I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
ERABAKIA, 2004ko abenduaren 27koa, Nafarroako Gobernuak hartua, 2005erako etxebizitza arloko jarduketa babesgarriei aplikatzen ahal zaizkien moduluak ezartzen dituena.
Maiatzaren 6ko 9/2002 Foru Legearen bidez etxebizitza arloko jarduketa babesgarriei aplikatzen ahal zaizkien moduluak urtero aldatu beharra ezarri zen. Lege hori garatzearrean, irailaren 30eko 204/2002 Foru Dekretuaren bidez, etxebizitza arloko jarduketa babesgarriei aplikatzen ahal zaizkien moduluak urtero aldatzeko formula ezarri zen.
Etxebizitzaren babes publikoari buruzko ekainaren 24ko 8/2004 Foru Legearen bidez 2004rako moduluen zenbatekoak zehaztu ziren. Formula hura zenbateko horiei aplikatuz, eraikuntza sektorearen kostuen bilakaera adierazteko moduan, modu berri batzuk lortu ziren, honakoak hain zuzen ere: 986,64 euro/metro karratu erabilgarri modulu ponderatuetan eta 944,16 euro/metro karratu erabilgarri modulu ponderatugabeetan
Horrenbestez, Nafarroako Gobernuak, Ingurumen, Lurraldearen Antolamendu eta Etxebizitza kontseilariak proposaturik, eta 2004ko abenduaren 27ko bilkuran harturiko Erabakiarekin bat,
ERABAKI DU:
1. 2005ean etxebizitza arloko jarduketa babesgarriei aplikatuko zaien modulu ponderatua hau da: 986,64 euro/metro karratu erabilgarriko.
2. 2005ean etxebizitza arloko jarduketa babesgarriei aplikatuko zaien modulu ponderatugabea hau da: 944,16 euro/metro karratu erabilgarriko.
3. Erabaki honek ondorioak 2005eko urtarrilaren 1etik aurrera izanen ditu.
4. Erabaki hau Nafarroako ALDIZKARI OFIZIALean argitaratzea.
Iruñean, 2004ko abenduaren 27an._Lehendakaritza, Justizia eta Barne kontseilaria. Nafarroako Gobernuko idazkaria, Javier Caballero Martínez.
Iragarkiaren kodea: F0500252
