1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
1188/2016 EBAZPENA, maiatzaren 24koa, Funtzio Publikoko zuzendari nagusiak emana, Carlos María Yárnoz Arrarás jaunak jarritako administrazioarekiko auzi-errekurtsoari dagokion espedientea (132/2016 prozedura laburtua) Iruñeko Administrazioarekiko Auzien 1. Epaitegira igortzen duena. Errekurtsoa Funtzio Publikoko zuzendari nagusiaren abuztuaren 14ko 1953/2015 Ebazpenaren aurka jarri zen.
Carlos María Yárnoz Arrarás jaunak administrazioarekiko auzi-errekurtsoa jarri du Iruñeko Administrazioarekiko Auzien 1. Epaitegian Funtzio Publikoko zuzendari nagusiaren abuztuaren 14ko 1953/2015 Ebazpenaren aurka; horren bidez, Cristina Turrillas Fonseca andreak jarritako administrazioarekiko auzi-errekurtsoari dagokion espedientea (233/2015 prozedura arrunta) Nafarroako Justizia Auzitegi Nagusiko Administrazioarekiko Auzien Salara igortzen da. Errekurtsoa Lehendakaritza, Justizia eta Barneko kontseilariaren apirilaren 29ko 106E/2015 Foru Aginduaren aurka jarri zen.
Horrenbestez, otsailaren 21eko 30/2005 Foru Dekretuaren eta uztailaren 25eko 69/2012 Foru Dekretuaren bidez esleiturik ditudan eskudantziak erabiliz.
EBATZI DUT:
1. Iruñeko Administrazioarekiko Auzien 1. Epaitegira igortzea Funtzio Publikoko zuzendari nagusiaren abuztuaren 14ko 1953/2015 Ebazpenaren aurka Carlos María Yárnoz Arrarás jaunak jarritako prozedura laburtuari (132/2016 zenbakikoa) dagokion administrazio espedientea; ebazpen horren bidez, Cristina Turrillas Fonseca andreak jarritako administrazioarekiko auzi-errekurtsoari dagokion espedientea (233/2015 prozedura arrunta) Nafarroako Justizia Auzitegi Nagusiko Administrazioarekiko Auzien Salara igortzen da. Errekurtsoa Lehendakaritza, Justizia eta Barneko kontseilariaren apirilaren 29ko 106E/2015 Foru Aginduaren aurka jarri zen.
2. Ebazpen hau interesdunei jakinaraztea, Nafarroako Aldizkari Ofizialean argitaratuz, eta haiek epatzea autoetan demandatu gisa agertu ahal izateko, ebazpena argitaratu ondoko bederatzi eguneko epean, Iruñeko Administrazioarekiko Auzien 1. Epaitegian.
3. Ebazpen hau Iruñeko Administrazioarekiko Auzien 1. Epaitegiari eta Lehendakaritzako, Funtzio Publikoko, Justiziako eta Barneko Departamentuko Aholkularitza Juridikoari igortzea, eta Carlos Yárnoz Arrarás jaunari jakinaraztea, behar diren ondorioak izan ditzan.
Iruñean, 2016ko maiatzaren 24an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F1606599
