I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
335/2006 EBAZPENA, azaroaren 10ekoa, Ingurumenaren Integrazioko Zerbitzuko zuzendariak emana, ingurumeneko ukipenetarako baimena ukatzen duena Fustiñanako 4. poligonoko 392. 393., 395., 296., 294., 423., 302., 295., 292., 444., 309., 378., 379., 381., 383., 385., 387., 312., 314., 367., 360., 359., 363., 370., 365., 372., 374., 373., 323., 375., 318., 320., 316., 321., 236., 285., 288., 290., 427., 229., 227., 232., 234., 235., 230., 225., 224., 218., 211., 213., 215., 212., 168., 169. eta 167. lurzatietan eta 12. poligonoko 298., 397., 399., 401., 403., 405., 409., 542., 545., 547., 549., 551., 553., 411., 564., 541. eta 539. lurzatietan OPDE S.L.k sustatu duen eguzki-parke fotovoltaikoa instalatzeko. Instalazioak Bardeetako Batasunaren Intereseko Lekuko (ES 2200037) eta "garrantzizko eremuaren" kategoria duen Fustiñanako estepako hegaztien kontserbaziorako intereseko eremuko 140 hektarea inguruko azalera okupatzen du.
Irailaren 6an Ingurumenaren Integrazioko Zerbitzuan sartu da goian aipatutako espedienteari dagokion ingurumeneko eraginetarako baimena lortzeko eskaera.
Ingurumena babesteko esku-hartzeari buruzko martxoaren 22ko 4/2005 Foru Legean, 28. artikuluan, ezarririk dago Ingurumen, Lurraldearen Antolamendu eta Etxebizitza kontseilariak ebazpen arrazoitua emango duela Ingurumen ukipenetarako baimena eman ala ukatzeko, eskaria aurkezten denetik lau hilabeteko epean.
Aurretik aipatutako martxoaren 22ko 4/2005 Foru Legeak, Ingurumena babesteko esku-hartzeari buruzkoak, 25.2 artikuluan ezarri du ingurumeneko ukipenetarako baimenak lurzoru urbanizaezinean baimentzen ahal diren jardueretarakoa ere jasoko duela, hirigintzako legediaren arabera hori ere eskatu behar den kasuetan.
OPDE, S.L.k Fustiñanako Udalaren bidez aurkeztu zuen "17,919 Mwn-ko planta fotovoltaikoa Fustiñanan" izeneko espedientea, ingurumeneko ukipenetarako azterlanarekin eta instalazioaren oinarrizko proiektu batekin batera. 1.810 jarraitzaile jartzea aurreikusten da, bakoitza 10,5 Kwp-ko potentziakoa. Ez da zehazten nola aterako den elektrizitatea, aurkeztutako ingurumeneko ukipenetarako azterlanean kontuan hartu behar bazen ere.
Ingurumena babesteko esku hartzeari buruzko martxoaren 22ko 4/2005 Foru Legearen arabera, horren 2C eranskineko I) idatz-zatiaren barruan dago, eta beraz ingurumeneko ukipenetarako baimenaren araubidearen menpe, 35/2002 Foru Legearen araberako tramitazioari dagokiona barne.
Aplikatzekoa da halaber, Ingurumen, Lurraldearen Antolamendu eta Etxebizitza kontseilariak otsailaren 24an emaniko 64/2006 Foru Agindua, lurzoru urbanizaezinean eguzki-energia aprobetxatzeko instalazioak ezartzeko aintzat hartuko diren ingurumen eta hirigintza arloko irizpide eta baldintzak arautzen dituena.
Ingurumenaren gaineko Eragina Aztertu eta Lehengoratzeko Atalak eta Biodibertsitatea Zaintzeko Zerbitzuko Habitaten Atalak emandako txostenak ikusirik, ondorioa da eguzki-parke fotovoltaikoa eta Natura 2000 Sareko balioen kontserbazioa (Bardeetako Batasunaren Intereseko Lekua (ES2200037)) bateraezinak direla. Nafarroako hegazti katalogatuen gaineko ukipenak muntakoak baitira.
Ingurumen, Lurraldearen Antolamendu eta Etxebizitza kontseilariak uztailaren 27ko 537/2005 Foru Aginduaren bidez esleitu dizkidan eskurantzak erabiliz,
EBATZI DUT:
1. Ingurumeneko ukipenetarako baimena ukatzea Fustiñanako 4. poligonoko 392. 393., 395., 296., 294., 423., 302., 295., 292., 444., 309., 378., 379., 381., 383., 385., 387., 312., 314., 367., 360., 359., 363., 370., 365., 372., 374., 373., 323., 375., 318., 320., 316., 321., 236., 285., 288., 290., 427., 229., 227., 232., 234., 235., 230., 225., 224., 218., 211., 213., 215., 212., 168., 169. eta 167. lurzatietan eta 12. poligonoko 298., 397., 399., 401., 403., 405., 409., 542., 545., 547., 549., 551., 553., 411., 564., 541. eta 539. lurzatietan OPDE S.L.k sustatu duen eguzki-parke fotovoltaikoa instalatzeko. Instalazioak Bardeetako Batasunaren Intereseko Lekuko (ES 2200037) eta "garrantzizko eremuaren" kategoria duen Fustiñanako estepako hegaztien kontserbaziorako intereseko eremuko 140 hektarea inguruko azalera okupatzen du.
2. Ebazpen honek ez du administrazio bidea agortzen eta espedientean interesa dutenek, administrazio publikoek izan ezik, horren kontra gora jotzeko errekurtsoa jarri ahal dute, Nafarroako Gobernuari zuzendua, hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epeak ebazpen hau jakinarazi eta biharamunean hasiko dira kontatzen.
3. Ebazpen hau Nafarroako ALDIZKARI OFIZIALean argitaratzea.
4. Ebazpen hau igortzea Ingurumenaren Integrazioko Zerbitzuari, Ingurumen Zaintzari, Fustiñanako Udalari eta interesatuari, behar diren ondorioak izan ditzan.
Iruñean, 2006ko azaroaren 10ean._Ingurumenaren Integrazioko Zerbitzuko zuzendaria, Pedro Zuazo Onagoitia.
Iragarkiaren kodea: F0618181
