II. NAFARROAKO TOKI ADMINISTRAZIOA
2.2. AGINTARIAK ETA LANGILEAK
2.2.2. Plantilla Organikoa, Lan Eskaintza Publikoa, oposizioak eta lehiaketak
SAN ADRIAN
2005eko lan eskaintza
2005eko maiatzaren 18an, San Adriango Udaleko alkate udalburuak 27/05 ebazpena eman zuen; hona hemen haren xedapen zatiaren testu osoa:
"Lehenbizikoa._Onestea San Adriango Udaleko 2005eko lan eskaintza publikoa; hura honako hau da, osoko bilkuran 2004rako onetsitako aurrekontu orokor eta bakarraren eta plantilla organikoaren ariora, luzaturik baitaude biak:
_Sukaldeko laguntzaile izateko lanpostu bat, haurtzaindegirako, E mailakoa, oposizio bidez lan-kontratudun finko batek betetzekoa.
_Haurtzaindegiko eskolazain izateko lanpostu bat, D mailakoa, oposizio bidez lan-kontratudun finko batek betetzekoa; gaur egun Florencio Simón Marrodán jaunak betea da, erretiro partziala eskatu baitu, lanaldia eta soldata % 85 murriztuta. Behar den errelebo kontratuaren bidez lanaldiaren % 85erako lanpostua bete behar duen pertsona hautatzen den unean, Florencio Simón Marrodán jauna erretiro partzialera pasatuko da eta, beraz, lanaldiaren % 15ean ariko da eta egiazki lan egindako lanaldiari dagozkion ordainsariak jasoko ditu.
Bigarrena._Igor bekio onetsitako lan eskaintza publikoaren iragarki bat Nafarroako ALDIZKARI OFIZIALera, argitara dadin, Nafarroako Administrazio Publikoetan sartzeko Erregelamenduaren 3.1 artikuluan ezarritako ondorioak izan ditzan.
Hirugarrena._Ebazpen hau Udalaren kontu hartzailetzara igor bedi, behar diren ondorioak izan ditzan."
Argitara ematen da Nafarroako Administrazio Publikoetan sartzeko Erregelamenduaren 3.1 artikuluan ezarritakoa bete dadin.
San Adrianen, 2005eko maiatzaren 19an._Alkatea, Emilio Ignacio Ruiz Lorente.
Iragarkiaren kodea: L0513151
