II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
GALOZE
Udal zergen karga-tasak, indizeak eta portzentajeak 2007. urterako
Galozeko Udalak, 2006ko urriaren 23an egin osoko bilkuran, honako karga-tasa, indize eta ehuneko hauek finkatu zituen 2007ko ekitaldirako:
1. Hirilurraren gaineko kontribuzioa ordainarazteko karga-tasa %0,252 izanen da.
2. Landalurraren gaineko kontribuzioa ordainarazteko karga-tasa %0,624 izanen da
3. Jarduera ekonomikoen gaineko zergaren tarifei 1,2 indizea aplikatuko zaie.
4. Eraikuntza, obra eta instalazioen gaineko zerga ordainarazteko karga-tasa %2 izanen da.
5. Hirilurren balio igoeraren gaineko zergari dagokionez, 2/1995 Foru Legearen 175. artikuluan ezarritako gutieneko portzentajeak aplikatzea. Karga-tasa, 2/1995 Foru Legearen 176.2 artikuluaren ariora, %10.
6. Foru legeak ezartzen duena izanen da zirkulazioaren gaineko karga-tasa.
7. Zaborbilketaren tasa: Eska-Zaraitzuko H.H.S.en Mankomunitateak finkatzen duena.
8. Uraren tasa: (Galozeko herriari eta Izizeko industrialdeari baizik ez dio eragiten), 95,64 euro etxebizitza bakoitzeko; 127,51 euro industriako hargune bakoitzeko; prezio horietan urteko 180 m³-rainoko kontsumoa sartzen da; kopuru horretatik goiti egiten duten m³-ak 0,64 euroan kobratuko dira kontsumituriko m³ bakoitzeko.
9. Udalaren gainerako tasa eta prezio publikoak bere hartan uztea.
Erabaki hauek 2007ko urtarrilaren 1ean hartuko dute indarra.
Erabakiaren kontra ondoko errekurtso hauetako edozein para daiteke:
1. Honako jakinarazpen hau Nafarroako ALDIZKARI OFIZIALean argitaratu ondoko hilabetean eta hautara, berraztertzekoa, hura egin zuen udal organoari zuzendua (azaroaren 25eko 30/1992 Legea, urtarrilaren 13ko 4/1999 Legeak aldatua). Berraztertzeko errekurtsoa aurkezten bada, ez da ez gora jotzekorik ez administrazioarekikorik aurkezten ahal, harik eta lehenbizikoa ebatzi edo ustez ezesten den arte. Berraztertzeko errekurtso baten ebazpenaren kontra ez da berriz ere errekurtso bera paratzen ahalko.
2. Hautara eta hilabeteko epean, honako jakinarazpen hau Nafarroako ALDIZKARI OFIZIALean argitaratu eta biharamunetik hasita, gora jotzeko errekurtsoa aurkez daiteke, Nafarroako Administrazio Auzitegiari zuzendua (uztailaren 2ko 6/1990 Foru Legea).
Errekurtso hau aurkezten bada, ez da administrazioarekikorik aurkezten ahalko, harik eta gora jotzekoa ebatzi edo ustez ezesten den arte.
3. Bi hilabeteko epean, jakinarazpen hau Nafarroako ALDIZKARI OFIZIALean argitaratu eta biharamunetik hasita, administrazioarekiko auzi-errekurtsoa, jurisdikzio horretako organo eskudunari zuzendua (uztailaren 13ko 29/1998 Legea).
Galozen, 2006ko urriaren 27an._Alkate udalburua, Antonio Arrese Jáuregui.
Iragarkiaren kodea: L0617550
