1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
76C/2017 EBAZPENA, ekainaren 15ekoa, Politika Ekonomiko eta Enpresarialaren eta Lanaren zuzendari nagusiak emana, Logiters Logística SA –Autogintza– enpresak Nafarroan dituen zentroetarako hitzarmen kolektiboko 2016ko soldaten taulen akatsen zuzenketari eta 2017ko soldaten berrikuspenari buruzko akordioa erregistratu, gorde eta Nafarroako Aldizkari Ofizialean argitaratzea erabakitzen duena.
Logiters Logística SA –Autogintza– enpresaren Nafarroako lantokietarako hitzarmen kolektiboaren 2016ko soldaten taulen akatsen zuzenketei buruzko eta 2017ko soldaten berrikuspenari buruzko akordioaren testua (kode-zenbakia: 31101161012017) aztertu da, erregistro honetan sartu zena 2017ko maiatzaren 31an, enpresaren eta bertako sindikatuetako ordezkariek (LAB, CGT eta ELA) sinatua, honako hauetan ezarritakoaren arabera: Langileen Estatutuari buruzko Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. idatz-zatiak eta Hitzarmen Kolektiboen Erregistro eta Gordailuei buruzko maiatzaren 28ko 713/2010 Errege Dekretua. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, herritar guztiek horren berri izan dezaten.
Iruñean, 2017ko ekainaren 15ean.–Politika Ekonomiko eta Enpresarialaren eta Lanaren zuzendari nagusia, Izaskun Goñi Razquin.
2016ko soldaten taulen akatsak zuzentzeko eta 2017. urteko soldatak berrikusteko akordioa, Logiters Logística SA –Autogintza– enpresak Nafarroan dituen zentroetarako hitzarmen kolektiboari dagokiona (PDFa).
Iragarkiaren kodea: F1708736
