I. NAFARROAKO FORU KOMUNITATEA
Beste Xedapenak
EBAZPENA, 2003ko martxoaren 3koa, Nekazaritza, Abeltzaintza eta Elikadura Departamentuko Nekazaritzako Egitura eta Elikagai Industrien zuzendari nagusiak emana, "Hermanos Marco" 1895 izeneko Eraldaketarako Nekazaritza Sozietatea (1895 NA) deuseztatzeko erabakia Nafarroako Erregistro Liburuan inskriba dadila agintzen duena.
Eraldaketarako Nekazaritza Sozietateak arautzen dituen abuztuaren 3ko 1776/1981 Errege Dekretuarekin, hura garatzen duen 1982ko irailaren 14ko Aginduarekin, Estatuko Administrazioaren eginkizunak eta zerbitzuak, Eraldaketarako Nekazaritza Sozietateen arlokoak, Nafarroako Foru Komunitateari eskualdatzeko abenduaren 18ko 2654/1985 Errege Dekretuarekin, Nekazaritza, Abeltzaintza eta Mendi Departamentuari eskualdaturiko eginkizunak eta zerbitzuak atxikitzeko otsailaren 7ko 40/1986 eta Nafarroako Eraldaketarako Nekazaritza Sozietateen Erregistroa sortu zuen otsailaren 28ko 71/1986 Foru Dekretuekin bat, eta Nekazaritzako Elikagai Industrien eta Elikaduraren Zerbitzuaren adostasun txostena ikusirik.
Horrenbestez, Nekazaritza, Abeltzaintza eta Elikadura kontseilariak 1999ko irailaren 13ko Foru Aginduaren bidez esleitu dizkidan eskurantzak erabiliz,
EBATZI DUT:
1. "Hermanos Marco" 1895 izeneko Eraldaketarako Nekazaritza Sozietatea (1895 NA), erantzukizun mugatukoa eta egoitza Figarolen duena, deuseztatzeko erabakia Eraldaketarako Nekazaritza Sozietateen Erregistroan inskribatzeko agindua ematea. Erabaki hori 2003ko otsailaren 23an hartu zuten bazkideek, Batzar Nagusian.
2. Ebazpen honen kontra gora jotzeko helegitea jar daiteke, Nafarroako Gobernuari zuzendua, hilabeteko epean, jakinarazi eta biharamunetik aitzina, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legean eta hura aldatzen duen urtarrilaren 13ko 4/1999 Legean xedaturikoarekin bat.
3. Ebazpen honen berri ematea Nafarroako Eraldaketarako Nekazaritza Sozietateen Erregistroari, Estatuko Administrazioari eta interesatuari, behar diren ondorioak izan ditzan, eta ohartaraztea inskripzioaren laburpena Nafarroako ALDIZKARI OFIZIALera bidali beharko dela argitara emateko eta hirugarrenek haren berri izan dezaten.
Iruñean, bi mila eta hiruko martxoaren hiruan._Zuzendari nagusia, Andrés Eciolaza Carballo.
Iragarkiaren kodea: C3072320
