I. NAFARROAKO FORU KOMUNITATEA
1.3. BESTELAKO XEDAPENAK
1.3.3. Nahitaezko Desjabetzapenak
JENDAURREKO INFORMAZIOA, "Esteribarko udal mugapeko Saigosko Kontzejuan gas naturala banatzeko sarea" izeneko gas naturaleko instalazioen proiektuarena.
Hidrokarburoen Sektoreari buruzko urriaren 7ko 34/1998 Legearen 73 eta 104. artikuluetan, Nahitaezko Desjabetzapenari buruzko 1954ko abenduaren 16ko Legearen 17.ean eta haren Erregelamenduaren 56.ean aurreikusitakoari jarraikiz, ondoko ezaugarriak dituen instalazio proiektua jendaurrean jarri da:
Eskatzailea: Gas Navarra, S.A., helbidea, jakinarazpenerako, Iruñeko Antso Azkarra etorbideko 26, behea (PK-31008).
Eskariaren helburua:
1. Administrazio baimena, "Esteribarko udal mugapeko (Nafarroa) Saigosko Kontzejuan gas naturala banatzeko sarea" izeneko gas naturaleko instalazioen proiekturako.
2. Onura publikoaren onarpena.
Instalazioen ezaugarriak:
Proiektuaren xede den sarea Zubiri eta Saigosko Kontzejuen mugako puntu batetik abiatuko da, N-138 errepidetik hurbil (MPA), eta horren parean segituko du (DN 90) 5 metroko tartean, gero bide hori gurutzatuko du eta Arga ibaiaren gaineko zubi metalikora joko, Gau Txori jatetxearentzako hartune bat utzita. Arga ibaia aireko hodi baten bidez gurutzatuko da (DN 3"-ko altzairuzkoa), N-135 errepidearen parean segituko du 30 ml-tan, bide hori aire zabalean gurutzatuko du eta Guardia Zibilaren kuarteleko hartune balbula batean bukatuko.
Tarteen luzerak: 123 ml polietilenozkoak (PE 100 DN 90) eta 19 ml altzairuzkoak (DN 3").
Diseinuaren presioa 0,4 bar da eta tenperatura 15&dregree.C, emaria 20 N m³/h izanen da eta gasaren lastertasun handiena, 20 m/seg.
Aurrekontua: hemezortzi mila ehun eta laurogeita hamaika euro eta berrogeita bi zentimo. (18.191,42 euro)
Obrak egiteko epea: instalazioak, obrak hasita, bi hilabeteko epean eginen direla kalkulatu da.
Finken gaineko eragina: proiektuan sartuak dira lurzatien planoa eta ukitutako ondasun eta eskubideen zerrenda zehatz eta banakatua, informazio honen bukaeran jasotzen dena.
Honako hau da proiektua gauzatzearekin finketan sortuko den ondorioa:
1._Lur gaineko instalazio finkoak eraikitzeko behar diren lurren nahitaezko desjabetzapena, jabari osoan.
2._Hodietarako:
Gasaren bide-zortasun iraunkorra izanen da lur azpian doazen hodien eta bestelako elementu osagarrien trazadura osoan, 3 m-ko zabaleran. Zortasun horrek debeku hauek dakartza:
_Goldaketa edo indusketa lanak debekatuko dira 50 cm baino sakonago. Zurtoin garaiko zuhaitz edo zuhaixkarik ezin izanen da landatu gas hoditik bi metro baino gertuago.
_Ezin da inolako eraikuntza edo eraikinik egin hoditik 5 metro baino hurbilago.
_Langileak eta behar diren elementuak sartzen ahal dira instalazioak zaindu, mantendu, konpondu edo berritzeko, baina kalterik eginez gero, ordaindu beharko da.
_Mugarriak edo seinaleak eta aireztatzeko hodiak jartzeko aukera izanen da eta, halaber, instalazioak egin edo abian jartzeko beharrezko liratekeen beste obra batzuk ere, lur gainean zein azpian.
3._Aldi baterako okupazioa:
Aldi baterako, obrek iraun bitartean, 10 metro zabaleko lur zerrenda okupatuko da trazadura osoan, proiektuan zehaztu eremuan obrak egin behar direlako.
Aditzera ematen da orok jakin dezan, batez ere lur horien jabeek eta aipatu proiektuak ukitutako beste titularrek (horien zerrenda iragarki honen ondotik paratu da). Espedientea Industri Segurtasunerako Zerbitzuan aztertu ahalko da, Iruñeko Tomás Caballero Parkea, 1-5. solairua. Han berean interesatuek egoki iruditzen zaizkien alegazioak aurkeztu ahalko dituzte, hiru kopiatan, iragarki hau Nafarroako ALDIZKARI OFIZIALean argitara eman eta biharamunetik hasita hogei eguneko epean.
Iruñean, 2005eko abenduaren 1ean._Industri Segurtasunerako Zerbitzuko zuzendaria, José Antonio Ayesa Usabiaga.
"ESTERIBARKO UDALERRIKO SAIGOSKO KONTZEJUAN INSTALAZIOAK EGITEKO ADMINISTRAZIO BAIMENAREN PROIEKTUA"
Ukituriko ondasun eta eskubideak
ESTERIBARKO UDALERRIA (SAIGOSKO KONTZEJUA)
SA-01 Nafarroako F. Kom. (H. Lan, G. eta K.) 6 18 90 0 0 29 184 Bidea-Belardia
San Ignazio etorb., 3
31002 Iruña (Nafarroa)
SA-02 Magnesitas Navarra, S.A. 0 0 15 0 0 29 908 Belardia
Orreaga etorb. z.g.
31630 Zubiri (Nafarroa)
SA-03 Nafarroako F. Kom. (H. Lan, G. eta K.) 13 39 0 0 0 - - Errepidea
San Ignazio etorb., 3
31002 Iruña (Nafarroa)
SA-04 Nafarroako F. Kom. (H. Lan, G. eta K.) 39 117 363 1 2 29 107 Elkorra
San Ignazio etorb., 3
31002 Iruña (Nafarroa)
SA-05 Saigosko Kontzejua 0 0 54 0 0 - - Bidea
31639 Saigots (Nafarroa)
SA-06 Ebroko Ur Konfederazioa 18 54 0 0 0 - - Arga ibaia
P.º Sagasta, 26-28
50006 Zaragoza (Zaragoza)
SA-07 Nafarroako F. Kom. (H. Lan, G. eta K.) 42 126 136 0 0 - - Errepidea
San Ignazio etorb., 3
31002 Iruña (Nafarroa)
SA-08 Magnesitas Navarra, S.A. 0 0 90 0 0 29 917 Pinudia-Larreak
Orreaga etorb., z.g.
31630 Zubiri (Nafarroa)
SA-09 Mariano Elcano Eugui 0 0 70 0 0 29 916 Belardia-Larreak
San Bartolomé, z.g.
31639 Saigots (Nafarroa)
SA-10 Magnesitas Navarra, S.A. 4 12 26 0 0 29 106 Larreak
Orreaga etorb., z.g.
31630 Zubiri (Nafarroa)
SA-11 Barne Minis.-Guardia Zib. kuart. 14 42 104 1 2 29 105 Zoladura
Iruña-Frantzia, 21. km
31639 Saigots (Nafarroa)
Iragarkiaren kodea: F0523739
