I. NAFARROAKO FORU KOMUNITATEA
Herrilanak eta Zerbitzu Publikoak
1093/2002 EBAZPENA, abuztuaren 6koa, Industri zuzendari nagusiak emana, Corellan eta Tuteran goi tentsioko instalazio elektrikoa jartzeko baimena eman, dagokion proiektua onetsi eta, zehazki, haren onura publikoa deklaratzen duena.
Ikusirik Enagás, S.A. enpresak egin duen eskakizuna, ondotik aipatzen diren ezaugarri nagusiak dituen linea elektriko baten instalazioa baimendu, proiektua onetsi eta, zehazki, haren onura publikoa deklaratzeko, bide zortasuna ezartzearren, eta linea elektrikoak ukitutako ondasun eta eskubideen presako okupazioa deklara dadin:
a) Eskatzailea: Enagás, S.A.
b) Instalazioa jartzeko tokia: Corella eta Tutera.
c) Instalazioaren xedea: BVV gasbidearen 28.X posiziora energia eramatea, "Corraliza Pedro Gómez" izeneko tokian, Tuteran.
d) Ezaugarri nagusiak: aireko deribazioa, 13,2 KV-koa, Corella Iparra linearen P1-24 metalezko euskarri berritik, hormigoi eta metalezkoa, LA-56, 440 metrokoa, eta 3 metroko tartea lur azpitik; DH-Z1/50 Kanpoko T.Z.raino, 1 x 25 KVA; 13,2/0,38 kV, "Corraliza de Pedro Gómez" izeneko tokian, Tuteran.
e) Nongo materialak: Nazionalak
f) Aurrekontua: 41.686,20 euro.
Horretarako irekitako espedientean behar ziren erregelamenduzko tramiteak bete dira.
Horrenbestez, Industria eta Teknologia, Merkataritza, Turismo eta Lan kontseilariak urriaren 14ko 572/1999 Foru Aginduaren bidez (99-10-25eko NAO, 133. zk.) eman dizkidan ahalmenez baliaturik,
EBATZI DUT:
1.- Aipatu instalazio elektrikoa jartzeko baimena ematea.
2.- Zehazki, instalazio horren onura publikoa deklaratzea, Sektore Elektrikoari buruzko azaroaren 27ko 54/1997 Legearen 52., 53. eta 54. artikuluetan, eta abenduaren 1eko 1955/2000 Errege Dekretuaren 148. eta 149. artikuluetan aurreikusitako ondorioetarako.
3.- Instalazioa egiteko aurkezturiko proiektua onestea eta 12 hilabeteko epea ematea lanak egiteko. Proiektua Madrilen datatua da, 2001eko apirilean, Julián Díez Gómez bideetako ingeniariak sinatua.
Ebazpen honen aurka gora jotzeko errekurtsoa aurkez daiteke, Nafarroako Gobernuari zuzendua, jakinarazpen egunaren biharamunetik hasi eta hilabeteko epean.
Ebazpen honen berri ematea Corellako eta Tuterako Udalei, Iberdrola D.E.S.A.U. enpresari, Sustapen Ministerioak Aragoien duen Errepideen Demarkazioari, Nafarroako Gobernuko Herrilan, Garraio eta Komunikazio Departamentuko Zainketa Zerbitzuari eta Enagas, S.A. enpresari, eta Nafarroako ALDIZKARI OFIZIALean argitaratzea.
Iruñean, bi mila eta biko abuztuaren seian.-Industria zuzendari nagusia, Enrique Jiménez Goicoa.
Iragarkiaren kodea: A0208767
