1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
NAFARROAKO FORU KOMUNITATEKO LEHENDAKARIAREN 2/2024 FORU DEKRETUA, apirilaren 4koa, Amparo López Antelo andrea kargutik kentzea xedatzen duena, berak hala eskatu baitu.
Nafarroako Foru Komunitateko lehendakariaren abuztuaren 17ko 20/2023 Foru Dekretuaren bidez, Amparo López Antelo andrea Nafarroako Gobernuko kontseilari izendatu zen.
Nafarroako Foru Komunitateko Lehendakariaren urriaren 2ko 37/2023 Foru Dekretuaren bidez, Amparo López Antelo andrea Nafarroako Gobernuaren eledun izendatu zen.
Nafarroako Foru Eraentza Berrezarri eta Hobetzeari buruzko abuztuaren 10eko 13/1982 Lege Organikoaren 30.2 artikuluan eta Nafarroako Gobernuari eta Lehendakariari buruzko abenduaren 3ko 14/2004 Foru Legearen 30.8 artikuluan xedatutakoari jarraikiz,
DEKRETATZEN DUT:
Kargutik kentzea, berak hala eskatu baitu, Amparo López Antelo andrea, Barneko, Funtzio Publikoko eta Justiziako kontseilaria eta Nafarroako Gobernuaren eleduna, eta emandako zerbitzuak eskertzea. Azken laneguna 2024ko apirilaren 4a izanen du.
Iruñean, 2024ko apirilaren 4an.–Nafarroako Foru Komunitateko lehendakaria, María Chivite Navascués.
Iragarkiaren kodea: F2405180
