I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
160/2006 EBAZPENA, otsailaren 22koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Kirol zerbitzuen eta ekipamenduen enpresa kudeatzaileak" sektorerako Lan Hitzarmen Kolektiboaren 2006ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 25/2006).
Ikusirik Nafarroako "Kirol zerbitzuen eta ekipamenduen enpresa kudeatzaileak" sektorerako lan hitzarmen kolektiboaren 2006ko soldaten berrikuspenari buruzko akordioaren testua (espediente zenbakia: 25/2006).
Gertakariak:
1. Departamentu honetan 2006ko otsailaren 10ean sartu da soldatak berrikusteko akordioa, 2006. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 70/2005).
2. Espediente honen izapidaketan, aplikatu beharreko lege eta erregelamenduen manuak bete dira.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen du Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Kirol zerbitzuen eta ekipamenduen enpresa kudeatzaileak" sektorearen (kodea: 3108235) lansarien berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 22an._Lan zuzendari nagusia, José María Roig Aldasoro.
NAFARROAKO FORU KOMUNITATEKO BESTE ENTITATE PUBLIKO ZEIN PRIBATU BATZUEN JABETZAPEKO KIROL ZERBITZUEN ETA EKIPAMENDUEN ENPRESA ETA ENTITATE KUDEATZAILEEN SEKTORERAKO HITZARMEN KOLEKTIBOA
2006KO SOLDATA IGOERAREN AKTA
Iruñean, 2006ko otsailaren 9an, Nafarroako Foru Komunitateko beste entitate publiko zein pribatu batzuen jabetzapeko kirol zerbitzuen eta ekipamenduen enpresa eta entitate kudeatzaileentzako hitzarmen kolektiboaren negoziazio mahaia bildu zen, ondoko pertsona eta ordezkariek osatua:
Enpresaren aldetik:
Juan Eseverri jauna, Víctor Sanz jauna, Jorge Urquizu jauna, Ernesto Modrego jauna, Asociación de Empresas y Entidades Gestoras de Servicios y Equipamientos Deportivos propiedad de otras entidades públicas y/o privadas de Navarra (Agedena) elkartearen izenean eta hura ordezkatuz.
Aholkulari lanetan Marta Hernández Medel aritu zen.
Langileriaren aldetik:
Sagrario Barasoain Molinet, UGT sindikatuaren ordezkaria.
Juanjo Pérez Capapay, Langile Komisioen (CC OO) ordezkaria.
Bi aldeek dokumentu hau sinatzeko behar den legezko gaitasuna elkarri aitortuz,
Hau adierazi dute:
1. Nafarroako Foru Komunitateko beste entitate publiko zein pribatu batzuen jabetzapeko kirol zerbitzuen eta ekipamenduen enpresa eta entitate kudeatzaileentzako bigarren hitzarmen kolektiboaren 14. artikuluan 2006. urterako soldata igoeraren klausula ezarri dela.
2. 2006. urterako soldata igoeraren klausula horretan ezartzen denez, 2005eko abenduaren 31n indarra zuten hitzarmen kolektiboaren soldata taulak berrikusiko dira, 2006ko urtarrilaren 1eko eraginarekin, 2005. urtean Nafarroako behin betiko KPIa igo den adina, gehi puntu bat, eta Jaieguneko eta Igandeko plusak, aipatu hitzarmenaren 17 eta 18. artikuluetan arautzen direnak, portzentaje beretan igoko dira.
3. 2005. urteko Nafarroako behin betiko kontsumorako prezioen indizea (KPI) oraingoz % 3,7 dela.
Aurrekoa adierazirik, bi alderdiek
Erabaki dute:
Lehenengoa: Nafarroako Foru Komunitateko beste entitate publiko zein pribatu batzuen jabetzapeko kirol zerbitzuen eta ekipamenduen enpresa eta entitate kudeatzaileentzako hitzarmen kolektiboaren 14. artikuluan ezarritakoari jarraikiz, bidezkoa da hitzarmeneko soldaten taulak, 2005eko abenduaren 31n indarra zutenak, berrikusi eta % 4,7 igotzea, 2006ko urtarrilaren 1etik aitzinera.
Aurreko lerroaldean ezarritakoaren arabera, soldaten taula berriak, ondorioak 2006ko urtarrilaren 1etik 2006ko abenduaren 31 arte izanen dutenak, Akta honen 1. eranskinean paratu dira.
Bigarrena: Orobat, aipatu 14. artikuluan ezarritakoarekin bat, jaieguneko eta igandeko plusak ere, hitzarmenaren 17. eta 18. artikuluetan araututakoak, berrikusi eta % 4,7 igo dira, 2006ko urtarrilaren 1etik aitzina.
Aurreko lerroaldean ezarritakoaren arabera, 2006ko urtarrilaren 1etik 2006ko abenduaren 31 arteko ondorioekin, honako hauek dira jaieguneko plusa eta igandeko plusa:
_Jaieguneko plusa: 3,54 euro gordin urteko 14 jaiegun ofizialetako batean lan egindako ordu bakoitzeko.
_Igandeko plusa: 1,78 euro gordin igandez lan egindako ordu bakoitzeko.
Hirugarrena: Hitzarmenaren edukiak aldatu gabe jarraituko du, aurreko egokitzapenek aldarazten ez duten guztian.
Laugarrena: Akordio hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistratu eta Nafarroako ALDIZKARI OFIZIALean argitara dadin.
Eta horrela ager dadin, akta hau egin da, bildu direnek sinatua, goian aipatu tokian eta egunean.
1. ERANSKINA
Soldaten taula, 2006-1-1etik 2006-12-31ra (% 4,7) (Zenbateko gordinak, eurotan)
1. TALDEA 1.445,76 1.445,76 20.240,64
2. TALDEA 1.318,93 1.318,93 18.465,02
3. TALDEA 1.116,02 1.116,02 15.624,28
4. TALDEA 1.116,02 1.116,02 15.624,28
5. TALDEA 1.065,28 1.065,28 14.913,92
6. TALDEA 1.014,56 1.014,56 14.203,84
Oinarrizko soldata, aparteko pagak eta oporrak erantsirik = Urteko guztirakoa* / urteko lanaldia.
Gaueko orduaren prezioa = (Oinarrizko soldata* x 12 paga x % 25) / urteko lanaldia.
Iragarkiaren kodea: F0603639
