Iragarkia

128. ALDIZKARIA - 2006ko urriaren 25a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak irailaren 25ean emandako 2358/2006 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko albaitari izateko 3 lanpostu oposizio bidez betetzekoa.

Funtzio Publikoaren zuzendari nagusiak irailaren 25ean emandako 2358/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko albaitari izateko 3 lanpostu oposizio bidez betetzeko deialdia onetsi da.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1._Deialdiaren xedea.

1.1. Deialdi honen xedea da albaitari izateko 3 lanpostu oposizio bidez betetzea. Lanpostu horiek funtzionarioen araubidekoak eta A mailakoak dira, Nekazaritza, Abeltzaintza eta Elikadura Departamentuari atxikiak, 1 Otsagabian aritzeko (lanpostuaren zenbakia 2255) eta 2 Tafallan aritzeko (lanpostuen zenbakiak 2263 eta 3707). Txanda hauetan banatu dira:

_lanpostu bat, txanda irekian.

_2 lanpostu igoera txandan.

1.2. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsa eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostua eskuratzeko aukera izanen dute, aurreko lerroaldean adierazitako moduan, 7.2 arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.3. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.4. Halaber, deialdi honen bidez hautaprobak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11. eta 12. arauetan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste Estatuetako edo aipatu nazioarteko itunek ukitutako Estatuetako herritarren ezkontideek hartzen ahal dute parte, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Adin nagusikoa izatea eta erretiroko adina ez izatea.

c) Albaitaritzako lizentziadun titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

f) B motako ibilgailuak gidatzeko baimena izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3 arauaren bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2006ko 65. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek deialdiko eskabidean berean adierazi beharko dute kontratazio zerrendetatik zeinetan nahi duten sartu.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartzeko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 25 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Prozedura hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetako batean dirua sartu dela frogatuko da. Arestian aipatutako webgunean, deialdiaren iragarkian, ordainketa gutunaren eredua ageri da.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordain-agirian datu hauek jarri beharko dira nahitaez:

-Izangaiaren izen-deiturak.

-NAN/IFZ

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2 arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia

5.1. Epaimahaiak kide hauek izanen ditu:

_Mahaiburua: Andrés Eciolaza Carballo jauna, Nekazaritza, Abeltzaintza eta Elikadura Departamentuko Nekazaritza eta Abeltzaintza zuzendari nagusia.

_Ordezkoa: Jesús María Echeverría Azcona jauna, Nekazaritza, Abeltzaintza eta Elikadura Departamentuko Landa Garapenerako zuzendari nagusia.

_Mahaikidea: Miguel Angel Martínez Pérez jauna, Nekazaritza, Abeltzaintza eta Elikadura Departamentuko Abeltzaintza Zerbitzuko zuzendaria.

_Ordezkoa: Agustín Poblador Sancho jauna, Nekazaritza, Abeltzaintza eta Elikadura Departamentuko Abere Ekoizpenaren Ataleko burua.

_Mahaikidea: Francisco Javier Eguiluz Sáenz jauna, Nekazaritza, Abeltzaintza eta Elikadura Departamentuko Abere Osasuneko Ataleko burua.

_Ordezkoa: Andrés Arriaga Oroquieta jauna, Nekazaritza, Abeltzaintza eta Elikadura Departamentuko Abeltzaintzaren Garapenerako Bulegoko burua.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Miren Eseverri Roda andrea, Nekazaritza, Abeltzaintza eta Elikadura Departamentuko Herrilurren Ataleko burua.

_Ordezkoa: Miguel Angel Pérez García jauna, Nekazaritza, Abeltzaintza eta Elikadura Departamentuko idazkari tekniko nagusia.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko apirilean hasiko da. Onartu eta baztertuen behin betiko zerrenda onesten duen Ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehena._Test moduko 100 galderako sorta bati erantzun beharko zaio. Gaiak deialdiko II. eranskinean ageri direnak izanen dira. Erantzun hutsak zehatu eginen dira.

Bigarrena._Praktikoa, epaimahaiak deialdiko gai zerrendaren edukiei buruz ematen dituen kasuak ebatzi beharko dira. Ariketa hau plika sistemaren bidez eginen da.

Hirugarrena._Zozketa bidez gai zerrendaren lehenengo zatitik gai bat atera eta bigarren zatitik beste bat, eta horiek idatziz azaldu beharko dira eta, gero, jendaurrean irakurri, epaimahaiaren aurrean.

6.3. Oposizioko ariketen balorazioan 100 puntu eman daitezke gehienez ere, honela banatuak:

_Lehenbizikoa: gehienez 35 puntu.

_Bigarrena: gehienez 35 puntu.

_Hirugarrena: gehienez 30 puntu. Gai bakoitzean gehienez 15 puntuko balorazioa ematen ahal da.

6.4. Ariketak baztergarriak izanen dira. Kanpoan geratuko dira ariketa bakoitzaren puntuazioaren erdia gutxienez ateratzen ez duten izangaiak edo gai edo kasu batean 0 puntuazioa izaten dutenak.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gida-baimena eraman beharko dute. Oposiziotik kanpo geldituko dira agertzen ez direnak edo nortasuna aipatutako agirien bidez frogatzen ez dutenak; halaber, hirugarren ariketa epaimahaiak ezarritako toki, egun eta orduan irakurtzera joaten ez diren izangaiak.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketarik izanez gero, bigarren ariketan puntu gehien erdietsi dituztenen alde jokatuko da. Eta hala ere berdinketa hausten ez bada, lehenengo ariketako puntuazioak hartuko dira kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) B motako ibilgailuak gidatzeko baimenaren kopia konpultsatua.

g) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) B motako ibilgailuak gidatzeko baimenaren kopia konpultsatua.

c) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko arauan xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, albaitari lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. arauan ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko organo eskudunei igorriko die, erakunde autonomo horretako arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten izangaiak.

Deialdiko hamaikagarren arauan ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du, deialdiko azken-aurreko ariketa gainditu eta Administrazio Erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta esparru horretako kontratazio zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11._Administrazio Erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azken-aurreko ariketa gainditu eta Administrazio Erroko kontratazio zerrenda aukeratu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

_Deialdiaren 2. arauan eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria.

_B motako ibilgailuak gidatzeko baimenaren kopia konpultsatua.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

11.2. Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiaren azken-aurreko ariketa gainditu bai baina lanposturik gabeko gaindituen artean ez daudenen eta Administrazio Erroko kontratazio zerrendak hautatu dituztenen zerrenda.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesatuei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Arau horren arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko irailaren 25ean._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

........................ jauna/andrea, adin nagusikoa, ........... zenbakiko Nortasun Agiri Nazionalaren (edo baliokidea den nortasun agiriaren) jabe, ..........(e)n (............) ......(e)ko ............aren ....(e)an jaioa, .........(e)ko nazionalitatea duena, helbidea ...........(e)ko (........) ......... kalean, ........... posta kodea, eta etxean ....... telefonoa eta lantokian ....... telefonoa dituena, zure aurrean agertu eta

AZALTZEN DUT:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, behean aipatzen den txandan (deialdia ...... Nafarroako ALDIZKARI OFIZIALean argitaratu zen, ...............(e)an).

f Txanda irekia

f Igoera txanda*

f Ezgaitasunen bat dutenendako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

f (Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar ditudan egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila jakiteko proba egitea eskatzen dudala*

f Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren ............(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Lehen zatia

Europar Batasunaren Nekazaritzako Legeria eta Politika

1. gaia._Espainiako 1978ko Konstituzioa. Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta horien motak. Lege dekretuak. Legegintzako foru dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4. gaia._Administrazio egintza (I): kontzeptua, motak eta osagaiak.

5. gaia._Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea (I): Kontzeptua eta izaera. Hasiera, antolamendua, instrukzioa eta bukaera.

7. gaia._Administrazio prozedura erkidea (II). Administrazioarekiko errekurtsoak: printzipio orokorrak eta motak.

8. gaia._Nafarroako Parlamentua edo Gorteak. Osaera, antolakuntza eta eginkizunak.

9. gaia._Nafarroako Gobernuari eta lehendakariari buruzko Foru Legea.

10. gaia._Nafarroako Foru Komunitateko Administrazioari buruzko Foru Legea.

11. gaia._Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia._Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

13. gaia._Nafarroako Administrazio Publikoen zerbitzuko Langileen Estatutua (II): karrera administratiboa. Administrazio egoerak. Lanpostuak betetzea. Ordainsariak.

14. gaia._Nafarroako Ogasun Publikoaren Araubidea: Nafarroako Ogasun Publikoaren eskubide eta betebeharrak. Nafarroako Aurrekontu Orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia._Kontratu Publikoei buruzko Foru Legea. Aplikazio eremua. Nafarroako Administrazio Publikoen kontratuei buruzko arau orokor eta komunak. Kontratazio organoak. Kontratuak esleitu, betearazi eta berrikusteko arau orokorrak. Kontratu motak eta haien definizioak.

16 gaia._Datu pertsonalak babesteko Lege Organikoa: datuak babesteko printzipioak; pertsonen eskubideak.

17. gaia._Administrazio ekintzaren formak. Sustapena eta bere bitartekoak. Dirulaguntzei buruzko azaroaren 9ko 11/2005 Foru Legea.

18. gaia._Mugatzeko jarduera administratiboa. Oinarriak. Mugatzeko jardueraren azalpenak.

19. gaia._Administrazioaren zehapen ahalmena. Printzipio orokorrak. Zehapen prozedura.

20. gaia._Kontsumitzaileen eta erabiltzaileen babeserako araudia. Kontsumitzaileen babesaren eta nekazaritzako elikagaien ekoizpenaren arloko arau-hauste eta zehapenak arautzen dituen ekainaren 22ko 1945/1983 Errege Dekretua.

21. gaia._Europar Batasuna. Sorrera eta bilakaera. Antolaketa: Parlamentua, Kontseilua, Batzordea, bestelako erakundeak. Batasuneko zuzenbidea: itunak, erregelamenduak, zuzentarauak, bestelako iturriak.

22. gaia._Nafarroako geografia fisikoa. Geomorfologia. Orografia. Klimatologia. Hidrologia.

23. gaia._Nafarroako giza geografia. Nafarroako biztanleria: ezaugarriak, bilakaera, banaketa. Biztanleriaren gizarte eta lanbide egitura.

24. gaia._Nafarroako geografia ekonomikoa. Nekazaritza eta abeltzaintza. Meatzaritza. Industria. Hirugarren sektorea: hezkuntza, osasuna, komunikazioak eta merkataritza.

25. gaia._Espainiako nekazaritzaren ekonomia. Tamaina eta haren garrantzia nazioartean. Espainiako ekonomia baldintzatzen duten faktoreak: kontzeptuak, mugak, ezaugarriak eta tamaina.

26. gaia._Espainiako nekazaritza sektorearen nazioarteko harremanak. Merkataritzako akordio nagusiak. Nekazaritzako kanpo merkataritza Espainian eta Nafarroan: produktu nagusiak eta trukerako eremuak.

27. gaia._Nekazaritzako elikagai produktuen kalitate bereiziaren babesa. Kontzeptua, motak eta araubide juridikoa. Nafarroako mota eta ekoizpen nagusien azterketa.

28. gaia._Ingurumen politika. Abeltzaintzarako laguntza publikoen baldintzak.

29. gaia._Nekazaritzako politika eta erakundeen esparrua. Alderdi soziopolitikoak. Estatuaren antolaketa eta nekazaritzako politika. Nekazaritza politikako erabaki-zentroak. Profesionalen eta enpresaburuen erakundeak eta nekazaritzako politika Espainian eta Nafarroan.

30. gaia._Espainiako nekazaritzaren antolaketa administratiboa. Estatuko Administrazio Nagusiaren eta autonomia erkidegoen eginkizuna Europar Batasuneko, estatuko eta autonomia erkidegoetako nekazaritza politikan. Konstituzioko eta estatutuetako printzipioak eta koordinatzeko mekanismoak.

31. gaia._Nafarroako Gobernuko Nekazaritza, Abeltzaintza eta Elikadura Departamentuaren antolaketa. FEOGA-Bermearen saileko laguntzen Erakunde Ordaintzailea Nafarroako Foru Komunitatean. Departamentuaren menpeko sozietate publikoak eta bestelako erakundeak. Abeltzaintza Kudeatzeko Institutu Teknikoa.

32. gaia._Nafarroako nekazaritzaren ekonomia. Tamaina eta haren garrantzia Espainian. Baldintza faktoreak. Nekazaritza sektoreetako makromagnitude nagusiak eta haien bilakaera. Abeltzaintza sektoreetako makromagnitude nagusiak eta haien bilakaera.

33. gaia._Nekazaritza eta abeltzaintza ekologikoak. Arau esparrua. Haien garrantzia Nafarroan. Ekoizpen integratua Nafarroan.

34. gaia._Herrilurrak Nafarroan. Araubide juridikoa. Haien garrantzia gizartean eta nekazaritzan.

35. gaia._Nafarroako ustiategiak berritzeko politika.

36. gaia._Europar Batasunaren Nekazaritza Politikaren osaera (PAC). Printzipioak. Helburuak. Tresnak: Europar Batasuneko merkaturako erakundeak, funts finantzarioak, bestelako tresnak. Europar Batasuneko Nekazaritza Politikaren aldaketa 1992. urtean: printzipioak eta jarraibideak. Neurri osagarriak.

37. gaia._Europar Batasuneko Nekazaritza Politikaren aldaketa Agenda 2000ren esparruan. Aldaketaren justifikazioa. Europar Batasuneko Nekazaritza Politikaren norabide berriak. Neurri horizontalak. Landa garapenaren norabide berria. Esparru finantzario berria.

38. gaia._Europar Batasuneko Nekazaritza Politikaren bitarteko berrikuspena 2003an. "Nekazaritza iraunkorraren aldeko epe luzerako ikuspegi politikoa"ren esparruan onetsitako erregelamenduak. Europar Batasuneko Nekazaritza Politikaren zutabeak. Gainerako sektoreetan aurreikusitako aldaketak.

39. gaia._Europar Batasuneko Nekazaritza Politikaren finantzaketa. Aurrekontu politika: dirusarrerak eta iturriak, gastuak. Nekazaritzako Zuzentaraua (LDA). Aurrekontuen zorroztasuna. Europar Batasuneko Nekazaritza Politikaren finantziazioa Agenda 2000ren ondoren. 2013rako etorkizuna. Europar Batasuneko Nekazaritza Politika finantzatzeko tresnak: FEOGA-Bermea, FEOGA-Orientazioa eta tresna berriak. Finantziaziorako beste tresna batzuk: FSE, FEDER, IFOP, BEI. Europar Batasuneko Nekazaritza Politikaren banaketa estatuen eta sektoreen arabera.

40. gaia._Europar Batasuneko Nekazaritza Politikaren funtsen kudeaketa eta kontrola. Europar Batasuneko Nekazaritza Politikaren finantziazioari buruzko oinarrizko arauak. Funtsen kudeaketa eta Batzordearen, estatu kideen eta erakunde ordaintzaileen arteko harremanak. Europar Batasuneko Nekazaritza Politikako gastuen kontrol komunitarioa eta kontuen likidazioa. Europar Batasuneko Nekazaritza Politikako gastuen kontrola estatuetan. Adiskidetze organoa.

41. gaia._Prezioen eta merkatuen politika. Merkatu Antolakunde Bateratuak (MAB). Motak eta mekanismoak. Prezioen araubidea. Esku-hartzeen araubidea. Kanpo merkataritzarako araubidea. Laguntzen araubidea. Kontrol araubidea.

42. gaia._Europar Batasuneko Nekazaritza Politikaren zuzeneko laguntzen araubidea. Azalpena. Agenda 2000 bitarteko aldaketak. Europar Batasuneko kide diren estatuek betearazteko dituzten aukerak. Europar Batasuneko Nekazaritza Politikaren zuzeneko laguntzen araubidea Espainian. Haren aldaketa Agenda 2000ren esparruan. Europar Batasuneko Nekazaritza Politikaren bitarteko berrikuspena 2003an.

43. gaia_Esnearen sektoreko Merkatu Antolakunde Bateratua. Aurrekariak eta bilakaera. Araubidearen ezaugarri nagusiak. Araubidearen kostua eta parametro nagusiak. Esnearen merkatua Europar Batasunean. Haren aldaketa Agenda 2000ren esparruan. Europar Batasuneko Nekazaritza Politikaren bitarteko berrikuspena 2003an. Merkatu Antolakunde Bateratuak Espainian eta Nafarroan duen aplikazioa.

44. gaia._Behi-haragiaren Merkatu Antolakunde Bateratua. Aurrekariak eta bilakaera. Araubidearen ezaugarri nagusiak. Araubidearen kostua eta parametro nagusiak. Behi-haragiaren merkatua Europar Batasunean. Haren aldaketa Agenda 2000ren esparruan. Europar Batasuneko Nekazaritza Politikaren bitarteko berrikuspena 2003an. Merkatu Antolakunde Bateratuak Espainian eta Nafarroan duen aplikazioa.

45. gaia_Ardi eta ahuntz aziendaren sektoreko Merkatu Antolakunde Bateratua. Aurrekariak eta bilakaera. Araubidearen ezaugarri nagusiak. 2001eko aldaketa. Araubidearen kostua eta parametro nagusiak. Ardi eta ahuntz haragiaren merkatua Europar Batasunean. Haren aldaketa Agenda 2000ren esparruan. Europar Batasuneko Nekazaritza Politikaren bitarteko berrikuspena 2003an. Merkatu Antolakunde Bateratuak Espainian eta Nafarroan duen aplikazioa.

46. gaia._Abeltzaintza sektore intentsiboen Merkatu Antolakunde Bateratua (zerriak, arrautzak eta hegaztiak). Aurrekariak eta bilakaera. Araubidearen ezaugarri nagusiak. Araubidearen kostua eta parametro nagusiak. Zerri, arrautz eta hegaztien merkatua Europar Batasunean. Merkatu Antolakunde Bateratuak Espainian duen aplikazioa.

47. gaia._Europar Batasunaren gizarte eta egiturako politika. Gizarte eta egitura arloko politikaren edukia. Gizarte eta egitura arloko politikaren ebaluazioa. Gizarte eta egitura arloko politika eta ingurumena. Gizarte eta egitura arloko politika eta eskualdeko politika. Gizarte eta egitura arloko politika Nafarroan.

48. gaia._Egitura-funtsen erreforma eta nekazaritzan eta landa garapenean duen aplikazioa. Egitura-funtsen funtzionamenduko printzipioak: kontzentrazioa, lankidetza, programazioa, gehigarritasuna. Esku-hartzearen modalitateak: tipologia, estatuaren ekimena, Europar Batasunaren ekimena, berrikuntzarako ekintzak. Kudeaketaren modalitateak: bateragarritasuna, jarraipena eta ebaluazioa, elkarrekin finantzatzea, kontrola, etab. Nekazaritzan eta nekazaritzako sektorean aplikatzea.

49. gaia._Landa garapena. Landa garapenerako neurriak. Europar Batasunaren neurri eta ekinbide osagarriak. Neurrien finantziazioa. Haien aplikazioa Nafarroan.

50. gaia._Europar Batasunaren arauak, Europar Batasunaren Nekazaritza Politikari aplikatzen ahal zaion eskumenari buruzkoak. Enpresendako xedapen orokorrak. Estatu kideek ematen dituzten laguntzak. Estatuek nekazaritzarako ematen dituzten laguntzen kokapenaren gaur egungo egoera. Etorkizunerako aurreikuspenak.

51. gaia._Kalitatearen aldeko Europar Batasuneko sistema: jatorrizko deitura babestuak eta adierazpen geografiko babestuak. Definizioa, ezaugarriak eta betekizunak. Indarrean dagoen legeria. Espezialitate tradizional bermatuak: kontzeptua eta betebeharrak. Indarra duen legeria. Nafarroan duten garrantzi ekonomikoa.

52. gaia._Elikagaien segurtasuna Europar Batasunean. Europar Batasuneko Elikagaien Segurtasunerako Agintaritza. Eginkizunak. Arretaren printzipioa eta haren aplikazioa. Elikagaien Segurtasunerako Espainiako Agentzia. Elikagaien kalitate kontrola. Kontrol ofiziala. Borondatezko kontrola: ziurtagirietarako erakundeak. Autokontrola: arriskuen azterketa eta kontrolerako puntu kritikoak. Indarrean dauden xedapenak.

Bigarren zatia

Abere Ekoizpena eta Osasuna.

1. gaia._Abereak identifikatzea. Garrantzia eta helburuak. identifikazio sistemak. Legezko araudia. Identifikazio elektronikoa. Metodoak eta izaten ahal diren aplikazioak. Datu base ofizialak: REGA, REMO eta RIIA.

2. gaia._Haragitarako eta zezenketarako behi-azienda Nafarroan. Ekoizpenerako arraza nagusiak. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Ekoizleen elkarteak. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

3. gaia._Ardi-haragiaren ekoizpena Nafarroan. Ekoizpenerako arraza nagusiak. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Ekoizleen elkarteak. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

4. gaia._Zerri-haragiaren ekoizpena Nafarroan. Ekoizpenerako arraza nagusiak. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

5. gaia._Behi-aziendaren esne ekoizpena Nafarroan. Ekoizpenerako arraza nagusiak. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Ekoizleen elkarteak. Interprofesional Láctea (INLAC). Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

6. gaia._Ardi eta ahuntz aziendaren esne ekoizpena Nafarroan. Ekoizpenerako arraza nagusiak. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Ekoizleen elkarteak. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

7. gaia._Hegaztien haragiaren eta arrautzen ekoizpena Nafarroan. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Arazoak eta etorkizunerako aurreikuspenak.

8. gaia._Untxi ekoizpena Nafarroan. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak. Erlezaintza Nafarroan. Ezaugarriak eta garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Erlezaintzako Plan Nazionala. Polinizaziorako laguntzak.

9. gaia._Zelako eta haragitarako zaldi-azienda Nafarroan. Garrantzi ekonomikoa. Ekoizpen sistemak. Merkataritzaren eta ekoizpenaren antolaketa. Bertako arraza nagusiak. Ekoizleen elkarteak. Nafarroaren ezaugarri bereziak, EBko gainerako herrialdeen aldean. Arazoak eta etorkizunerako aurreikuspenak.

10. gaia._Abeltzaintzaren inguruko laguntzak Nafarroako Nekazaritza Garatzeko 2000-2006ko Programan: desagertzeko arriskuan dauden arrazak eta abeltzaintza ekologikoa. Legezko araudia. Finantziazio araubidea.

11. gaia._Nafarroako Foru Komunitateak abeltzaintzarako ematen dituen laguntzak. Estatuko laguntzak. Europar Batasuneko araudia. Behi-azienda piriniarraren sustapena. Abere positiboak ordeztea osasun kanpainetan. Hazitarako ar hautatuak erosteko laguntzak. Enkanteetan arkazteak eta bigantxak erostea.

12. gaia._Nafarroako abeltzaintza lehiaketak. Nafarroako egutegiko lehiaketa garrantzitsuenak. Aplikatu beharreko araudia eta laguntzen araubidea.

13. gaia._Arrazak. Abere arrazen katalogo ofizialak. Arrazen batzorde nazionala. Arrazen onarpen ofiziala. Liburu genealogikoak eta errendimenduen kontrola. Nafarroako abere-hazleen elkarteak.

14. gaia._Esne gordinaren higienearen eta osasunaren kalitatea. Esne ekoizpenaren trazabilitatea. Q letra. Nafarroan duen aplikazioa.

15. gaia._Esne kuoten araubidea. Esne tasa eta horren kontrola. Nafarroan duen aplikazioa.

16. gaia._Zerri ustiategien antolamendu zooteknikoa. Indarra duen araudia. Biosegurtasuna zerri ustiategietan.

17. gaia._Hegazti eta untxi ustiategien antolamendu zooteknikoa. Indarra duen araudia. Biosegurtasuna hegazti eta untxi ustiategietan.

18. gaia._Nafarroako Nekazaritza Ustiategien Erregistroa. Abeltegien erregistroa. Inskribatzeko prozedura. Datu baseak. 4/2005 Foru Legea, ingurumena babesteko esku-hartzeari buruzkoa. Abeltegiak instalatu edo aldatzeko araudia. Erabiltzen ahal diren teknika onenak.

19. gaia._Kalitatea abeltzaintzan. Haragiaren kalitate programak Espainian. Kalitate programen ziurtapena. ISO arauak abeltzaintzako produktuetan. Aplikatzekoak diren arauak.

20. gaia._Behi, ardi eta zerri aziendaren kanalen sailkapenari eta etiketei buruzko Europar Batasuneko araudia. Behi-aziendaren nahitaezko eta aukerako etiketei buruzko Europar Batasuneko araudia. Trazabilitatearekin duen zerikusia.

21. gaia._Europar Batasuna eta ustiategietako abereen babes eta ongizaterako politika. Oiloen, aratxeen eta zerrien ustiategietarako araudi orokorra eta berariazkoa. Gaur egungo egoera eta aurreikuspenak. Legezko araudia.

22. gaia._Europar Batasuna eta garraiatzen diren abereen babes eta ongizaterako politika. Gaur egungo egoera eta aurreikuspenak. Legezko araudia. Ibilbide plana.

23. gaia._Abeltegiek ingurumeneko kutsaduran duten eragina. Hondakinak, mindak eta simaurrak balorizatzea: erabiltzeko aukerak eta tratamendu alternatiboak. Nafarroako Foru Komunitatean erraz kutsatzen ahal diren eremuak.

24. gaia._Autokontrolerako eta arriskuen azterketarako baliabideak eta kritikoen kontrol puntuak (APPCC): kontzeptua, eta abeltegietan, industrietan, pentsugintzan eta abereen janarekin zerikusia duten beste jarduera batzuetan aplikatu eta ebaluatzea.

25. gaia._Hiltegiak. Kontzeptua, motak eta ezaugarriak. Gizentzeko azienda hiltzeko etapa bakoitzean albaitariak egiten duen ikuskapen lana. Aberearen ongizatea hilketa egiten denean. Aplikatu beharreko legeria.

26. gaia._Abereen Osasunari buruzko apirilaren 24ko 8/2003 Legea. Egitura. Garapena. Abereen Osasunari buruzko azaroaren 16ko 11/2000 Foru Legea. Egitura. Garapena.

27. gaia._Eritasunen deklarazioa. Europar Batasunean eskumena duten erakundeak. Egitura eta antolaketa. Epizootietarako Nazioarteko Bulegoa: Nazioarteko kode zoosanitarioa. Diagnostiko probetarako eta txertoetarako arauen eskuliburua. Espainian eta Nafarroan eskumena duten organoak. Albaitaritzako osasun alertaren sarea. Nahitaez deklaratu beharreko eritasunen zerrendak.

28. gaia._Abeltzaintzako saneamendu kanpainak Nafarroan: kontrol eta zaintza planak. Plangintza, antolaketa, zuzendaritza, exekuzioa, ebaluazioa. Finantziazioa, kalte-ordainak. Legeria. Neurri osagarriak. Herrilurren arazoak Nafarroan.

29. gaia._Tuberkulosia. Patogenia, epizootiologia. Tuberkulosia Nafarroako Foru Komunitatean: datu zoonosikoak. Tuberkulosia diagnostikatu, kontrolatu eta desagertarazteko sistema ofizialak. Prebentzioa eta profilaxia. Datu estatistikoak. Legeria.

30. gaia._Bruzelosia. Patogenia, epizootiologia. Bruzelosia Nafarroako Foru Komunitatean: datu zoonosikoak, behi-aziendaren bruzelosia, ardi-aziendaren bruzelosia. Bruzelosia diagnostikatu, kontrolatu eta desagertarazteko sistema ofizialak. Prebentzioa eta profilaxia. Estatistikak. Legeria. Balorazio ekonomikoak.

31. gaia._Behi-aziendaren leukosi enzootikoa. Patogenia, epizootiologia. Gaitza diagnostikatu, kontrolatu eta desagertarazteko sistema ofizialak. Estatistikak. Legeria. Behi-aziendaren peripneumonia kutsakorra: patogenia, epizootiologia. Gaitza diagnostikatu, kontrolatu eta desagertarazteko sistema ofizialak. Estatistikak. Legeria.

32. gaia._Lupu zuria, lupu beltza eta tetanosa Nafarroako Foru Komunitatean: patogenia, epizootiologia. Gaitza diagnostikatu, kontrolatu eta desagertarazteko sistemak. Estatistikak. Legeria. Alderdi eta datu zoonosikoak Nafarroako Foru Komunitatean.

33. gaia._Sukar aftosoa. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Estatistikak. Legeria. Balorazio ekonomikoak.

34. gaia._Entzefalopatia espongiforme kutsakorrak. EEBa: etiologia, patogenia, epizootiologia. Alderdi zoonosikoak. profilaxia eta zoonosiaren kontrola. Gaitza diagnostikatu, kontrolatu eta desagertarazteko sistema ofizialak. EEBa Nafarroan, Espainian eta EBn. Legeria. Balorazio ekonomikoak.

35. gaia._Entzefalopatia espongiforme kutsakorrak. Ikara (Scrapie): etiologia, patogenia, epizootiologia. Gaitza diagnostikatu, kontrolatu eta desagertarazteko sistema ofizialak. Ikara Nafarroan, Espainian eta EBn. Legeria. Balorazio ekonomikoak.

36. gaia._Mingain urdina. etiologia, patogenia, epizootiologia. Gaitza diagnostikatu, kontrolatu eta desagertarazteko sistema ofizialak. Estatistikak, prebentzioa eta profilaxia. Balorazio ekonomikoak.

37. gaia._Agalaxia kutsakorra. etiologia, patogenia, epizootiologia. Gaitza diagnostikatu, kontrolatu eta desagertarazteko sistemak. Estatistikak, prebentzioa eta profilaxia. Balorazio ekonomikoak. Haren egoera Nafarroan.

38. gaia._Garrantzi zoonosikoa duten abere parasitosiak. Ekinokokosia, zenurosia, trikinosia. etiologia, patogenia, epizootiologia. Alderdi zoonosikoak eta profilaxia. Gaitza diagnostikatu, kontrolatu eta desagertarazteko sistema ofizialak. Estatistikak Nafarroan eta Espainian. Balorazio ekonomikoak.

39. gaia._Besnoitiosia. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Estatistikak. Balorazio ekonomikoak.

40. gaia._Zerri-izurri klasikoa. Zerri-izurri afrikarra. etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Estatistikak. Balorazio ekonomikoak. Nafarroako zerri-aziendaren ADSak.

41. gaia._Zerrien behazuneko eritasuna. etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Min gorria. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Prebentzioa eta profilaxia.

42. gaia._Aujeszky eritasuna. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Estatistikak. Alderdi epizootikoak EBn, Espainian eta Nafarroan. Gaur egungo egoeraren balorazio ekonomikoa. Legeria.

43. gaia._Salmonellosia. Etiologia, patogenia, epizootiologia. Prebentzioa eta profilaxia. Alderdi zoonosikoak. Zoonosiaren estatistika Nafarroan. Hegaztien salmonellosia. Gaitza diagnostikatu, kontrolatu eta desagertarazteko sistema ofizialak. Legeria. Balorazio ekonomikoak.

44. gaia._Hegaztien gripea. Etiologia, patogenia, epizootiologia. Prebentzioa eta profilaxia. Alderdi zoonosikoak. Estatistikak. Gaitza diagnostikatu, kontrolatu eta desagertarazteko sistema ofizialak. Legeria. Balorazio ekonomikoak. Beste animalia espezie batzuekin duen lotura.

45. gaia._Newcastle eritasuna. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Legeria. Balorazio ekonomikoak. Krimea Kongoko eritasun hemorragikoa. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak.

46. gaia._Mixomatosia. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Mixomatosia Nafarroan. Balorazio ekonomikoak eta ingurumenaren aldekoak. Legeria. Untxiaren pneumonia hemorragiko birikoa (NHV). Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. NHVa Nafarroan. Balorazio ekonomikoak eta ingurumenaren aldekoak. Legeria.

47. gaia._Septizemia hemorragiko birikoa (SHV). Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Balorazio ekonomikoak eta ingurumenaren aldekoak. Legeria. Infekziozko nekrosi hematopoietikoa (NHI). Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Balorazio ekonomikoak eta ingurumenaren aldekoak. Legeria. Arrain-hazleen ADSak.

48. gaia._Zaldien anemia infekziosoa. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Balorazio ekonomikoak. Legeria. Zaldi-izurria. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistema ofizialak. Balorazio ekonomikoak. Legeria.

49. gaia._Erleen barroasia. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Balorazio ekonomikoak. Legeria. Loke amerikarrarra, Nosema, Aethina tumida eta Tropilaelaps. Etiologia, patogenia, epizootiologia. Prebentzioa eta profilaxia. Gaitza diagnostikatu, kontrolatu eta desagertarazteko sistemak. Balorazio ekonomikoak. Legeria.

50. gaia._Basa fauna, etxeko abereei eritasunak kutsatzen dizkien aldetik. Gordailuak. Basa faunak gehien izaten dituen eritasunak. Kontrola eta zaintza.

51. gaia._Abere espezieen mugimendua Nafarroan; Espainian eta EBn duen errepresentazioa. Balorazio ekonomikoak. Mugimendu horietarako osasun baldintzak. Garraioan izan beharreko osasun kontrola. Tratulariak. Europar Batasunaren barneko truke agenteak. Elkartze zentroak, kontzentraziokoak. RASVE. TRACES. CEXGAN. Legeria. Erregistro ofizialak. Ibilgailuak garbitu eta desinfektatzeko zentroak.

52. gaia._Nafarroako Zezen Ikuskizunen Erregelamendua. Arlo horretan aritzen diren albaitarien eginkizunak. Zezenketako zezenak eta arraza suharrak zer zerikusi duten eritasunen kutsapenean. Nafarroan zezenketarako aziendaren inguruan egiten diren osasun jarduketak.

53. gaia._Albaitaritzako botikak eta botikadun pentsuak. Medikamentuaren Europako eta Espainiako Agentzien egitura eta antolakuntza. Haien eskumenak. Botikei eta botikadun pentsuei buruz Espainian eta Nafarroako Foru Komunitatean dagoen legeria. Erregistroa.

54. gaia._Abereak elikatzeko lehengaiek eta pentsuek abereen osasunean eta ingurumenean duten eragina. Gehigarriak. Genetikoki aldatutako organismoak. Legeria. Erregistroak. Kontrolerako plan nazionala. Animali jatorriko proteinen egitekoa.

55. gaia._Hondakin ezegokiak abereetan eta horien ondorioak. Botikak, substantzia debekatuak eta beste substantzia ezegoki batzuk. Hondakinen gehieneko muga. Hondakinei buruzko Ikerketarako Plan Nazionala Espainian eta Nafarroan. Estatistikak. Alerta sistemak, krisien kudeaketa eta larrialdi egoerak. Tratamenduen liburua. Laginak ofizialki hartzea.

56. gaia._Elikagaien ekoizpeneko higieneari buruzko oinarrizko araudia. "Abeltegitik mahaira", elikagaien segurtasuneko doktrina. Egitura, xedapenak eta legegintzako garapena. Higieneko paketea. Elikagaien segurtasuneko planak.

57. gaia._Giza kontsumorako ez diren abere-azpiproduktuak. Osasun eta ingurumen arloko arazoak. Legeria. Deskribapena, erabilera baimenduak, eraldaketa eta deuseztapena. Enpresa manipulatzaileak. Osasun baldintzak. Erregistroa.

58. gaia._Abere hilen kudeaketa Nafarroan. Aplikatzekoak diren arauak. Ingurumen arazoak.

Oharra: gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0616361