I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
93/2006 EBAZPENA, otsailaren 3koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Ehungintza" sektorerako Lan Hitzarmen Kolektiboaren 2005eko lansarien aldaketari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 15/2006).
Ikusirik Nafarroako "Ehungintza" sektorerako lan hitzarmen kolektiboaren 2005eko soldaten berrikuspenari buruzko akordioaren testua (espediente zenbakia: 15/2006).
Gertakariak:
1. Departamentu honetan 2006ko urtarrilaren 27an sartu da soldatak berrikusteko akordioa, 2005. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 50/2003).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Ehungintza" sektorearen (kodea: 3107305) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 3an._Lan zuzendari nagusia, José María Roig Aldasoro.
NAFARROAKO "EHUNGINTZA" SEKTORERAKO LAN HITZARMEN KOLEKTIBOA
A K T A
Iruñean, 2006ko urtarrilaren 25ean
Nafarroako ehungintza sektorearen hitzarmen kolektiboa sinatu duten pertsonak bildu dira, ondorengo hauek, hain zuzen:
ADETEN-en izenean: Francisco Javier Taberna Jiménez.
UGTren aldetik: José Carlos Ruiz Palacios.
Langile Komisioen (CC OO) aldetik: Ricardo Jimeno Torres.
Bileraren xedea da Nafarroako ehungintza sektorearen hitzarmen kolektiboaren 3. artikulua (lansarien berrikuspenari buruzkoa) betetzea planteatzea.
Lehendabizi._Ikusirik 2005. urteko KPI erreala 100eko 3,7koa dela, hau da, Gobernuak aurreikusia zuena baino 1,7 handiagoa, bidezkoa da berrikuspen bat egitea, aurrekusitako KPIaren eta KPI errealaren artean dagoen aldea bezalakoa, hitzarmenaren 3. artikuluan ezarritakoari jarraikiz. Hortaz, 2005eko soldata taulak ondoko hauek dira:
2005. URTEKO AZKEN BURUKO SOLDATA TAULA
KATEGORIA KOEFIZIENTEA SOLDATA, EGUNEAN
A 1.30 22,98
B 1.35 23,88
C2 1.40 24,78
C1 1.55 27,39
D 2.10 37,14
E 2.30 40,68
Bigarren._Halaber, Nafarroako ehungintza sektorearen hitzarmen kolektiboaren 35. artikuluan ezarritakoa betetzeko, leialtasun plusa adinari buruzko baldintzak betetzen dituzten eta edozein arrazoirengatik enpresan baja egiten duten langile guztiei ordainduko zaie.
BEHIN BETIKO LEIALTASUN PLUSA 2005. URTERAKO
(% 1,7ko soldata berrikuspena barne)
ADINA KOBRATU BEHARREKO DIRU KOPURUA
60 URTE BETEAK 2.906,31
61 URTE BETEAK 2.652,00
62 URTE BETEAK 2.397,71
63 URTE BETEAK 1.925,42
64 URTE BETEAK 1.671,13
65 URTE BETEAK 1.453,15
Eta jorratu beharreko beste gairik ez izanik, bilerari bukaera eman zitzaion idazpuruan adierazitako tokian eta egunean.
ADETEN aldetik, Francisco Javier Taberna Jiménez. UGTren aldetik, José Carlos Ruiz Palacios. Langile Komisioen (CC OO) aldetik, Ricardo Jimeno Torres.
Iragarkiaren kodea: F0602435
