2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
MENDABIA
Laburpena, deialdi batena, zeinak helburu baitu dirulaguntzak ematea testuliburuak erosteko, eskola-jantokirako eta hiri kanpalekurako. 2019-2020 ikasturtea
Argitara ematen da deialdiaren laburpena, bat etorriz azaroaren 17ko 38/2003 Lege Orokorraren 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (http://www.pap.minhafp.gob.es/bdnstrans/GE/eu/index). DDBN (identifikazioa): 457698.
–Xedea: dirulaguntzak ematea, partzialki finantza daitezen gastuak testuliburuak erosteko, eskola-jantokia erabiltzeko eta hiri kanpalekuan parte hartzeko, 2019-2020 ikasturteari dagokionez.
2018ko aurrekontuan laguntzak emateko gehieneko aurrekontua: 3.500 euro, testuliburuak erosteko; 17.000 euro, eskola-jantokirako; 1.000 euro, udako kanpalekurako.
–Zenbatekoa: eskatzailearen errenta aitorpenaren araberakoa izanen da laguntza ekonomikoaren zenbatekoa, eta aurrekontua banatuko da onartutako eskaeren artean.
–Laguntzak eskatzeko epea: hiri kanpalekurako laguntza eskatzeko, 15 egun baliodun; gainerako laguntza lerroetarako, 2019-2020 ikasturtea bukatu arte. Mendabiako Udalaren bulegoetan aurkeztuko dira eskaerak, oinarrietan adierazitako agiri guztiekin batera.
–Oinarri arauemaileak: Dirulaguntzen Base Nazionalean eta Udalaren webgunean.
–Aurkeztu beharreko dokumentazioa: deialdiko oinarrietan zehazten dena. Horiek, behar diren gainerako agiriekin batera, interesdunen eskura egonen dira Mendabiako Udalaren bulegoetan.
Halaber, eskaera telematika bidez aurkezten ahalko da, Mendabiako Udalaren Erregistro Elektroniko Orokorrean. Erregistro hori dago Mendabiako Udalaren egoitza elektronikoan (www.mendavia.es).
Mendabian, 2019ko maiatzaren 24an.–Alkate udalburua, María Josefa Verano Elvira.
Iragarkiaren kodea: L1907270
