I. NAFARROAKO FORU KOMUNITATEA
Agintariak eta Langileak
75/2002 FORU AGINDUA, martxoaren 22koa, Hezkuntza eta Kultura kontseilariak emana, Hezkuntza eta Kultura Departamentuari atxikitako C mailako liburutegiko arduradunen barne mugikortasunerako prozeduraren deialdia onesten duena.
Hezkuntza eta Kultura kontseilariak, martxoaren 22ko 75/2002 Foru Aginduaren bidez, Hezkuntza eta Kultura Departamentuari atxikitako C mailako liburutegiko arduradunen barne mugikortasunerako prozeduraren deialdia onetsi da. Hona hemen
O I N A R R I A K
Lehena.-Deialdi honen xedea da, Hezkuntza eta Kultura Departamentuaren barruan, C mailako liburutegiko arduradun lanpostu hauek barne mugikortasuneko prozesuaren bidez betetzea, Hezkuntza eta Kultura Departamentuan aritzeko:
36332 zenbakiko lanpostua. Atxikipena eta destinoa: Berriozarko Liburutegi Publikoa. Lanaldi osoa.
36333 zenbakiko lanpostua. Atxikipena eta destinoa: Zarrakazteluko Liburutegi Publikoa. Lanaldi osoa.
36085 zenbakiko lanpostua. Atxikipena eta destinoa: Etxarri-Aranazko Liburutegi Publikoa. Lanaldi ez-osoa (25 ordu).
36084 zenbakiko lanpostua. Atxikipena eta destinoa: Lesakako Liburutegi Publikoa. Lanaldi osoa.
36334 zenbakiko lanpostua. Atxikipena eta destinoa: Mutiloagoitiko Liburutegi Publikoa. Lanaldi osoa.
36341 zenbakiko lanpostua. Atxikipena eta destinoa: Noaingo Liburutegi Publikoa. Lanaldi osoa.
36093 zenbakiko lanpostua. Atxikipena eta destinoa: Liburutegien Sareko Bulegoa. Iruña. Lanaldi osoa.
36580 zenbakiko lanpostua. Atxikipena eta destinoa: Nafarroako Liburutegi Nagusiko Bulegoa. Lanaldi osoa.
36337 zenbakiko lanpostua. Atxikipena eta destinoa: Donibane-Iruñeko Liburutegi Publikoa. Lanaldi osoa.
36338 zenbakiko lanpostua. Atxikipena eta destinoa: Donibane-Iruñeko Liburutegi Publikoa. Lanaldi osoa.
36104 zenbakiko lanpostua. Atxikipena eta destinoa: San Adriango Liburutegi Publikoa. Lanaldi osoa.
36335 zenbakiko lanpostua. Atxikipena eta destinoa: Tafallako Liburutegi Publikoa. Lanaldi osoa.
36336 zenbakiko lanpostua. Atxikipena eta destinoa: Tafallako Liburutegi Publikoa. Lanaldi osoa.
Halaber, barne mugikortasuneko prozesuan lanpostu bat lortzen duten izangaiek hutsik uzten dituzten lanpostuak ere beteko dira, Departamentuaren antolamendu eta zerbitzuaren beharren arabera.
Bigarrena.-Parte hartzaileak.
1. Deialdi honetan parte hartzen ahalko dute Hezkuntza eta Kultura Departamentuko enplegatuek, funtzionarioek eta lanaldi osoa duten lan kontratatu finkoek. Horretarako, honako baldintza hauek bete behar dituzte:
1go. Jardunean, zerbitzu berezietan edo eszedentzia berezian egon beharko dute.
2garren. C mailako liburutegiko arduradun lanpostu baterako izendatuak izatea.
3garren. Liburutegiko arduradun lanpostu bati behin-behinekoz atxikiak ez izatea.
2. Lanaldi ez-osoko langile finkoek ezin dute parte hartu prozesu honetan lanaldi osoko lanpostuetarako.
Hirugarrena.-Eskaerak.
1. Modua eta dokumentazioa.
Deialdi honetan parte hartu nahi dutenek Hezkuntza eta Kultura Departamentuko Argibide eta Agiri Bulegoan emanen den eskabidea bete beharko dute (Santo Domingo kalea, z.g., Iruña).
2. Eskabidea non aurkeztu eta nora igorri behar den.
Eskaerak Giza Baliabideen Zerbitzuko zuzendariari igorri beharko zaizkio eta Hezkuntza eta Kultura Departamentuko Erregistro Bulegoan, Nafarroako Gobernuko Erregistro Nagusian edo Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 38.4 artikuluan zehazturiko beste bulego batean aurkeztu beharko dira (Lege hori urtarrilaren 13ko 4/1999 Legeak aldatu zuen).
Eskaera posta bulego batean aurkezten bada, gutunazal ireki batean aurkeztu beharko da, ziurtatu baino lehen, postako funtzionarioak eguna eta zigilua jar diezazkion.
3. Eskabideak aurkezteko epea.
Mugikortasun prozedura honetan parte hartu nahi dutenek behar den eskaera aurkeztu beharko dute, hamar egun naturaleko epean, deialdi hau Nafarroako ALDIZKARI OFIZIALean argitaratu eta biharamunetik hasita.
Laugarrena.-Izangaien lehentasun hurrenkera.
Izangaien lehentasun hurrenkera langileek barne mugikortasuneko prozesuan parte hartzen duten lanpostuan behin betiko langile gisa eta jarraian eman duten denboraren arabera erabakiko da, baldin eta hori lanpostuak betetzeko prozedura batean nahita parte hartuz lortu badute.
Berdinketarik gertatuz gero, aitorturiko antzinatasunik handiena duen izangaia aukeratuko da. Berdinketak badirau, izangairik zaharrena aukeratuko da.
Izangai bakoitzaren antzinatasuna zehaztearren, Giza Baliabideen Zerbitzuak, ofizioz, prozesuan parte hartzen duen bakoitzaren zerbitzu orriak aurkeztuko ditu.
Bosgarrena.-Izangai onartu eta baztertuen behin-behineko zerrendak.
Giza Baliabideen Zerbitzuak jendaurrean jarriko ditu Argibide eta Agiri Bulegoan mugikortasun prozesu honetako izangai onartu eta baztertuen behin-behineko zerrendak.
Zerrenda horietan adieraziko dira izangai bakoitzak parte hartzen duen lanpostuan emandako denbora jarraituagatik duen antzinatasuna eta aitortu zaion antzinatasuna.
Zerrenda horien aurka, interesatuek erreklamazioak aurkezten ahalko dituzte, argitaratu eta bost egunetan.
Seigarrena.-Izangai onartu eta baztertuen behin betiko zerrendak.
Aurreko oinarrian aipatu erreklamazioen gainean ebatzirik, Giza Baliabideen Zerbitzuko zuzendariak ebazpena emanen du izangai onartu eta baztertuen behin betiko zerrendak onesteko. Zerrenda horiek Argibide eta Agiri Bulegoan argitaratuko dira.
Zerrenda horietan izangaiak deialdiko laugarren oinarrian emandako irizpideen arabera ordenaturik azalduko dira.
Zerrenda horiek argitaratzearekin batera, Giza Baliabideen Zerbitzuak aditzera emanen du, Argibide eta Agiri Bulegoan eta prentsako iragarkien bidez, lanpostuak lorturiko hurrenkeraren arabera esleitzeko jendaurreko ekitaldia egiteko eguna, ordua eta tokia.
Zazpigarrena.-Lanpostuen esleipena.
Lanpostuen esleipena jendaurreko ekitaldi batean eginen da, izangai onartu eta baztertuen behin betiko zerrendak onesteko Ebazpenean zehazten den egunean.
Zortzigarrena.-Jabetza hartzea.
Jendaurreko ekitaldi horretan destino berria lortzen duten izangaiek lanpostuaren jabetza hartu beharko dute Hezkuntza eta Kultura Departamentuko Giza Baliabideen Zerbitzuak aldez aurretik adierazten dien egun berean.
Lanpostuen jabetza hartzearekin batera indarrik gabe geldituko dira bete nahi diren lanpostuetan aritzeko egun horretara arte indarra izan duten kontratuak eta zerbitzu eginkizunak.
Bederatzigarrena.-Helegiteak.
Foru Agindu honen aurka gora jotzeko helegitea jar daiteke Nafarroako Gobernuari zuzendua, argitaratu eta biharamunetik hasita hilabeteko epean.
Iruñean, bi mila eta biko martxoaren hogeita bian.-Hezkuntza eta Kultura kontseilaria, Jesús María Laguna Peña.
Iragarkiaren kodea: A0203188
