2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CAPARROSO
Akats zuzenketa 2024ko lan-egutegian
Alkatearen azaroaren 14ko 438/2023 Ebazpenaren bidez onetsi zen 2024ko lan-egutegia, Caparrosoko Udalaren zerbitzuko langileentzat. Iragarkia 2023ko 260. Nafarroako Aldizkari Ofizialean argitaratu zen, abenduaren 18an.
Ikusi da jaiegunen artean ez zirela sartu herriko festetako egunak, eta horregatik, akatsa zuzendu beharrez, 13/2024 Ebazpena eman da 2024ko urtarrilaren 11n. Hona hemen haren edukia:
Lehena.–Lan-egutegia onesten duen 438/2023 Ebazpenaren lehenbiziko puntua zuzentzea, eta, hortaz, jarraian ageri diren jaiegunak izanen dituen lan-egutegia onestea 2024rako Caparrosoko Udalaren zerbitzuko langileentzat:
–Urtarrilaren 1a: Urteberri eguna.
–Urtarrilaren 6a: Errege eguna.
–Martxoaren 28a: Ostegun Santua.
–Martxoaren 29a: Ostiral Santua.
–Apirilaren 1a: Pazko astelehena.
–Apirilaren 25a: San Markos, herriko festa eguna.
–Maiatzaren 1a: Langileen eguna.
–Uztailaren 25a: Santiago apostolua.
–Abuztuaren 15a: Andre Mariaren Jasokundea.
–Irailaren 2a, 3a, 4a, 5a eta 6a: Caparrosoko festak.
–Urriaren 12a: Espainiako jai nazionala.
–Azaroaren 1a: Santu Guztien Eguna.
–Abenduaren 3a: San Frantzisko Xabierkoa.
–Abenduaren 6a: Konstituzioaren eguna.
–Abenduaren 25a: Eguberri eguna.
438/2023 Ebazpenaren gainerako puntuak bere horretan geratuko dira.
Caparroson, 2024ko urtarrilaren 11n.–Alkatea, Carlos Alcuaz Monente.
Iragarkiaren kodea: L2400559
