I. NAFARROAKO FORU KOMUNITATEA
1.1. XEDAPEN OROKORRAK
1.1.3. Foru Aginduak
77/2006 FORU AGINDUA, martxoaren 24koa, Ekonomia eta Ogasun kontseilariak emana, 2006ko ekitaldiko Pertsona Fisikoen Errentaren gaineko Zergaren eta Ondarearen gaineko Zergaren aitorpenaren ereduak onesten dituena.
Pertsona Fisikoen Errentaren gaineko Zergari buruzko abenduaren 30eko 22/1998 Foru Legeko 83. artikuluko 2. idatz-zatiak xedatzen du zerga horren aitorpena Ekonomia eta Ogasun Departamentuak ezartzen dituen era, epe eta inprimakietan eginen dela.
Pertsona Fisikoen Errentaren gaineko Zergari buruzko Erregelamendua onesten duen maiatzaren 24ko 174/1999 Foru Dekretuko 93. artikuluko 3. atalak xedatzen du aitorpena Ekonomia eta Ogasun Departamentuak ezartzen dituen baldintza eta betebeharretara egokituko dela.
Ondarearen gaineko Zergari dagokionez, azaroaren 19ko 13/1992 Foru Legeko 38. artikuluak xedatzen du zerga horren aitorpena Ekonomia eta Ogasun Departamentuak ezartzen dituen era, epe eta inprimakietan eginen dela.
Horrenbestez,
AGINDU DUT:
1. Onestea F-90 eredua, 2005eko ekitaldiko Pertsona Fisikoen Errentaren gaineko Zergari dagokiona, eta 710 ordain-gutuna. Foru agindu honen I. eranskinean ageri dira.
2. Onestea F-80 eredua, 2005eko ekitaldiko Ondarearen gaineko zergari dagokiona, baita 711 ordain-gutuna ere. Foru agindu honen II. eranskinean ageri dira.
3. Aitorpenek eta aitortzaileek izenpeturiko ordain-gutunek balioko dute, foru agindu honetan onesten diren ereduen edukiekin bat datozen ereduetan aurkezten badira, Ekonomia eta Ogasun Departamentuak garaturiko laguntza programaren bidez eta bulegoetan orotariko jendearen esku uzten duen laguntza programaren bidez sortzen badira edo www.navarra.es interneteko orrialdeko programa telematikoen bidez sortzen badira.
Iruñean, 2006ko martxoaren 24an._Ekonomia eta Ogasun kontseilaria, Francisco J. Iribarren Fentanes.
I. ERANSKINA
II. ERANSKINA
Iragarkiaren kodea: F0605149
