56. ALDIZKARIA - 2001eko maiatzaren 7a

I. NAFARROAKO FORU KOMUNITATEA

Xedapen Orokorrak. Ebazpenak

352/2001 EBAZPENA, apirilaren 17koa, Hezkuntza eta Kultura Departamentuko Hezkuntza zuzendari nagusiak emana, 2001-2002 ikasturtean Nafarroako Foru Komunitateko Haur eta Lehen Hezkuntza, Derrigorrezko Bigarren Hezkuntza, Batxilergo, Lanbide Heziketa, eta Arte Plastiko eta Diseinuko ikasketa arautuek izanen duten eskola egutegia egiteko arauak onesten dituena.

Ikusirik otsailaren 10eko 24/1997 Foru Dekretuko 8.2.f) artikuluak (1997-03-14ko Nafarroako ALDIZKARI OFIZIALa), otsailaren 10eko 25/1997 Foru Dekretuko 7.2.f) artikuluak (1997-03-14ko Nafarroako ALDIZKARI OFIZIALa), uztailaren 16ko 257/1998 Foru Aginduko 2. artikuluak (1998-08-26ko Nafarroako ALDIZKARI OFIZIALa) eta uztailaren 16ko 258/1998 Foru Aginduko 2. artikuluak (1998-08-28ko Nafarroako ALDIZKARI OFIZIALa) ezarritakoa, eta kontuan hartuz Ikasketen Antolamendu eta Lanbide Heziketaren Zerbitzuko zuzendariak aurkeztutako adostasun txostena.

Hezkuntza eta Kultura kontseilariak irailaren 30ean emandako 339/1999 Foru Aginduaren bidez eskuordeturik ditudan eskurantzak erabiliz,

EBATZI DUT:

1. Haur eta Lehen Hezkuntza, Bigarren Hezkuntza, Irakaskuntza Ertain, Arte Plastiko eta Diseinuko ikasketa arautuak ematen dituzten Nafarroako Foru Komunitateko ikastetxe publiko eta pribatuek 2001-2002 ikasturtean izanen duten eskola egutegia egiteko arauak -eranskinetan ageri dira- onestea:

-I. Eranskina: Haur Hezkuntzako Bigarren Zikloari, Lehen Hezkuntzari eta Hezkuntza Bereziari dagozkien arauak.

-II. Eranskina: Derrigorrezko Bigarren Hezkuntzari dagozkion arauak, maila hori aldi batez emanen duten Haur eta Lehen Hezkuntzako ikastetxe publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere.

-III. Eranskina: Derrigorrezko Bigarren Hezkuntzari dagozkion arauak, maila hori emanen duten Derrigorrezko Bigarren Hezkuntzako gainerako institutuetarako, bai eta Bigarren Hezkuntzako ikastetxe eta institutuetarako ere.

-IV. Eranskina: Batxilergoari, Lanbide Heziketari eta Arte Plastikoen eta Diseinuko ikasketei dagozkien arauak.

2. Ebazpen hau eta eranskinak igortzea Ikasketen Antolamendu eta Lanbide Heziketaren Zerbitzura, Zerbitzuak Ikuskatzeko eta Ikuskapen Teknikorako Zerbitzura, Inbertsio Zerbitzura, Ikastetxeen eta Ikasketetarako Laguntzen Zerbitzura, Pegagogi Berrikuntzako Zerbitzura, Araubide Bereziko Irakaskuntzaren eta Teknologia Berrien Zerbitzura, Giza Baliabideen Zerbitzura, eta Ikasketak Antolatzeko Atalera, behar diren ondorioak izan ditzaten.

3. Ebazpen hau eta dituen eranskinak Nafarroako ALDIZKARI OFIZIALean argitaratzea.

Iruñean, bi milako apirilaren hamazazpian.-Hezkuntza zuzendari nagusia, Santiago Arellano Hernández.

I. ERANSKINA

Nafarroako Foru Komunitatean Haur Hezkuntza, Lehen Hezkuntza eta Hezkuntza Bereziaren 2001-2002 ikasturteko eskola egutegia egiteko arauak

1.-Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2001-2002 ikasturtea 2001eko irailaren 1ean hasi eta 2002ko ekainaren 30ean bukatuko da.

2. a) Ikastetxeetan, beranduenik, klaseak irailaren 6an, ostegunez, hasiko dira, eta ez dira bukatuko ekainaren 21a, ostirala, baino lehen.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 176 egunak errespetaturik.

c) Irailaren 1etik klaseak hasi bitarteko egunetan programazio lanak, zikloetako bilerak, klaustroak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako oroit-idazkia eta beharrezko diren administrazio egintza guztiak eginen dira.

3. a) Egutegiak 176 eskola egun izanen ditu gutxienez, eta eskola orduak zortziehun eta hirurogeita hamabost izanen dira.

b) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egun eta orduak eta, hala behar denean, langileen lan eskubideak.

4. a) Jaiegun izanen dira Nafarroako lan egutegi arruntean ere halakoak direnak, herriko zaindariaren jaieguna eta hezkuntza maila horretako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute. Ikastetxe horietako Eskola Kontseiluek herriko zaindariaren jaiegunaren ordezkoa proposatuko diote Zerbitzuak Ikuskatzeko eta Ikuskapen Teknikorako Zerbitzuari.

c) Hezkuntza mailako zaindariaren jaieguna azaroaren 27an izanen dute ikastetxeek.

5. Ez dira eskola egun izanen 2001eko azaroaren 2a eta 26a eta abenduaren 7a, ezta 2002ko otsailaren 11, 12 eta 13a ere.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren sei egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2001eko abenduaren 22an hasiko dira, eta 2002ko urtarrilaren 7a arte, hori barne, luzatuko.

Aste Sainduko oporrak 2002ko martxoaren 28tik, osteguna, apirilaren 7a arte, igandea, biak barne.

7. Klaseak astelehenetik ostiralera izanen dira, honela:

a) Goizeko lau saio, hiru ordu eta erdikoak edo lau ordukoak, eta arratsaldeko lau saio (astelehen, astearte, ostegun eta ostiral), bi ordukoak edo ordu eta erdikoak hurrenez hurren. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da, edo bi ordu eta erdikoa Derrigorrezko Bigarren Hezkuntzako Lehen Zikloa ematen duten ikastetxe publikoetan, bai eta garraioa Derrigorrezko Bigarren Hezkuntza ematen duten Derrigorrezko Bigarren Hezkuntzako instituekin batera erabiltzen duten ikastetxe publikoetan ere. Asteazkenetan, goizeko lau orduko saioa baizik ez da izanen ikastetxe guztietan.

b) Ekainean eta irailean, goizeko jarduna bakarrik egin ahalko da, eta 4 orduko iraupena izanen du.

c) Ekainaren 12ko 230/1992 Foru Aginduaren (1992-07-22ko Nafarroako ALDIZKARI OFIZIALa) hemezortzigarren idatz-zatian xedatutakoari jarraikiz, arrazoi bereziengatik eskola ordutegia handitzeko beharra duten ikastetxeek espresuki egin beharko diote eskaera arrazoitua Zerbitzuak Ikuskatzeko eta Ikuskapen Teknikorako Zerbitzuari; eskabide horretan, zenbat ordu handitzea proposatzen den adieraziko da -gehienez ere bost ordu izanen dira astean-, bai eta zertarako erabiliko diren ere. Aipatu Zerbitzuak, kasu bakoitzean zer komeni den ikusirik, baietsi edo ezetsi eginen du eskabidea.

8. Aurreko edozein idatz-zatiren gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2.-Izapidatzea.

1. Eskola Kontseiluek 2001eko maiatzaren 31 baino lehen bidaliko diote proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, horiek aztertu ondoren. Onetsitzat joko dira ikastetxeetako egutegiak, baldin eta 2001eko ekainaren 21aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, bere kabuz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3.-2001-2002 ikasturterako Haur Hezkuntza, Lehen Hezkuntza eta Hezkuntza Berezirako proposatu den egutegiari gutxienez dagozkion eskola egun eta eskola orduak.

ORDUAK ORDUAK

IRAILA 17 4 68

URRIA 17 5,5 93,5

5 4 20

AZAROA 14 5,5 77

4 4 16

ABENDUA 9 5,5 49,5

3 4 12

URTARRILA 14 5,5 77

4 4 16

OTSAILA 14 5,5 77

3 4 12

MARTXOA 15 5,5 82,5

4 4 16

APIRILA 14 5,5 77

3 4 12

MAIATZA 18 5,5 99

4 4 16

EKAINA 15 4 60

GUZTIRA 177 880,5

(Herriko jaiegun (Herriko jaiegun

bat kenduta) bat kenduta)

II. ERANSKINA

Derrigorrezko Bigarren Hezkuntzarako 2001-2002 ikasturteko eskola egutegia egiteko arauak, maila hori aldi batez emanen duten Haur eta Lehen Hezkuntzako ikastetxe publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere

1.-Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2001-2002 ikasturtea 2001eko irailaren 1ean hasi eta 2002ko ekainaren 30ean bukatuko da.

2. a) Klaseak, beranduenez, irailaren 6an, ostegunez, hasiko dira eta ez dira bukatuko ekainaren 21a, ostirala, baino lehen.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 176 egunak errespetaturik.

c) Irailaren 1etik klaseak hasi bitarteko egunetan programazio lanak, klaustroko bilerak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako oroit-idazkia eta beharrezko diren administrazio egintza guztiak eginen dira.

3. a) Egutegiak 176 eskola egun izanen ditu gutxienez, eta eskola orduak bederatziehun eta laurogeita bederatzi izanen dira.

b) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egun eta orduak eta, hala behar denean, langileen lan eskubideak.

4. a) Jaiegun izanen dira Nafarroako lan egutegi arruntean ere halakoak direnak, herriko zaindariaren jaieguna eta Lehen Hezkuntzako zaindariarena, zeina egutegi honek ukitutako ikasleei ere zabalduko baitzaie; 2001-2002 ikasturtean, egun hori 2001eko azaroaren 27a izanen da.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute. Ikastetxe horietako Eskola Kontseiluek herriko zaindariaren jaiegunaren ordezkoa proposatuko diote Zerbitzuak Ikuskatzeko eta Ikuskapen Teknikorako Zerbitzuari.

5. Ez dira eskola egun izanen 2001eko azaroaren 2a eta 26a eta abenduaren 7a, ezta 2002ko apirilaren 11, 12 eta 13a ere.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren sei egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2001eko abenduaren 22an hasiko dira, eta 2002ko urtarrilaren 7a arte, hori barne, luzatuko.

Aste Sainduko oporrak 2002ko martxoaren 28tik, osteguna, apirilaren 7a arte, igandea, biak barne.

7. a) Klaseak astelehenetik ostiralera izanen dira; goizean, lau ordu eta erdiko saioak izanen dira eta, arratsaldean, bi ordukoak, asteazkenetan izan ezik, goizeko saioa baizik ez baita izanen, eta hori lau ordukoa. Nolanahi ere, goizeko eta arratsaldeko saioen artean gutxienez ordu eta erdiko atsedenaldia utzi beharko da.

b) Ekainean eta irailean, goizeko jarduna bakarrik egin ahalko da, eta 4 orduko iraupena izanen du.

c) Goizeko klaseen hasiera eta arratsaldekoen amaiera ordu berean eginen da hiru hezkuntza mailak ematen dituzten ikastetxeetan, hau da, Haur Hezkuntzako 2. Zikloa, Lehen Hezkuntza eta Derrigorrezko Bigarren Hezkuntza ematen dutenetan, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetan ere. Azken hauetan, ikastetxeek modu egokian koordinatuko dituzte klaseetako sarrera-irteerak, eskola garraioaren erabilera ongi egin dadin.

8. Aurreko edozein idatz-zatiren gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2.-Izapidatzea.

1. Eskola Kontseiluek 2001eko maiatzaren 31 baino lehen bidaliko diote proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, horiek aztertu ondoren. Onetsitzat joko dira ikastetxeetako egutegiak, baldin eta 2001eko ekainaren 21aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, bere kabuz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, nahitaez bete beharko dira. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

3.-2001-2002 ikasturterako Derrigorrezko Bigarren Hezkuntzarako proposatu den egutegiari gutxienez dagozkion eskola egun eta eskola orduak, maila hori emanen duten Haur eta Lehen Hezkuntzako Ikastetxe Publikoetarako, bai eta garraioa Lehen Hezkuntzakoekin batera erabiltzen duten Derrigorrezko Bigarren Hezkuntzako institutuetarako ere.

ORDUAK ORDUAK

IRAILA 17 4 68

URRIA 17 6,5 110,5

5 4 20

ORDUAK ORDUAK

AZAROA 14 6,5 91

4 4 16

ABENDUA 9 6,5 58,5

3 4 12

URTARRILA 14 6,5 91

4 4 16

OTSAILA 14 6,5 91

3 4 12

MARTXOA 15 6,5 97,5

4 4 16

APIRILA 14 6,5 91

3 4 12

MAIATZA 18 6,5 117

4 4 16

EKAINA 15 4 60

GUZTIRA 177 995,5

(Herriko jaiegun (Herriko jaiegun

bat kenduta) bat kenduta)

III. ERANSKINA

Derrigorrezko Bigarren Hezkuntzarako 2001-2002 ikasturteko eskola egutegia egiteko arauak, maila hori emanen duten Derrigorrezko Bigarren Hezkuntzako gainerako institutuetarako, bai eta Bigarren Hezkuntzako ikastetxe eta institutuetarako ere

1.-Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2001-2002 ikasturtea 2001eko irailaren 1ean hasi eta 2002ko ekainaren 30ean bukatuko da.

2. a) Klaseak, beranduenez, irailaren 17an, astelehenez, hasiko dira eta ez dira bukatuko ekainaren 14a, ostirala, baino lehen.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 165 egunak errespetaturik.

c) Irailaren 1etik klaseak hasi bitarteko egunetan departamentuetako bilerak, klaustroak, programazio lanak, eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako oroit-idazkia eta beharrezko diren administrazio egintza guztiak eginen dira.

3. a) Egutegiak 165 eskola egun izanen ditu gutxienez. Aipatu egun horietan ezin izanen dira klaseak eten, azterketa aldiak ezartzeko, gainditu gabeko azterketak egiteko edo ebaluazio batzarrak zein klaustroak egiteko. Eskola eguntzat har daiteke ikasturtea, tutoreak, irakasleak, programak, helburuak, ordutegiak eta abar aurkezteko eguna.

b) Egutegia berregokitu egin behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egun eta orduak eta, hala behar denean, langileen lan eskubideak.

4. a) Jaiegun izanen dira Nafarroako Foru Komunitateko lan egutegi arruntean ere halakoak direnak, herriko zaindariaren jaieguna eta hezkuntza maila horretako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute.

c) Ikastetxeek hezkuntza mailari dagokion zaindariaren jaieguna 2001eko urtarrilaren 28a izanen dute.

d) Hezkuntza maila bat baino gehiago ematen duten ikastetxeek egun bakar batean bateratu ahalko dituzte hezkuntza maila ezberdinei dagozkien zaindarien jaiegunak.

5. Ez dira eskola egun izanen 2001eko azaroaren 2a eta abenduaren 7a, ezta 2002ko otsailaren 11, 12 eta 13a.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren bost egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

6. Eguberrietako oporrak 2002ko abenduaren 22an hasiko dira, eta 2002ko urtarrilaren 7a arte, biak barne, luzatuko.

Aste Sainduko oporrak 2002ko martxoaren 28tik, osteguna, apirilaren 7a arte, igandea, biak barne.

7. Eskola jarduna oro har goizeko saioetan eginen da astelehenetik ostiralera, eta bi arratsaldetan ere bai gutxienez. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da. Asteazkenetan goizeko saioa baizik ez da izanen ikastetxe guztietan.

Lanaldi trinkoa ezarri nahi denean, horri dagokion baimena eskatu beharko da, eta eskabidearekin batera aurkeztuko da Eskola Kontseiluaren eta gurasoek Kontseilu horretan dituzten ordezkarien adostasun txostena; bietan ere kideen erabateko gehiengoa beharko da. Txosten horretan azalduko dira eskola jardun hori aldatzea komenigarri egiten duten arrazoiak: garraio eta jantokiaren erabilpenaren arrazoiak, arrazoi pedagogikoak edo bestelakoak.

8. Derrigorrezko Bigarren Hezkuntza, Batxilergoa eta Lanbide Heziketa ematen duten institutuak herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

9. Aurreko edozein idatz-zatiren gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2.-Izapidatzea.

1. Eskola Kontseiluek 2001eko maiatzaren 31 baino lehen bidaliko diote eskola egutegiaren eta ordutegiaren proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, horiek aztertu ondoren. Onetsitzat joko dira ikastetxeetako egutegiak, baldin eta 2001eko ekainaren 21aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, bere kabuz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

IV. ERANSKINA

Nafarroako Foru Komunitateko Batxilergoari, Lanbide Heziketari, eta Arte Plastiko eta Diseinuko ikasketei 2001-2002 ikasturteko eskola egutegia egiteko dagozkien arauak

1.-Egutegia.

Nafarroako Foru Komunitateko eskola egutegiak baldintza hauek beteko ditu:

1. Ikastetxeetan 2001-2002 ikasturtea 2001eko irailaren 1ean hasi eta 2002ko ekainaren 30ean bukatuko da.

2. a) Klaseak, beranduenik, irailaren 17an, astelehenez, hasiko dira eta ez dira bukatuko ekainaren 14a baino lehen, ostirala, salbu eta LOGSEko Batxilergoaren 2. kurtsoko ikasleak, horiek maiatzaren 31n bukatuko baitituzte klaseak, ostiralez.

b) Ikasturtea egun horietan hastea eragozten duten arrazoi objektiboak daudenean, ikastetxe bakoitzeko Eskola Kontseiluak beste proposamen bat eginen du, betiere klaseko 165 egunak errespetaturik.

c) Irailaren 1etik klaseak hasi bitarteko egunetan errekuperazioak, ebaluazioak, departamentuko bilerak, klaustroak, programazio lanak eta ikasturtearen antolaketarekin zerikusia duten bestelako jarduerak eginen dira.

d) Klaseak bukatu eta ekainaren 30a arte, ikasturtearen berrikusketa eta ebaluazio lanak, programazioak, amaierako oroit-idazkia eta beharrezko diren administrazio egintza guztiak eginen dira.

3. a) Klaseko jarduerak egiteko urtean 165 egun izanen dira gutxienez. Aipatu eskola egunetan ezin izanen dira azken errekuperazioak egin. Klaseak eteterik ere ez da izanen azterketa aldiak ezartzeko, gainditu gabeko azterketak egiteko edo ebaluazio batzarrak zein klaustroak egiteko. Eskola eguntzat har daiteke ikasturtea, tutoreak irakasleak, programak, helburuak, ordutegiak eta abar aurkezteko eguna.

b) Egutegia berregokitu behar denean, lehen aldiz egitean erabilitako prozedura berari jarraituko zaio, errespetatuta, betiere, gutxieneko eskola egunak eta, hala behar denean, langileen lan eskubideak.

4. LOGSEko Batxilergoaren 2. kurtsoko azken probak eta dagozkien ebaluazio batzarrak egiteko egunak klase eguntzat joko dira. Kurtso horien azken ebaluazioa egin eta gero, klaseek aurrera jarraituko dute selektibitate proba prestatzeko eta gainditu ez duten ikasleentzat ere irekiak egonen dira.

5. a) Jaiegun izanen dira Nafarroako Foru Komunitateko lan egutegi arruntean ere halakoak direnak, herriko zaindariaren jaieguna eta dagokion mailako zaindariarena.

b) Herriko zaindariaren jaieguna eskola eguna ez den batean izaten denean, ikastetxeek horren ordezko beste egun bat aukeratu ahal izanen dute.

c) Batxilergoa eta Lanbide Heziketa ematen duten ikastetxeek hezkuntza mailari dagokion zaindariaren jaieguna 2002ko urtarrilaren 28a izanen dute.

d) Arte Eskolek beren hezkuntza mailari dagokion zaindariaren jaieguna 2001eko urriaren 24an ospatuko dute.

e) Hezkuntza maila bat baino gehiago ematen duten ikastetxeek egun bakar batean bateratu ahalko dituzte hezkuntza maila ezberdinei dagozkien zaindariaren jaiegunak.

6. Ez dira eskola egun izanen 2001eko azaroaren 2a eta abenduaren 7a, ezta 2002ko otsailaren 11, 12 eta 13a ere.

Hala ere, ikastetxeetako Eskola Kontseiluek aldatu egin ahalko dute egun horien aukera, eta horien ordez eskola egunak ez diren bost egun, gehienez, finkatzerik izanen dute ikasturtean zehar. Ezinbestean, eskola garraio bera erabiltzen duten ikastetxeek eskola egunak ez diren horiek data beretan finkatu beharko dituzte.

7. Eguberrietako oporrak 2001eko abenduaren 22an hasiko dira, eta 2002ko urtarrilaren 7a arte, biak barne, luzatuko.

Aste Sainduko oporrak 2001eko martxoaren 28tik, osteguna, apirilaren 7a arte, igandea, biak barne.

8. Eskola jarduna oro har goizeko saioetan eginen da astelehenetik ostiralera, eta bi arratsaldetan ere bai gutxienez. Nolanahi ere, goizeko eta arratsaldeko saioen artean gutxienez bi orduko atsedenaldia utzi beharko da. Asteazkenetan goizeko saioa baizik ez da izanen ikastetxe guztietan.

Lanaldi trinkoa ezarri nahi denean, horri dagokion baimena eskatu beharko da, eta eskabidearekin batera aurkeztuko da Eskola Kontseiluaren eta gurasoek Kontseilu horretan dituzten ordezkarien adostasun txostena; bietan ere kideen erabateko gehiengoa beharko da. Txosten horretan azalduko dira eskola jardun hori aldatzea komenigarri egiten duten arrazoiak: garraio eta jantokiaren erabilpenaren arrazoiak, arrazoi pedagogikoak edo bestelakoak.

9. Derrigorrezko Bigarren Hezkuntza, Batxilergoa eta Lanbide Heziketa ematen duten institutuak herrigune berean edo eskola garraioaren ibilbide berean baldin badaude, eta tradizionalki gurasoen elkarteen eta Nafarroako Gobernuaren artean partekaturiko garraioaz baliatzen badira, beren artean koordinatuko dituzte sarrera-irteerako ordutegiak.

10. Bi ikasturteko iraupeneko Heziketa Zikloak ematen dituzten ikastetxeek bigarren ikasturteari dagokion eskola egutegia eginen dute. Kontuan izanen dute, horretarako, klaseak IV. Eranskin honetako 2.a) arauan ezarritakoan hasiko direla, eta kontuan hartuko, halaber, ikasle guztientzako, ikastetxeko prestakuntzaren iraupena, astetan, honakoa izanen dela: emaniko eskola ordu guztiak zati asteroko orduak, Heziketa Ziklo bakoitzeko curriculuma ezartzen duen foru dekretuko "Iraupena, Sekuentzia eta Ordu-banaketa" Eranskinean agertzen denaren arabera.

Ikastetxean eginiko moduluen azken ebaluazio arrunta egin eta gero, klaseak jarraitu eginen dute IV. Eranskin honetako 2. arauan ezarri arte; hain zuzen ere, Lantegietako Prestakuntza moduluetara edo Enpresa, Estudio edo Tailerretako Prestakuntza Praktikoko fasera pasa ez diren ikasleekin.

b) Heziketa Zikloak ematen dituzten ikastetxeek batera eginen dituzte ebaluazio saio bereziak eta ziklo edo moduluei buruzko amaierako ebaluazioak, zeina hiruhileko bakoitza amaitzerakoan egiten baita.

c) Lantegietako Prestakuntza moduluko, bai eta Enpresa, Estudio edo Tailerretako Prestakuntza Praktikoko faseko egutegia egiteko, kontuan hartuko da horretarako ezarritako araudia.

11. Aurreko edozein idatz-zatiren gaineko salbuespenak, zeinak, betiere, aparteko arrazoiengatik izanen baitira, Zerbitzuak Ikuskatzeko eta Ikuskapen Teknikorako Zerbitzuari eskatu beharko zaizkio, onets ditzan.

2.-Izapidatzea.

1. Eskola Kontseiluek 2001eko maiatzaren 31 baino lehen bidaliko diote eskola egutegiaren eta ordutegiaren proposamena Zerbitzuak Ikuskatzeko eta Ikuskapen Teknikorako Zerbitzuari, eta, horrekin batera, eredu ofiziala eta onespena eman zion bilkurako aktaren kopia.

2. Zerbitzuak Ikuskatzeko eta Ikuskapen Teknikorako Zerbitzuak egutegi guztiak onetsiko ditu, horiek aztertu ondoren. Onetsitzat joko dira ikastetxeetako egutegiak, baldin eta 2002ko ekainaren 21aren aurretik inolako jakinarazpenik jasotzen ez badute.

Ikastetxeren batek bere egutegiaren proposamena aipatu epean bidaltzen ez badu, bere kabuz esleituko dio egutegia Zerbitzuak Ikuskatzeko eta Ikuskapen Teknikorako Zerbitzuak.

3. Eskola garraio bera erabiltzen duten ikastetxe guztiek egutegi bateratua aurkeztu beharko dute nahitaez.

4. Egutegiak, onetsi ondoren, Nafarroako Foru Komunitateko ikastetxe publiko eta pribatu guztiek nahitaez bete beharko dituzte. Ikastetxeko zuzendariaren erantzukizuna izanen da horiek betearaztea, eta egutegien ezarpenaren gainbegiratzea eta kontrola, aldiz, Zerbitzuak Ikuskatzeko eta Ikuskapen Teknikorako Zerbitzuaren gain egonen da.

5. Ikastetxe bakoitzaren egutegia bertako iragarki oholean ikusgai jarri beharko da, eta aldaezina izanen da, non eta Eskola Kontseiluak eskatu eta Zerbitzuak Ikuskatzeko eta Ikuskapen Teknikorako Zerbitzuak ez duen horretarako baimena ematen idatziz.

Iragarkiaren kodea: A0104218