I. NAFARROAKO FORU KOMUNITATEA
1.1. XEDAPEN OROKORRAK
1.1.4. Ebazpenak
383/2006 EBAZPENA, otsailaren 17koa, Ingurumen zuzendari nagusiak emana, Ingurumen Zuzendaritza Nagusiko 2006ko Ingurumen Ikuskaritza Programa onesten duena.
Europako Parlamentuak eta Kontseiluak, 2001eko apirilaren 4an, gomendio bat eman zuten (2001/331/EK) estatu kideetan ingurumen aldeko ikuskapenak egiteko gutxieneko irizpideei buruz; gomendio horretan ezartzen da, ikuskapenen plangintzari dagokionez, ingurumen aldeko ikuskapenak aldez aurretik planifikatu behar direla, eta horretarako ingurumen aldeko ikuskapenen programa bat edo batzuk ezarri behar direla, estatu kide osoa eta bertan dauden instalazio kontrolatu guztiak barne hartzen dituztenak.
Nafarroako Foru Komunitatean, ingurumen arloko ikuskapen-lanak planifikatu eta antolatzea Ingurumen, Lurraldearen Antolamendu eta Etxebizitza Departamentuaren eginkizuna da.
Ebazpen honen xedea da Europako Parlamentuak eta Kontseiluak 2001eko apirilaren 4an emandako gomendioa, estatu kideetan ingurumen aldeko ikuskapenak egiteko gutxieneko irizpideei buruzkoa, (2001/331/EK), praktikan jartzea.
Gainera, ibai ibilguak natur inguruneko elementu sentiberenetako bat direnez, horiek ikuskatzeko plan berezi bat gauzatuko da, kalte gehien ekar diezaioketen jarduerei eta ekintzei dagokienez.
Beraz, Ingurumenaren Integrazioko Zerbitzuak proposaturiko txostena ikusirik, eta Ingurumen, Lurraldearen Antolamendu eta Etxebizitza Departamentuaren egitura organikoa ezarri zuen otsailaren 24ko 42/2005 Foru Dekretuaren bidez eskuratu dudan ahalmena erabiliz,
EBATZI DUT:
1. Ingurumen Zuzendaritza Nagusiko 2006ko Ingurumen Ikuskaritza Programa onestea. Haren testua ebazpenaren eranskinean dago.
2. Ebazpen hau Nafarroako ALDIZKARI OFIZIALean argitaratzea.
3. Ebazpen hau Ingurumenaren Integrazioko Zerbitzura eta Biodibertsitatea Zaintzeko Zerbitzura igortzea, behar diren ondorioak izan ditzan.
Iruñean, 2006ko otsailaren 17an._Ingurumen zuzendari nagusia, Juan José Grau Lasheras.
I. ERANSKINA
Industria Jardueren Ingurumen arloko 2006ko Ikuskapen Programa
1._Eremu geografikoa.
Programa Nafarroako Foru Komunitatean aplikatuko da.
2._Indarraldia.
Programaren indarraldia 2006. urtea da.
3._Instalazio kontrolatuak.
3.1. Ohiko ikuskapenak
3.1.1. IPPC jarduerak: Kutsaduraren aurkako aurreneurri eta kontrol osatuei buruzko 16/2002 Legearen aplikazio esparruan eta Ingurumena babesteko esku hartzeari buruzko martxoaren 22ko 4/2005 Foru Legearen 2. eranskinean jasotako instalazioak.
INSTALAZIO MOTA KOPURUA
Errekuntza-instalazioak, 50 Mw-tik gorako errekuntza_ahalmen
termikokoak 4
Metalen ekoizpena eta eraldaketa 31
Mineralen industriak 9
Industria kimikoak. 6
Hondakinen kudeaketa 17
Paper eta kartoi industriak 6
Ehungintzako industriak 2
Nekazaritzako elikagaien industria 23
Disolbatzaile organikoen kontsumoa 5
Karbono industria 1
Instalazioak guztira 104
16/2000 Legeak ukitzen dituen jardueretako ikuskapenak Ingurumen, Lurraldearen Antolamendu eta Etxebizitza Departamentuko langileek eginen dituzte beti. Aurreikusirik dago urtean ikuskapen bat egitea instalazio bakoitzean, baina gehiago izan litezke Ingurumen arloko baimen osatuaren tramitazioari dagokionez.
3.1.2. Hondakinak kudeatzeko instalazioak
INSTALAZIO MOTA KOPURUA
Hondakin arriskutsuen kudeatzaileak. 17
Hondakin arriskugabeen kudeatzaileak. 14
Instalazioak guztira 31
Hondakinen kudeaketako jardueretako ikuskapenak Ingurumen, Lurraldearen Antolamendu eta Etxebizitza Departamentuko langileek eginen dituzte, edo Sociedad Pública Navarra de Medio Ambiente Industrial, S.A.ko langileek.
3.1.3. Hondakin arriskutsuak ekoizten dituzten instalazioak.
Sarturik daude hondakin kopuru gehien sortzen duten hondakin arriskutsuen ekoizleak, IPPC jarduera eta hondakin kudeatzaileak ez direnak.
INSTALAZIO MOTA KOPURUA
Hondakin arriskutsuen ekoizleak. 19
Guztira 19
Jarduera horien ikuskapenak Ingurumen, Lurraldearen Antolamendu eta Etxebizitza Departamentuko langileek eginen dituzte.
3.1.4. Hondakin uren isuriak.
INSTALAZIO MOTA KOPURUA
Hondakin uren isuriak. 132
Guztira 132
Hondakin urak ekoizteko jardueren ikuskapenak Sociedad Pública Navarra de Medio Ambiente Industrial, S.A.ko langileek eginen dituzte, eta gainera hondakin uren isurietako 190 lagin hartuko dituzte.
3.1.5. Jarduera sailkatuak.
Jarduera sailkatuetan Foruzaingoak eta Sepronak eginen dituzte ikuskapenak, aurreko urteetan bezala. Ikuskapenak sektore hauetan eginen dira:
_Barazkien eraldaketa.
_Erabiltzetik gelditutako ibilgailuak kudeatzeko jarduerak.
_Hondakin arriskutsuak ekoizteko jarduerak.
3.2. Ohiz kanpoko ikuskapenak
Ingurumena babesteko esku hartzeari buruzko martxoaren 22ko 4/2005 Foru Legeak indarra hartu ondoren, Ingurumen, Lurraldearen Antolamendu eta Etxebizitza Departamentuaren eskumena da Ingurumen arloko baimen osatua behar duten jarduerak irekitzeko baimena ematea. Horren arabera, egin beharreko ohiz kanpoko ikuskapenen kopurua kalkulatzen da, bai salaketei edo gorabeherei erantzunez bai abian jarri edo baimendu aurretik egin beharrekoena.
INSTALAZIO MOTA KOPURUA
Abiarazi edo baimendu aurrekoak 50
Salaketak eta gorabeherak 15
Guztira 65
4._Ibai-ibilguen zaintza.
Identifikaturiko industria jardueren ikuskapenez gain, Sepronak eta Foruzaingoak etengabeko kontrola eginen du Nafarroako ibaien gainean, eta lehentasuna emanen die ibaietako goi-eremuei (debeku-eremuak) eta arrantzarik gabeko tarteei.
Zaintzarako jarduera eta hilabete garrantzitsuenak hauexek dira:
HILABETEAK
Gorabeherak, obrak, isurketak,
heriotzak etab. x x x x x x x x x x x x
Arrainen eta emarien eskalen
gaineko kontrola x x x x x x
Isileko arrantzaren gaineko
zaintza eta kontrola x x x x x x x
Kirol arrantzaren gaineko
zaintza x x x x x x
Karramarro arrantzaren
gaineko zaintza x x x
Ibaietako igerilekuen
ikuskapena x x
Karramarro seinaledunaren
arrantzaren zaintza x x
Iragarkiaren kodea: F0603050