I. NAFARROAKO FORU KOMUNITATEA
Herrilanak eta Zerbitzu Publikoak
1969/2001 EBAZPENA, azaroaren 19koa, Barne zuzendari nagusiak emana, Osasunbidea-Nafarroako Osasun Zerbitzuaren egoitzen segurtasun eta zainketa zerbitzuak 2002. urterako kontratatzeko espedientea onesten duena.
Barne zuzendari nagusiak azaroaren 19an emandako Ebazpen honen bidez lizitaziorako dei egin da, Osasunbidea-Nafarroako Osasun Zerbitzuaren egoitzen segurtasun eta zainketa zerbitzuak 2002. urterako kontratatzeko.
Xedea: Osasunbidea-Nafarroako Osasun Zerbitzuaren egoitzen segurtasun eta zainketa zerbitzuak.
-Nafarroako Ospitalea.
-Bideko Ama Birjina Ospitalea.
-"Vianako Printzea" Kanpo Kontsultetako Zentroa.
-Tuterako Reina Sofía Ospitalea.
-Lizarrako García Orcoyen Ospitalea.
-Ubarmin Klinika.
-San Frantzisko Xabierkoa Zentro Psikogeriatrikoa.
-Oliveto kondearen etorbideko Osasun Etxea eta Bulegoak.
-Arrotxapeako Osasun Etxea.
-Alde Zaharreko Osasun Etxea.
Adjudikatzeko prozedura eta modua: lehiaketa publikoaren bidezko prozedura irekia. Espedientearen presako tramitazioa.
Aurrekontua: 139.630.317 pezeta (BEZa barne), 839.195,11 euro.
Proposamenak aurkezteko epea eta tokia: 2001eko abenduaren 10eko 14:30ak arte, Nafarroako Gobernuko Erregistro Orokorrean (Karlos III.a etorbidea, 2, Iruña).
Enpresarien sailkapena: III. taldea, 2. azpitaldea, D kategoria.
Aurkeztu beharreko agiriak: administrazio klausula partikularren pleguan adierazten direnak. Agiriok jatorrizkoak edo kopia kautotuak beharko dute izan.
Eskaintzak jendaurrean irekitzeko tokia eta eguna: jendaurreko ekitaldian, 2001eko abenduaren 20ko 12:00etan, Barne Zuzendaritza Nagusiko bulegoetan (Karlos III.a etorbidea, 2, beheko solairua, Iruña).
Administrazio klausula partikularren plegua eta agindu teknikoena lizitatzaileen eskura daude, Barne Zuzendaritza Nagusian.
Iruñean, bi mila eta bateko azaroaren hemeretzian.-Barne zuzendari nagusia, Alfredo González Echarren.
Iragarkiaren kodea: a0112082
