I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Eskaintza Publikoa, oposizioak eta lehiaketak
2081/2003 EBAZPENA, abenduaren 10ekoa, Giza Baliabideen Zerbitzuko zuzendariak emana, Hezkuntza Departamentuko E mailako ondoko lanpostuetako langileen barne mugikortasuneko prozesurako deialdia onesten duena: eskolazaina, mandataria, garbitzailea, zerbitzu orokorretakoa, sukaldeko laguntzailea, laugarren mailako behargina, peoia, zerbitzaria eta menpekoa.
Nafarroako Foru Komunitateko Administrazioaren departamentu eta erakunde autonomoetako langileen mugikortasunerako prozedura ezartzen duen abenduaren 29ko 388/1997 Foru Dekretuko 3. artikuluaren 3. atalak xedatzen du departamentuek egiten ahalko dituztela, edozein unetan, barne mugikortasuneko prozesuak lanpostu hutsak betetzeko.
Hezkuntza Departamentuari egoki iruditu zaio E mailako lanpostuetako langileen barne mugikortasuneko prozesurako deia egitea.
Hezkuntza kontseilariak abuztuaren 22ko 382/2003 Foru Aginduaren bidez eman dizkidan eskurantzak erabiliz,
EBATZI DUT:
Hezkuntza Departamentuari atxikitako E mailako lanpostuetako langileen barne mugikortasuneko prozesurako deialdia onestea, ondoko oinarriei jarraikiz
O I N A R R I A K
Lehena._Hezkuntza Departamentuko E mailako ondoko lanpostuetako langileen barne mugikortasuneko prozesurako deialdia onestea: eskolazaina, mandataria, garbitzailea, zerbitzu orokorretakoa, sukaldeko laguntzailea, laugarren mailako behargina, peoia, zerbitzaria eta menpekoa. Lanpostuak Hezkuntza Departamentuan aritzeko dira eta deialdi honetako laugarren oinarrian zehazten dira.
Lanpostu horiez gain, lanpostu berri bat eskuratzen duten lehiatzaileek hutsik uzten dituzten lanpostuak ere beteko dira, departamentuaren antolamendu eta zerbitzu premien arabera.
Bigarrena._Parte-hartzaileak.
1._Hezkuntza Departamentuaren menpeko enplegatuek, funtzionarioek edo lan kontratadun finkoek parte hartzen ahalko dute, baldin eta baldintza hauek betetzen badituzte:
1. Jardunean, zerbitzu berezietan edo eszedentzia berezian aritzea.
2. Ondoko lanposturen bati behin-behinekoz atxikirik ez egotea: eskolazaina, mandataria, garbitzailea, zerbitzu orokorretakoa, sukaldeko laguntzailea, laugarren mailako behargina, peoia, zerbitzaria eta menpekoa.
2._Lan-kontratudun finko jarraigabeek eta lanaldi partzialean dihardutenek ez dute aukerarik barne mugikortasuneko prozesuan lanaldi osoko lanpostuak eskuratzeko.
Hirugarrena._Eskabideak.
1._Modua eta agiriak.
Deialdi honetan parte hartzen dutenek eskabidea bete beharko dute, eskura izango baitute Hezkuntza Departamentuko Argibide eta Agiri Bulegoan. (Santo Domingo kalea, z.g., Iruña).
2._Eskabide orria nori bidali behar zaion eta non aurkeztu.
Eskabideak Giza Baliabideen Zerbitzuko zuzendariari bidaliko zaizkio eta Hezkuntza Departamentuko Erregistro Bulegoan aurkeztuko dira, edo Nafarroako Gobernuko Erregistro Orokorrean edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Foru Legearen 38.4 artikuluan aipatu bulegoetako edozeinetan.
Eskabidea posta-bulego batean aurkeztuz gero, kartazal irekian eginen da, postako funtzionarioak, ziurtatu aurretik, data eta zigilua jar ditzan.
3._Eskabideak aurkezteko epea.
Eskabideak aurkezteko epea hamar egun naturalekoa izango da, deialdi hau Nafarroako ALDIZKARI OFIZIALean argitaratu eta biharamunetik hasita.
Laugarrena._Betetzekoak diren lanpostuak.
Deialdi honetako lehen oinarrian xedatutakoaren arabera, honako lanpostu hauek eskaintzen dira:
PLAZA LANPOSTUA D E S T I N O A HERRIA LANALDIA
34415 ESKOLAZAINA "ADAPTACION SOCIAL" B.H.I. IRUÑAOSOA
33465 MANDATARIA "BENJAMIN DE TUDELA" B.H.I. TUTERAOSOA
31228 ZERBITZU OROKORRAK "ETI" B.H.I. TUTERAOSOA
31901 ZERBITZU OROKORRAK "BENJAMIN DE TUDELA" B.H.I. TUTERAOSOA
32071 ZERBITZU OROKORRAK "ITURRAMA" B.H.I. IRUÑAOSOA
32273 ZERBITZU OROKORRAK "PLAZA DE LA CRUZ" B.H.I. IRUÑAOSOA
32900 ZERBITZU OROKORRAK HIZKUNTZA ESKOLA OFIZIALA IRUÑAOSOA
33039 ZERBITZU OROKORRAK "IBAIALDE-BURLADA" B.H.I. BURLATAOSOA
33728 ZERBITZU OROKORRAK HIZKUNTZA ESKOLA OFIZIALA IRUÑAOSOA
33949 ZERBITZU OROKORRAK BERRIOZAR D.B.H.I. BERRIOZAROSOA
34161 ZERBITZU OROKORRAK TUTERAKO "ETI" B.H.I. TUTERAOSOA
34885 ZERBITZU OROKORRAK ZIZUR MAYOR B.H.I. ZIZUR NAGUSIAOSOA
35057 ZERBITZU OROKORRAK "TIERRA ESTELLA" B.H.I. LIZARRAOSOA
35108 ZERBITZU OROKORRAK "SAN MIGUEL ARALAR I" B.H.I. ALTSASUOSOA
35132 ZERBITZU OROKORRAK IRAKASLEENTZAKO LAGUNTZA ZENTROA LEKAROZOSOA
35685 ZERBITZU OROKORRAK "LEKAROZ-ELIZONDO" B.H.I. LEKAROZ-ELIZONDOOSOA
35686 ZERBITZU OROKORRAK "LEKAROZ-ELIZONDO" B.H.I. LEKAROZ-ELIZONDOOSOA
35687 ZERBITZU OROKORRAK "LEKAROZ-ELIZONDO" B.H.I. LEKAROZ-ELIZONDOOSOA
35688 ZERBITZU OROKORRAK "LEKAROZ-ELIZONDO" B.H.I. LEKAROZ-ELIZONDOOSOA
35698 ZERBITZU OROKORRAK ARAUBIDE ADMINISTRATIBOAREN ATALA IRUÑAOSOA
35791 ZERBITZU OROKORRAK "ALAIZ" B.H.I. BARAÑAINOSOA
35794 ZERBITZU OROKORRAK "ALHAMA" B.H.I. CORELLAOSOA
35796 ZERBITZU OROKORRAK "VALLE DEL EBRO" B.H.I. TUTERAOSOA
35800 ZERBITZU OROKORRAK "ETI" B.H.I. TUTERAOSOA
35801 ZERBITZU OROKORRAK "ETI" B.H.I. TUTERAOSOA
35805 ZERBITZU OROKORRAK "EGA" B.H.I. SAN ADRIANOSOA
35813 ZERBITZU OROKORRAK D.B.H.I. CORTESOSOA
36006 ZERBITZU OROKORRAK ADMINISTRAZIO OROKORREKO BULEGOA IRUÑAOSOA
Bosgarrena._Lehiatzaileen lehentasun-hurrenkera.
Lehiatzaileen lehentasun hurrenkera finkatzeko kontuan hartuko den irizpidea hau da: barne mugikortasuneko abiapuntuko lanpostuan etenik gabe behin betikotasunez emandako denbora, baldin eta bertara lanpostuak betetzeko prozeduraren batean borondatez parte hartuz sartu baldin bada langilea.
Berdinketarik gertatuz gero, onartutako antzinatasun handiena duen lehiatzailearen alde joko da. Hala ere berdinketa hausten ez bada, eskatzaile zaharrenak izanen du lehentasuna.
Lehiatzaile bakoitzaren antzinatasuna finkatzeko, Giza Baliabideen Zerbitzuak ofizioz emango ditu prozesuan parte hartzen duten lehiatzaileen zerbitzu orriak.
Seigarrena._Lehiatzaile onartu eta baztertuen behin-behineko zerrendak.
Giza Baliabideen Zerbitzuak Informazio eta Argibide eta Agiri Bulegoan argitara emanen ditu barne mugikortasuneko prozesuan parte hartzen duten lehiatzaile onartu eta baztertuen behin-behineko zerrendak.
Zerrenda horietan azalduko da lehiatzaile bakoitzari abiapuntutzat duen lanpostuan etenik gabe egondako denborarengatik dagokion puntuazioa eta onartutako antzinatasuna.
Zerrenda horien kontra, interesatuek erreklamazioak egin ditzakete argitaratzen direnetik hasita bost eguneko epean.
Zazpigarrena._Izangai onartu eta baztertuen behin betiko zerrendak eta lanpostuen esleipena.
1._Halakorik bada, aurreko oinarrian aipatutako erreklamazioak ebatzi eta gero, Giza Baliabideen Zerbitzuko zuzendariak lehiatzaile onartu eta baztertuen behin betiko zerrendak onesteko ebazpena emango du, eta Argibide eta Agiri Bulegoan argitaratuko da.
Zerrenda horietan deialdi honetako bosgarren oinarrian ezarritako irizpideen araberako hurrenkeran emango dira.
2._Ebazpenean lanpostuak lehiatzaileen lehentasun-hurrenkeraren arabera esleitzeko egintza publikoa zein egun, ordu eta lekutan izango den adieraziko da.
Zortzigarrena._Jabetza hartzea.
Egintza publikoan destino berriak eskuratzen dituzten langileek Hezkuntza Departamentuko Giza Baliabideen Zerbitzuak finkatzen duen datan hartuko dute jabetza, eta data hori garaiz jakinaraziko da.
Lanpostuen jabetza hartzeak bukaera emango die betetzekoak diren lanpostuetarako data horretan indarrean diren kontratuak eta zerbitzu-eginkizunak.
Bederatzigarrena._Helegiteak.
Ebazpen honen kontra gora jotzeko helegitea jartzen ahal da, Nafarroako Gobernuari zuzendua, hilabeteko epean, argitaratu eta biharamunetik aitzina.
Iruñean, bi mila eta hiruko abenduaren hamarrean._Giza Baliabideen Zerbitzuko zuzendaria, José María Gracia Galilea.
Iragarkiaren kodea: F0300981
