I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko Desjabetzapenak
389/2006 EBAZPENA, martxoaren 8koa, Industria eta Merkataritza zuzendari nagusiak emana, Eugi Esteribarko Azkarate meatzearen ustiapenaren eguneratzeak ukituriko titular, ondasun eta eskubideen zerrenda onesten duena.
"El Quinto" magnesita ustiategiko 2005. urteko Lanen Planak, Industria eta Teknologia, Merkataritza eta Lan Departamentuak onetsiak, zenbait finka okupatzeko premia adierazten du Eugi Esteribarko Azkarate meatzeko magnesita aire zabalean ustiatzen segitzeko.
Meategiei buruzko 1973ko Legearen 105.3 artikuluan xedaturikoarekin bat, Lanen Plana onesteak berekin dakar lurrak okupatu beharraren gaineko deklarazioa, baldin eta Nahitaezko Desjabetzapenari buruzko Legearen 17.2 artikuluak aipatzen dituen baldintzak betetzen badira.
Industria eta Merkataritza zuzendari nagusiak, irailaren 14ko 1834/2005 Ebazpenaren bidez, Eugi Esteribarko Azkarate meatzearen ustiapenaren eguneratzeak ukitutako ondasun eta eskubideen zerrenda eta presako okupazioaren adierazpena jendaurrean paratu ztituen.
Jendaurreko aldi horretan hiru alegazio idazki aurkeztu dira. Haien edukia eta erantzuna ondoren azaltzen dira, laburturik.
1._José Gregorio Seminario Zamarreño Eugiko Kontzejuko buruak hauxe dio:
1.1. Ez da bidezko Eugiko Kontzejuaren lurrak presaz okupatzeko jendaurrean egoteko zerrendan ager daitezela, Magnesitas Navarras, S.A. enpresarekiko itunaren bidez aukerako moduan baimendurik baitago.
1.2. Herriko Etxeko artxiboetan argibideak eta agiriak daude. Horien arabera, 52. finka, 7.906,28 metro koadrokoa, herri lurra izan liteke eta ez Belzarena jaunarena. Hori dela, espedientea izapidatzen ari da Nekazaritza, Abeltzaintza eta Elikadura Departamentuko Herrilur Atalean.
Lehenbiziko alegazioari dagokionez, 1834/2005 Ebazpena eman zen egunean, Administrazio honek ez zuen Magnesitas Navarras, S.A. enpresak eta Eugiko Kontzejuak lorturiko itunaren berri.
Bigarren alegazioari dagokionez, Industria eta Merkataritza zuzendari nagusiak irailaren 14an eman 1834/2005 Ebazpenean ageri da 52. lurzatia Jesús Huarte Ariztegui jaunarena dela, horixe agertzen baita titular gisa katastroan. Hala ere, dirudienez, Eugiko Kontzejuak ezbaian jartzen du Jesús Belzarena jaunaren jabetza, hori ere desjabetua izan baita. Horrek 52. lurzatiaren jabetza frogatzen duten agirien kopia bat aurkeztu du alegazioarekin batera. Hala ere, agiri horiek ez dira aski frogatzeko Jesús Belzarena dela katastroko 52. lurzatiaren jabea, Jabetza Erregistroan ageri den deskripzioa ez datorrelako bat katastrokoarekin eta ez delako inolako erreferentziarik ageri.
Beraz, ikusirik interesatu guztiek diotenez lurzatia bere dutela, eta Administrazioari ez dagokionez adieraztea nor den titularra, Nahitatezko Desjabetzapenari buruzko Legeko 5. artikuluarekin bat, Ministero Fiskalarekiko eginbideak desjabetze espedientean interesatu guztiei eman beharreko entzunaldiaren kalterik gabe eginen dira.
2._Jesús Belzarena Pérez jaunak hauxe dio:
2.1. 52. lurzatia, Industria eta Merkataritza zuzendari nagusiak irailaren 14an eman 1834/2005 Ebazpenean Jesús Huarte Ariztegui jaunarena izanen balitz bezala ageri dena, bere duela.
2.2. Ebazpenak ez du adierazten lurzatiak oso-osorik desjabetuko diren edo bakarrik hein batean.
2.3. Bere etxebizitza hornitzen duen ur hodiak manentzeko hartuko diren neurriak ez dira ezagutzen.
Lehen alegazioari erantzunez, Eugiko Kontzejuaren bigarren alegazioaren ihardespenean esan bezala eginen da.
Bigarren alegazioari dagokionez, Industria eta Merkataritza zuzendari nagusiak irailaren 14an eman 1834/2005 Ebazpena bakarrik desjabetzapenak ukituriko ondasunei dagokie eta finka bakoitzean okupatu beharreko metro koadroak adierazten dira. Espedientean lurzati bakoitzerako ukipenaren xede diren metro koadroak adierazten dira.
Hirugarren alegazioari dagokionez, Magnesitas Navarras, S.A. enpresak ur hodiak meatzearen ukipen eremuaren mugara eraman asmo ditu. Biltegia mendebalerantz mugituko da eta haren kota mentenduko da, gaurko edukierak eta zerbitzuko presioak bere horretan iraun dezaten. Hodi horiek meatzeak ukituriko eremuko mugara eramanen direnez (segurtasun aldea barne), hauts, harri eta hondakinengatik ez da ukipenik aurreikusten. Halaber, "Eugi Esteribarko Azkarateko meatzearen eguneratzeak ingurumenean duen eragina" izeneko azterlanean xedatzen da trazadura ukipen eremutik kanpora aldatuko dela, Indiano borda urez hornitu ahal izateko.
3._Jesús Huarte Ariztegui jaunak hauxe dio:
3.1. Ez daki Magnesitas Navarras, S.A. enpresak 2005. urteko Lanen Plana aurkeztu duen ez eta administrazioak onetsi duen ere.
3.2. Industria eta Merkataritza zuzendari nagusiak irailaren 14an eman 1834/2005 Ebazpenean aipatzen diren lurrak bere ditu, ukituriko lurzatien koordinatuak ez aipatuagatik ere.
3.3. Ez da bidezko Nahitaezko Desjabetzapenari buruzko Legeko 52. artikuluko prozedura berezia irekitzea, hori aurreikusirik baitago presa-presako salbuespenezko kasuetarako, oraingoa ez bezala.
3.4. 16. lurzatiko 6. finkaren kasuan, desjabetzapenak haren zati bat bakarrik ukitzen duenenez, gainerako lurrek ez dute deustarako balio eta alferrikakoak izanen dira. Horregatik eskatu du finka osoa desjabetu dadila.
3.5. 17. lurzatiko 7. finka gaizki deskribaturik dago Industria eta Merkataritza zuzendari nagusiak irailaren 14an eman 1834/2005 Ebazpenean, ez baita larrea, belardia baizik.
Lehen alegazioari buruz, adierazi behar da Industri Segurtasunerako Zerbitzuak 2005eko martxoaren 23an onetsi zuela 2005erako Lanen Plana.
Bigarren alegazioari dagokionez, ukituriko finken koordenatuak Magnesitas Navarras, S.A. enpresak 2005eko uztailaren 20an egin izkribuan zuzen adierazirik daude. 52. lurzatiaren jabetzari dagokionez, Eugiko Kontzejuaren bigarren alegazioari eman erantzunean esana da bidezko.
Hirugarren alegazioa erantzunez, interesatuak presa ukatu besterik ez du egiten, horretarako arrazoirik eman gabe. Haren argudio bakarra enpresa onuradunarekin ez dela adostasunik lortu haren lurren prezioaz.
Interesatuak laugarren alegazioan onura publikoaren adierazpenaz eta okupatu beharraz dioenari dagokionez, irailaren 14ko 1834/2005 Ebazpenaren eranskineko zerrendan ageri diren ondasunez ari da zehazki. Hori dela eta, ez dago arrazoirik jabeari lurzatiaren gainerakoa kentzeko. Hala ere, finkari eginiko kaltea baloratuko da, behar den momentuan, kalte ordaina finkatzeko.
Azkenik, 7. finkaren deskripzioari dagokionez, erreklamazio hori egiaztatu ondoren, finka belardi gisa kalifikatuko da espedientean.
Nahitaezko Desjabetzapenari buruzko Legeko 20. artikuluan xedaturikoarekin bat, bidezko da Eugi Esteribarko Azkarate meatzearen ustiapenaren eguneratzeak ukituriko titular, ondasun eta eskubideen zerrenda onestea.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz.
EBATZI DUT:
1._Interesatuen alegazioak esan bezala erantzutea.
2._Eugi Esteribarko Azkarate meatzearen ustiapenaren eguneratzeak ukituriko titular, ondasun eta eskubideen zerrenda, ebazpen honen eranskineko zerrendan ageri dena, onestea.
3._Ebazpen hau Jesús Belzarena Pérez jaunari, Jesús Huarte Ariztegui jaunari eta "El Quinto" meatzearen kontzesio-hartzaileei jakinaraztea, eta ohartaraztea ebazpen honek ez duela bide administratiboa agortzen eta haren kontra gora jotzeko errekurtsoa jartzen ahal dutela, Industria eta Teknologia, Merkataritza eta Lan kontseilariari zuzendua, hilabeteko epean, jakinarazpena egin eta biharamunetik aurrera.
4._Ebazpen hau Eugiko Kontzejuari eta Esteribarko Udalari jakinaraztea eta adieraztea haren kontra administrazioarekiko auzi-errekurtsoa paratzen ahal duela eskumena duen organo jurisdikzionalari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
5._Ebazpen hau Nafarroako ALDIZKARI OFIZIALean, Foru Komunitateko bi egunkaritan eta Esteribarko Herriko Etxeko iragarki oholean argitaratzea, orok jakin dezan.
Iruñean, 2006ko martxoaren 8an._Industria eta Merkataritza zuzendari nagusia, Enrique Díaz Moreno.
UKITURIKO TITULAR, ONDASUN ETA ESKUBIDEEN ZERRENDA
ESTERIBARKO UDALERRIA
06 Jesús Huarte Aríztegui DJ 22.751,78 35 16 A, B, Belardia, Meatze Pistak
Ermitaldea z.g. 31638 Eugi D larrea, hegoaldea,
borda Labasar
07 Jesús Huarte Aríztegui DJ 2.084,50 35 17 - Belardia Labasar Pistak
Ermitaldea z.g. 31638 Eugi
08 Jesús Huarte Aríztegui DJ 3.422,77 35 49 - Belardia Labasar Hondakindegia
Ermitaldea z.g. 31638 Eugi
09 Jesús Huarte Aríztegui DJ 7.906,25 35 52 - Gaztain. Labasar Hondakindegia
Ermitaldea z.g. 31638 Eugi
Jesús Beltzarena Pérez
Remiro de Goñi 2-1. H. 31010 Iruña
Eugiko Kontzejua. 31638 Eugi
10 Jesús Beltzarena Pérez DJ 1.766,41 35 22 - Larrea
Remiro de Goñi 2-1. H. 31010 Iruña
11 Jesús Beltzarena Pérez DJ 5.481,94 35 43 - Larrea Labasar Hondakindegia
Remiro de Goñi 2-1. H. 31010 Iruña
Argigarriak: Pol.: Poligonoa / Lz: Lurzatia / Ae: Azpieremua / Dj: Desjabetzapena.
Iragarkiaren kodea: F0604377
