I. NAFARROAKO FORU KOMUNITATEA
Beste Xedapenak
1465/2000 FORU AGINDUA, abenduaren 20koa, Ingurugiro, Lurraldearen Antolamendu eta Etxebizitza kontseilariak emana, Ezkabarteko Arau Subsidiarioak Eusako 8. poligonoko 46, 65 eta 66. lurzatietan aldatzeko espedientea, Ramón Escudero Ayuso jaunak sustatua, behin betikoz onesten duena.
Ezkabarteko Udalak idazpuruan zehaztutako espedientea aurkeztu du Ingurugiro, Lurraldearen Antolamendu eta Etxebizitza Departamentuan, behin betikoz onets dezaten.
Ikusirik ekarritako dokumentazioa eta Lurraldearen Antolamendu eta Hirigintza Zerbitzuak emandako txostena, bidezko da espediente hori behin betikoz onestea.
Horren ondorioz, Lurraldearen Antolamenduari eta Hirigintzari buruzko uztailaren 4ko 10/1994 Foru Legearen 116. artikuluan xedatutakoari jarraikiz,
AGINDU DUT:
1. Ezkabarteko Arau Subsidiarioak Eusako 8. poligonoko 46, 65 eta 66. lurzatietan aldatzeko espedientea, Ramón Escudero Ayuso jaunak sustatua, behin betikoz onestea.
2. Foru Agindu honen kontra gora jotzeko errekurtsoa jartzen ahal dela adieraztea, Nafarroako Gobernuari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik hilabeteko epean gehienez ere, Administrazio Publikoen Araubide Juridikoari eta Guztiendako Administrazio Prozedurari buruzko azaroaren 26ko 30/1992 Legearen 114 eta 115. artikuluei jarraikiz (urtarrilaren 13ko 4/1999 Legearen bidez aldatua). Aldaketa espedientearen kontra administrazioarekiko auzi-errekurtsoa jartzen ahal da, Nafarroako Auzitegi Nagusiko arlo bereko Sailari zuzendua, jakinarazi edo, bestela, Nafarroako ALDIZKARI OFIZIALean argitaratu eta biharamunetik bi hilabeteko epean gehienez ere, uztailaren 13ko 29/1998 Legearen 10. artikuluan xedatutakoari jarraikiz Administrazioarekiko Auzien jurisdikzioa arautzen duen Legea baita.
3. Ezkabarteko Udalari, Eusako Kontzejuari eta Ramón Escudero Ayuso jaunari Foru Agindu honen berri ematea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, bi milako abenduaren hogeian.-Ingurugiro, Lurraldearen Antolamendu eta Etxebizitza kontseilaria, Jesús Javier Marcotegui Ros.
Iragarkiaren kodea: A0100358
