I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
ERABAKIA, 2006ko otsailaren 20koa, Nafarroako Gobernuak hartua, Politika Publikoak eta Zerbitzu Publikoen Kalitatea Ebaluatzeko Foru Batzordeko burua izendatzen duena.
Politika publikoak eta zerbitzu publikoen kalitatea ebaluatzeari buruzko abenduaren 29ko 21/2005 Foru Legeak, 23. artikuluaren bidez, Politika Publikoak eta Zerbitzu Publikoen Kalitatea Ebaluatzeko Foru Batzordea sortu zuen, Nafarroako Foru Komunitateko organo kolegiatu gisa, Nafarroako administrazio publikoen politika publikoak eta zerbitzu publikoen kalitatea ebaluatzeaz arduratzeko Nafarroan.
Foru lege horren 23.3.a) artikuluaren arabera, batzorde horretako burua Nafarroako Gobernuaren erabakiaren bidez erabakitzen da.
Horrenbestez, Lehendakaritza, Justizia eta Barne kontseilariak eta Ekonomia eta Ogasun kontseilariak proposatuta, Nafarroako Gobernuak
ERABAKI DU:
1. Javier Caballero Martínez jauna, Lehendakaritza, Justizia eta Barne kontseilaria, Politika Publikoak eta Zerbitzu Publikoen Kalitatea Ebaluatzeko Foru Batzordeko buru izendatzea.
2. Erabaki hau Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2006ko otsailaren 20an._Nafarroako Gobernuko kontseilari eta idazkaria, Javier Caballero Martínez.
Iragarkiaren kodea: F0603246
