I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
119/2006 EBAZPENA, otsailaren 9ekoa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Eraikuntza eta herri lanak" sektorerako lan hitzarmen kolektiboaren akats zuzenketari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 4/2005-L).
Ikusirik Nafarroako "Eraikuntza eta herri lanak" sektorerako lan hitzarmen kolektiboaren akats zuzenketari buruzko akordioa (espediente zenbakia: 4/2005-L).
Gertakariak:
1. Departamentu honetan 2006ko urtarrilaren 30ean sartu da Nafarroako "Eraikuntza eta herri lanak" sektorerako lan hitzarmen kolektiboaren akats zuzenketari buruzko akordioaren testua, aipatu hitzarmenean itundutakoa betez batzorde paritarioak 2006ko urtarrilaren 27an izenpetu eta onetsia (hasierako espedientearen zenbakia: 4/2005-L). Zuzenketa hitzarmenaren 12-2 artikuluari dagokio.
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentuak bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala eta Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, baita irailaren 23ko 334/1996 Foru Dekretuarekin ere, departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Eraikuntza eta herri lanak" sektorerako (kodea: 3102805) lan hitzarmen kolektiboaren akats zuzenketari buruz batzorde paritarioak 2006ko urtarrilaren 27an hartutako akordioa erregistratzea, Departamentu honetan dagokion erregistroan, non gorderik gelditzen baitira haren testua eta dokumentazioa.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006o otsailaren 9an._Lan zuzendari nagusia, José María Roig Aldasoro.
NAFARROAKO ERAIKUNTZAREN ETA HERRI LANEN INDUSTRIA SEKTORERAKO HITZARMEN PROBINTZIALA
AKTA
Iruñean, 2006eko urtarrilaren 27ko 19:00etan, Nafarroako Eraikuntza eta Herri Lanak industria sektorerako hitzarmen kolektiboaren batzorde mistoa bildu da, Alejandro Lara Piñero jauna batzordeburu izanik, 12. artikuluko 2. puntuan egindako akatsa zuzentzeko, hain zuzen ere, "bukaeraren berri idatziz emanen dio langileari" ondoren behar zuen zatia sartzeko: "... aurreko lerroaldean finkatutako hiru urte arteko epea bete baino lehen, epe hori beterik".
Ondorengo ordezkari hauek bertaratu dira:
_Enpresen aldetik:
A.C.P.:
Elena Modrego Ochoa and. eta Juan Cruz Sanzol Baztan jn.
ANECOP:
Juan Ignacio Sánchez Ezcaray jn. eta José de Diego Chuvieco jn.
_Langileriaren ordezkariak:
UGT:
Severo García Pesquera jn.
Batzordeburuak bilkura ireki ondoren, ondoko erabaki hau hartu zen aho batez:
1._Akta honen idazpuruan adierazitako akatsa zuzentzea. Honela geldituko da idatzia:
"Kasu horretan, enpresak kontratu bukaeraren berri idatziz emanen dio langileari aurreko lerroaldean finkatutako hiru urte arteko epea bete baino lehen, epe hori beterik, kontratu bukaeraren idatzizko jakinarazpenik izan ezean, langilea plantillako finko bihurtuko da. Kontratu bukaeraren gaineko aurreabisuari dagokionez, 1 ataleko hirugarren lerroaldean itundutakoari jarraituko zaio".
2._Akta hau Nafarroako Gobernuko Industria eta Teknologia, Merkataritza eta Lan Departamentura igortzea, gorde eta argitara dadin.
Akta hau bertaratutakoei irakurri ondoren, horiek adostasuna azaldu eta sinatu zuten bai batzordeburuak, bai gainerako ordezkariek, goian azaldutako egun eta tokian.
ACP - Elena Modrego Ochoa and. eta Juan Cruz Sanzol Baztan jn. ANECOP - Juan Ignacio Sánchez Ezcaray jn. eta José de Diego Chuvieco jn. UGT - Severo García Pesquera jn.
Iragarkiaren kodea: F0602682
