Iragarkia

100. ALDIZKARIA - 2019ko maiatzaren 24a

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Oposizioak eta lehiaketak. Lan publikoaren eskaintza

107/2019 EBAZPENA, apirilaren 11koa, Barneko zuzendari nagusiak emana, zeinaren bidez onesten baita onartu eta baztertu diren izangaien behin-behineko zerrenda Barañaingo eta Burlatako polizia kidegoetan, kategoriaz igotzeko lehiaketa bidez, kaboen 4 lanpostu betetzeko deialdian (Barneko zuzendari nagusiaren uztailaren 17ko 154/2014 Ebazpenaren bidez onetsi zen deialdi hori), eta zeinaren bidez akats bat zuzentzen baita eta kalifikazio epaimahaiaren osaera aldatzen.

Barneko zuzendari nagusiaren uztailaren 17ko 154/2014 Ebazpenaren bidez onetsi zen Barañaingo eta Burlatako polizia kidegoetan kabo izateko 4 lanpostu kategoriaz igotzeko lehiaketa bidez betetzeko deialdia (2014ko 151. Nafarroako Aldizkari Ofiziala, abuztuaren 4koa).

Gora jotzeko errekurtsoak jarri dira aipatu deialdiaren kontra, eta horietako bat partez baietsi da Lehendakaritza, Justizia eta Barneko kontseilariaren maiatzaren 8ko 109E/2015 Foru Aginduaren bidez, zentzu honetan: euskararen balorazioa kentzea Barañaingo Udaleko lanpostuak betetzeko.

Barneko zuzendari nagusiaren ekainaren 22ko 164/2018 Ebazpenaren bidez, betetzen da maiatzaren 8ko 109E/2015 Foru Aginduan xedatutakoa, deialdiaren II. eranskineko c) atala aldatuz, eta eskabideak aurkezteko epe berri bat irekitzen da Barañaingo Udalean deitutako lanpostuetarako, berariaz ezarriz parte hartu ahal izateko betebeharrak 2014ko irailaren 3aren baino lehen bete behar zirela eta ezin dela egun horretatik aurrera lortutako meriturik baloratu.

Deialdiaren 5. oinarrian ezarritakoarekin bat etorriz, bidezkoa da onartuen eta baztertuen behin-behineko zerrenda onestea, aurreko paragrafoan ezarritako irizpideekin, Nafarroako Aldizkari Ofizialean argitaratzea eta bost egun naturaleko epea ematea erreklamazioak egiteko, eta hala badagokio, egindako akatsak zuzentzeko.

Era berean, akats bat atzeman da 3.1.b.1) oinarrian. Horrenbestez, honela dioen tokian: “Burlatako Udaleko 11.7 lanpostuaren kasuan”, honela behar du: “Burlatako Udaleko 11.2 lanpostuaren kasuan”. Administrazio Publikoen Administrazio Prozedura Erkideari buruzko urriaren 1eko 39/2015 Legearen 109.2 artikuluan aurreikusitakoari jarraikiz, administrazio publikoek, ofizioz edo interesdunek eskatuta, edozein unetan zuzentzen ahal dituzte beren egintzetako akats materialak, egitatezkoak edo aritmetikoak.

Azkenik, kalifikazio epaimahaiaren osaera aldatzen da, Nafarroako Foru Komunitateko Administrazioaren eta udal interesdunen egungo egitura organikora egokitzeko.

Hori horrela, eta Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuaren bidez esleituak ditudan eskudantziak erabiliz,

EBAZTEN DUT:

1. Behin-behineko zerrenda onestea, eranskin gisa atxiki dena, Barañaingo eta Burlatako polizia kidegoetan, kategoriaz igotzeko lehiaketa bidez, kaboen 4 lanpostu betetzeko deialdian. Deialdia Barneko zuzendari nagusiaren uztailaren 17ko 154/2014 Ebazpenaren bidez onetsi zen.

2. Interesdunei bost egun balioduneko epea ematea, ebazpen hau argitaratu eta biharamunetik hasita, erreklamazioak aurkezteko eta, akatsik egin badute, zuzentzeko.

3. 3.1.b.1) oinarrian atzemandako akatsa zuzentzea. Horrenbestez, honela dioen tokian: “Burlatako Udaleko 11.7 lanpostuaren kasuan”, honela behar du: “Burlatako Udaleko 11.2 lanpostuaren kasuan”.

4. Deialdiaren 6.1 oinarrian ezarritako kalifikazio epaimahaiaren osaera aldatzea. Honako kide hauek izanen ditu:

–Epaimahaiburua: Pablo Aristu Zunzarren, Tafallako Foruzain Etxeko burua.

Ordezkoa: José Javier García Magdaleno, Tafallako Foruzain Etxeko Herritarren Babeserako eta Arretarako Taldeko burua.

–Epaimahaikidea: Eduardo Beperet Redín, Burlatako Udaltzaingoko burua.

Ordezkoa: Daniel Víctor Cano Ortega, Barañaingo Udaltzaingoko burua.

–Epaimahaikidea: Alfredo Izuriaga Iturria, Nafarroako Foruzaingoko agente lehena.

Ordezkoa: María Felisa Vidaurreta Fernández, Nafarroako Foruzaingoko agente lehena.

–Epaimahaikidea: Miguel Zuasti Ansó, Barañaingo Udaltzaingoko agente lehena, aipatu udaleko Langileen Batzordea ordezkatuz.

Ordezkoa: Joaquín Segura Allue, Burlatako Udaltzaingoko agente lehena, aipatu udaleko Langileen Batzordea ordezkatuz.

–Epaimahaikide-idazkaria: Juan Antonio Sola Ibarra, Barne Zuzendaritza Nagusiko Giza Baliabideen Ataleko burua.

Ordezkoa: Olga Virginia López Vera, Barne Zuzendaritza Nagusiko Administrazio Publikoko teknikaria (arlo juridikoa).

4. Ebazpena Nafarroako Aldizkari Ofizialean eta Nafarroako Gobernuaren webguneko deialdiaren fitxan argitara dadila agintzea, eta kalifikazio epaimahaikideei jakinaraztea, behar diren ondorioak izan ditzan.

Iruñean, 2019ko apirilaren 11n.–Barneko zuzendari nagusiaren ordezko gisa (214/2015 Foru Agindua, irailaren 28koa), Barneko Araubide Juridikoaren Zerbitzuko zuzendaria, Nekane Agreda Arróniz.

ERANSKINA

Barañainen eta Burlatan onartu eta baztertu diren izangaien behin-behineko zerrendak

BARAÑAINGO UDALA

Barañainen onartutakoen zerrenda, “barne igoerako txandan”

Barañainen baztertutakoen zerrenda, “barne igoerako txandan”

–Eskabidea epez kanpo aurkeztu du:

–4.2.b) oinarrian eskatutako dokumentazioa falta da:

Barañainen onartutakoen zerrenda, “igoera txanda irekian”

Barañainen baztertutakoen zerrenda, “igoera txanda irekian”

–Eskabidea epez kanpo aurkeztu du:

–4.2.a) oinarrian eskatutako dokumentazioa falta da:

–4.2.b) oinarrian eskatutako dokumentazioa falta da:

–Administrazio egoeraren egiaztagiria falta da:

BURLATAKO UDALA

Burlatan onartutakoen zerrenda, “barne igoerako txandan”

Burlatan baztertutakoen zerrenda, “barne igoerako txandan”

–Eskabidea epez kanpo aurkeztu du:

Burlatan onartutakoen zerrenda, “igoera txanda irekian”

Burlatan baztertutakoen zerrenda, “igoera txanda irekian”

–4.2.a) oinarrian eskatutako dokumentazioa falta da:

–Administrazio egoeraren egiaztagiria falta da:

–Eskabidea epez kanpo aurkeztu du:

Iragarkiaren kodea: F1906751