I. NAFARROAKO FORU KOMUNITATEA
Agintariak eta Langileak
777/2002 EBAZPENA, ekainaren 24koa, Nafarroako Unibertsitate Publikoko Errektoreak emana, Unibertsitatearen 2002 urteko Lan Eskaintza Publikoa onesten duena.
Kontuan izanda aurrekontuan diruz hornitutako giza baliabideen beharrak garaian garaiko Lan Eskaintza Publikoan jaso behar direla, dauden langileek ezin bete dituztenean, Funtzio Publikoaren Erreformarako Neurrien abuztuaren 2ko 30/1984 Legeak 18.4 artikuluan xedatzen duenari jarraikiz.
Ikusirik Nafarroako Unibertsitate Publikoko langileen lan baldintzak (2000-2003) zehaztuko dituzten negoziazio oinarriei buruzko Akordioaren VIII. Oinarria, Lan Eskaintza Publikoa izenekoa.
Ikusirik Nafarroako Unibertsitate Publikoaren 2002 urteko Lan Eskaintza Publikoari buruzko Akordioa, E.L.A., CC.OO eta U.G.T. sindikatuekin sinatutakoa.
Unibertsitateko Kudeatzaileak proposaturik.
Lege indardunek eman dizkidaten eskurantzak erabiliz,
EBATZI DUT:
Lehenengoa.- Nafarroako Unibertsitate Publikoaren 2002ko Lan Eskaintza Publikoa onestea, alegia, ebazpen honek berezko zati moduan erantsita daukana I. Eranskinean.
Bigarrena.-Nafarroako ALDIZKARI OFIZIALean argitara eman dadila agintzea.
Hirugarrena.-Ebazpen hau Administrazio eta Zerbitzuetako Langileen Batzordera bidaltzea.
Laugarrena.- Ebazpen honen aurka, nahi bada, berraztertzeko errekurtsoa aurkez daiteke Errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, bi mila eta biko ekainaren hogeitalauan.-Errektorea, Antonio Pérez Prados.
I. ERANSKINA
Nafarroako Unibertsitate Publikoaren 2002ko lan eskaintza publikoa
2000ko uztailaren 5ean sinatu zen "Nafarroako Unibertsitate Publikoko langileen 2000-2003 urteetako lan baldintzak zehaztuko dituzten negoziazio oinarriei buruzko Akordioa".
VIII. kapituluak lan eskaintza publiko bat onesteko konpromisoa jasotzen du.
Zerbitzuak eta aurrekontu izateak egokitzeari buruzko ikerketa bukaturik, Unibertsitateko Kudeatzailetzak eta Unibertsitatean ordezkaritza duten E.L.A., CC.OO. eta U.G.T. sindikatuek Akordiora iritsi dira 2002 urteko Lan Eskaintza Publikoari buruz.
Lan Eskaintza Publikoak ahalmena ematen du sarrera berriko 39 lanpostutarako deia egiteko, eta horretan sartzen dira aurrekontuan nahikoa diruz hornituak egon arren, orain dauden langileek ezin bete dituzten giza baliabideen beharrak, Funtzio Publikoaren Erreformarako Neurrien abuztuaren 2ko 30/1984 Legeak 18. artikuluko 4 idatz-zatian xedatzen duenari jarraikiz.
2002 URTEKO LAN ESKAINTZA PUBLIKOA
Lehenengo Xedapena.-Lan eskaintza publikoa onestea.
1. Funtzio Publikoaren Erreformarako Neurrien abuztuaren 2ko 30/1984 Legearen 18. artikuluan eta Nafarroako Unibertsitate Publikoko langileen lan baldintzak (2000-2003) zehaztuko dituzten negoziazio oinarriei buruzko Akordioaren VIII. kapituluan xedatua betez, 2002 urteko Lan Eskaintza Publikoa onetsi da, Ebazpen honetan ezarritako moduan.
Eskaintza honen ondoriozko deialdiak hautaprobetarako Estatuko Aldizkari Ofizialean argitaratuko dira 2002ko abenduaren 15a baino lehenago.
Bigarren Xedapena.-Lan eskaintza publikoa onestea
Lan Eskaintza Publikoan sartzen dira aurrekontuan diruz hornituta egon arren, orain dauden langileek ezin bete dituzten beharrak.
Hirugarren Xedapena.-Barne-sustapena
2002. urtean barne-sustapeneko deialdi hauek egingo dira: 7 lanpostutarako deialdia E taldetik Dra pasatzeko, alegia, Mendekoen Eskalatik Zerbitzuetako Laguntzaileen Eskalara, 10 lanpostutarako deialdia D taldetik Cra pasatzeko, alegia, Administrari Laguntzaileen Eskalatik Administrarien Eskalara, eta lanpostu 1erako deialdia, C taldetik Bra pasatzeko, alegia, Administrarien Eskalatik Kudeaketako Eskalara.
Barne-sustapeneko hautatze-prozesu horiek sartzeko deialdietatik kanpora egingo dira.
Modu gehigarrian Administrari Laguntzaileen Eskalako bi lanpostu gordeko dira txanda murrizturako Mendekoen Eskalatik pasatzeko.
Laugarren Xedapena.-Aldi baterako langileak.
2002 urtean zehar aldi baterako langileak kontratatzeari edo bitarteko langileak izendatzeari ekingo zaio premiazko behar ezin geroratzekoak betetzeko, aldeko txostena ematen badute, biak batera, Giza Baliabideen Zerbitzuko Zuzendaritzak eta Ekonomia Gaietarako Zerbitzuko Zuzendaritzak.
Bosgarren Xedapena.-Aldi baterako enplegua finkatzea
Finkatze prozesuan zehar finko bihurtu beharreko lanpostuak aldi baterako betetzen ari direnekin Unibertsitateak dauzkan lan harremanak luzatu egingo dira betetzen ari diren lanpostuei dagozkien deialdien hautaprobak bukatu arte. Horretarako, behar izanez gero, hasierako lan harremana aldatu daiteke eta bitarteko bihurtu, abenduaren 18ko 2720/1998 Errege Dekretuak edo funtzio publikoaren arauek jasotzen duten moduan.
Seigarren Xedapena.-Bitarteko lana ordeztea.
Bitarteko funtzionarioek betetzen zuten lanpostua utziko dute karrerako funtzionario titularrak lanpostu horren jabetza hartzen duenean.
Zazpigarren Xedapena.-Minusbaliatuak
Funtzionarioen Kidego eta Eskalatan sartzeko hautaprobetan, baita barne- sustapenekoetan ere, beste izangaiek dituzten baldintza berdinetan onartuko dituzte minusbaliatuak, eta behar den lanpostu-ehunekoa gordeko da deialdietan, legez minusbaliatu diren izangaiak sartzeko, kasu bakoitzean aplikatu beharreko arauen arabera.
Zortzigarren Xedapena.-Barneko merezimendu-lehiaketa
Lan eskaintza publiko honek jasotzen dituen lanpostuak barneko merezimendu- lehiaketa egokiaren bidez beteko dira, sarrerako hautaprobetarako deialdia egin baino lehenago. Deialdi horiek zehaztuko dituzte oinarrietan zenbat lanpostu aterako dituzten, eta zenbat izango diren, daudenean, barne-sustapeneko txandakoak eta minusbaliatuentzat gorde beharrekoak
AZKEN XEDAPEN BAKARRA
Indarra hartzea
Ebazpen honek Nafarroako ALDIZKARI OFIZIALean argitaratu eta biharamunean hartuko du indarra.
E R A N S K I N A
Nafarroako Unibertsitate Publikoa
-A taldea:
Kudeaketako Eskala Teknikoa: 03.
Guztira A Taldean: 03.
-B taldea:
Kudeaketako Eskala: 02.
Guztira B taldean: 02.
-C taldea:
Administrarien Eskala: 10.
Guztira C taldean: 10.
-D taldea:
Administrari Laguntzaileen Eskala: 10.
Zerbitzuetako Laguntzaileen Eskala: 07.
Guztira D taldean: 17.
-E taldea:
Mendekoen Eskala: 07.
Guztira E taldean: 07.
Guztira: 39.
Iragarkiaren kodea: A0208271
