I. NAFARROAKO FORU KOMUNITATEA
Beste Xedapenak
573/2002 EBAZPENA, uztailaren 11koa, Hezkuntza zuzendari nagusiak emana, Atzerriko Hizkuntzaren (ingelesaren) arlorako Burlington Books argitaletxeak dituen ondoko proiektu editorialak baimendu eta dagozkien curriculum materialak Nafarroako Foru Komunitateko ikastetxeetan erabiltzeko baimena ematen duena: New Discover for ESO 3, Derrigorrezko Bigarren Hezkuntzako hirugarren kurtsorako; Changes for ESO 1 eta New Burlington Top Class for ESO, DBHko lehen kurtsorako; New Results for Bachillerato 1 eta Targets for Bachillerato 1, Batxilergoko 1. kurtsorako.
Ekainaren 7ko 183/1993 Foru Dekretuak (ekainaren 23ko Nafarroako ALDIZKARI OFIZIALa) arautu zuen araubide orokorreko irakaskuntzarako curriculum materialen gainbegiratzea eta baimentzea, eta Nafarroako Foru Komunitateko ikastetxeetan izan behar duten erabilera.
Aipatu Foru Dekretuak ezartzen du proiektu editorialak gainbegiratu egin behar direla, eta baimena jasotzeko aipatu behar dituzten puntuak zehazten ditu, bai eta aurkeztu beharreko dokumentazio osagarria ere.
Hezkuntza eta Kultura kontseilariak irailaren 30ean emandako 339/99 Foru Aginduaren bidez eskuordeturik ditudan eskurantzak erabiliz,
EBATZI DUT:
1. Atzerriko Hizkuntzaren (ingelesaren) arlorako Burlington Books argitaletxeak dituen ondoko proiektu editorialak baimendu eta dagozkien curriculum materialak Nafarroako Foru Komunitateko ikastetxeetan erabiltzeko baimena ematea: New Discover for ESO 3, Derrigorrezko Bigarren Hezkuntzako hirugarren kurtsorako; Changes for ESO 1 eta New Burlington Top Class for ESO, DBHko lehen kurtsorako; New Results for Bachillerato 1 eta Targets for Bachillerato 1, Batxilergoko 1. kurtsorako.
2. Aipatu proiektu editorialetatik heldu diren curriculum materialek baimen hau agertu beharko dute 183/1993 Foru Dekretuan ezarritako moduan.
3. Ebazpen hau Nafarroako ALDIZKARI OFIZIALean argitara dadila agintzea.
4. Ebazpen honen berri ematea Pedagogi Berrikuntzako Zerbitzuari, Hezkuntza Berriztapen eta Sustapenerako Atalari (Ikasliburu eta Materialen Unitatea), Zerbitzuak Ikuskatzeko eta Ikuskapen Teknikorako Zerbitzuari, eta Burlington Books argitaletxeari, behar diren ondorioak izan ditzan.
Iruñean, bi mila eta biko uztailaren hamaikan.-Hezkuntza zuzendari nagusia, Santiago Arellano Hernández.
Iragarkiaren kodea: a0208383
