133. ALDIZKARIA - 2002ko azaroaren 4a

I. NAFARROAKO FORU KOMUNITATEA

Agintariak eta Langileak

1619/2002 EBAZPENA, urriaren 16koa, Hezkuntza eta Kultura Departamentuko Giza Baliabideen Zerbitzuko zuzendariak emana, Maisu-maistren Kidegoari dagozkion hainbat zerrendatan izangai berriak sartzeko deialdiak onesten dituena, Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritzeko eta Maisu-maistren Kidegoko espezialitate eta hizkuntza bakoitzari dagozkion zerrendetan azaltzen diren izangaiak berrantolatzen dituena.

Hezkuntza eta Kultura kontseilariaren urriaren 23ko 395/2001 Foru Aginduaren bidez onetsi da zer arauren bidez kudeatu behar diren Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritzeko izangaien zerrendak.

Aipatu Foru Aginduaren laugarren oinarriak xedatzen du ikasturte bakoitzeko lehen hiruhilekoan Hezkuntza eta Kultura Departamentuak merezimendu lehiaketa deituko duela, espezialitate eta hizkuntza bakoitzari dagozkion zerrendetan azaltzen diren izangaiek haien merezimenduak eguneratu ahal izateko.

Halaber, bosgarren oinarriak aurreikusten du izangai berriak onartuko direla, aldi baterako kontratuarekin irakasle lanpostuetan aritzeko, aldi baterako kontratazio beharrak direla eta Departamentuak hala erabakitako zerrendetan, eta baita ere espezialitate eta hizkuntza bakoitzari dagozkion zerrendetan, hauek osatzeko Nafarroako Enplegu Zerbitzuari izangaiak eskatu behar izan bazaizkio izangai berriak onartzeko merezimendu lehiaketaren azken deialdiaz geroztik.

Aurreko lerroaldeetan ezarritakoari jarraikiz eta Hezkuntza eta Kultura Departamentuaren menpeko ikastetxeek irakasle aldetik dituzten beharren arabera, egoki da Maisu-maistren Kidegoko espezialitate jakin batzuetan izangai berriak onartzea, eta espezialitate eta hizkuntza bakoitzari dagozkion zerrendetako izangaiak berrantolatzea.

Azaldutakoa kontuan hartuz, eta aldi baterako kontratuarekin irakasle lanetan aritzeko izangaien zerrendak osatzeko, zeinak Hezkuntza eta Kultura Departamentuak erabiliko baititu, ondoko deialdiak onesten dira:

I.-Maisu-maistren Kidegoari dagozkion hainbat zerrendatan izangai berriak onartzeko deialdia, aldi baterako kontratuarekin irakasle lanpostuetan aritzeko.

II.-Maisu-maistren Kidegoko espezialitate eta hizkuntza bakoitzari dagozkion zerrendetan azaltzen diren izangaiak berrantolatzeko deialdia.

I.-MAISU-MAISTREN KIDEGOARI DAGOZKION HAINBAT ZERRENDATAN IZANGAI BERRIAK ONARTZEKO DEIALDIA, ALDI BATERAKO KONTRATUAREKIN IRAKASLE LANPOSTUETAN ARITZEKO

Lehena.-Izangai berriak onartuko dira ondoko espezialitate eta hizkuntzei dagozkion zerrendetan:

MAISU-MAISTREN KIDEGOA

Euskara

-ENTZUMENA ETA HIZKUNTZA

-GIZARTE ZIENTZIAK

-FRANTSESA

-INGELESA

-GAZTELANIA ETA LITERATURA

-MATEMATIKA/NATUR ZIENTZIAK

-EUSKARA

Bigarrena.-Ez dira deialdi honetan onartuko espezialitate eta hizkuntzei dagozkien zerrendetan sartzea eskatzen duten izangaiak, jadanik sartuta badaude.

Hirugarrena.-Zerrendetan sartzeko baldintzak.

1.-Guztiendako baldintzak:

a) Espainiarra, Europako Elkarteko herrialde batekoa edo Europako Elkarteak egin eta Espainiak berretsitako Nazioarteko Itunen arabera langileen zirkulazio askea (Europako Elkartearen Eraketa Itunean ezarritako moduan) duten Estatuetako edozeinetakoa izatea. Parte har dezakete, halaber, espainiarren eta aipatutako Estatuetako herritarren ezkontideek eta ezkontidearen ondorengoek, baldin eta zuzenbidez banaturik ez badaude, hogeita bat urtez beherakoak badira edo nagusiagoak izan arren, haien kontura bizi badira.

Nazionalitate espainiarra ez badute, izangaiek gaztelania maila zehazteko proba bat egin beharko dute, baldin eta ez badute atzerritarrendako Espainieraren Goi Mailako Diploma, uztailaren 20ko 826/1988 Errege Dekretuak ezarritakoa eta urtarrilaren 10eko 1/1992 Errege Dekretuak aldatu eta osatutakoa, edota Hizkuntza Eskola Ofizialek emandako atzerritarrendako Espainieraren Gaitasun Agiria, edo Filologia Hispanikoko edo Erromanikoko lizentziadun titulua edota berau eskuratzeko eskubideak ordaindu izanaren agiria.

b) Hemezortzi urte beteak izatea eta erretiroa hartzeko ezarritako adinik ez izatea.

c) Irakaskuntzako lanarekin bateraezina den eritasunik edo eragozpen fisiko zein psikikorik ez izatea.

d) Diziplina espediente bidez Administrazio Publikoen zerbitzutik bereizia ez izana, eta eginkizun publikoak betetzeko desgaituta ez egotea.

e) Nazionalitate espainiarra ez duten izangaiek zinpeko aitorpena edo agindua aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko, bai eta espezialitate bakoitzerako Ebazpen honen III. Eranskinean eskatzen den titulua homologatua edo balio berekoa dela ere.

f) Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritzeko izangaien zerrendatik, sartu nahi duen beretik, kanpo utzi ez izana, Hezkuntza eta Kultura kontseilariaren urriaren 23ko 395/2001 Foru Aginduko hamahirugarren arauak agintzen duen ebaluazio prozeduraren ondorioz.

2.-Titulazio baldintzak:

2.1. Guztiendako baldintzez gain, kontrata daitezkeen izangaiek Ebazpen honen II. eranskinean Kidego eta espezialitate bakoitzarentzat ezartzen diren berariazko titulazio baldintzak bete beharko dituzte.

2.2. Euskara titulua.

Euskarazko lanpostuetan aritzeko izangai zerrendetan sartzeko, edozein dela ere eskatu d(ir)en espezialitatea(k), EGA edo balio bereko titulua izan beharko du izangaiak. Hala ere, titulu hori izan ez eta lanpostu horietan aritu nahi dutenek proba bat gainditu beharko dute, behar adinako maila duten ala ez finkatzeko. Proba horren edukia eta ezaugarriak Hezkuntza eta Kultura Departamentuaren Euskara Zerbitzuak finkatuko ditu. Proba gainditzen duten izangaiak EGA edo balio bereko beste titulu baten jabe direnen zerrenda berean sartuko dira, baina haien ondoren.

2.3. Aurreko ataletan aipatzen diren baldintza guztiak eskaerak aurkezteko epea bukatzen den egunean bete behar dira eta Administrazioak zerbitzu ematen hasteko deitzen dien unera arte izan, baita kontratatua zerbitzu ematen aritzen den denboran ere.

Laugarrena.-Kontrata daitezkeen izangai berrien lehentasun hurrenkera.

Izangai berriak espezialitate eta hizkuntza bakoitzari dagozkion zerrendetan sartuko dira, merezimenduen baremoa aplikatuta lortutako puntuazioaren arabera dagokien hurrenkeran. Merezimenduen baremoa Hezkuntza eta Kultura kontseilariaren urriaren 23ko 395/2001 Foru Aginduak onartu zuen. Kontuan hartuko dira 2002ko abuztuaren 31 arte soilik osatutako merezimenduak.

Aipatutako merezimenduen baremoa Ebazpen honen I. eranskinean argitaratzen da.

Bosgarrena.-Eskabideak aurkezteko epea.

Izangaiek deialdi honetan parte hartzeko eskabidea Ebazpen hau Nafarroako ALDIZKARI OFIZIALean argitaratu eta biharamunetik hasita 10 egun balioduneko epean aurkeztu beharko dute; eskabidean aditzera emanen dute zein espezialitate eskatzen den edo diren, baita zein hizkuntzatan ere (euskara).

Eskabideak Hezkuntza eta Kultura Departamentuko Argibide eta Agiri Bulegoan eta http:\\www.pnte.cfnavarra.es interneteko helbidean eskuratu ahal izanen dira.

Eskabidean Giza Baliabideen Zerbitzuari eskatu beharko zaio, hala badagokio, interesatuak egindako zerbitzuen egiaztagiriak emateko, izangai berriak onartzeko deialdi honen seigarren oinarriaren 3. puntuan ezartzen den moduan.

Izangai berriek zilegi izanen dute parte hartzeko eskaeran gehienez hiru harreman-telefono jartzea, departamentuak erraz aurkitu eta deitu ahal izateko; zilegi izanen da telefono zenbaki horiek nahi duten guztietan aldatzea, hartarako Hezkuntza eta Kultura Departamentuko Giza Baliabideen Zerbitzura eskaera bat bidalita.

Seigarrena.-Agiriak.

Izangaiek kontrataziorako zerrendetan onartzea eskatuz gero, ondoko agiriak aurkeztu beharko dituzte parte hartzeko eskaerarekin batera:

1. Nortasun Agiri Nazionalaren edota nazionalitatea egiaztatzen duen agiriren baten fotokopia eta eskatzen den espezialitate bakoitzean beharrezkoa den titulazioaren fotokopia konpultsatua edo titulazio hori eskuratzeko eskubideak ordaindu izanaren ziurtagiria.

Aipatu titulua atzerrian lortutakoa bada, beronen fotokopia konpultsatua aurkeztu beharko da, eta honekin batera tituluaren homologazioaren edo onespenaren ziurtagiria.

2. Halaber, euskaraz irakatsi beharreko espezialitate bati dagokion zerrendan sartzea eskatuz gero, izangaiek EGAren edo balio bereko titulu baten fotokopia konpultsatua aurkeztu beharko dute, edo bestela deialdi honen hirugarren oinarrian aipatzen den jakite proba eginen dutela azaldu parte hartzeko eskabidean.

3. Ebazpen honen I. eranskineko baremoan agertzen diren merezimenduen egiaztagiriak. Soilik baloratuko dira 2002ko abuztuaren 31 arte osatutako merezimendu guztiak eta ez dira data horretatik aurrerakoak kontuan hartuko.

Merezimenduen baremoko "Irakasle esperientzia" izeneko I. atalaren balorazioari dagokionez, interesatuek parte hartzeko eskaeran eskatu ahal izanen diote Giza Baliabideen Zerbitzuari Nafarroako Gobernuko Hezkuntza eta Kultura Departamentuarentzat emandako zerbitzuak eransteko, parte hartzaile bakoitzaren espediente pertsonalean azaltzen diren agirien arabera. Eskaera hau egin ezean, interesatuek aurkeztutako zerbitzuak bakarrik hartuko dira kontuan.

Baremoko "Beste merezimendu batzuk: etengabeko prestakuntza" izeneko IV. atalari dagokiona horretarako izendatutako batzordeek baloratzeari dagokionez, interesatuek merezimendu horien egiaztagiriak parte hartzeko eskabideari eransten zaizkion agirietatik bereiz aurkeztu beharko dituzte. Horretarako, fitxa bat bete beharko da aurretik. Fitxa hori eta eskabidea bera Argibide eta Agiri Bulegoan eta http:\\www.pnte.cfnavarra.es interneteko helbidean eskuratzen ahalko dira.

Aurkezten diren agiri guztietan izangaiaren izen-deiturak agertuko dira. Agiriak jatorrizkoen fotokopien bidez aurkeztea zilegi den kasuetan, fotokopiek nahitaez hauetako batek konpultsaturik beharko dute: Hezkuntza eta Kultura Departamentuaren menpeko ikastetxeetako zuzendariek, Hezkuntza eta Kultura kontseilariaren maiatzaren 18ko 182/2001 Foru Aginduaren arabera (Nafarroako ALDIZKARI OFIZIAL, 79.a, ekainaren 29koa), Hezkuntza eta Kultura Ministerioak, Nafarroako Gobernuko Hezkuntza eta Kultura Departamentuak edo beste Hezkuntza Administrazio bateko organo eskudunek.

Zazpigarrena.-Eskabideak aurkezteko lekua.

Zilegi izanen da parte hartzeko eskabideak eta aurreko lerroaldean aipatutako dokumentazioa Hezkuntza eta Kultura Departamentuaren Erregistro Bulegoan aurkeztea edo, bestela, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 38. artikuluak aipatzen dituen tokietako edozeinetan. Eskabidea posta bulego batean aurkezten dutenek, kartazal irekian egin beharko dute, posta funtzionarioak, gutuna ziurtatu baino lehen, zigilua eta data jar diezazkion eskabideari.

Zortzigarrena.-Euskara probarako eta atzerritarrendako gaztelania probarako onartutako izangaien zerrendak.

Eskaerak aurkezteko epea bukatutakoan, Giza Baliabideen Zerbitzuak jendaurrean jarriko ditu, Hezkuntza eta Kultura Departamentuko Argibide eta Agiri Bulegoan, honako zerrenda hauek:

-Euskarazko espezialitateen zerrendetan sartzeko euskara probak egitera onartu diren izangai berrien zerrenda, EGA edo balio bereko tituluaren fotokopia ez aurkezteagatik.

-Gaztelaniazko jakite proba egitera onartutako izangai berrien zerrenda.

-Probak egitera onartu ez diren izangaien zerrendak, ez onartzeko izan diren arrazoiak agertuta.

Zerrenda horien kontra interesatuek erreklamazioak aurkezten ahalko dituzte, Giza Baliabideen Zerbitzuari zuzendutako idazki baten bidez, Argibide eta Agiri Bulegoan jendaurrean jartzen diren egunetik hasita bost eguneko epean.

Halaber, jendaurrean jarriko dira epaimahaien eraketa eta probak egiteko tokia, eguna eta ordua.

Bederatzigarrena.-Nafarroako Enplegu Zerbitzuaren zerrendetatik etorritako izangaiak sartzea.

Nafarroako Enplegu Zerbitzuak prestatutako zerrendetan ageri direlako 2002/2003 ikasturtean lanpostu bat esleitu dieten izangaiak zerrendetan sartuko dira, zein bere espezialitate eta hizkuntzan, Hezkuntza eta Kultura kontseilariaren urriaren 23ko 395/2001 Foru Aginduko hamahirugarren arauko ebaluazio prozeduran txosten negatiborik izan ez badute bederen.

Aipatu izangai horiek deialdi honen arabera dagokien hurrenkeran jartzeko, interesatuek I. eranskineko baremoan bildutako merezimenduen egiaztagiriak aurkeztuko dituzte, betiere ondokoaren arabera:

a) 2002eko irailaren 1etik Ebazpen hau argitaratzen den egunera bitarte kontratatu diren izangaiek aipatu dokumentazioa aurkeztu beharko dute, Ebazpen hau Nafarroako ALDIZKARI OFIZIALean argitaratu eta biharamunetik hasita 10 egun balioduneko epean.

b) deialdi hau argitaratu ondotik lanposturen bat esleitzen dieten izangaiek merezimenduen egiaztagiriak aurkeztuko dituzte Giza Baliabideen Zerbitzuak horretarako ezartzen duen epean.

Nolanahi ere, soilik kontuan hartuko dira 2002ko abuztuaren 31 arte osatutako merezimenduak.

II.-MAISU-MAISTREN KIDEGOKO ESPEZIALITATE ETA HIZKUNTZA BAKOITZARI DAGOZKION ZERRENDETAKO IZANGAIAK BERRANTOLATZEKO DEIALDIA

Lehena.-Aldi baterako kontratatzeko izangaien zerrendak, zein bere espezialitate eta hizkuntzakoak, berrantolatzeko, Hezkuntza eta Kultura kontseilariaren urriaren 23ko 395/2001 Foru Aginduan onetsitako baremoari jarraikiz, zerrenda horietako izangaiek aurkeztu beharko dituzte ebazpen honen I. eranskinean agertzen den baremoan zerrendatutako merezimenduen egiaztagiriak, hots, 2001eko irailaren 1etik eta 2002ko abuztuaren 31ra arte burutu direnenak.

Nolanahi ere, 2001eko irailaren 1a baino lehenago burututako merezimenduak ez dira inolaz ere kontuan hartuko.

Bigarrena.-EGA edo balio bereko titulua aurkeztea.

Euskarazko lanpostuetan aldi baterako kontratuarekin aritzeko EGA edo balio bereko titulurik gabe ageri bada izangai bat espezialitate eta hizkuntza bakoitzari dagozkion zerrendetan, baina zerrendetan sartuz geroztik titulu hori beretu badu, zilegi izanen du tituluaren fotokopia konpultsatua aurkeztea, eskabideak aurkezteko epe berean, eta horren arabera berrantolatuko dira titulazio hori duten kasuko espezialitateko gainerako izangaiekin.

Hirugarrena.-Eskabideak eta agiriak aurkezteko epea.

Interesatuek merezimenduen egiaztagiriak aurkeztu beharko dituzte, Hezkuntza eta Kultura Departamentuko Argibide eta Agiri Bulegoan eta http:\\www.pnte.cfnavarra.es helbidean eskuragarri izanen duten eskabidearekin batera. Aurkezteko epea 10 egun baliodunekoa izanen da, Ebazpen hau Nafarroako ALDIZKARI OFIZIALean argitaratu eta biharamunetik hasita.

Merezimenduen baremoko "Irakasle esperientzia" izeneko I. atala baloratzeko, Giza Baliabideen Zerbitzuak ofizioz erantsiko ditu Nafarroako Gobernuko Hezkuntza eta Kultura Departamentuarentzat emandako zerbitzuak, parte-hartzaile bakoitzaren espediente pertsonalean agertzen diren agirien arabera. Horregatik, Departamentu honen menpeko ez diren beste ikastetxe publiko edo pribatuetako esperientziaren dokumentazioa aurkeztu beharko dute interesatuek.

Baremoko "Etengabeko prestakuntza" izeneko IV. atalaren balorazioari dagokiona horretarako izendatutako batzordeek baloratzeko, interesatuek merezimendu horien egiaztagiriak parte hartzeko eskabideari eransten zaizkion agirietatik bereiz aurkeztu beharko dituzte. Horretarako, fitxa bat bete beharko da aurretik. Fitxa hori eta eskabidea bera Argibide eta Agiri Bulegoan eta http:\\www.pnte.cfnavarra.es interneteko helbidean eskuratzen ahalko dira.

Aurkezten diren agiri guztietan izangaiaren izen-deiturak agertuko dira. Agiriak jatorrizkoen fotokopien bidez aurkeztea zilegi den kasuetan, fotokopiek nahitaez hauetako batek konpultsaturik beharko dute: Hezkuntza eta Kultura Departamentuaren menpeko ikastetxeetako zuzendariek, Hezkuntza eta Kultura kontseilariaren maiatzaren 18ko 182/2001 Foru Aginduaren arabera (Nafarroako ALDIZKARI OFIZIAL, 79.a, ekainaren 29koa), Hezkuntza eta Kultura Ministerioak, Nafarroako Gobernuko Hezkuntza eta Kultura Departamentuak eta beste Hezkuntza Administrazio bateko erakundeek.

Oinarri honek xedatutakoaren arabera, ez dute parte hartzeko eskabiderik aurkeztu beharko merezimendu gisa Giza Baliabideen Zerbitzuak ofizioz eransten dituen zerbitzuak soilik aurkeztu behar dituzten izagaiek, ezta deialdi honetan merezimendu berririk aurkeztu behar ez duten izangaiek ere.

Laugarrena.-Eskabideak aurkezteko lekua.

Zilegi izanen da parte hartzeko eskabideak eta aurreko lerroaldean aipatutako dokumentazioa Hezkuntza eta Kultura Departamentuko Erregistro Bulegoan aurkeztea edo, bestela, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legeko 38. artikuluak aipatzen dituen tokietako edozeinetan. Eskabidea posta bulego batean aurkezten dutenek, kartazal irekian egin beharko dute, posta funtzionarioak, gutuna ziurtatu baino lehen, zigilua eta data jar diezazkion eskabideari.

III.-ESPEZIALITATE ETA HIZKUNTZA BAKOITZARI DAGOZKION ZERRENDETAN IZAN GAI BERRIAK ONARTZEKO DEIALDIAREN ETA ZERRENDA HAUETAKO IZANGAIAK BERRANTOLATZEKO DEIALDIAREN ARAU KOMUNAK

Lehena.-Giza Baliabideen Zerbitzuari atxikitako langileek esanen dute merezimenduen baremoko I eta II. atalen arabera zenbat puntu dagozkien izangaiei. Halaber, Hezkuntza eta Kultura Departamentuko Pedagogi Berrikuntzako Zerbitzuaren proposamenari jarraikiz, Zerbitzu horrek izendatu organoak edo organoek baloratuko ditu(zte) baremoko IV. atalaren arabera aurkeztu dituzten merezimenduak.

Bigarrena.-Nola hautsi berdinketa.

Izangaien zerrenda batean berdinketarik izaten bada, Ebazpen honen I. Eranskineko baremoko ataletan ateratako puntuaziorik handiena hartuko da aintzat, bertan ageri diren hurrenkeran bata bestearen ondotik. Berdinketak halere irauten badu, azpiataletan ateratako puntuazioa hartuko da aintzat, baremoan ageri diren hurrenkeran hartuta haiek ere. Atalen kasuan, aintzat hartzen den puntuazioa ez da inoiz izanen atal bakoitzari baremoak ematen dion puntuaziorik handiena baino gehiagokoa. Baremoko azpiataletako puntuazioa kontuan hartu behar izaten bada, haietako bakoitzean izandako puntuazio osotarakoa hartuko da aintzat.

Hala behartzen bada, eta berdinketa hausteko azken irizpidetzat, ikasketen espedienteko batez besteko nota hartuko da eta lehen deituraren hurrenkera alfabetikoa eta hala behartzen bada bigarrenarena (kontuan harturik zozketa bat eginen dela Giza Baliabideen Zerbitzuan finkatzeko zer letratatik hasiko den kontatzen).

Hirugarrena.-Behin-behineko zerrendak.

Behin izangaiak ordenaturik, Hezkuntza eta Kultura kontseilariaren urriaren 23ko 395/2001 Foru Aginduak ezarri dituen leheneste irizpideen arabera, Giza Baliabideen Zerbitzuak jendaurrera aterako ditu Argibide eta Agiri Bulegoan Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritu nahi duten izangaien behin-behineko zerrendak, baita baztertuen zerrendak ere, baztertzearen arrazoia azalduz.

Giza Baliabideen Zerbitzuak ofizioz erantsi dituen zerbitzuak ere aterako dira jendaurrera, merezimenduen baremoko I. atala baloratzeari dagokionez.

Zerrenda horien kontra interesatuek zilegi izanen dute erreklamazio idazkiak aurkeztea argitaratu eta biharamunetik hasita hamar egun naturaleko epean.

Laugarrena.-Behin betiko zerrendak.

Halako erreklamaziorik izaten bada, erreklamazioa aztertu eta Argibide eta Agiri Bulegoan aterako dira jendaurrera Hezkuntza eta Kultura Departamentuaren zerbitzuan aldi baterako kontratuarekin irakasle lanpostuetan aritzeko izangaien behin betiko zerrendak.

Bosgarrena.-Behin eratu direlarik Ebazpen honetan

Ezarritako irizpideen arabera aldi baterako kontratuarekin aritzeko izangaien zerrendak, izangaiei deitzeko sistema, inor zerrendetatik kentzeko irizpideak eta kontratazio horrekin lotutako beste zenbait alderdi finkatzeko, Hezkuntza eta Kultura kontseilariaren urriaren 23ko 395/2001 Foru Aginduak xedatzen duena hartuko da aintzat.

Seigarrena.-Foru Agindu honen kontra interesatuek zilegi izanen dute gora jotzeko helegitea jartzea Nafarroako Gobernuan, ebazpena argitaratu eta biharamunetik hilabeteko epean.

Iruñean, bi mila eta biko urriaren hamaseian.-Giza Baliabideen Zerbitzuko Zuzendaria, José María Gracia Galilea.

I. ERANSKINA

Merezimenduen baremoa

I.-Irakasle esperientzia: gehienez 12 puntu.

Irakasle esperientzia ikastetxe publikoetan:

1) Hartu nahi den lanpostuaren hezkuntza maila eta espezialitate bereko irakasle esperientzia: urteko 1,2 puntu; hilabete osoko 0,10 puntu.

2) Hartu nahi den lanpostuarena ez bezalako hezkuntza maila edo espezialitate bateko irakasle esperientzia: urteko 0,78 puntu; hilabete osoko 0,065 puntu.

Frogagiriak: Zerbitzuen ziurtagiria, Hezkuntza eta Kultura Departamentuak, Zuzendaritza Probintzialak edo Hezkuntza Administrazio eskudunak emana. Kasu guztietan adierazi behar da zein espezialitatetan izan duen izendapena, baita zerbitzuak hasi eta bukatu zireneko data zehatzak ere. Ziurtagiri hauetan ez bada adierazten zerbitzuak ikastetxe publikoetan eman direnik, aipatu zerbitzuak bestelako ikastetxeetan eman izan balira bezala hartuko dira kontuan, I.3 edo I.4 ataletan, dagokionaren arabera. Ez dira kontuan hartuko karguaren jabetza hartzeko eta zerbitzuak bertan behera uzteko orriak.

Irakasle esperientzia bestelako ikastetxeetan:

3) Hartu nahi den lanpostuaren hezkuntza maila eta espezialitate bereko irakasle esperientzia: urteko 0,60 puntu; hilabete osoko 0,05 puntu.

4) Hartu nahi den lanpostuarena ez bezalako hezkuntza maila edo espezialitate bateko irakasle esperientzia: urteko 0,39 puntu; hilabete osoko 0,0325 puntu.

Frogagiriak: Ikastetxearen ziurtagiria, Zerbitzuak Ikuskatzeko eta Ikuskapen Teknikorako Zerbitzuaren oniritziarekin, bertan hezkuntza maila, espezialitatea eta zerbitzuen benetako iraupena ageri direla, hasi eta bukatu zireneko data zehatzak adieraziz.

I. atalerako oharrak:

1. Atal honetan gehienez 10 urte hartuko dira kontuan, urte bakoitza ataletako bakar batean baloratuta.

2. Ez dira kontuan hartuko interesatuek sinaturiko kontratuen fotokopien bidez soilik egiaztatzen diren zerbitzuak. Ezta ikastetxe pribatuek emandako ziurtagiriak ere, nahiz eta Gizarte Segurantzari kotizatutakoaren ziurtagiriak erantsi, bertan Zerbitzuak Ikuskatzeko eta Ikuskapen Teknikorako Zerbitzuaren oniritzirik ez bada agertzen.

3. Ez dira kontuan hartuko zerbitzuak hasi eta bukatu zireneko data zehatzak ez dituzten ziurtagiriak, nahiz eta bertan adierazi zerbitzuen iraupena ikasturte batekoa izan dela.

4. Zerbitzuak interesatuak kasurako aurkeztu duen ziurtagiriko espezialitatean eta mailan eman direla ulertuko da. Espezialitate edo maila bat baino gehiago agertzen badira, espezialitate edo maila bakar batean baloratuko dira zerbitzuak, eta ziurtagirian lehenbiziko ageri den hartan kontatuko dira, non eta interesatuak ez duen idatziz eskatzen ziurtagirian dagoen beste espezialitate edo maila bati dagozkion zerbitzuak baloratzea nahi duela. Espezialitatea frogatzen ez bada, ulertuko da zerbitzuak hartu nahi dena ez bezalako espezialitate batean eman direla.

5. Atal honetan aurrez ikusi diren ondorioetarako, Derrigorrezko Bigarren Hezkuntzako lehen zikloko lanpostuetan, hots, Maisu-maistren Kidegokoetan, emandako zerbitzuak hezkuntza maila berean emandakoak direla ulertuko da.

6. Ondorio hauetarako, 1990/1991 ikasturtearen aurretik Oinarrizko Hezkuntza Orokorrean emandako zerbitzuak (ikasturte horretan aplikatu zen lehenengoz lanpostuak espezialitateen arabera betetzeari buruzko uztailaren 14ko 895/1989 Errege Dekretua -20ko "EAO"-), 1. atalaren arabera baloratuko dira, baldin eta ikastetxe publikoetan eman badira, eta, 3. atalaren arabera, baldin eta beste ikastetxe batzuetan eman badira.

7. Atzerrian emandako zerbitzuak dagokion herrialdeko Hezkuntza Ministerioak emandako ziurtagiriaren bidez egiaztatuko dira. Bertan ondokoa adierazi beharko da: zerbitzuen iraupena, hasi eta bukatu zireneko data zehatzekin eta ikastetxearen izaera publikoa edo pribatua. Emandako irakasgaia ez bada frogatzen, edo berau aukeratutako espezialitatearekin ez badator bat, ulertuko da zerbitzuak hartu nahi dena ez bezalako espezialitate batean eman direla. Ziurtagiri horiek gaztelaniara itzulita ekarri beharko dira. Itzulpen horiek zinpeko itzultzaileek eginikoak izan beharko dute.

8. Unibertsitateko irakasle esperientzia egiaztatzeko ikastetxearen ziurtagiria beharko da. Bertan ondokoa adieraziko da: zerbitzuak noiz hasi eta bukatu ziren, data zehatzak adierazita, zerbitzu horiek irakasle lanetakoak izan zirela eta ikastetxearen izaera publikoa edo pribatua.

9. Ikastetxe publikoak dira Estatuko edo hezkuntza arloan eskumen osoak dituzten Autonomia Erkidegoetako sare publikoan sartutako ikastetxeak eta programak, eta Nafarroako Gobernuaren menpeko ikastetxe publikoekin bat egin duten ikastetxeak.

10. Atal honen ondorioetarako, puntuak ez dira pilatuko zerbitzuak aldi berean ikastetxe batean baino gehiagotan eman badira.

II.-Prestakuntza akademikoa. Gehienez 2 puntu.

1.-Ezinbesteko baldintzatzat alegatu den tituluaren espediente akademikoa:

Espediente akademikoaren batez besteko nota honela baloratuko da:

-6 puntutik 6,99ra bitarte: 0,50 puntu.

-7 puntutik 8,49ra bitarte: 0,625 puntu.

-8,50 puntutik 10era bitarte: 0,75 puntu.

Kalifikazioa zenbakien bidez adierazten ez denean, hurrengo baliokidetasunak ezarriko dira batez besteko nota ateratzeko:

-Nahiko: 5 puntu.

-Ongi: 6 puntu.

-Oso Ongi: 7 puntu.

-Bikain: 9 puntu.

-Ohorezko matrikula: 10 puntu.

Frogagiriak: Ziurtagiri akademiko pertsonala (jatorrizkoa edo fotokopia konpultsatua). Horretan agertuko dira baldintza modura alegatutako titulua lortzeko irakasgai eta ikasturte guztietako puntuazioak.

Ez da kontuan hartuko ziurtagiri akademikoan agertzen den batez besteko nota, irakasgaien puntuazioak zenbaki bidez adierazita ez daudenean. Horrelakoetan arestian aipatu baliokidetasunen arabera lortuko da.

Batez bestekoa puntuazio guztien batuketaren emaitza irakasgai kopuruaz zatituta aterako da. Ondorio hauetarako, praktiken notak irakasgai baten balioa izanen du. Espedientean irakasgai konbalidatuak edo gai kalifikazioa izan dutenak azaltzen badira, ez dute inolako baliorik izanen, baldin eta lehiatzaileak ez badu aurkezten konbalidatutako irakasgaiaren edo gai kalifikazioa izan duenaren zenbaki balioa azaltzen duen egiaztagiria.

2.-Doktoretza:

2.1. Doktore titulua: 0,50 puntu.

Frogagiriak: Tituluaren fotokopia konpultsatua edo titulazio hori eskuratzeko eskubideak ordaindu izanaren ziurtagiria.

3.-Ezinbesteko baldintza ez diren beste titulazio batzuk:

3.1. Diplomatura, Ingeniaritza Tekniko edo Arkitektura Teknikoko titulu bakoitzeko edo legez baliokide diren tituluak eta Lizentziatura, Arkitektura edo Ingeniaritza bateko lehen zikloari dagozkion ikasketak: 0,375 puntu.

Lizentziatura, Ingeniaritza edo Arkitekturako bigarren zikloari dagozkion ikasketak edo legez balio berekotzat emandako tituluak: 0,375 puntu bakoitzeko.

Frogagiriak: Ezinbesteko baldintza den tituluaren fotokopia kon- pultsatua, bai eta merezimendu gisa alegatzen diren guztiena ere, edo, bestela, titulua eskuratzeko eskubideak ordaindu izanaren ziurtagiria.

Lehen zikloko titulazioak puntuatuko badira, ezinbestekoa da Diplomadun tituluaren fotokopia aurkeztea, edo bestela lizentziatura, ingeniaritza edo arkitektura bateko lehenbiziko hiru kurtsoko irakasgaiak egin eta gainditu direla azalduko duen ziurtagiri akademiko pertsonala. Egokitzapen kurtsoa gainditzea ez da hartuko lehen zikloko titulaziotzat.

Lizentziadun, ingeniari edo arkitekto tituluaren fotokopia aurkeztuz gero, 2. zikloko titulazioari dagokion puntuazioa besterik ez da aintzat hartuko, ez bada 3.1 atalaren arabera baloratzeko aurreko lerroaldean aipatutako ziurtagiri akademikoa aurkezten bederen.

4.-Araubide Bereziko Irakaskuntzaren titulazioak:

Atal honetan baloratuko dira Hizkuntza Eskola Ofizialek eta Musikako Kontserbatorio Profesionalek eta Goi Mailakoek araubide bereziko ikasketendako ematen dituzten titulazioak, ezinbesteko baldintzatzat alegatu direnez bestelakoak. Honela:

4.1. Erdi mailako Musika eta Dantza: 0,125 puntu.

4.2. Hizkuntzen irakaskuntza:

4.2.1. Goi mailako zikloa: 0,125 puntu.

4.2.2. Erdi mailako zikloa: 0,125 puntu.

4.2.3. EGA titulua edo balio berekoa: 0,25 puntu.

Frogagiriak: Merezimendutzat alegatutako tituluaren fotokopia konpultsatua.

Euskarazko lanpostuetarako lehiatzen bada, ez da euskarazko titulu bakar bat ere baloratuko. Gaztelaniazko lanpostuetarako lehiatzen bada eta baliokideak diren euskarazko titulu bat baino gehiago aurkezten badira, titulu horietako bat bakarra baloratuko da.

Hizkuntza Eskola Ofizialaren Gaitasun Agiriak bi zikloak hartzen ditu bere baitan.

Hizkuntza bereko titulu bat baino gehiago aurkezten badira eta baliokideak badira, haietako bat bakarra hartuko da kontuan.

III.-Kidegoetan sartzeko hautapen prozeduretako ariketak gainditzea. Gehienez ere 4 puntu.

Nafarroako Foru Komunitateko Administrazioak kidegoetan sartzeko egin zuen azken hautapen prozesuan gainditu zen ariketa bakoitzeko (2002ko urtarrilaren 1etik aurrera, kasuko espezialitate eta kidegorako, eta horietan lanposturik eskuratu gabe): puntu 1. Prozesuko ariketa guztiak gainditu baziren, 4 puntu lortuko dira.

IV.-Beste merezimendu batzuk. 2 puntu gehienez.

Atal honengatik soilik baloratuko da 1990eko irailaren 1etik aurrera osatutako etengabeko prestakuntza hau:

a) Hezkuntza administrazioek, unibertsitateek edo irabazi asmorik gabeko erakundeek, baldin eta azken hauek Hezkuntza administrazioekin lankidetza hitzarmenak edo Etengabeko Prestakuntzarako hitzarmenak sinaturik badituzte, dei egindako ikastaro, mintegi, lantalde eta ikastetxeetako prestakuntza proiektuek, bukatu direnek, zerikusia badute hautaturiko espezialitatearekin edo eskolako antolaketarekin, hezkuntzari aplikatutako teknologia berriekin, hezkuntzako psikopedagogia eta psikologiarekin edo didaktikarekin oro har: 0,05 puntu ikastaroko hamar orduko edo kredituko.

Ondorio hauetarako, ikastaro guztien orduak batuko dira, eta ez dira puntuatuko hamarretik beherakoak diren gainerako orduak.

b) Aurreko a) atalean aipatzen diren prestakuntza ikastaro edo jardueretan zuzendari, koordinatzaile, txostengile, irakasle edo tutore moduan parte hartzeagatik: 0,01 puntu prestakuntza jarduera orduko.

a) eta b) atalengatik gehienez ere 2 puntu lor daitezke.

Frogagiriak: Horien ziurtagiria, zenbat ordu edo zenbat kreditu egin diren eta prestakuntza jarduera zein datetan egin den espreski azalduko dituena.

Irabazi asmorik gabeko erakundeek antolatutako prestakuntza jarduerak badira, ziurtagiriari berari erantsiko zaio edota eranskin batean aurkeztuko da Administrazioarekin duen lankidetza hitzarmena edo Etengabeko Prestakuntzarako hitzarmena, edo halakorik bada, dagokion onespena edo homologazioa.

IV. atalaren oharrak:

1. Eskola orduak edo kredituak zehazten ez dituzten ziurtagiriak kreditu batekotzat baloratuko dira.

2. IV. atal honetan ez dira inola ere baloratuko titulu akademiko baten (doktoretza barne), "master" edo gradutatuondoko beste titulazio bateko curriculuma osatzen duten ikastaro edo irakasgaiak. Behin ikastaroak amaituta eta dagozkien tituluak eskuratuta, titulu horiek, egoki bada, baremoko II. edo IV. atalaren arabera baloratuko dira.

3. Ez dira baloratuko Unibertsitateek antolatzen dituzten eta ikasketa-espedientean azaltzen diren ikastaroak, ez bada frogatzen dagokion Unibertsitateak emandako ziurtagiriaren bidez espedientearen zati ez direla.

Merezimenduen baremo osoarendako oharrak:

1. Soilik barematuko dira 2002ko abuztuaren 31rako burutu diren merezimenduak, izangaiek eskabideak aurkezteko epea bukatzen den eguna baino lehen aurkezten badituzte.

2. Gaztelaniara itzuli beharko dira atzerriko hizkuntza batean idatzitako agiriak eta beste Autonomia Erkidego bateko hizkuntza ofizial propioan idatzitakoak. Itzulpen hauek zinpeko itzultzaileek eginak izan beharko dute.

II. ERANSKINA

Titulazio baldintzak

Oharra: beheko titulazioak irailaren 30eko 1954/1994 Errege Dekretuan zerrendatutakoak dira. Horretan esaten da tituluak nola homologatu behar diren azaroaren 27ko 1497/1987 Errege Dekretuak sortu zuen Unibertsitateko Tituluen Katalogoko tituluekin. Arau horri jarraikiz, kontuan ere hartuko dira ondokoekin homologatutako titulazioak.

MAISU-MAISTREN KIDEGOA

Oharra: kontrata daitezkeen izangaiek nahitaez izan beharko dute Maisu-maistraren titulua, OHOko diplomadunarena edo Lehen Hezkuntzako maisu-maistrarena. Hainbat espezialitatetarako egin dezakete eskaera, baldin eta, espezialitatez espezialitate, ondoko titulazio baldintzaren bat ere betetzen badute:

Entzumena eta Hizkuntza

-Maisu-maistra, Entzumena eta Hizkuntzako espezializatea.

-Logopediako diplomaduna.

-Beste titulazio batzuk, ondorio hauetarako ondokoak onartutakoak: 895/1989 Errege Dekretua, uztailaren 14koa ("Estatuko Aldizkari Ofiziala, 172 zenbakiduna, uztailaren 20koa; akats zuzenketa abuztuaren 3ko 184 zenbakidun "Estatuko Aldizkari Ofizialean"), azaroaren 8ko 1664/1991 Errege Dekretuak emandako idazpenaren arabera ("Estatuko Aldizkari Ofiziala", 280 zenbakiduna, azaroaren 22koa).

-Irakasle titulua edo diploma, Hizkuntzaren eta Entzumenaren Asalduretan espezializatua, edo Hezkuntza eta Kultura Ministerioak edo hezkuntza arloko eskumen osoak dituzten autonomia erkidegoek egin deialdiko ikastaroen kurtsoa gainditu duela egiaztatzen duen ziurtagiria. Horretarako, Osasun Ministerioak homologatu beharko du kurtso hori.

Gizarte Zientziak

-Maisu-maistra, Giza Zientzietako espezialitatea.

-Lizentziaduna: Geografiakoa, Historiakoa, Filosofiakoa eta Letretakoa, Zuzenbidekoa, Ekonomia eta Enpresa Zientzietakoa, Zientzia Politikoetakoa eta Soziologiakoa, Informazio Zientzietakoa, Pedagogiakoa, Psikologiakoa, Psikopedagogiakoa, Filosofiakoa eta Hezkuntza Zientzietakoa. Edo Lizentziaturako hiru kurtso oso gainditurik izatea.

-Hezkuntza eta Kultura Ministerioak edo hezkuntza arloan eskumen osoak dituzten autonomia erkidegoek egin deialdiko espezialitateko kurtsoak gainditurik izatea. Horretarako, Hezkuntza eta Kultura Ministerioak homologatu beharko du kurtso hori.

Frantsesa

-Maisu-maistra, Frantseseko espezialitatea.

-Maisu-maistra, Hizkuntza Eskola Ofizialeko Frantsesaren Gaitasun Ziurtagiriarekin edo Hizkuntzen Unibertsitate Eskoletako Frantses diplomaduna (itzultzaileak eta interpreteak).

-Maisu-maistra, Frantses Filologiako tituluarekin edo Frantseseko Itzulpengintza eta Interpretetzako tituluarekin edo Lizentziaturako hiru kurtso oso gainditurik izatea.

-Hezkuntza eta Kultura Ministerioak edo hezkuntza arloan eskumen osoak dituzten autonomia erkidegoek egin deialdiko espezialitateko kurtsoak gainditurik izatea. Horretarako, Hezkuntza eta Kultura Ministerioak homologatu beharko du kurtso hori.

Ingelesa

-Maisu-maistra, Ingeleseko espezialitatea.

-Maisu-maistra, Hizkuntza Eskola Ofizialeko Ingelesaren Gaitasun Ziurtagiriarekin edo Hizkuntzen Unibertsitate Eskoletako Ingeles diplomaduna (itzultzaileak eta interpreteak)

-Maisu-maistra, Ingeles Filologiako tituluarekin edo Ingeleseko Itzulpengintza eta Interpretetzako tituluarekin edo Lizentziaturako hiru kurtso oso gainditurik izatea.

-Hezkuntza eta Kultura Ministerioak edo hezkuntza arloan eskumen osoak dituzten autonomia erkidegoek egin deialdiko espezialitateko kurtsoak gainditurik izatea. Horretarako, Hezkuntza eta Kultura Ministerioak homologatu beharko du kurtso hori.

Gaztelania eta Literatura

-Maisu-maistra, Espainiera eta Atzerriko Hizkuntzako espezialitatea, Filologia espezialitatea, Euskal Filologia espezialitatea eta Hizkuntzen espezialitatea.

-Lizentziaduna: Espainiar Filologiakoa, Ingeles Filologiakoa, Frantses Filologiakoa, Euskal Filologiakoa, Filologia Erromanikokoa, Filologia Klasikokoa, Filosofiakoa eta Letretakoa, Informazio Zientzietakoa. Edo Lizentziaturako lehen hiru kurtso oso gainditurik izatea.

-Hezkuntza eta Kultura Ministerioak edo hezkuntza arloan eskumen osoak dituzten autonomia erkidegoek egin deialdiko espezialitateko kurtsoak gainditurik izatea. Horretarako, Hezkuntza eta Kultura Ministerioak homologatu beharko du kurtso hori.

Matematika/Natur Zientziak

-Maisu-maistra, Zientzietako espezialitatea.

-Lizentziaduna: Zientzietakoa, Medikuntzakoa, Farmaziakoa, Albaitaritzakoa, Ekonomia eta Enpresa Zientzietakoa, Informatikakoa, Biologiakoa, Fisikakoa, Geologiakoa, Matematikakoa, eta Kimikakoa. Edo Lizentziaturako hiru kurtso oso gainditurik izatea.

-Goi mailako Ingeniaria, Arkitektoa, edo Lizentziaturako hiru kurtso oso gainditurik izatea.

-Ingeniari teknikoa, Arkitekto teknikoa edo Merkataritzako irakaslea.

-Hezkuntza eta Kultura Ministerioak edo hezkuntza arloan eskumen osoak dituzten autonomia erkidegoek egin deialdiko espezialitateko kurtsoak gainditurik izatea. Horretarako, Hezkuntza eta Kultura Ministerioak homologatu beharko du kurtso hori.

Euskara

-Maisu-maistra, Lehen Hezkuntzako espezialitatea.

-Maisu-maistra, Zientzietako, Giza Zientzietako, Espainieraren eta Atzerriko Hizkuntzen, Filologiako, Euskal Filologiako eta Hizkuntzetako espezialitateak.

-Izangai guztiek Hizkuntza Eskola Ofizialeko Euskararen Gaitasun Ziurtagiria edo titulu baliokideren baten jabe izan beharko dute.

Iragarkiaren kodea: a0211429