lasterren interesatuei helaraztea.
S) Zahar etxeko dependentzia guztietako giltzak zaintzea; ordenaturik eta erabiltzeko maneran edukitzea; egoiliarren eta langileen geletako eta zahar etxeko gainerako tokietako giltza-zerbitzuaren ardura izatea; erne eta laguntzeko prest egotea une oro eta behar diren neurriak hartzea zahar etxea ongi zainduta egon dadin.
T) Gaua zahar etxetik kanpo emateko, kanpoan bazkaltzeko eta halakoetarako baimena duten egoiliarren kontrol idatzia eramatea.
U) Erregelamenduzko bizikidetza-arauak betetzen ez dituzten egoiliarrei kargu hartzea, adeitasunez eta jendetasunez; liskarretan esku hartzea, behar izanez gero, eta ikusten dituen irregulartasunak Zuzendaritza Batzordeari jakinaraztea.
V) Zuzendaritza Batzordeak berariaz ezartzen dizkion eginkizunak.
1.8. Kokapen organikoari dagokionez, Villafrancako "Virgen del Portal" Zahar Etxea Erakunde Autonomoko Batzordearen menpean dago zuzenean.
1.9. Hilabeteko probaldia izanen du.
2._Izangaiek bete beharreko baldintzak.
2.1. Oposizio-lehiaketa honetara onartuak izateko, izangaiek, eskabideak aurkezteko epea bukatzen den egunean, baldintza hauek bete beharko dituzte:
A) Espainiako nazionalitatea edo Europar Batasuneko edozein estatutakoa izatea.
B) Adinez nagusia izatea.
C) Osasun teknikari laguntzailearen edo Erizaintzako diplomatuaren titulua izatea, edo eskaerak aurkezteko epea amaitzen den egunean lortzeko baldintza guztiak betetzea.
D) Lanpostuaren eginkizunak betetzeko gaitasun fisiko eta psikikoa izatea.
E) Eginkizun publikoak betetzeko ezgaitua edo gabetua ez izatea, eta inongo Administrazio Publikoren zerbitzutik berezia ez izatea.
2.2. Arestiko betebeharrak, azterketa gainditu eta lanpostua eskuratzen duten izangaiek egiaztatu beharko dituzte, deialdi honen zazpigarren oinarriak xedatzen duen eran eta epean. Hori guztia bete beharko da eskabideak aurkezteko epea amaitzen den egunean eta oposizio prozedura osoan izendapen eguna arte bete ere.
3._Eskabideak.
3.1. Deialdi honetan parte hartu ahal izateko eskabideak Villafrancako Udaleko erregistro orokorrean aurkeztu beharko dira, hogeita hamar egun naturaleko epean, hau Nafarroako ALDIZKARI OFIZIALean argitaratu eta biharamunetik hasita. Eskabide horiek deialdi honetan argitaratzen den ereduari lotu beharko zaizkio, eta haietan, eskabideak aurkezteko eman den epea akitzen denerako, eskatzen zaizkien baldintza guzti-guztiak betetzen dituztela adierazi beharko dute izangaiek.
3.2. Alegatzen diren merezimendu guztien agiriak aurkeztu behar dira, behar bezala kautotuak, deialdi honetako 6.3 oinarriari eta II. eranskinean ezarritako baremoari jarraituz.
3.3. Eskabideak aurkezteko epea luzaezina izanen da.
4._Izangaien onarpena eta erreklamazioak.
4.1. Eskabideak aurkezteko epea bukatutakoan, erakunde autonomoko lehendakariak ebazpena emanen du onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitaratzeko aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, horiek zuzentzeko.
4.3. Erreklamazioak egiteko epea amaitu eta horiek ebatzirik, erakunde autonomoko lehendakariak onartu eta baztertuen behin betiko zerrenda onetsi eta Nafarroako ALDIZKARI OFIZIALean argitara dadila aginduko du.
5._Epaimahaia.
5.1. Kide hauek osatuko dute epaimahaia:
_Mahaiburua: Erakunde Autonomoko lehendakaria, Manuel Martínez Eraso.
_Ordezkoa: José Miguel Sola Lafraya (alkate udalburua).
_Mahaikidea: Juan Carlos Garrido Calahorra.
_Ordezkoa: Jesús Luis Gelos.
_Mahaikidea: Ana María Arrondo Hernández..
_Ordezkoa: Jesús Rudi Ochoa.
_Mahaikidea: José María Jáuregui Tolosa.
_Ordezkoa: Cristóbal Ramos Torres.
_Mahaikidea: Villafrancako "Virgen del Portal" zahar etxeko langileen ordezkari sindikala.
_Ordezkoa: Villafrancako "Virgen del Portal" zahar etxeko langileen ordezkari sindikala.
_Mahaikidea: Gizarte Ongizate Departamentuko teknikari bat, zahar etxe batean lan egiten duena.
_Ordezkoa: Gizarte Ongizate Departamentuko teknikari bat, zahar etxe batean lan egiten duena.
_Mahaikidea: teknikari psikologo bat edo funtzionario aditu bat, Nafarroako Gobernuko Nafarroako Administrazio Publikoaren Institutukoa..
_Ordezkoa: teknikari psikologo bat edo funtzionario aditu bat, Nafarroako Gobernuko Nafarroako Administrazio Publikoaren Institutukoa..
_Idazkaria: Villafrancako Udalekoa.
_Ordezkoa: Villafrancako Udaleko kontu-hartzailea.
Epaimahaia hauta-probak hasi baino lehen eratuko da.
5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.
5.3. Epaimahaiak gehiengoz ebatziko ditu oinarri hauek ulertu eta aplikatzeko moduaz sor daitezkeen gorabehera guztiak.
5.4. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan aritzera mugatuko dira eta haietan soilik emanen diote laguntza Epaimahaiari.
6._Oposizio-lehiaketaren nondik norakoak.
6.1. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua. Gero, epaimahaiak garaiz emanen ditu argitara hurrengo probak egiteko iragarkiak, araudiaren arabera.
6.2.1. Izangaiek alegatutako merezimenduak II. eranskineko baremoaren ariora baloratuko dira.
6.2.2. Epaimahaiak lehiakideek alegatu merezimenduen gaineko azalpen eta datu osagarriak eskatzen ahalko ditu noiznahi.
Izangai bakoitzari dagozkion merezimenduak arrazoiz baloratuko ditu epaimahaiak, baremoaren atal bakoitzaren arabera; nolanahi ere, ezin izanen da alegatu gabeko merezimendurik edo agiri bidez egiaztatu gabekorik aintzat hartu, ez eta atal bakoitzari dagokion gehieneko puntuazioa gainditu.
6.2.3. Lehiaketaldia amaitzen denean, izangai bakoitzak lortutako puntuazioa jendaurrera aterako da iragarki oholean. Lehiaketaldiko puntuazioa opsizioaldikoari gehituko zaio, eta emaitza oposizio-lehiaketako puntuazio osoa izanen da.
6.3. Oposizioaldian ariketa hauek izanen dira:
A) Gai bat idatziz garatzea 2 orduz, gehienez ere. Gai hori zozketaz aterako du epaimahaiak 3. eranskineko gai zerrendatik. Epaimahaiak 0 puntutik 12,50era bitartean baloratuko du proba, eta 6,25 puntu baino gutxiago lortzen dituzten parte-hartzaileak baztertu eginen dira.
B) Bigarren ariketa proba praktikoa izanen da, epaimahaiak zehaztu beharrekoa. Gehienez 15 puntu emanen dira, eta 7,5 puntu baino gutxiago lortzen dituzten izangaiak baztertu eginen dira.
6.4. Oposizioaldiko ariketa bakoitza baztergarria izanen da eta kasuan kasuko ariketari esleituriko gehieneko puntuazioaren erdia lortzen ez duten lehiakideak baztertuak izanen dira.
6.5. Ariketa bakoitza bukaturik, epaimahaiak ariketa gainditu duten izangaien zerrenda eta bakoitzak lortutako kalifikazioak jendaurrean jarriko ditu Udaleko iragarki oholean eta ariketa egiteko erabilitako lokaletan. Halaber, oposizioko hurrengo ariketa egiteko lekua, eguna eta ordua ezarriko ditu, hura hasi baino 48 ordu lehenago gutxienez.
6.6. Ariketa bakoitzerako dei bakarra eginen da. Izangaiek Nortasun Agiri Nazionala eraman beharko dute edo, bertzenaz, epaimahaiaren iritziz onargarria den bertze nortasun agiriren bat. Oposiziotik bazterturik geldituko dira agertzen ez direnak. Epaimahaiak ariketen emaitzak irakur daitezela agintzen badu, hori egitera agertzen ez diren hautagaiak ere baztertuak izanen dira.
6.7. Nafarroako Administrazio Publikoaren Institutuak proba psikoteknikoak eginen ditu. Kanporaketa-probak izanen dira; gehienez 12,50 puntu emanen dira, eta gutxienez 6,25 puntu lortzen ez dituztenak baztertuak izanen dira. Proba psikoteknikoa proba praktikoa baino lehen eginen da.
6.8. Proba guztiak egindakoan, puntuazio hobereneko izangaien arteko berdinketarik bada, buruz buruko elkarrizketa baten bidez hautsiko da.
7._Probak gainditzen dituztenen zerrenda eta agirien aurkezpena.
7.1. Azken ariketaren kalifikazioa amaitutakoan, epaimahaiak aditzera emanen du, Udaleko iragarki-oholean eta azkeneko ariketa egin den tokian, probak gainditu dituztenen zerrenda, lortutako puntuazioen hurrenkeran, izangaiek lehiaketaldian eta oposizioaldian lortutako puntuazioak baturik, eta puntuazio handiena duen izangaiaren aldeko izendapen proposamena eginen dio erakunde autonomoko lehendakariari.
7.2. Izendapen proposamena Nafarroako ALDIZKARI OFIZIALean argitara eman eta 30 egun naturaleko epearen barrenean, proposatutako izangaiak honako agiri hauek aurkeztu beharko ditu Udalean:
A) Nortasun Agiri Nazionalaren fotokopia konpultsatua, edo izangaiaren nazionalitatea nahiz nortasuna egiaztatzen dituen bertze agiri baliokideren batena.
B) Deialdiaren 2. oinarrian eskatu den tituluaren fotokopia konpultsatua edo titulua lortzeko eskubideen ordainagiriarena.
C) Osasun ziurtagiria, karguaren eginkizunetan aritzea galarazten dion eritasunik edo akats fisiko edo psikikorik ez duela egiaztatzen duena.
D) Zinpeko aitorpena, eginkizun publikoetan aritzeko ezgaiturik edo gabeturik ez dagoela eta ezein administrazio publikoren zerbitzutik baztertua izan ez dela dioena.
E) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin, eta karguari dagozkion eginkizunak zuzen beteko dituela.
7.3. Aipatu epearen barrenean, eta behar bezala arrazoitutako ezinbertzeko kasuak salbu, agiri horiek aurkezten ez dituztenak ezin izanen dira izendatu, eta haien jarduketa guztiak deuseztaturik geratuko dira, eskabidearen faltsukeriagatik izan dezaketen erantzukizuna galarazi gabe.
7.4. Aurreko lerroaldean aurreikusitako kasuan, alkateak puntuazioen zerrendan, 7.1. idatz-zatian aipatzen den horretan, hurrengoa den izangaiarekin beteko du lanpostua, eta honekin aurreko idatz-zatietan adierazitako prozedura bera erabiliko da.
8._Izendapena eta jabetza hartzea.
8.1. Erakunde Autonomoko Batzordeak entitate publiko horretako lan-kontratudun finko izendatuko du aurreko oinarrietan ezarritakoa betetzen duen izangaia, zuzendari lanpostuan aritzeko, titulazio hau duela: osasun teknikari laguntzailea edo Erizaintzako diplomaduna. Geriatriako espezialitatea duena.
8.2. Izendapena Nafarroako ALDIZKARI OFIZIALean argitaratuko da.
8.3. Izangai izendatuak izendapenaren jakinarazpenean adieraziko den egunean hartu beharko du lanpostuaren jabetza. Epe horretan lanpostuaz jabetzen ez bada, ezinbertzeko kasuetan salbu, Foru Komunitateko Administrazioko funtzionarioa izateko eskubide guztiak galduko ditu. Halakoetan, deialdiko 7.4 atalean ezarritakoari lotuko zaio.
8.4. Deialdiko probak gainditu dituztenen zerrendarekin, langileen ordezkapenak egiteko zerrenda osatuko da, 18 hilabeterako.
Deialdi honen kontra, haren oinarri eta egintzen kontra, errekurtso arrunta paratzen ahalko da, Villafrancako Udaleko Osoko Bilkurari zuzendua, errekurritzen den egintza argitaratu edo jakinarazi eta hilabeteko epean. Errekurtso arruntari buruzko erabakiaren kontra bidezko izanen da administrazioarekiko auzi-errekurtsoa paratzea Nafarroako Auzitegi Nagusian, bi hilabeteko epean.
Villafrancan, 2006ko urtarrilaren 10ean._Entitateko lehendakari eta zinegotzi delegatua, Manuel Martínez Eraso.
I. ERANSKINA
Izena ........................, adinez nagusia. Nortasun Agiri Nazionala ....... Jaioteguna ............. Jaioterria .......... (........). Gaur egungo helbidea (herria, probintzia, karrika, posta kodea) .............................., telefonoa .....................
Zure aitzinera agertu eta adierazten dut:
Deialdi honetara onartua izatea eskatzen dudala: Villafrancako "Virgen del Portal" egoitza geriatrikoko zuzendaria izateko lanpostua oposizio-lehiaketa bidez betetzeko. Eskatzen den titulazioa da osasun laguntzaile teknikoa, Erizaintzako diplomaduna eta Geriatriako espezializazioa duena. Delako deialdia egun honetako ..... eta zenbaki honetako ...... Nafarroako ALDIZKARI OFIZIALean argitaratu zen. Hori dela-eta adierazten dut:
Ez dudala karguan aritzea galarazten didan eritasun edo akats fisiko edo psikikorik.
Ez dudala indarra duten xedapenetan ezarritako ezintasunik.
Ez naizela diziplina espediente bidez inongo administrazio publikoren zerbitzutik bereizia izan eta ez naizela desgaitua eginkizun publikoak betetzeko.
Deialdiko 2. oinarrian aipatzen den titulazioa badudala.
Deialdian ezarritako azterketa eskubideak ordaindu ditudala, eta horren egiaztagiria erantsi dudala.
Deialdian eskatzen diren baldintza guztiak betetzen ditudala, eskabideak aurkezteko epea bukatzen den egunean.
(Minusbaliotasunik badu, adierazi egin behar du).
Eskatzen dizut eskabide hau onar dezazula eta, horrenbertzez, Villafrancako "Virgen del Portal" Zahar Etxea Erakunde Autonomoaren zerbitzuan zuzendari izateko lanpostu bat (titulazioa: osasun teknikari laguntzailea edo Erizaintzako diplomaduna, Geriatriako espezialitatea duena) oposizio-lehiaketa bidez betetzeko deialdian onar nazazula.
Villafrancan, 2006ko .........aren.....(e)an.
II. ERANSKINA
Merezimenduen baremoa
1._Prestakuntza akademikoa.
A) Bete beharreko lanpostuarekin ikusteko duten bertze titulazio akademikoengatik: gehienez ere 3 puntu.
_Goi mailakoa ez den titulua: 0,2 puntu.
_Diplomadun titulua: 0,5 puntu.
_Goi mailako titulua: puntu bat.
B) Lanpostuarekin ikusteko duten prestakuntza ikastaroak: 0,10 puntu 20 ordutik goitiko ikastaro bakoitzeko; gehienez ere puntu bat.
Gehienez ere 4 puntu emanen dira A eta B ataletako prestakuntza akademikoagatik.
2._Lanbide jarduera.
A) O.T.L._E.D. lanbidean aritutako urte bakoitzeko 0,5 puntu emanen dira; gehienez ere 2,5 puntu.
B) O.T.L._D.E. lanbidean egoitza geriatriko bateko lanpostuetan aritutako urte bakoitzeko puntu bat emanen da; gehienez ere 2 puntu.
Aldi berean egindako zerbitzuetatik, puntuazio handienekoa hartuko da aintzat.
Lanaldia urte osokoa ez bada, behar den hainbanaketa eginen da.
Gehienez ere 6 puntu emanen dira A eta B ataletako prestakuntza akademikoagatik.
III. ERANSKINA
1._Zer den osasuna. Osasun-eritasun zikloa. Hartan eragina duten faktoreak. Osasun laguntzaren mailak.
2._Gerontologia eta Geriatria kontzeptuak. Erizaintza Geriatrikoaren jarduketa-eremuak.
3._Zahar osasuntsua. Biziera eta oinarrizko beharrak. Zaharren demografia eta soziologia.
4._Zahartzaroan osasuntsu egoteko gomendioak. Zaharren arrisku-faktoreak eta horien prebentzioa. Osasun hezkuntza.
5._Zaharren eritasuna, ezintasuna eta beren buruaz baliatzeko ezgaitasuna. Neurtzeko eskalak.
6._Gizartean eta osasun sisteman eragin handiena duten nahaste geriatrikoak, galera kognitiboak eta dementzia. Neurtzeko eskalak.
7._Erizaintzako artapenak ohean dauden zaharrentzat.
8._Heriotza eta zaharrak. Horren inguruko arazoak.
9._Osasun arloko kudeaketa. Egoitzetako kudeaketa prozesua.
Villafrancan, 2006ko urtarrilaren 10ean._Entitateko lehendakari eta zinegotzi delegatua, Manuel Martínez Eraso.
Iragarkiaren kodea: L0607781
