I. NAFARROAKO FORU KOMUNITATEA
Agintariak eta Langileak
81/2001 FORU DEKRETUA, apirilaren 9koa, Miguel José Octavio Uranga jauna Iruñeko Laugarren Jabetza Erregistroko erregistratzaile izendatzen duena.
2001eko urtarrilaren 30ean Erregistroen eta Notariotzaren Zuzendaritza Nagusiak emandako Ebazpenaren bitartez (2001eko otsailaren 8ko Estatuko Aldizkari Ofizialean argitaratua), zenbait notariotzatan hutsik zeuden jabetza erregistratzaileen lanpostuetarako lehiaketa iragarri zen. Horietako bat Iruñekoa da.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 52.1 artikuluak dioenaren arabera, Nafarroako Gobernuari dagokio Nafarroan lan egin behar duten jabetza erregistratzaileen izendapena egitea.
Agindu hori betetzearren, Justizia Ministerioko Erregistroen eta Notariotzaren Zuzendaritza Nagusiak Nafarroako Gobernuari aipatu lehiaketaren espedientea bidali dio.
Hortaz, Lege Hipotekarioari buruzko Legeko 284. artikuluan eta haren Erregelamenduko 513. artikuluan xedatutakoa aplikatuz, bidezko da Foru Komunitate honetan hutsik zegoen lanpostua bete behar duen izangaiaren izendapena egitea.
Horiek horrela, Lehendakaritza, Justizia eta Barne kontseilariak proposaturik eta Nafarroako Gobernuak bi mila eta bateko apirilaren bederatziko bilkuran hartutako Erabakiari jarraikiz,
DEKRETATU DUT:
Artikulu bakarra.-Miguel José Octavio Uranga jauna Iruñeko Laugarren Jabetza Erregistroko erregistratzaile izendatzea.
Iruñean, bi mila eta bateko apirilaren bederatzian.-Nafarroako Gobernuko lehendakaria, Miguel Sanz Sesma.-Lehendakaritza, Justizia eta Barne kontseilaria, Rafael Gurrea Induráin.
Iragarkiaren kodea: A0104373
