59. ALDIZKARIA - 2003ko maiatzaren 12a

I. NAFARROAKO FORU KOMUNITATEA

Xedapen Orokorrak. Ebazpenak

248/2003 EBAZPENA, apirilaren 8koa, Hezkuntza eta Kultura Departamentuko Hezkuntza zuzendari nagusiak emana, 2003-2004 ikasturtean Nafarroako Foru Komunitateko Haur eta Lehen Hezkuntza, Derrigorrezko Bigarren Hezkuntza, Batxilergo, Lanbide Heziketa eta Arte Plastiko eta Diseinuko ikasketa arautuek izanen duten eskola egutegia egiteko arauak onesten dituena.

Ikusirik otsailaren 10eko 24/1997 Foru Dekretuko 8.2.f) artikuluak (1997-03-14ko Nafarroako ALDIZKARI OFIZIALa), otsailaren 10eko 25/1997 Foru Dekretuko 7.2.f) artikuluak (1997-03-14ko Nafarroako ALDIZKARI OFIZIALa), uztailaren 16ko 257/1998 Foru Aginduko 2. artikuluak (1998-08-26ko Nafarroako ALDIZKARI OFIZIALa) eta uztailaren 16ko 258/1998 Foru Aginduko 2. artikuluak (1998-08-28ko Nafarroako ALDIZKARI OFIZIALa) ezarritakoa, eta kontuan hartuz Ikasketen Antolamendu eta Lanbide Heziketaren Zerbitzuko zuzendariak aurkeztutako adostasun txostena.

Hezkuntza eta Kultura kontseilariak irailaren 30eko 339/1999 Foru Aginduaren bidez eman dizkidan eskurantzak erabiliz,

EBATZI DUT:

1. Haur eta Lehen Hezkuntza, Bigarren Hezkuntza eta Arte Plastiko eta Diseinuko ikasketa arautuak ematen dituzten Nafarroako Foru Komunitateko ikastetxe publiko eta pribatuek 2003-2004 ikasturtean izanen duten eskola egutegia egiteko arauak onestea. Eranskinetan ageri dira:

_I. eranskina: Haur Hezkuntzako Bigarren Zikloari, Lehen Hezkuntzari eta Hezkuntza Bereziari dagozkien arauak.

_II. eranskina: Derrigorrezko Bigarren Hezkuntzari dagozkion arauak, maila hori aldi batez emanen duten Haur eta Lehen Hezkuntzako ikastetxe publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere.

_III. eranskina: Derrigorrezko Bigarren Hezkuntzari dagozkion arauak, maila hori emanen duten Derrigorrezko Bigarren Hezkuntzako gainerako institutuetarako, bai eta Bigarren Hezkuntzako ikastetxe eta institutuetarako ere.

_IV. eranskina: Batxilergoari, Lanbide Heziketari eta Arte Plastikoetako eta Diseinuko ikasketei dagozkien arauak.

2. Ebazpen hau eta eranskinak igortzea Ikasketen Antolamendu eta Lanbide Heziketaren Zerbitzura, Zerbitzuak Ikuskatzeko eta Ikuskapen Teknikorako Zerbitzura, Inbertsio Zerbitzura, Ikastetxeen eta Ikasketetarako Laguntzen Zerbitzura, Pegagogi Berrikuntzako Zerbitzura, Araubide Bereziko Irakaskuntzaren eta Teknologia Berrien Zerbitzura, Giza Baliabideen Zerbitzura, Euskara Zerbitzura eta Ikasketak Antolatzeko Atalera, behar diren ondorioak izan ditzaten.

3. Ebazpen hau eta bere eranskinak Nafarroako ALDIZKARI OFIZIALean argitaratzea.

Iruñean, bi mila eta hiruko apirilaren zortzian._Hezkuntza zuzendari nagusia, Santiago Arellano Hernández.

I. ERANSKINA

Nafarroako Foru Komunitatean Haur Hezkuntza, Lehen Hezkuntza eta Hezkuntza Bereziaren 2003-2004 ikasturteko eskola egutegia egiteko arauak

1._Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2003-2004 ikasturtea 2003ko irailaren 1ean hasi eta 2004ko ekainaren 30ean bukatuko da.

2. a) Klaseak, beranduenez, irailaren 9an, asteartez, hasiko dira eta ez dira bukatuko ekainaren 18a, ostirala, baino lehen.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 176 egunak errespetaturik.

c) Irailaren 1etik klaseak hasi bitarteko egunetan programazio lanak, zikloetako bilerak, klaustroak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako memoria eta beharrezko diren administrazio egintza guztiak eginen dira.

3. a) Egutegiak 176 eskola egun izanen ditu gutxienez, eta eskola orduak zortziehun eta hirurogeita hamabost izanen dira.

b) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egun eta orduak eta, hala behar denean, langileen lan eskubideak.

4. a) Jaiegun izanen dira Nafarroako lan egutegi arruntean ere halakoak direnak, herriko zaindariaren jaieguna eta hezkuntza maila horretako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute. Ikastetxe horietako Eskola Kontseiluek herriko zaindariaren jaiegunaren ordezkoa proposatuko diote Zerbitzuak Ikuskatzeko eta Ikuskapen Teknikorako Zerbitzuari.

c) Hezkuntza mailako zaindariaren jaieguna azaroaren 27an izanen dute ikastetxeek.

5. Ez dira eskola egun izanen 2003ko azaroaren 28a eta 2004ko otsailaren 23, 24 eta 25a.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren lau egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2003ko abenduaren 23an hasiko dira, eta 2004ko urtarrilaren 7a arte, hori barne, luzatuko.

Aste Sainduko oporrak 2004ko apirilaren 8tik, osteguna, apirilaren 18a arte, igandea, biak barne.

7. Klaseak astelehenetik ostiralera izanen dira, honela:

a) Haur Hezkuntzako Eskoletan eta Haur eta Lehen Hezkuntzako ikastetxe publikoetan, uztailaren 5eko 366/2002 Foru Aginduak ezartzen duenaren arabera, klaseak berrogeita hamar minutukoak izanen dira, goizeko lau saiotan banatuak astelehenetik ostiralera eta arratsaldeko bi saiotan (astelehen, astearte, ostegun eta ostiral). Nolanahi ere, goizeko lehenbiziko bi saioen eta azkeneko bien artean ordu erdiko jolas-ordua izanen da, eta goizeko eta arratsaldeko saioen artean gutxienez laurogeita hamar minutuko atsedenaldia utzi beharko da, edo, oro har, bi ordu eta erdikoa Derrigorrezko Bigarren Hezkuntzako Lehen Zikloa ematen duten ikastetxe publikoetan, bai eta garraioa Derrigorrezko Bigarren Hezkuntzako institutuekin batera erabiltzen duten ikastetxe publikoetan ere.

Asteazkenetan, goizean bakarrik arituko dira ikastetxe guztietan, eta saioetako bat hirurogei minutukoa izanen da.

Haur eta Lehen Hezkuntzako ikastetxe publikoek Derrigorrezko Bigarren Hezkuntzako institutuekin eta Bigarren Hezkuntzako institutuekin koordinatu beharko dituzte klaseak hasi eta bukatzeko ordutegiak, eskola garraiorako dauden baliabide materialen arabera.

b) Ikastetxe itunduetan, goizeko lau saio, hiru ordu eta erdikoak edo lau ordukoak, eta arratsaldeko lau saio (astelehen, astearte, ostegun eta ostiral), bi ordukoak edo ordu eta erdikoak, hurrenez hurren. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da.

Asteazkenetan, goizeko lau orduko jarduna baizik ez da izanen ikastetxe guztietan.

c) Ekainean eta irailean, Haur eta Lehen Hezkuntzako ikastetxe publikoetan, lau orduko jarduna eginen da, eta saioetako bat hirurogei minutukoa izanen da. Ikastetxe itunduetan ere goizeko jarduna bakarrik egin ahalko da, 4 orduko iraupenarekin.

d) Ekainaren 12ko 230/1992 Foru Aginduaren (1992-07-22ko Nafarroako ALDIZKARI OFIZIALa) hemezortzigarren idatz-zatian xedatutakoari jarraikiz, arrazoi bereziengatik eskola ordutegia handitzeko beharra duten ikastetxeek espresuki egin beharko diote eskaera arrazoitua Zerbitzuak Ikuskatzeko eta Ikuskapen Teknikorako Zerbitzuari; eskabide horretan, zenbat ordu handitzea proposatzen den adieraziko da -gehienez ere bost ordu izanen dira astean-, bai eta zertarako erabiliko diren ere. Aipatu Zerbitzuak, kasu bakoitzean zer komeni den ikusirik, baietsi edo ezetsi eginen du eskabidea.

8. Aurreko edozein atalen gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2._Tramitazioa.

1. Eskola Kontseiluek 2003ko maiatzaren 28 baino lehen bidaliko diote proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, aztertu ondoren. Onetsitzat joko dira ikastetxeetako egutegiak, baldin eta 2003ko ekainaren 18aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, ofizioz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3._2003-2004 ikasturterako Haur Hezkuntza, Lehen Hezkuntza eta Hezkuntza Berezirako proposatu den egutegiari gutxienez dagozkion eskola egun eta eskola orduak.

IRAILA 16 4 64

URRIA 18 5,5 99

5 4 20

AZAROA 14 5,5 77

4 4 16

ABENDUA 12 5,5 66

2 4 8

URTARRILA 14 5,5 77

3 4 12

OTSAILA 14 5,5 77

3 4 12

MARTXOA 17 5,5 93,5

5 4 20

APIRILA 12 5,5 66

3 4 12

MAIATZA 17 5,5 93,5

4 4 16

EKAINA 14 4 56

GUZTIRA 177 885

(Herriko jaiegun bat (Herriko jaiegun bat

kenduta) kenduta)

4._2003-2004 ESKOLA EGUTEGIA - NAFARROAKO FORU KOMUNITATEKO HAUR HEZKUNTZA, LEHEN HEZKUNTZA ETA HEZKUNTZA BEREZIA

II. ERANSKINA

Derrigorrezko Bigarren Hezkuntzarako 2003-2004 ikasturteko eskola egutegia egiteko arauak, maila hori aldi batez emanen duten Haur eta Lehen Hezkuntzako ikastetxe publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere

1._Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2003-2004 ikasturtea 2003ko irailaren 1ean hasi eta 2004ko ekainaren 30ean bukatuko da.

2. a) Klaseak, beranduenez, irailaren 9an, asteartez, hasiko dira eta ez dira bukatuko ekainaren 18a, ostirala, baino lehen.

Hala ere, eskolak egun horietan hasterik ez duten Derrigorrezko Bigarren Hezkuntzako institutuetako Eskola Kontseiluek beste proposamen bat egin ahalko dute.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 176 egunak errespetaturik.

c) Irailaren 1etik klaseak hasi bitarteko egunetan programazio lanak, klaustroko bilerak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako memoria eta beharrezko diren administrazio egintza guztiak eginen dira.

3. a) Egutegiak 176 eskola egun izanen ditu gutxienez, eta eskola orduak bederatziehun eta laurogeita bederatzi izanen dira.

c) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egun eta orduak eta, hala behar denean, langileen lan eskubideak.

4. a) Jaiegun izanen dira Nafarroako lan egutegi arruntean ere halakoak direnak, herriko zaindariaren jaieguna eta Lehen Hezkuntzako zaindariarena, zeina egutegi honek ukitutako ikasleei ere zabalduko baitzaie; 2003-2004 ikasturtean, egun hori 2003ko azaroaren 27a izanen da.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute. Ikastetxe horietako Eskola Kontseiluek herriko zaindariaren jaiegunaren ordezkoa proposatuko diote Zerbitzuak Ikuskatzeko eta Ikuskapen Teknikorako Zerbitzuari.

5. Ez dira eskola egun izanen 2003ko azaroaren 28a eta 2004ko otsailaren 23, 24 eta 25a.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren lau egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2003ko abenduaren 23an hasiko dira, eta 2004ko urtarrilaren 7a arte, hori barne, luzatuko.

Aste Sainduko oporrak 2004ko apirilaren 8tik, osteguna, apirilaren 18a arte, igandea, biak barne.

7. a) Klaseak astelehenetik ostiralera izanen dira; goizean, lau ordu eta erdiko saioak izanen dira eta, arratsaldean, bi ordukoak, asteazkenetan izan ezik, goizeko saioa baizik ez baita izanen, eta hori lau ordukoa. Nolanahi ere, goizeko eta arratsaldeko saioen artean gutxienez ordu eta erdiko atsedenaldia utzi beharko da.

b) Ekainean eta irailean, goizeko jarduna bakarrik egin ahalko da, eta 4 orduko iraupena izanen du.

c) Goizeko klaseen hasiera eta arratsaldekoen amaiera ordu berean eginen da hiru hezkuntza mailak ematen dituzten ikastetxeetan: Haur Hezkuntzako 2. Zikloa, Lehen Hezkuntza eta Derrigorrezko Bigarren Hezkuntza ematen dutenetan, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetan ere. Azken hauetan, ikastetxeek modu egokian koordinatuko dituzte klaseetako sarrera-irteerak, eskola garraioaren erabilera ongi egin dadin.

Bigarren Hezkuntzako institutuekin ere horrelako koordinazioa egin beharko da, baldin eta, eskola garraiorako dituzten baliabide materialen arabera, klaseen hasiera eta bukaera ordutegietan bat etorri behar badute.

8. Aurreko edozein atalen gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2._Tramitazioa.

1. Eskola Kontseiluek 2003ko maiatzaren 28 baino lehen bidaliko diote proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, horiek aztertu ondoren. Onetsitzat joko dira ikastetxeetako egutegiak, baldin eta 2003ko ekainaren 18aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, ofizioz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, nahitaez bete beharko dira. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3._2003-2004 ikasturteko Derrigorrezko Bigarren Hezkuntzarako proposatu den egutegiari gutxienez dagozkion eskola egun eta orduak, maila hori emanen duten Haur eta Lehen Hezkuntzako ikastetxe publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere.

IRAILA 16 4 64

URRIA 17 6,5 110,5

5 4 20

AZAROA 14 6,5 91

4 4 16

ABENDUA 12 6,5 78

2 4 8

URTARRILA 14 6,5 91

4 4 16

OTSAILA 14 6,5 91

3 4 12

MARTXOA 15 6,5 97,5

4 4 16

APIRILA 14 6,5 91

3 4 12

MAIATZA 18 6,5 117

4 4 16

EKAINA 15 4 60

GUZTIRA 177 1.007

(Herriko jaiegun bat (Herriko jaiegun bat

kenduta) kenduta)

4._2003-2004 ESKOLA EGUTEGIA, DERRIGORREZKO BIGARREN HEZKUNTZARI DAGOKIONA, MAILA HORI ALDI BATEZ EMANEN DUTEN HAUR ETA LEHEN HEZKUNTZAKO IKASTETXE PUBLIKOETARAKO ETA GARRAIOA LEHEN HEZKUNTZAKOEKIN BATERA ERABILTZEN DUTEN DERRIGORREZKO BIGARREN HEZKUNTZAKO INSTITUTUETARAKO

III. ERANSKINA

Derrigorrezko Bigarren Hezkuntzarako 2003-2004 ikasturteko eskola egutegia egiteko arauak, maila hori emanen duten Derrigorrezko Bigarren Hezkuntzako gainerako institutuetarako, bai eta Bigarren Hezkuntzako ikastetxe eta institutuetarako ere

1._Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2003-2004 ikasturtea 2003ko irailaren 1ean hasi eta 2004ko ekainaren 30ean bukatuko da.

2. a) Klaseak, beranduenez, irailaren 18an, ostegunez, hasiko dira eta ez dira bukatuko ekainaren 11a, ostirala, baino lehen.

Hala ere, eskolak egun horietan hasterik ez duten Derrigorrezko Bigarren Hezkuntzako institutuetako Eskola Kontseiluek beste proposamen bat egin ahalko dute.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 165 egunak errespetaturik.

c) Irailaren 1etik klaseak hasi bitarteko egunetan departamentuetako bilerak, klaustroak, programazio lanak, eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako memoria eta beharrezko diren administrazio egintza guztiak eginen dira.

3. a) Egutegiak 165 eskola egun izanen ditu gutxienez. Aipatu egun horietan ezin izanen dira klaseak eten azterketa aldiak ezartzeko, gainditu gabekoen azterketak egiteko edo ebaluazio batzarrak zein klaustroak egiteko. Eskola eguntzat har daiteke ikasturtea, tutoreak, irakasleak, programak, helburuak, ordutegiak eta abar aurkezteko eguna.

b) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egunak eta, hala behar denean, langileen lan eskubideak.

4. a) Jaiegun izanen dira Nafarroako Foru Komunitateko lan egutegi arruntean ere halakoak direnak, herriko zaindariaren jaieguna eta dagokion mailako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute.

c) Ikastetxeek hezkuntza mailari dagokion zaindariaren jaieguna 2004ko urtarrilaren 30a izanen dute.

d) Hezkuntza maila bat baino gehiago ematen duten ikastetxeek egun bakar batean bateratu ahalko dituzte hezkuntza maila ezberdinei dagozkien zaindarien jaiegunak.

5. Ez dira eskola egun izanen 2004ko otsailaren 23, 24 eta 25a.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren hiru egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2003ko abenduaren 23an hasiko dira, eta 2004ko urtarrilaren 7a arte, hori barne, luzatuko.

Aste Sainduko oporrak 2004ko apirilaren 8tik, osteguna, apirilaren 18a arte, igandea, biak barne.

7. Eskola jarduna oro har goizeko saioetan eginen da astelehenetik ostiralera, eta bi arratsaldetan ere bai gutxienez. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da. Asteazkenetan goizeko jarduna baizik ez da izanen ikastetxe guztietan.

Goizeko jarduna soilik izan nahi denean, horri dagokion baimena eskatu beharko da, eta eskabidearekin batera aurkeztuko da Eskola Kontseiluaren eta gurasoek Kontseilu horretan dituzten ordezkarien adostasun txostena; bietan ere kideen erabateko gehiengoa beharko da. Txosten horretan azalduko dira eskola jardun hori aldatzea komenigarri egiten duten arrazoiak: garraio eta jantokiaren erabilpenaren arrazoiak, arrazoi pedagogikoak edo bestelakoak.

Goizeko jarduna soilik egiteko baimena duten ikastetxeek horrela segitu ahalko dute, berriz eskatu gabe, baldin eta baimena emateko oinarri izan ziren arrazoiak aldatu ez badira.

8. Derrigorrezko Bigarren Hezkuntza, Batxilergoa eta Lanbide Heziketa ematen duten institutuak herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

Haur eta Lehen Hezkuntzako ikastetxeekin ere horrelako koordinazioa egin beharko da, baldin eta, eskola garraiorako dituzten baliabide materialen arabera, klaseen hasiera eta bukaera ordutegietan Bigarren Hezkuntzako, Batxilergoko eta Lanbide Heziketako institutuekin bat etorri behar badute.

9. Aurreko edozein atalen gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2._Tramitazioa.

1. Eskola Kontseiluek 2003ko maiatzaren 28 baino lehen bidaliko diote eskola egutegiaren eta ordutegiaren proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, bai eta ordutegia ere, aztertu ondoren. Onetsitzat joko dira ikastetxeetako egutegiak, baldin eta 2003ko ekainaren 18aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, ofizioz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak eta ordutegia, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3._2003-2004 ESKOLA EGUTEGIA, DERRIGORREZKO BIGARREN HEZKUNTZARI DAGOKIONA, MAILA HORI EMANEN DUTEN DERRIGORREZKO BIGARREN HEZKUNTZAKO GAINERAKO INSTITUTUETARAKO, BAI ETA BIGARREN HEZKUNTZAKO IKASTETXE ETA INSTITUTUETARAKO ERE

IV. ERANSKINA

Nafarroako Foru Komunitateko Batxilergoari, Lanbide Heziketari eta Arte Plastikoetako eta Diseinuko ikasketei 2003-2004 ikasturteko eskola egutegia egiteko dagozkien arauak

1._Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2003-2004 ikasturtea 2003ko irailaren 1ean hasi eta 2004ko ekainaren 30ean bukatuko da.

2. a) Klaseak, beranduenik, 2003ko irailaren 18an, ostegunez, hasiko dira eta ez dira bukatuko 2004ko ekainaren 11 baino lehen, ostirala, salbu eta LOGSEko Batxilergoaren 2. kurtsoko ikasleak, horiek maiatzaren 28an bukatuko baitituzte klaseak, ostiralez.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 165 egunak errespetaturik.

c) Irailaren 1etik klaseak hasi bitarteko egunetan errekuperazioak, ebaluazioak, departamentuko bilerak, klaustroak, programazio lanak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako memoria eta beharrezko diren administrazio egintza guztiak eginen dira.

3. a) Klaseko jarduerak egiteko urtean 165 egun izanen dira gutxienez. Aipatu eskola egunetan ezin izanen dira azken errekuperazioak edo probak egin. Klaseak eteterik ere ez da izanen azterketa aldiak ezartzeko, gainditu gabekoen azterketak egiteko edo ebaluazio batzarrak zein klaustroak egiteko. Eskola eguntzat har daiteke ikasturtea, tutoreak, irakasleak, programak, helburuak, ordutegiak eta abar aurkezteko eguna.

c) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egunak eta, hala behar denean, langileen lan eskubideak.

4. LOGSEko Batxilergoaren 2. kurtsoko azken probak eta dagozkien ebaluazio batzarrak egiteko egunak klase eguntzat joko dira. Kurtso horien azken ebaluazioa egin eta gero, klaseek aurrera jarraituko dute unibertsitaterako sarrera proba prestatzeko, eta gainditu ez duten ikasleentzat ere irekiak egonen dira.

5. a) Jaiegun izanen dira Nafarroako Foru Komunitateko lan egutegi arruntean ere halakoak direnak, herriko zaindariaren jaieguna eta dagokion mailako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute.

c) Batxilergoa eta Lanbide Heziketa ematen duten ikastetxeek hezkuntza mailari dagokion zaindariaren jaieguna 2004ko urtarrilaren 30a izanen dute.

d) Arte Eskolek beren hezkuntza mailari dagokion zaindariaren jaieguna 2003ko urriaren 24an ospatuko dute.

e) Hezkuntza maila bat baino gehiago ematen duten ikastetxeek egun bakar batean bateratu ahalko dituzte hezkuntza maila ezberdinei dagozkien zaindariaren jaiegunak.

6. Ez dira eskola egun izanen 2004ko otsailaren 23, 24 eta 25a.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren hiru egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

7. Eguberrietako oporrak 2003ko abenduaren 23an hasiko dira, eta 2004ko urtarrilaren 7a arte, hori barne, luzatuko.

Aste Sainduko oporrak 2004ko apirilaren 8tik, osteguna, apirilaren 18a arte, igandea, biak barne.

8. Eskola jarduna oro har goizeko saioetan eginen da astelehenetik ostiralera, eta bi arratsaldetan ere bai gutxienez. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da. Asteazkenetan goizeko jarduna baizik ez da izanen ikastetxe guztietan.

Goizeko jarduna soilik izan nahi denean, horri dagokion baimena eskatu beharko da, eta eskabidearekin batera aurkeztuko da Eskola Kontseiluaren eta gurasoek Kontseilu horretan dituzten ordezkarien adostasun txostena; bietan ere kideen erabateko gehiengoa beharko da. Txosten horretan azalduko dira eskola jardun hori aldatzea komenigarri egiten duten arrazoiak: garraio eta jantokiaren erabilpenaren arrazoiak, arrazoi pedagogikoak edo bestelakoak.

Goizeko jarduna soilik egiteko baimena duten ikastetxeek horrela segitu ahalko dute, berriz eskatu gabe, baldin eta baimena emateko oinarri izan ziren arrazoiak aldatu ez badira.

9. Derrigorrezko Bigarren Hezkuntza, Batxilergoa eta Lanbide Heziketa ematen duten institutuak herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

Haur eta Lehen Hezkuntzako ikastetxeekin ere horrelako koordinazioa egin beharko da, baldin eta, eskola garraiorako dituzten baliabide materialen arabera, klaseen hasiera eta bukaera ordutegietan Bigarren Hezkuntzako, Batxilergoko eta Lanbide Heziketako institutuekin bat etorri behar badute.

10. a) Bi kurtsoko Heziketa Zikloak ematen dituzten ikastetxeek bigarren kurtsoari dagokion eskola egutegia eginen dute. Kontuan izanen dute, horretarako, klaseak IV. eranskin honetako 2.a) arauan ezarritakoaren arabera hasiko direla, eta kontuan hartuko, halaber, ikasle guztientzako, ikastetxeko prestakuntzaren iraupena, astetan, honakoa izanen dela: emaniko eskola ordu guztiak zati asteroko orduak, Heziketa Ziklo bakoitzeko curriculuma ezartzen duen foru dekretuko "Iraupena, Sekuentzia eta Ordu-banaketa" Eranskinean agertzen denaren arabera.

Ikastetxean eginiko moduluen azken ebaluazio arrunta egin eta gero, klaseek jarraitu eginen dute IV. eranskin honetako 2. arauan ezarri egunera arte; hain zuzen ere, Lantegietako Prestakuntza moduluetara edo Enpresa, Estudio edo Tailerretako Prestakuntza Praktikoko fasera pasa ez diren ikasleekin.

b) Heziketa Zikloak ematen dituzten ikastetxeek batera eginen dituzte ebaluazio saio bereziak eta ziklo edo moduluei buruzko amaierako ebaluazioak, hiruhileko bakoitza amaitutakoan.

c) Lantegietako Prestakuntza moduluko, bai eta Enpresa, Estudio edo Tailerretako Prestakuntza Praktikoko faseko egutegia egiteko, kontuan hartuko da horretarako ezarritako araudia.

11. Aurreko edozein atalen gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2._Tramitazioa.

1. Eskola Kontseiluek 2003ko maiatzaren 28 baino lehen bidaliko diote eskola egutegiaren eta ordutegiaren proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, aztertu ondoren. Onetsitzat joko dira ikastetxeetako egutegiak, baldin eta 2003ko ekainaren 18aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, ofizioz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak eta ordutegia, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3._2003-2004 ESKOLA EGUTEGIA - NAFARROAKO FORU KOMUNITATEKO BATXILERGOA, LANBIDE HEZIKETA ETA ARTE PLASTIKOETAKO ETA DISEINUKO IKASKETAK

Iragarkiaren kodea: A0303958