I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
INDUSTRIA ETA TEKNOLOGIA, MERKATARITZA ETA LAN DEPARTAMENTUA. Ediktua.
Apirilaren 22ko 873/1977 Errege Dekretuaren laugarren artikuluan xedatutakoari jarraikiz eta bertan hala agintzen baita, aditzera ematen da Nafarroako Gobernuko Industria eta Teknologia, Merkataritza eta Lan Departamentuan, 2003ko abenduaren 30eko 9:00etan, ondoko lanbide erakundearen estatutuak aurkeztu direla: "Abelore". Elkarte horrek Nafarroako Foru Komunitatean dihardu, eta landa turismoan aritu eta askatasunez eta nahita elkartzea erabakitzen duten enpresaburuak biltzen ditu.
Eraketa aktaren lehenbiziko bi sinatzaileak hauek dira: Idoya Escudero Martín andrea (Kastonea landetxea) eta José Manuel Martínez de Irujo jauna (Loretxea landetxea).
Hori guztia ematen da aditzera, interesatuei horren berri eman eta jakinaren gainean egon daitezen. Interesatuek honi buruz bidezkoa iruditzen zaiena alegatzen ahal dute, idatziz, iragarki hau Nafarroako ALDIZKARI OFIZIALean argitaratu eta zortzi eguneko epean.
Iruñean, bi mila eta lauko urtarrilaren zazpian._Lan Zerbitzuko zuzendaria, José María Andueza Azcona.
Iragarkiaren kodea: F0400359
