1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
18C/2017 EBAZPENA, otsailaren 10ekoa, Politika Ekonomiko eta Enpresarialaren eta Lanaren zuzendari nagusiak emana. Honen bidez erabakitzen da Ibilgailu Motordunak Konpontzeko Nafarroako Tailerren sektoreko hitzarmen kolektiboaren batzorde paritarioaren akordioa erregistratu, gorde eta Nafarroako Aldizkari Ofizialean argitaratzea.
Ikusirik Ibilgailu Motordunak Konpontzeko Nafarroako Tailerren sektoreko hitzarmen kolektiboaren batzorde paritarioaren akordioaren testua (kodea: 31007255011995), Erregistroan 2017ko urtarrilaren 24an sartu zena, 2017ko urtarrilaren 20an enpresaren eta sindikatuen ordezkariek sinatu zutena; Langileen Estatutuari buruzko legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluko 2. eta 3. idatz-zatietan eta lan hitzarmen eta akordio kolektiboak erregistratu eta gordetzeari buruzko maiatzaren 28ko 713/2010 Errege Dekretuan xedatutakoarekin bat,
EBATZI DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2017ko otsailaren 10ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
IBILGAILUAK KONPONTZEKO NAFARROAKO TAILERREN HITZARMEN KOLEKTIBOAREN INTERPRETAZIO BATZORDEAREN AKTA
Iruñean, bi mila eta hamazazpiko urtarrilaren hogeian bildurik, alde batetik ELA, CCOO eta UGT sindikatuak, Carlos Sarasa, José Manuel Romeo eta Baltasar García, hurrenez hurren, ordezkari dituztela, eta bestetik, ANTRV, Jesús Torreak eta Luis Ursuak (batzordeko idazkari arituko denak) ordezkatua,
ADIERAZTEN DUTE:
1. 28.6 artikuluan ezarritako lizentzia ordainduen irismenari buruz egin diren kontsultak kontuan hartuta, aiton-amonen heriotzaren kasuan, batzorde honek erabaki hau hartu du gaia argitzeko:
A.–Aiton-amonak hiltzen direnean, 2 egun naturaleko baimena emanen da, bai odoleko aiton-amonen kasuan baita ezkontidearen aiton-amonen kasuan ere.
2. Halaber, bikoiztasun bat atzeman da xedapen gehigarri bakarraren testuan (“Soldata araubidea ez aplikatzea”), eta horregatik batzorde honek erabaki hau hartu du gaia argitzeko:
A.–Lerroalde hau mantentzen da:
Enpresek, erabakia hartu baino lehen, idatziz jakinaraziko dizkiete langileen ordezkariei edo, halakorik ezean, langile guztiei, bai eta, aldi berean, hitzarmenaren interpretaziorako batzorde mistoari ere, erabakiaren bidezko arrazoiak, alegatutako arrazoiak egiaztatzen dituzten agiriak atxikiz idazkiari. Jakinarazpen hori egiteko hogeita hamar eguneko epea izanen da, hitzarmen hau edo soldaten berrikuspenak Nafarroako Aldizkari Ofizialean argitaratzen direnetik kontatzen hasita.
Eta bikoiztutako zati hau kentzen da:
Enpresek idatziz jakinaraziko dizkiote langileen ordezkariei edo, halakorik ezean, langile guztiei, hartutako erabakiaren bidezko arrazoiak, alegatutako arrazoiak egiaztatzen dituzten agiriak atxikiz idazkiari.
3. Erabaki da, baita ere, akta hau Industria, Merkataritza, Turismo eta Lan Departamentura bidaltzea, bertan konpultsatu ondotik, behar diren neurriak har ditzan Nafarroako Aldizkari Ofizialean argitaratzeko eta erregistro egokietan artxibatzeko, eta lan hitzarmenean erabaki honek ondorioak izateko.
Akordio honek, Nafarroako Lan Auzitegiaren aktan biltzen denari jarraikiz, berari kontra egiten dioten lerroalde guztiak ordezkatuko ditu.
Interpretazio Batzordearen akta hau aho batez onetsi eta sinatu da.
ELAren izenean: Sin.: Carlos Sarasa jauna.
CCOOren izenean: Sin.: José Manuel Romeo jauna.
UGTren izenean: Sin.: Baltasar García jauna.
ANTRVren izenean Sin.: Jesús Torrea jauna
Batzordeko idazkaria. Sin.: Luis Ursúa jauna.
Iragarkiaren kodea: F1702485
