III. NAFARROAKO TOKI ADMINISTRAZIOA
B E R R I O Z A R
Bake epaile titularraren kargua hutsik
Botere Judizialari buruzko uztailaren 1eko 6/1985 Lege Organikoaren 101 eta 102. artikuluetan (uztailaren 2ko "Estatuko Aldizkari Ofiziala") eta Bake Epaileen gaineko ekainaren 7ko 3/1995 Erregelamenduaren 5 eta 6. artikuluetan (uztailaren 13ko Nafarroako ALDIZKARI OFIZIALa) xedatutakoari jarraituz, bidezko da Berriozarko Bake Epaitegiko bake epaile titularra hautatzea.
Bake epaile titularra nahiz ordezkoa izateko baldintzak zehaztuta daude Karrera Judizialean sartzeko Botere Judizialari buruzko uztailaren 1eko 6/1985 Lege Organikoaren 302. artikuluan, nahiz eta kasu honetan ez den beharrezkoa Zuzenbideko lizentziatua izatea.
Era berean, aipatu 3/1995 Erregelamenduko 13. artikuluan eta hurrengoetan ezarritako gaitasunari eta bateragarritasunari buruzko baldintzak bete beharko dituzte.
Interesatuek Berriozarko Udaleko erregistro orokorrean aurkeztu beharko dituzte eskabideak, hamabost egun naturaleko epean, iragarki hau Nafarroako ALDIZKARI OFIZIALean argitaratu eta biharamunetik.
Argitara ematen da, orok jakin dezan.
Berriozarren, bi mila eta biko abenduaren hamaseian. Alkate udalburua, Benito José Ríos Ochoa.
Iragarkiaren kodea: A0113669
