I. NAFARROAKO FORU KOMUNITATEA
Herrilanak eta Zerbitzu Publikoak
929/2002 FORU AGINDUA, abuztuaren 14koa, Herrilan, Garraio eta Komunikazio kontseilariak emana, "Erriberriko udal mugapean, Zaragoza-Altsasu trenbidearen 133/048 k.p.an, trenbidearen azpiko oinezkoendako iraganbidea" izeneko lanak kontratatzeko espedientea onesten duena.
Herrilan, Garraio eta Komunikazio Departamentuak lizitaziorako dei egin du "Erriberriko udal mugapean, Zaragoza-Altsasu trenbidearen 133/048 k.p.an, trenbidearen azpiko oinezkoendako iraganbidea" izeneko lanak kontratatzeko.
-Kontratuaren xedea: aipatu lanak egitea.
-Esleitzeko modua: enkantea.
-Lizitazio prezioa: 703.627,93 euro.
-Egiteko epea: 5 hilabete.
-Kontratuaren sailkapena: B taldea, 2. azpitaldea, e kategoria.
-Proposamenak aurkezteko tokia eta egun-orduak: 2002ko urriaren 1a arte, Herrilan, Garraio eta Komunikazio Departamentuan (San Ignazio etorbidea, 3, beheko oina, Iruña) edo ekainaren 24ko 137/2002 Foru Dekretuan aipaturiko Nafarroako Gobernuaren Erregistro Orokorreko edozein bulegotan (abuztuaren 7ko Nafarroako ALDIZKARI OFIZIALa, 95 zenbakikoa) nahiz Administrazio Publikoen Araubideari eta Guztiendako Administrazio Prozedurari buruzko azaroaren 26ko 30/1992 Legeko 38.4 artikuluan zerrendatutako erregistro edo bulegoetan.
-Aurkeztu beharreko agiriak: administrazio klausula partikularren pleguan aipatzen direnak. Agiriek jatorrizkoak edo kopia kautotuak izan beharko dute.
-Proposamen ekonomikoak jendaurrean irekitzeko tokia eta egun-orduak: 2002ko urriaren 8an, 12:00etan, Herrilan, Garraio eta Komunikazio Departamentuan.
Proiektua eta Administrazio Klausula Partikularren Plegua lizitatzaileen eskura daude Trenbide eta Aireportuetako Azpiegituren Zerbitzuan.
Iruñean, bi mila eta biko abuztuaren hemeretzian.-Herrilan, Garraio eta Komunikazio kontseilaria, José Ignacio Palacios Zuasti.
PROPOSAMEN EREDUA
Hau sinatzen duena, ......... J/A, adinez nagusia, .......(e)ko ......... kaleko ..... zk.an bizi dena, bere izenean (edo ....... ordezkatuz), "Erriberriko udal mugapean, Zaragoza-Altsasu trenbidearen 133/048 k.p.an, trenbidearen azpiko oinezkoendako iraganbidea" izeneko lanak lehiaketa bidez esleitzeko ............(e)ko Nafarroako ALDIZKARI OFIZIALean (.... zk.) argitaratu iragarkiaren eta lizitazio hori arautzen duten agindu teknikoen eta klausula administratibo partikularren pleguen jakinaren gainean dago, eta hitz ematen du lan horiek eginen dituela aipatu agiriei hertsiki jarraituz eta.......... (letra eta zenbakitan) .......... euroren truke.
(Eguna eta sinadura)
Iragarkiaren kodea: A0209233
