III. NAFARROAKO TOKI ADMINISTRAZIOA
A Z U E L O
E D I K T U A
Azueloko Udalak, 2002ko azaroaren 27an egin bilkuran, hau erabaki zuen:
"Nafarroako Toki Ogasunei buruzko martxoaren 10eko 2/1995 Foru Legeak xedatzen duenari jarraituz,
Erabaki da:
1._Ehuneko 0,20ko karga-tasa ezartzea hirilurretako ondasunentzat.
2._Ehuneko 0,50eko karga-tasa ezartzea herrilurretako ondasunentzat.
3._Ehuneko 2ko karga-tasa aplikatzea lizentzia behar duten instalazio, eraikuntza eta obren gaineko zergarako.
4._Ehuneko 1eko karga-tasa aplikatzea jarduera ekonomikoen gaineko zergarako ezarritako kuotari.
5._Ehuneko 2,7ko koefizientea eta ehuneko 8ko zerga-tasa jartzea hirilurren balio igoeraren gaineko zergari.
Erabaki honek indarra hartuko du 2003ko urtarrilaren 1ean eta haren aurka, aukeran, honako errekurtso hauek jarri ahalko dira:
a) Berraztertzeko errekurtsoa, egintzaren organo egileari zuzendua, hilabeteko epean, ebazpen hau jakinarazi eta biharamunetik hasita.
b) Administrazioarekiko auzi-errekurtsoa, Nafarroako Auzitegi Nagusiko Administrazioarekiko Auzien Epaitegiari edo Sailari zuzendua, bi hilabeteko epean, ebazpen hau jakinarazi eta biharamunetik hasita; edo
c) Gora jotzeko errekurtsoa, Nafarroako Administrazio Auzitegiari zuzendua, ebazpena jakinarazi ondoko hilabetean.
Azuelon, bi mila eta biko abenduaren hamahiruan. Alkatea, José Manuel Díaz de Cerio Crespo.
Iragarkiaren kodea: a0300046