I. NAFARROAKO FORU KOMUNITATEA
Xedapen Orokorrak. Foru Aginduak
348/2003 FORU AGINDUA, uztailaren 2koa, Hezkuntza eta Kultura kontseilariak emana, Iruñeko "San Cernin" Musika Eskolaren baimena aldatzen duena, ikasgai gehiago eskaintzeko.
Ikusirik José María Marcén jaunaren eskaera, Iruñeko "San Cernin" Musika Eskolaren entitate titularraren ordezkari, hari tronpeta irakasteko baimena eman dakion.
Ikusirik Zerbitzuak Ikuskatzeko eta Ikuskapen Teknikorako Zerbitzuak emandako adostasun-txostena.
Nafarroako Foru Komunitateko Musika eta Dantza Eskolen eraketa eta funtzionamenduari buruzko oinarrizko arauak ezarri zituen abenduaren 21eko 421/1992 Foru Dekretuaren 29. artikuluak ezarritakoari jarraikiz (1993ko urtarrilaren 22ko Nafarroako ALDIZKARI OFIZIALa); eta Ikastetxeen eta Ikasketetarako Laguntzen Zerbitzuak proposaturik,
AGINDU DUT:
1. Baimena ematen zaio Iruñeko "San Cernin" Musika Eskolari (ikastetxearen kodea: 31001729) tronpeta irakasteko, 2003/2004 ikasturtearen hasieratik aitzina.
2. Hemendik aurrera, ikasgai hauek izanen dira Eskolan, 421/1992 Foru Dekretuko 9. artikuluko 1. idatz-zatian aipaturiko "oinarrizko eskaintza" eta ikasgai hauek: klarinetea, zeharkako txirula, gitarra, pianoa, saxofoia, tronpeta, biolina eta biolontxeloa.
3. Departamentu honen baimena beharko da Eskolaren osaera aldatzeko, baldin eta 421/1992 Foru Dekretuko 29. artikuluak aipatua ukitzen badu aldaketak.
4. Foru dekretu horretako 31. artikuluan aipatutako kasuetan, Eskolaren baimena baliorik gabe uzten ahalko da.
5. Ohartarazten da ezen, foru dekretu hartako 20. artikuluarekin bat, Eskolaren titularra den entitateak ordainduko dituela foru agindu honen bidez baimendutako ikasketen gastuak.
6. Foru agindu honek ez du administrazio bidea agortzen, eta bere aurka interesatuek gora jotzeko helegitea jartzen ahal dute, Nafarroako Gobernuari zuzendua, hilabeteko epean, jakinarazi edo argitaratu eta biharamunetik aitzina.
7. Foru agindu hau Nafarroako ALDIZKARI OFIZIALean argitaratuko da.
8. Foru agindu hau igortzea Musika Eskolaren titularrari, Zerbitzuak Ikuskatzeko eta Ikuskapen Teknikorako Zerbitzuari, Araubide Bereziko Irakaskuntzaren eta Teknologia Berrien Zerbitzuari, Ikastetxeen eta Ikasketetarako Laguntzen Zerbitzuari, Ikastetxeen eta haien Finantzaketaren Atalari, Informazioaren Kudeaketarako Unitate Teknikoari eta Ikastetxeak Baimendu eta Erregistratzeko Bulegoari.
Iruñean, bi mila eta hiruko uztailaren lauan._Hezkuntza eta Kultura kontseilaria, Jesús María Laguna Peña.
Iragarkiaren kodea: A0306922
