III. NAFARROAKO TOKI ADMINISTRAZIOA
M E N D I G O R R I A
Sendagilearen etxea eta maisu-maistren etxeak enkantean, Mendigorrian (lurzorua eta eraikinak)
Mendigorriko Udalak sendagilearen etxea eta maisu-maistren etxea enkante bidez esleitzea erabaki du, Nafarroako Gobernuaren Toki Administrazioko Departamentuaren baimena izanik horretarako. Kokalekuak: Las Parras kalea, 24 zenbakia (244. lurzatia, 2. poligonoa) eta Bernardino Ayala kalea, 24 zenbakia (274. lurzatia, 2. poligonoa).
-Enkantearen xedea: Mendigorriko hirilurreko aberastasunaren katastroko 2. poligonoko 244 eta 274. lurzatiak osatzen dituzten etxeak eta lurra.
-Esleipenaren prozedura: plegu itxien bidezkoa.
-Eskaintzak aurkezteko epea: hilabete bat, iragarkia Mendigorriko Udaleko ediktuen oholean, prentsan eta Nafarroako ALDIZKARI OFIZIALean agertzen denetik.
-Eskaintzak aurkezteko tokia: Udalaren bulegoetan, 8:00etatik 14:00etara, astelehenetik ostirala bitarte.
Proposamen eredua
Izena: .................. N.A.N./I.F.K.: .........., helbidea: ..............., kalea: ........., Zk.: ...., Mendigorriko Udaleko sendagilearen eta maisu-maistren etxeak eta lurra (poligonoa: .....; lurzatia: .....) erosteko ........ (letraz eta zenbakiz) .......... pezeta eskaintzen ditut.
Mendigorrian, ...(e)ko ...aren ...(e)an.
(sinadura)
-Lehiaketaren prezioa, gutxienez ere: 11.843.180 pezeta, sendagilearen etxearengatik, eta maisu-maistren etxeengatik, berriz, ondoko kopuruak:
6.286.044 pezeta, 1. etxebizitzarengatik: 1. solairua, eskuina, eta 1. traste-lekua.
6.300.490 pezeta, 2. etxebizitzarengatik: 1. solairua, ezkerra, eta 2. traste-lekua.
5.887.690 pezeta, 3. etxebizitzarengatik: 2. solairua, eskuina, eta 3. traste-lekua.
6.300.490 pezeta, 4. etxebizitzarengatik: 2. solairua, ezkerra, eta 4. traste-lekua.
Maisu-maistren etxeak besterenduko dira baldin eta guztiak batera erosteko eskaintzarik bada edo, banaka bada ere, guztiak esleitzeko behar diren eskaintzak egiten badira.
-Sesteoa: onartuko da, eta halakorik bada beste enkante bat eginen da lau egunen buruan.
-Bigarren eta hirugarren enkanteak: lehenengo enkantea esleitu gabe gelditzen bada, zazpi egunen buruan bigarren bat eginen da, balorazio teknikoa aldaturik. Hura ere esleitu gabe gelditzekotan, hirugarren enkante bat eginen da beste zazpi egunen buruan, balorazio teknikoa berriz aldaturik.
-Behin-behineko fidantza: eskaintza aurkezteko % 2ko behin-behineko fidantza jarri beharko da, hots, 236.864 pezetakoa, sendagilearen etxearengatik, eta maisu-maistren etxeengatik, berriz, ondokoak:
125.721 pezeta: 1. etxebizitza eta traste-lekua.
126.010 pezeta: 2. etxebizitza eta traste-lekua.
117.754 pezeta: 3 etxebizitza eta traste-lekua.
126.010 pezeta: 4. etxebizitza eta traste-lekua.
Plegu itxian sartu beharko da fidantza jarri izanaren egiaztagiria.
-Esleipena: enkantea behin-behinekoz esleituko zaio Mendigorriko Udalarendako eskaintzarik hoberena egiten duenari, eta behin betikoz, berriz, sesteoaren epea bukatutakoan.
-Salerosketako eskritura: enkantea esleitutakoan, salerosketako eskritura sinatuko da eta erregistroan inskribatuko da.
-Ordainketa: eskritura publikoa sinatu aurretik, esleipenaren prezio osoa ordaindu beharko da, eta ordainketa egiterakoan itzuliko da behin-behineko fidantza.
-Ordaintzeko epea: hilabete bat, behin betiko esleipena egiten denetik. Epe horretan ordaintzen ez bada, bigarren posturagilerik hoberenari esleituko zaio enkantea.
Mendigorrian, bi mila eta bateko azaroaren seian. Alkate udalburua, María Asunción Fernández Izu.
Iragarkiaren kodea: A0111795
